Республика комиссиялари сонини тартибга солиш ва таркибини мустаҳкамлаш, комиссия раҳбарларининг фаолияти самарадорлиги учун шахсий масъулиятини ошириш мақсадида Вазирлар Маҳкамаси қарор қилади:

1. Ўзбекистон Республикаси Ҳукумати қарорлари билан тузилган, раҳбарлиги Ўзбекистон Республикаси Бош вазири ва Ўзбекистон Республикаси Бош вазири ўринбосарлари зиммасига юклатилган республика комиссиялари ва кенгашларининг рўйхати 1 ва 2-иловаларга* мувофиқ тасдиқлансин.

2. Республика комиссиялари ва кенгашларининг раислари бир ой муддатда Вазирлар Маҳкамасига қуйидагиларни аниқлаш бўйича таклифлар киритсин:

комиссиялар ва кенгашларнинг шахсий таркиби, мазкур комиссиялар ва кенгашлар тўғрисидаги амалдаги низомларга қўшимчалар киритиш ва уларни ўзгартириш;

уларга бириктирилган комиссиялар ва кенгашларнинг номлари

3. Иловаларда кўрсатилган комиссиялар ва кенгашларнинг таркибидан чиққан аъзолар ўрнига, шунингдек, кейинчалик амалдаги комиссиялар ва кенгашлар аъзолари бошқа ишга ўтган тақдирда, комиссиялар ва кенгашлар таркибига тегишли лавозимларга янги тайинланган шахслар киритилиши белгилансин.

4. Вазирлар Маҳкамасининг комплекслари Ўзбекистон Республикаси Адлия вазирлиги ва бошқа манфаатдор вазирликлар ҳамда идоралар билан биргаликда бир ҳафта муддатда амалдаги қонунчиликка мазкур қарордан келиб чиқадиган ўзгартириш ва қўшимчалар киритиш тўғрисидаги таклифларни Вазирлар Маҳкамасига киритсин.

5. Мазкур қарорнинг ижросини назорат қилиш Ўзбекистон Республикаси Бош вазири У.Т. Султанов зиммасига юклатилсин.