1. Стандартлаштириш ва тадқиқотларга кўра:

зайтун мойлари, сиқилган зайтун мойи ва зайтун меваларининг физик-кимёвий ва органолептик хусусиятларига оид миллий ва халқаро қонунчиликда бир хилликка эришишга интилиш;

зайтун маҳсулотларининг таркиби ва сифатини аниқлаб бориш билан халқаро стандартларни такомиллаштириш йўлида қуйидагилар ёрдамида янги билимлар билан бойитиш мақсадида физик-кимёвий ва органолептик синовлар ўтказиш:

Маҳсулот сифати назорати;

Халқаро савдо ва унинг ривожланиши;

Истеъмолчилар ҳуқуқларини ҳимоя қилиш;

Фирибгарлик ва чалғитувчи ҳаракатлар, шунингдек қалбакилаштиришнинг олдини олиш;

Зайтун меваси ва зайтун мойи соҳасида халқаро илмий ҳамжамият учун илғор тажрибалар анжумани сифатида халқаро зайтун Кенгаши ролини мустаҳкамлаш;

Зайтун меваси ва зайтун мойининг озуқавий кўрсаткичлари ва бошқа ички хусусиятлари бўйича тадқиқотлар ва ўрганишларни мувофиқлаштириш учун;

Халқаро савдо ҳаракатлари борасидаги ахборот алмашинувини осонлаштириш.

2. Зайтун етиштириш, зайтун мойи ишлаб чиқариш технологияси ва техник ҳамкорлик борасида:

Давлат ёки хусусий органлар ва/ёки субъектларнинг миллий ёки халқаро ҳамкорлигини рағбатлантириш орқали зайтун секторида техник ҳамкорлик ва тадқиқотлар ва ривожланишни рағбатлантириш;

Зайтун дарахтларининг ген манбаларини аниқлаш. асраш ва улардан фойдаланиш бўйича фаолият юритиш;

Айниқса, атроф-муҳитни муҳофаза қилиш ва барқарор ишлаб чиқаришни рағбатлантириш мақсадида зайтун етиштириш ва атроф-муҳитни сақлаш борасидаги ўзаро ҳамкорлик ўрнатиш ҳамда соҳанинг интеграциялашган ва барқарор ривожланишини таъминлаш;

Халқаро, минтақавий ва миллий тадбирларни ташкил этиш орқали зайтун сектори билан боғлиқ соҳаларда ўқув машғулотлари орқали технологиялар узатишни кучайтириш;

Аъзо бўлиш мумкин бўлган тегишли халқаро шартномаларга мувофиқ зайтун маҳсулотларининг географик кўрсаткичларини ҳимоя қилишни рағбатлантириш;

Зайтун етиштириш бўйича фитосанитария соҳасида ахборот ва тажриба алмашишни рағбатлантириш.

3. Зайтун маҳсулотларини тарғиб қилиш, ахборот тарқатиш ва зайтун сектори иқтисодиётига кўра:

Халқаро Зайтун Кенгашининг зайтун дарахти ва унинг маҳсулотлари ҳақидаги жаҳон ҳужжатлари ва ахборот маркази сифатида ва соҳадаги барча операторлар учун учрашувлар жойи сифатида ролини ошириш;

Зайтун маҳсулотлари истеъмолини, зайтун мойи ва зайтун мевасининг халқаро савдосини кенгайтириш ва Халқаро Зайтун Кенгаши савдо стандартлари тўғрисидаги ахборотларни тарғиб қилиш;

Истеъмол маълумотларини яхшилаш мақсадида зайтун мойи ва зайтун мевасининг озуқавий, саломатлик ва бошқа хусусиятлари ҳақида умумий ва илмий маълумотларни тарқатишни рағбатлантириш борасидаги халқаро ва минтақавий фаолиятни қўллаб-қувватлаш:

Зайтун мойи, сиқилган зайтун мойлари ва зайтун мевасига тааллуқли жаҳон миқёсидаги мувозанатни ўрганиш. тадқиқотлар ўтказиш ва тегишли чора-тадбирларни таклиф қилиш;

Зайтун мойи ва зайтун меваси ҳақидаги иқтисодий маълумотларни тарқатиш ва таҳлил қилиш, Кенгаш аъзоларини зайтун маҳсулотлари бозорларининг самарали фаолият юритишига ёрдам бериш учун зарур бўлган таҳлилий маълумотлар билан таъминлаш,

Зайтун етиштириш билан боғлиқ илмий-тадқиқот ва ривожлантириш дастурлари натижаларини тарқатиш ва улардан фойдаланиш ва ишлаб чиқариш самарадорлигини оширишда уларнинг қўлланилишини ўрганиш.

