Ўзбекистон Республикаси Ҳукумати ва Хитой Халқ Республикаси Ҳукумати, кейинги ўринларда «Томонлар» деб аталувчилар,

2011 йил 26 октябрдаги Ўзбекистон Республикаси Ҳукумати билан Хитой Халқ Республикаси Ҳукумати ўртасида Ҳамкорлик бўйича ўзбек-хитой ҳукуматлараро қўмитасини ташкил этиш тўғрисидаги Битимнинг 4-моддаси 2-банди ва 7-моддасига асосланиб (кейинги ўринларда — «Битим»),

камбағалликни қисқартириш соҳасида ҳамкорликни ривожлантириш ва фаоллаштиришдаги икки томонлама манфаатдорликни тасдиқлаб,

қуйидагилар тўғрисида келишиб олдилар:

Битимга қуйидаги ўзгартириш ва қўшимчалар киритилсин:

1) муқаддиманинг учинчи хатбошиси ва 2-модданинг тўртинчи хатбошисидаги «транспорт» сўзидан сўнг «қишлоқ хўжалиги, камбағалликни қисқартириш» сўзлари билан тўлдирилсин;

2) 4-модданинг 1-банди қуйидаги таҳрирда баён этилсин:

«1. Томонлар Қўмита доирасида қуйидаги кичик қўмиталарни ташкил этади:

а) Савдо-иқтисодий ҳамкорлик бўйича кичик қўмита

Ўзбек томони ваколатли органи: Инвестициялар, саноат ва савдо вазирлиги;

Хитой томони ваколатли органи: Тижорат вазирлиги;

б) Энергетика соҳасидаги ҳамкорлик бўйича кичик қўмита

Ўзбек томони ваколатли органи: Энергетика вазирлиги;

Хитой томони ваколатли органи: Энергетика ишлари бўйича давлат бошқармаси;

в) Транспорт соҳасидаги ҳамкорлик бўйича кичик қўмита

Ўзбек томони ваколатли органи: Транспорт вазирлиги;

Хитой томони ваколатли органи: Транспорт ва коммуникациялар вазирлиги;

г) Илмий-техникавий ҳамкорлик бўйича кичик қўмита

Ўзбек томони ваколатли органи: Олий таълим, фан ва инновациялар вазирлиги;

Хитой томони ваколатли органи: Фан ва техника вазирлиги;

д) Маданий-гуманитар ҳамкорлик бўйича кичик қўмита

Ўзбек томони ваколатли органи: Маданият ва туризм вазирлиги;

Хитой томони ваколатли органи: Маданият ва туризм вазирлиги;

е) Хавфсизлик соҳасидаги ҳамкорлик бўйича кичик қўмита

Ўзбек томони ваколатли органи: Ташқи ишлар вазирлиги;

Хитой томони ваколатли органи: Ташқи ишлар вазирлиги;

ж) Қишлоқ хўжалиги соҳасидаги ҳамкорлик бўйича кичик қўмита

Ўзбек томони ваколатли органи: Қишлоқ хўжалиги вазирлиги;

Хитой томони ваколатли органи: Қишлоқ хўжалиги ва қишлоқ ишлари вазирлиги;

з) Камбағалликни қисқартириш соҳасидаги ҳамкорлик бўйича кичик қўмита

Ўзбек томони ваколатли органи: Камбағалликни қисқартириш ва бандлик вазирлиги;

Хитой томони ваколатли органи: Қишлоқ хўжалиги ва қишлоқ ишлари вазирлиги.».

Мазкур Баённома кучга кирган санадан бошлаб 2013 йил 31 январдаги Ўзбекистон Республикаси Ҳукумати билан Хитой Халқ Республикаси Ҳукумати ўртасида Ҳамкорлик бўйича ўзбек-хитой ҳукуматлараро қўмитасини ташкил этиш тўғрисидаги 2011 йил 26 октябрдаги Битимга қўшимча киритиш тўғрисидаги Протокол ўз кучини йўқотган деб топилсин.

Мазкур Баённома қоидаларини талқин қилиш ёки қўллаш бўйича низолар келиб чиққан ҳолларда, Томонлар уларни дўстона маслаҳатлашувлар орқали ҳал этадилар.

Мазкур Баённома Битимнинг 10-моддасида назарда тутилган тартибда кучга киради ва Битимнинг ажралмас қисми ҳисобланади.

Мазкур Баённома Битимнинг амал қилиш муддати давомида амал қилади ҳамда Битимнинг амал қилиш муддати тугалланиши билан ўз кучини йўқотади.

Сиан шаҳрида 2023 йил 18 майда, икки асл нусхада, ҳар бири ўзбек, хитой ва рус тилларида тузилди, бунда барча матнлар бир хил кучга эга.