Ўзбекистон Республикаси Президентининг 2019 йил 6 сентябрдаги ПФ-5812-сон «Профессионал таълим тизимини янада такомиллаштиришга доир қўшимча чора-тадбирлар тўғрисида»ги Фармони, Ўзбекистон Республикаси Президентининг 2019 йил 11 июлдаги ПҚ-4391-сон «Олий ва ўрта махсус таълим тизимига бошқарувнинг янги тамойилларини жорий этиш чора-тадбирлари тўғрисида»ги қарори ва Вазирлар Маҳкамасининг 2020 йил 7 августдаги 466-сон «Ўзбекистон Республикасида узлуксиз бошланғич, ўрта ва ўрта махсус профессионал таълим тизимини тартибга солувчи норматив-ҳуқуқий ҳужжатларни тасдиқлаш тўғрисида»ги қарорига мувофиқ Ўзбекистон Республикаси Олий ва ўрта махсус таълим вазирлиги, Вазирлар Маҳкамаси ҳузуридаги Таълим сифатини назорат қилиш давлат инспекцияси ва Бандлик ва меҳнат муносабатлари вазирлиги қарор қилади:

1. Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази, Вазирлар Маҳкамаси ҳузуридаги Давлат тест маркази ва Меҳнат ва аҳолини ижтимоий муҳофаза қилиш вазирлигининг 2005 йил 24 мартдаги 04/ҚҚ, 01-76, 01/1184-сон «Ўрта махсус, касб-ҳунар таълими муассасалари директор ўринбосарлари, педагог ва муҳандис-педагогларнинг бўш лавозимларни эгаллаш учун уларни танлов асосида танлаб олиш тўғрисидаги низомни тасдиқлаш ҳақида»ги қарорига (рўйхат рақами 1461, 2005 йил 28 март) (Ўзбекистон Республикаси қонун ҳужжатлари тўплами, 2005 й., 12-13-сон, 96-модда) иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

1. Қарорда:

а) номи қуйидаги таҳрирда баён этилсин:

«Профессионал таълим муассасалари педагог кадрлари ва муҳандис-педагог кадрларининг бўш лавозимларни эгаллаш учун уларни танлов асосида танлаб олиш тўғрисидаги низомни тасдиқлаш ҳақида»;

б) 1-банд қуйидаги таҳрирда баён этилсин:

«1. Профессионал таълим муассасалари педагог кадрлари ва муҳандис-педагог кадрларининг бўш лавозимларни эгаллаш учун уларни танлов асосида танлаб олиш тўғрисидаги низом иловага мувофиқ тасдиқлансин.».

2. Низомда:

а) номи қуйидаги таҳрирда баён этилсин:

«Профессионал таълим муассасалари педагог кадрлари ва муҳандис-педагог кадрларининг бўш лавозимларни эгаллаш учун уларни танлов асосида танлаб олиш тўғрисида низом»;

б) муқаддима қуйидаги таҳрирда баён этилсин:

«Мазкур Низом Ўзбекистон Республикаси Президентининг 2019 йил 6 сентябрдаги ПФ-5812-сон «Профессионал таълим тизимини янада такомиллаштиришга доир қўшимча чора-тадбирлар тўғрисида»ги Фармони, Ўзбекистон Республикаси Президентининг 2019 йил 11 июлдаги ПҚ-4391-сон «Олий ва ўрта махсус таълим тизимига бошқарувнинг янги тамойилларини жорий этиш чора-тадбирлари тўғрисида»ги қарори ва Вазирлар Маҳкамасининг 2020 йил 7 августдаги 466-сон «Ўзбекистон Республикасида узлуксиз бошланғич, ўрта ва ўрта махсус профессионал таълим тизимини тартибга солувчи норматив-ҳуқуқий ҳужжатларни тасдиқлаш тўғрисида»ги қарорига мувофиқ профессионал таълим муассасаларининг бўш (вакант) ўқитувчи ва ишлаб чиқариш таълими усталари лавозимларига танлов ўтказиш тартибини белгилайди.