1. «Халқаро Зайтун Кенгаши» ушбу шартнома қоидаларини қўллаш мақсадида ташкил этилган 3-модда 1-бандида кўрсатилган халқаро ташкилотни билдиради.

2. «Аъзолар кенгаши « — Халқаро Зайтун Кенгашининг қарор қабул қилувчи органи ҳисобланади.

3. «Аҳдлашувчи томон» — бу 4-модданинг 3-бандида назарда тутилган давлат, Бирлашган Миллатлар Ташкилотининг Бош ассамблеяси доимий кузатувчиси, Европа Иттифоқи ёки ҳукуматлараро ташкилот.

4. «Аъзо» юқорида белгиланган келишувчи томон деган маънони англатади.

5. «Зайтун мойи» фақат зайтун дарахти (Olea europaea L.) мевасидан олинган ёғни ажратиш ёки қайта эстерификация қилиш ва бошқа турдаги мойлар билан ҳар қандай аралашмадан олинган мойни билдиради. Зайтун мойи қуйидаги номланишларни қамраб олади: олий навли зайтун мойи, сиқилган зайтун мойи, оддий сиқилган зайтун мойи, тоза сиқилган зайтун мойи, тозаланган зайтун мойи ҳамда зайтун мойи ва сиқилган зайтун мойи аралашмалари.

6. «Зайтун мойи кунжараси» зайтун кунжарасини эритувчилар ёки бошқа жисмоний таъсир ёрдамида олинган ёғни англатади, бундан қайта эстерификация қилиш ва бошқа турдаги ёғлар билан ҳар қандай кўринишдаги аралашмалар истисно. Қуйидаги таснифдан иборат: қайта ишланмаган зайтун мойи кунжараси, тозаланган зайтун мойи кунжараси ҳамда тозаланган зайтун кунжараси ва совуқ ҳолда сиқилган зайтун мойи билан аралаштирилган зайтун кунжараси.

7. «Зайтун меваси» айниқса даволаш учун мўлжалланган зайтун, ишлаб чиқариш учун танланган зайтун дарахтининг маданий навларидан олинган соғлом зайтун меваларидан тайёрланган маҳсулотни англатади, ва улар тегишли равишда қайта ишланиб сотувга чиқариш ва якуний истеъмол учун таклиф этилади.

8. «Зайтун маҳсулотлари барча истеъмол қилиниши мумкин бўлган зайтун маҳсулотлари, хусусан зайтун мойлари, зайтун кунжара мойлари ва зайтун мевасини англатади.

9. «Зайтун мойининг қўшимча маҳсулотлари»га зайтунни майдалаш ва зайтун маҳсулотларини ишлаб чиқаришдан олинган маҳсулотлар, шунингдек ушбу сектор маҳсулотларини муқобил ишлатишдан олинган маҳсулотлар киради.

10. «Зайтун экин йили» n йилнинг 1 сентябридан n йилнинг 31 августигача бўлган даврни n+1 зайтун меваси учун ва n йилнинг 1 октябридан n йилнинг 30 сентябригача бўлган даврни n+1 зайтун ёғи учун билдиради. Жанубий яримшар учун бу давр зайтун меваси ва зайтун мойи учун n календарь йилга мос келади.

11. «Савдо стандартлари» зайтун мойлари, зайтун кунжара мойлари ва зайтун мевасига тааллуқли Халқаро Зайтун Кенгаши мажлисларида кенгаш аъзолари томонидан қабул қилинган стандартлар деган маънони англатади.

1. Халқаро зайтун кенгаши ўзининг вазифаларини куйидаги органлар орқали амалга оширади.

а. Кенгаш аъзолари;

b. Раис ва раис ўринбосари;

с. Маъмурий ва молиявий ишлар қўмитаси, бошқа қўмиталар ва қуйи қўмиталар;

d. Ижроия котибияти.

