Ўзбекистон Республикасининг 2018 йил 9 январдаги ЎРҚ-458-сон «Ўзбекистон Республикасининг Мудофаа доктринаси тўғрисида»ги Қонуни, Ўзбекистон Республикаси Президентининг 2020 йил 22 сентябрдаги ПФ-6065-сон «Ўзбекистон Республикасида идентификация ID-карталарни жорий этиш чора-тадбирлари тўғрисида»ги ва 2021 йил 23 мартдаги ПФ-6191-сон «Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида»ги фармонларига мувофиқ Ўзбекистон Республикаси Мудофаа вазирлиги, Ички ишлар вазирлиги ва Молия вазирлиги қарор қилади:

1. Ўзбекистон Республикаси Мудофаа вазирлиги, Ички ишлар вазирлиги ва Молия вазирлигининг 2015 йил 16 декабрдаги 20, 39 ва 105-сон қарори билан тасдиқланган (рўйхат рақами 2749, 2016 йил 6 январь) (Ўзбекистон Республикаси қонун ҳужжатлари тўплами, 2016 й., 1-сон, 9-модда) Ядро полигонларида ва бошқа радиация-ядро объектларида хизматни ўтаган, Ўзбекистон Республикаси ҳудудида яшаётган фуқаролар рўйхатини шакллантириш тартиби тўғрисидаги йўриқномага иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

1. 1-бандда:

а) биринчи хатбошидаги «ҳужжатлар» деган сўз «маълумот ҳамда ҳужжатлар» деган сўзлар билан алмаштирилсин;

б) иккинчи хатбоши қуйидаги таҳрирда баён этилсин:

«биометрик паспорт ёки идентификация ID-картаси маълумотлари;»;

в) олтинчи хатбошидан «фуқаролик паспорти,» деган сўзлар чиқариб ташлансин.

2. 3-банд «а» кичик бандининг учинчи хатбошиси қуйидаги таҳрирда баён этилсин:

«фуқаронинг ядро полигонларида ва бошқа радиация-ядро объектларида ҳарбий хизматни ўтаганлигини тасдиқловчи ҳужжат ҳамда биометрик паспорти ёки идентификация ID-картаси маълумотларини тегишли органлардан белгиланган тартибда сўраб олади;».

3. 3-илова матнидаги «Ўзбекистон Республикаси Мудофаа вазирлиги Бош штаби» деган сўзлар «Ўзбекистон Республикаси Қуролли Кучлари Бош штаби» деган сўзлар билан алмаштирилсин.