Ўзбекистон Республикаси Вазирлар Маҳкамасининг 2004 йил 4 февралдаги 67-ф-сонли фармойиши ва Ўзбекистон Республикаси Ҳукумати ва Тожикистон Республикаси Ҳукуматлари ўртасида 2004 йилда юкларни ташиш, газ, ёнилғи-мойлаш маҳсулотлари етказиб бериш ва Тожикистон Республикаси давлат қарзи тўғрисида 2003 йил 29 декабрда имзоланган келишувга мувофиқ қарор қиламиз:

1. «Юк ташиш, газ, ёнилғи-мойлаш маҳсулотлари, минерал ўғитлар етказиб бериш бўйича 2004 йилда Ўзбекистон Республикаси ҳудудида ўзаро ҳисоб-китобларни амалга ошириш ва Тожикистон Республикасининг давлат қарзлари бўйича хизмат кўрсатиш тартиби тўғрисида низом» иловага* мувофиқ тасдиқлансин.

2. Ушбу қарор Ўзбекистон Республикаси Адлия вазирлигида давлат рўйхатига олинган кундан ўн кун ўтгач амалга киритилсин.

3. Мазкур қарор кучга кирган кундан бошлаб Молия вазирлиги ва Марказий банкнинг 2003 йил 22 майдаги 70-сонли ва 229-В-сонли қарорлари билан тасдиқланган «Юк ташиш, газ, ёнилғи-мойлаш маҳсулотлари, минерал ўғитлар етказиб бериш бўйича 2003 йилда Ўзбекистон Республикаси ҳудудида ўзаро ҳисоб-китобларни амалга ошириш ва Тожикистон Республикасининг давлат қарзлари бўйича хизмат кўрсатиш тартиби тўғрисида низом» ўз кучини йўқотади (2003 йил 10 июнь, рўйхат рақами 1248-сон — Меъёрий ҳужжатлар ахборотномаси, 2003 йил 11-сон).