2. Халқаро зайтун кенгашининг Бош қароргоҳи мазкур Шартнома амал қилиш муддатида, токи Кенгаш аъзолари бошқа қарор қабул қилинмагунча Испаниянинг Мадрид шаҳрида ташкил этилган.

1. Мазкур Шартнома шартларини мажбурият сифатида қабул қилган ҳар бир аҳдлашувчи томон Халқаро Зайтун Кенгашининг аъзоси ҳисобланади.

2. Кенгашнинг ҳар бир аъзоси мазкур Шартноманинг 1-моддасида белгиланган вазифаларнинг ижросини таъминлашда ўз ҳиссасини қўшади.

3. Ушбу Шартномада «Ҳукумат атамаси музокаралар олиб бориш, халқаро шартномаларни имзолаш, хусусан, товар шартномаларини тузиш, ратификация қилиш ва амалга ошириш бўйича таққосланадиган ваколатларга эга ҳар қандай давлатнинг вакили, Бирлашган Миллатлар Ташкилотининг Бош ассамблеясидаги доимий кузатувчиси, Европа Иттифоқи ва ҳар қандай ҳукуматлараро ташкилот тушунилади.

1. Халқаро Зайтун Кенгаши юридик шахс мақомига эга. Хусусан, кўчма ва кўчмас мулкни сотиб олиш ва уни тасарруф этиш ҳамда судда иштирок этиш, шартнома тузиш ваколатига эга. Молиявий қарз олиш ваколатига эга эмас.

2. Халқаро Зайтун Кенгашининг мақоми, имтиёзлари ва дахлсизлиги, шунингдек унинг Ижрочи директори, юқори лавозимли амалдорлари ва ходимлари мезбон давлат ҳудудида ўз вазифаларини бажараётган экспертлари ва аъзо давлатларнинг делегатлари фаолияти мезбон ҳукумат ва Халқаро Зайтун Кенгаши ўртасида тузилган қароргоҳлар тўғрисидаги шартнома талаблари асосида амалга оширилади.

3. Халқаро зайтун кенгашининг қароргоҳи жойлашган давлат ҳукумати ушбу давлатнинг қонунчилигига кўра, Халқаро Зайтун Кенгаши томонидан ўз ходимларига ва Халқаро Зайтун Кенгашининг активлари, даромадлари ва бошқа мол-мулкига тўланадиган тўловлари солиқдан озод қилади.

4. Халқаро Зайтун Кенгаши бир ёки бир неча аъзо билан ушбу шартномани тўғри қўллаш учун зарур бўлиши мумкин бўлган имтиёз ва иммунитетларга оид шартномалар тузиши мумкин.

1. Халқаро Зайтун Кенгаши Халқаро Зайтун Кенгашининг барча аъзоларидан ташкил топади.

2. Ҳар бир аъзо давлат Халқаро Зайтун Кенгашида ўз вакилини тайинлайди.

1. Аъзолар кенгаши

а) Аъзолар кенгаши ҳар бир ўринга биттадан аъзо давлат вакилларидан иборат. Бундан ташқари, ҳар бир аъзо бир ёки бир нечта алтернатив ва бир ёки бир нечта маслаҳатчиларни делегат сифатида тайинлаши мумкин.

Аъзолар кенгаши Халқаро Зайтун Кенгашининг олий органи ва қарор қабул қилувчи органи бўлиб, ушбу Шартноманинг мақсадларига эришиш учун зарур бўлган барча ваколат ва вазифаларни амалга оширади.

b) Аъзолар кенгаши ушбу шартнома қоидаларини қўллаш бўйича масъул бўлади. Бунинг учун у қарор қабул қилади ва тегишли ваколатлар ёки вазифаларни ижро этувчига тўғридан-тўғри берилган тавсиялар кўринишида тақдим этади.

Ушбу Шартномадан олдинги халқаро шартномага мувофиқ, қабул қилинган ва ушбу Шартнома кучга кирган вақтда ҳали ҳам амалда бўлган ҳар қандай қарор ёки тавсиянома ушбу Шартномага зид бўлмаса ёки Аъзолар кенгаши томонидан бекор қилинмаса, амал қилишда давом этади.