Танлов профессионал таълим муассасаларига замонавий талабларга жавоб берувчи юқори малакали, чуқур касбий билимга, ижодий ва илмий потенциалга, юксак ахлоқий ва маънавий сифатларга эга бўлган кадрларни саралаб олиш мақсадида ўтказилади.»;

в) 1-банддаги «Академик лицей ва касб-ҳунар коллежларининг директор ўринбосарлари ҳамда касб-ҳунар коллежларининг ўқитувчи ва ишлаб чиқариш таълими усталари (бундан буён матнда директор ўринбосарлари ва педагог деб юритилади)» деган сўзлар «Профессионал таълим муассасаларининг ўқитувчи ва ишлаб чиқариш таълими усталари (бундан буён матнда педагоглар деб юритилади)» деган сўзлар билан алмаштирилсин;

г) 1¹-банд қуйидаги таҳрирда баён этилсин:

«1¹. Педагог лавозими бўшаганидан кейин 10 кун ичида педагог лавозимига профессионал таълим муассасаси томонидан оммавий ахборот воситаларида ва профессионал таълим муассасасининг расмий веб-сайтида (агар мавжуд бўлса) танлов ўтказиш тўғрисида эълон берилади.»;

д) 2-банддаги «Директор ўринбосарлари ва педагог лавозимларига» деган сўзлар «Педагог лавозимига» деган сўзлар билан алмаштирилсин;

е) 3-банддаги «Таълим муассасаларига» деган сўзлар «Профессионал таълим муассасаларига» деган сўзлар билан алмаштирилсин;

ж) 4-банд ўз кучини йўқотган деб топилсин;

з) 5-бандда:

биринчи хатбошидаги «Касб-ҳунар коллежларининг» деган сўзлар «Профессионал таълим муассасаларининг» деган сўзлар билан алмаштирилсин;

иккинчи хатбоши чиқариб ташлансин;

учинчи ва тўртинчи хатбошилар тегишли равишда иккинчи ва учинчи хатбошилар деб ҳисоблансин;

учинчи хатбошининг иккинчи жумласи қуйидаги таҳрирда баён этилсин:

«Халқ ҳунармандчилиги йўналишларидаги профессионал таълим муассасаларининг касбий таълим (амалиёт) педагог лавозимини эгаллаш учун танловда ишлаб чиқариш корхоналарининг юқори разрядли ходимлари ва миллий ҳунармандчилик усталари, ўрта махсус маълумотга эга мутахассислар иштирок этишлари мумкин.»;

и) 6-банд қуйидаги таҳрирда баён этилсин:

«6. Профессионал таълим муассасасига айлантирилаётган бошқа турдаги таълим муассасалари педагоглари танловда умумий асосда иштирок этадилар.»;

к) 7-бандда:

биринчи хатбошидаги «Директор ўринбосари ва педагог» деган сўзлар «Педагог» деган сўз билан алмаштирилсин;

иккинчи хатбоши чиқариб ташлансин;

л) 9-банд қуйидаги таҳрирда баён этилсин:

«9. Педагогларни танловдан ўтказиш бўйича тахминий саволлар мажмуи ва танлов ўтказиш жадвали Олий ва ўрта махсус таълим вазирлигининг Қорақалпоғистон Республикаси, Тошкент шаҳар ва вилоятлар Касбий таълимни ривожлантириш ва мувофиқлаштириш ҳудудий бошқармалари ёхуд бўйсунувида таълим муассасаси бўлган вазирлик ёки идора томонидан ишлаб чиқилади.»;

м) II бобнинг номидан «тартиби» деган сўз чиқариб ташлансин;

н) 11-банд қуйидаги таҳрирда баён этилсин:

«11. Танлов эълон қилинган кундан бошлаб 20 кун ичида педагог лавозимига танловда иштирок этишни хоҳлаган номзодларнинг аризалари тегишли профессионал таълим муассасасига тақдим этилади.»;

о) 12-бандда:

олтинчи ва еттинчи хатбошилар чиқариб ташлансин;

саккизинчи хатбоши олтинчи хатбоши деб ҳисоблансин;

п) 13-банд қуйидаги таҳрирда баён этилсин:

«13. Педагог лавозимига танлов ўтказиш учун профессионал таълим муассасаси директорининг буйруғи билан танлов комиссияси тузилади.»;

р) 14-банддаги «Ўрта махсус, касб-ҳунар таълими ҳудудий бошқармаси ёки бўйсунувида таълим муассасаси бўлган вазирлик ёки идора, шунингдек касб-ҳунар коллежи» деган сўзлар «Профессионал таълим муассасаси» деган сўзлар билан алмаштирилсин;

с) 17-банд ўз кучини йўқотган деб топилсин;

т) 18-банддаги «касб-ҳунар коллежи» деган сўзлар «профессионал таълим муассасаси» деган сўзлар билан алмаштирилсин.