2. Вазирлар Маҳкамасининг 1992 йил 23 сентябрдаги 443-сон ва 1993 йил 20 январдаги 44-сон қарорларида назарда тутилганларга қўшимча равишда маҳаллий саноат, маиший хизмат кўрсатиш, савдо ва умумий овқатланиш, матлубот кооперацияси корхоналарини мулкчиликнинг бошқа шаклларига айлантириш бўйича 1993 йил учун белгиланган ташкилий чора-тадбирлар 1—5-иловаларга* мувофиқ тасдиқлансин.

3. «Ўзбексавдо» уюшмаси, Ўзбекбирлашув ҳамда «Ўзкооптайёрловсавдо» бирлашмаси Ўзбекистон Республикаси Давлат мулки қўмитаси ва «Ўздавжамғарма» билан биргаликда йирик улгуржи базаларни ҳамда савдо корхоналарини 1993 йилда мулкчиликнинг акционерлик, ижара ва аралаш шаклларига айлантириш бўйича аниқ чора-тадбирларни 6-иловага* мувофиқ амалга оширсинлар.

4. Маҳаллий саноат, маиший хизмат кўрсатиш, савдо ва умумий овқатланиш, матлубот кооперацияси, «Ўзкооптайёрловсавдо» бирлашмаси ҳамда «Ўзмевасабзавотузумсаноат» концерни объектларини сотиб олувчи нодавлат юридик ва жисмоний шахсларга, давлат тасарруфидан чиқариш ва хусусийлаштиришнинг шаклларидан қатъи назар, 7-иловага мувофиқ қўшимча имтиёзлар берилсин.

Давлат ҳокимияти ва бошқаруви органлари томонидан нодавлат юридик ва жисмоний шахсларга давлат мулкини сотишнинг Ўзбекистон Республикаси Давлат мулки қўмитасининг иштирокисиз амалга ошириладиган барча актлари «Давлат тасарруфидан чиқариш ва хусусийлаштириш тўғрисида»ги Қонун кучга киритилган пайтдан бошлаб ҳақиқий эмас деб ҳисобланади ва улар бекор қилинади;

6. Давлат мулки қўмитасининг марказий аппарати ва ҳудудий бошқармалари 8 ва 9-иловаларга* мувофиқ қўшимча 66 нафар ходимлар билан мустаҳкамлансин. Ҳудудий бошқармаларнинг намунавий тузилмасига 10-иловага* мувофиқ қисман ўзгартиришлар киритилсин.

«Давлат тасарруфидан чиқариш ва хусусийлаштириш тўғрисида» Ўзбекистон Республикаси Қонуни қабул қилинишидан олдин мулкчилик шаклини ўзгартирган корхоналар, муассасалар ва ташкилотларни жорий йилнинг 15 сентябригача Давлат мулки қўмитаси органларида қайта расмийлаштиришни таъминласинлар. Кўрсатиб ўтилган санадан кейин ушбу объектларни мулкчиликнинг бошқа шаклларига айлантириш тўғрисида ҳокимликлар томонидан қабул қилинган қарорлар ҳақиқий эмас деб ҳисобланади.

Ўзбекистон Республикаси Вазирлар Маҳкамасининг 1993 йил 6 январдаги 3-сон қарорига 1-иловадаги 2—4-бандларда назарда тутилган имтиёзлар жисмоний ва нодавлат юридик шахсларга жорий этилсин;

объектларни сотиш қийматлари белгиланаётганда Ўзбекистон Республикаси Вазирлар Маҳкамасининг 1993 йил 1 июндаги 261-сон қарорининг амал қилиши 1993 йилда хусусийлаштирилаётган корхоналарга жорий қилинмасин;

Вазирлар Маҳкамасининг 1993 йил 6 январдаги 3-сон қарорига 1-илованинг 3-бандидаги учинчи хатбошининг сотиб олинаётган мулкнинг дастлабки қийматини ўз айланма маблағларини тўлдириш учун Молия вазирлиги томонидан берилган имтиёзли кредитлар суммаси миқдорига камайтириш бўйича қисмининг амал қилиши жорий этилсин.

«Корхоналар, бирлашмалар ва ташкилотлардан олинадиган солиқлар тўғрисида» Ўзбекистон Республикаси Қонуни 10-моддасининг биринчи хатбошида назарда тутилган даромаддан солиқ тўлаш бўйича имтиёзлар янгидан ташкил этилган корхоналарга жорий этилади.

7. Вазирлар Маҳкамасининг 1993 йил 6 январдаги 3-сон қарорининг 4-бандига қисман ўзгартириш киритган ҳолда янги иш жойларини ташкил этиш, тармоқларнинг моддий-техника негизини мустаҳкамлашга сарфлаш учун «Ўзмаишийхизмат» уюшмасига давлат мулкини сотиб олишдан, сотишдан бюджетга ўтказилиши керак бўлган умумий сумманинг 30 фоизгачасини, «Ўзбексавдо» давлат уюшмаси ҳамда «Маҳаллий саноат» давлат корпорациясига эса 25 фоизгачасини тўғридан-тўғри ажратиш ҳисобидан махсус фондлар ташкил этишга рухсат этилсин.