с) Ушбу Шартномани амалга ошириш учун Аъзолар кенгаши ушбу шартнома қоидаларига мувофиқ қуйидагиларни қабул қилади:

i. Регламент қоидалари;

ii. Молиявий тартибга солиш қоидалари;

iii. Ҳукуматлараро ташкилотлар ходимлари фаолиятини тартибга солиш бўйича қабул қилинган тартибга мос қоидалар;

iv. Ташкилий тузилма ва лавозим йўриқномалари;

v. Халқаро Зайтун Кенгаши фаолиятини тартибга солувчи бошқа қоидалар.

d) Аъзолар кенгаши ўз фаолияти ва ушбу Шартномани амалга ошириш бўйича йиллик ҳисобот, шунингдек, иш фаолиятида фойдали ва зарур бўлган ҳисоботлар, тадқиқотлар ва бошқа ҳужжатларни қабул қилади ва жамоатчиликка эълон қилади.

2. Раис ва раис ўринбосари

а) Раис ва Раис ўринбосари Аъзолар кенгашининг вакиллари орасидан бир йилга тайинланади. Агар Раис ёки Раис ўринбосари йиғилишларга раҳбарлик қилаётган даврда делегация раҳбари лавозимида бўлса, унинг Аъзолар кенгаши таркибида қарор қабул қилишда иштирок этиш ҳуқуқи ўша делегациядаги бошқа аъзога берилади.

b) Ушбу Шартнома ёки қўшимча равишда Регламентда кўрсатилган тартиб ва процедураларга асосан Ижрочи директорга берилган ваколатлар ёки вазифаларга зиён етказмаган ҳолда, Раис Аъзолар кенгашининг сессияларига раҳбарлик қилади, қарор қабул қилиш жараёнини кўллаб-қувватлаш учун тўғридан-тўғри мунозараларни олиб боради ва белгиланган бошқа тегишли вазифалар ва функцияларни амалга оширади.

с) Раис ўзининг фаолиятини амалга оширишида Аъзолар кенгаши олдида жавоб беради.

d) Раис йўқлигида унинг ўринбосари вақтинчалик унинг ўрнида фаолият юритади ва унга тегишли барча ваколатларга эга бўлади.

е) Раис ва Раис ўринбосари ҳеч қандай кўринишда иш ҳақи олишмайди. Уларнинг бири ёки ҳар иккаласи доимий ёки вақтинчалик фаолият юрита олмаган тақдирда, Аъзолар кенгаши вакиллари орасидан, янги Раис ва Раис ўринбосари вақтинчалик ёки доимий номзод сифатида тайинланади.

3. Маъмурий ва молиявий ишлар бўйича қўмита, бошқа қўмита ва қуйи қўмиталар

Аъзолар кенгаши фаолиятини таъминлаш мақсадида кенгашга ушбу шартноманинг 13-моддасида кўрсатилган маъмурий ва молиявий ишлар қўмитасидан ташқари, ушбу шартнома бўйича ўз вазифаларини амалга оширишда ёрдам бериш учун фойдали деб ҳисоблаган бошқа қўмиталар ва қуйи қўмиталар ваколатларини тузиш учун ваколатлар берилади.

4. Ижроия котибияти

а) Халқаро Зайтун Кенгашида ушбу шартномадан келиб чиқадиган вазифаларни амалга ошириш учун зарур бўлган Ижрочи директор, юқори мансабдор ходимлар ва бошқа ходимлар таркибидаги Ижроия котибияти фаолият юритади. Ижрочи директор ва юқори лавозимли мансабдор ходимларнинг иш фаолияти, хусусан, уларга юклатилган вазифалар тасдиқланган Регламент асосида мувофиқлаштирилади.

б) Ижроия котибияти ходимларини ишга жойлаштиришда энг биринчи навбатда иш самарадорлиги, ваколатлардан оқилона фойдаланиш ва ҳалолликнинг энг юқори стандартларини таъминлаш нуқтаи назаридан ёндашилади. Ижроия котибияти ходимлари, хусусан Ижрочи директор, юқори лавозимли мансабдор ходимлар ва ўрта бўғин бошқарув ходимлари ўртасида мутаносиб алмашиниш ва географик мувозанат тамойили асосида тайинланади.

в) Аъзолар кенгаши ижрочи директор ва юқори мансабдор шахсларни тўрт йил муддатга тайинлайди. Аъзолар кенгаши 10-модданинг 4-банди (b) банди қоидаларига мувофиқ, ҳар қандай тайинловни кўпи билан тўрт йил муддатга янгилаш ёки муддатини узайтириш бўйича қарор қабул қилиши мумкин.

