Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони ижросини таъминлаш мақсадида «Маҳаллий давлат ҳокимияти тўғрисида»ги Ўзбекистон Республикаси Қонунининг 6, 24 ва 25-моддаларига асосан, қарор қилади:

1. Ўзбекистон Республикаси Президентининг 2020 йил 27 ентябрдаги ПФ-6075-сон Фармонида 2021 -йил 1 июнга қадар маҳаллий давлат ҳокимияти органларининг эскирган ва ўз аҳамиятини йўқотган норматив-ҳуқуқий ҳужжатларини бекор қилиш чораларини кўриш белгиланганлиги инобатга олинсин.

2. Жарқўрғон туман ҳокими томонидан қабул қилинган эскирган ва ўз аҳамиятини йўқотган норматив тусдаги қарорлар иловага мувофиқ ўз кучини йўқотган деб ҳисоблансин.

3. Ушбу қарор «Жарқўрғон» газетасида расман эълон қилинсин ва ҳокимликнинг расмий веб-сайтига жойлаштирилсин.

4. Мазкур қарор расман эълон қилингандан кейин кучга кириши белгилансин.

5. Ушбу қарорнинг бажарилишини назорат қилиш туман ҳокимининг биринчи ўринбосари А. Раҳматов зиммасига юклатилсин.

1. Жарқўрғон туман ҳокимининг «2019 йилда Жарқўрғон туманида ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш тўғрисида»ги 2018 йил 28 сентябрдаги Қ-1937-сон қарори.

2. Жарқўрғон туман ҳокимининг «Вилоят ҳокимининг 2018 йил 29 декабрдаги «Сурхондарё вилоят 2019-йилги маҳаллий бюджети параметрлари тўғрисида»ги Қ-96-сонли қарори» ҳақидаги 2019 йил 20 мартдаги Қ-1032-сон қарори.

3. Жарқўрғон туман ҳокимининг «2020 йилда Жарқўрғон туманида ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш тўғрисида»ги 2019 йил 24 сентябрдаги Қ-4879-сон қарори.

4. Жарқўрғон туман ҳокимининг «2021 йилда Жарқўрғон туманида ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш тўғрисида»ги 2020 йил 10 сентябрдаги Қ-1298-сон қарори.

5. Жарқўрғон туман ҳокимининг «Туман ҳудудидаги барча юридик ва жисмоний шахсларга тегишли бўлган автомототранспорт воситалари ва уларнинг тиркамаларини мажбурий техник кўрикдан ўтказиш тўғрисида»ги 2021 йил 8 февралдаги Q-103-сон қарори.