Ўзбекистон Республикаси Президентининг 2021 йил 23 мартдаги ПФ-6191-сон «Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида»ги, 2021 йил 24 июлдаги ПФ-6269-сон «Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида»ги фармонлари ва Ўзбекистон Республикаси Вазирлар Маҳкамасининг 2021 йил 27 августдаги 545-сон «Илмий ва инновацион фаолиятни бошқариш тизимини ташкил этиш чора-тадбирлари тўғрисида»ги қарорига мувофиқ Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсати қарор қилади:

1. Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2017 йил 31 майдаги 239/3-сон қарори (рўйхат рақами 2893, 2017 йил 23 июнь) (Ўзбекистон Республикаси қонун ҳужжатлари тўплами, 2017 й., 25-сон, 568-модда) билан тасдиқланган Илмий даражалар берувчи илмий кенгаш тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

1. 1-банднинг иккинчи ва саккизинчи хатбошиларидаги, 3-банднинг биринчи хатбошисидаги, 11-банддаги ва 35-банднинг биринчи хатбошисидаги «илмий ташкилот ёки таълим муассасаси» деган сўзлар «илмий ёки таълим ташкилоти» деган сўзлар билан алмаштирилсин.

2. 4-бандда:

биринчи ва иккинчи хатбошиларидаги «илмий ташкилот ва таълим муассасалари» деган сўзлар «илмий ва таълим ташкилотлари» деган сўзлар билан алмаштирилсин;

тўртинчи хатбошидаги «илмий ташкилот ёки таълим муассасасида» деган сўзлар «илмий ёки таълим ташкилотида» деган сўзлар билан алмаштирилсин.

3. 46-банднинг саккизинчи хатбошисидаги «илмий ташкилотлар ҳамда таълим муассасаларининг» деган сўзлар «илмий ҳамда таълим ташкилотларининг» деган сўзлар билан алмаштирилсин.

4. 2-илованинг 3 ва 4-бандлари ўз кучини йўқотган деб топилсин.

5. 9-иловада:

7-банд ўз кучини йўқотган деб топилсин;

8-банддан «олий маълумоти тўғрисидаги ҳужжатнинг нусхаси; фан доктори (DSc) илмий даражаси талабгори учун фан номзоди ёки фалсафа доктори (PhD) ёхуд унга тенглаштирилган бошқа илмий даража дипломининг нусхаси;» деган сўзлар чиқариб ташлансин.