Аъзолар кенгаши шу каби ҳукуматлараро ташкилотларнинг тегишли мансабдор шахслари учун белгиланган шароитларга мос равишда ўзларининг ваколатларини белгилаб боришади.

г) Ижрочи директор ходимларни ушбу шартномада белгиланган қоидаларга ва ходимлар тўғрисидаги қоидаларга мувофиқ тайинлайди. Ижрочи директор ушбу Шартноманинг 4(b) хатбошида кўрсатилган барча тайинлаш тамойилларини ҳурмат қилинишини таъминлайди ва бу ҳақда маъмурий ва молиявий ишлар қўмитасига ҳисобот беради.

д) Ижрочи директор Халқаро Зайтун Кенгашининг бош маъмурий ходими бўлиб, шартномани бошқариш ва ижро этишда унга тегишли бўлган вазифаларни бажариш учун Аъзолар кенгашига ҳисобдор бўлади. Ижроия директори ўз вазифаларини амалга оширади ва юқори мансабдор ходимлар билан коллегиал асосда бошқарув қарорларини Регламент талабларига мувофиқ қабул қилади.

е) Ижрочи директор, юқори мансабдор ходимлар ва бошқа ходимларнинг зайтун етиштириш ва зайтун маҳсулотлари саноатининг турли соҳаларда ҳар қандай даромад келтирадиган фаолиятни амалга оширишлари тақиқланади.

ж) Ижрочи директор, юқори мансабдор шахслар ва ходимларнинг ҳар бири Халқаро Зайтун Кенгашидан ташқари ҳар қандай орган томонидан мазкур Шартнома асосида ўз вазифаларига тааллуқли бошқа кўрсатмаларни излашмайди ва қабул қилишмайди. Улар фақат Аъзолар кенгашига мансуб бўлган халқаро даражадаги мансабдор шахслар сифатида ўз позицияларини акс эттирадиган ҳар қандай ҳаракатдан ўзларини тиядилар. Аъзолар Ижрочи директор, юқори лавозимли мансабдор шахслар ва ходимлар масъулиятларининг фақат халқаро даражадаги фаолиятига муносиб ҳурмат кўрсатадилар ва ўз вазифаларини бажаришда уларга таъсир ўтказмасликлари шарт.

1. Аъзолар кенгаши бошқа жойда йиғилиш тўғрисида қарор қабул қилинмаган бўлса, Халқаро Зайтун Кенгаши қароргоҳида йиғилади. Агар бирон-бир аъзонинг таклифига биноан, Аъзолар кенгаши бошқа жойларда йиғилишга қарор қилса, бу аъзо Халқаро Зайтун Кенгашининг бюджетида акс этмаган қўшимча харажатларни қоплаши шарт.

2. Аъзолар кенгаши бир йилда икки марта мунтазам сессиялар ўтказади.

3. Аъзолар кенгаши талабига биноан навбатдан ташқари сессия исталган вақтда:

а. Раис;

b. камида уч нафар аъзо талаби асосида ўтказилади.

4. Сессиялар ўтказилиши тўғрисидаги билдиришномалар камида 60 кун олдин берилиши шарт, навбатдаги сессиялар тўғрисидаги хабарномалар биринчи учрашув кунидан 30 кун олдин берилиши лозим, лекин фавқулодда учрашувлар тўғрисидаги хабарномалар 21 кун олдин етказилиши шарт. Аъзолар кенгашига делегацияларнинг харажатлари тегишли аъзолар томонидан қондирилади.

5. Кенгаш аъзолари навбатдаги ёки фавқулодда сессиялар олдидан ёки ҳар қандай сессия давомида ижроия котибиятига юборилган ёзма хабарнома орқали бошқа аъзога унинг манфаатларини ҳимоя қилиш ва Аъзолар кенгашининг ушбу сессиясидаги қарорларда қатнашиш ҳуқуқидан фойдаланиш ҳуқуқини бериши мумкин. Кенгаш аъзолари сессияларда бирдан ортиқ аъзони вакили бўлишига йўл қўйилмайди.

6. Ушбу Шартномага қўшилиш ниятида бўлган ва/ёки Халқаро Зайтун Кенгаши фаолиятидан бевосита манфаатдор бўлган ҳар қандай учинчи шахс ёки ташкилот ўз ташаббуси билан ёки Аъзолар кенгашининг таклифига биноан ва олдиндан розилик олиб Аъзолар кенгашининг мажлисларида ёки уларнинг барчасида кузатувчи сифатида қатнашади.

7. Кузатувчилар аъзолик мақомига, қарор қабул қилиш ваколатларига ва овоз бериш ҳуқуқларига эга бўлмайдилар.

1. Аъзолар кенгашининг навбатдаги ёки навбатдан ташқари сессияси йиғилиши ўтказилиши учун зарур бўлган кворум сессиянинг очилиш кунида бир марта тасдиқланади. Барча аъзоларнинг камида тўртдан уч қисми мазкур Шартноманинг 8-моддаси 5-бандига мувофиқ аъзолар ёки вакилларининг шптирокини таъминлаши шарт.

2. Агар юқоридаги хатбошда қайд этилган кворум ялпи мажлиснинг очилишида таъминланмаса, Раис мажлисни 24 соатга кечиктиради. Раис томонидан белгиланган янги вақтда мажлисни очиш учун зарур бўлган кворум барча аъзоларнинг камида учдан икки қисми иштироки ёки вакиллари иштирок этиши таъминланиши шарт.

3. Кворум учун зарур бўлган аъзоларнинг сони юқорида қайд этилган нисбатларнинг мажлис қатнашчиларининг умумий сонига нисбатан татбиқ этилиши натижасида каср ва қисмларсиз бутун сон кўринишида бўлиши шарт.

1. Аъзолар кенгаши қарорлари консенсус асосида қабул қилинади. Мазкур модда бўйича барча қарорлар аъзолар ёки вакил сифатида иштирок этувчилар томонидан қабул қилинади ва ушбу Шартноманинг 16-моддаси 6-бандига мувофиқ овоз бериш ҳуқуқини тақдим этади. Аъзолар консенсус йўли билан ҳар қандай муҳим масалаларни ҳал қилиш учун барча саъй-ҳаракатларни амалга ошириш мажбуриятига эга.

2. Аъзолар кенгашининг ҳар қандай қарори қабул қилиниши учун ушбу Шартноманинг 16-моддаси 6-бандига мувофиқ овоз бериш ҳуқуқига эга бўлган барча аъзоларнинг кўпчилик қисмининг овози мавжудлиги ёки вакиллиги талаб қилинади.

3. Консенсус қуйидагиларга нисбатан қабул қилинадиган барча қарорларни қабул қилишда қўлланилади:

34-моддага мувофиқ аъзоларни кенгаш таркибидан чиқариш;

16-модданинг 6 ва 10-хатбошилари;

32 ва 36-моддаларга мувофиқ Шартномага ўзгартиришлар киритиш ёки бекор қилиш;

12-модданинг 2-бандига мувофиқ бошқа ташкилотлар билан ҳамкорлик қилиш.

4. Бошқа қарорлар учун, Раис томонидан белгиланган муддатда консенсусга эришилмаса, қуйидаги тартибга амал қилади:

а. Савдо стандартлари асосида ва ушбу Шартноманинг 7-моддаси 1-банди (с) хатбошида кўрсатилган қоидаларни бажариш тўғрисида қарор қабул қилиш:

Умумий қоидага кўра, Халқаро Зайтун Кенгаши томонидан қабул қилинган Регламент қоидаларида белгиланган тегишли даражадаги консенсусга эришилган қарорларгина қабул қилиш учун Аъзолар кенгашига тақдим этилади.

Агар тегишли даражада қўлланиладиган тартибга мувофиқ консенсус қабул қилинмаса, қарор Аъзолари кенгашига ушбу жараёнда юзага келган қийинчиликларни ва тегишли тавсияларни белгилаб берувчи ҳисобот билан бирга узатилади.

Аъзолар кенгаши 16-модданинг 6-бандига мувофиқ аъзолар ёки овоз бериш ҳуқуқига вакилларни консенсус асосида қарор қабул қилишга даъват этиш ҳуқуқига эга.

Агар консенсусга келинмаса, қарор одатий ёки фавқулодда бўлсин, унинг қабул қилиниши келгуси сессияга қадар қолдирилади.

Агар консенсусга кейинги сессияда ҳам эришилмаса, мазкур қарор иложи бўлса, камида 24 соатга қолдирилиши керак.

Агар ушбу муддат ичида консенсусга эришилмаса, мазкур қарор, агар у аъзоларнинг камида тўртдан бир қисми томонидан ёки камида 100 овоз улуши бўлган аъзолар томонидан рад этилмаган бўлса, қарор қабул қилинган деб ҳисобланади.

b) Ушбу моддага тааллуқли 4-банднинг (а) бандидаги юқорида келтирилмаган хар қандай қарор:

Агар Раис томонидан белгиланган муддатда консенсусга эришилмаса, кенгаш аъзолар қуйидаги қоидаларга мувофиқ овоз беришади:

Ушбу модданинг 1-бандига мувофиқ аъзоларнинг иштирок этиш улушларининг камида 86 фоизини ташкил этувчи аъзоларнинг энг камида кўпчилиги томонидан мазкур қарор фойдасига овоз берилса ҳар қандай қарор қабул қилиниши лозим.

5. Ушбу моддада кўрсатилган овоз бериш ва вакиллик процедуралари ушбу Шартноманинг 16-моддасида кўрсатилган шартларни бажармаган аъзоларга нисбатан қўлланилмайди, агар Кенгаш худди шу моддага мувофиқ бошқача қарор қабул қилмаса.

6. Аъзолар кенгаши қарорни раис ва аъзолар иштирокида сессия ўтказмасдан қабул қилиши мумкин, бунда бирон бир аъзо, кечиктирилган аъзоларни ҳисобга олмаганда, ушбу процедурага қарши чиқмайди. Ушбу маслаҳат процедурасини қўллаш қоидалари Аъзолар кенгаши томонидан Регламентда белгиланади. Қабул қилинган ҳар қандай қарор Ижроия котибияти томонидан барча аъзоларга иложи борича тезроқ етказилади ва Аъзолар кенгашининг навбатдаги сессиясининг якуний ҳисоботига киритилади.

1. Аъзолар биргаликда 1000 та акцияларга эгалик қилишлари керак. Ушбу акциялар аъзоларнинг молиявий ҳиссалари ва овоз бериш ҳуқуқларига тенгдир.

2. Иштирок этиш улушлари ҳар бир аъзо тўғрисидаги маълумотларга мутаносиб равишда аъзолар ўртасида қуйидаги формулага мувофиқ ҳисобланиб тақсимланади:

q = 1/3 (pl + р2) + 1/3 (el + е2) + 1/3 (il + i2)

Ушбу формуладаги параметрлар минглаб метрик тонна билан ифодаланган ўртача кўрсаткичлардир, бутун сондан 1000 тоннанинг ҳар қандай қисми эътиборга олинмайди. Иштирокчилар улушида каср сонлар бўлмаслиги мумкин.

q. Иштирокчилар улушларини мутаносиб равишда ҳисоблаш учун ишлатиладиган манба маълумотлари

pl: Зайтун ҳосили олинган охирги 6 йилда ўртача зайтун мойи ишлаб чиқариш ҳажми

р2: Зайтун ҳосили олинган охирги 6 йилда ўртача зайтун меваси ишлаб чиқариш ҳажмининг 16 фоизлик конверсия коэффициентини қўллаган ҳолда зайтун мойига эквиваленти

el: pl ҳисоблаш учун қўлланилган зайтун ҳосили олинган сўнгги 6 йил давомида амалга оширилган ўртача (божхонада) ҳисобга олинган зайтун мойи экспорти ҳажми

е2: р2 ҳисоблаш учун ҳисобга олинган зайтун ҳосилининг якуний йилларига мос сўнгги олти календар йил давомидаги ҳосили ва 16 фоизли коэффициент қўллаган ҳолда зайтун мойига ўтказилганда зайтун мевасининг ўртача (божхона) экспорти ҳажми.

il: охирги олти календарь йилидаги зайтун мойининг ўртача (божхона) зайтун мойи pl ни ҳисоблаш учун ҳисобга олинган зайтун экинларининг йилининг охирига тўғри келадиган импорти.

i2: р2 ни ҳисоблаш учун ҳисобланган зайтун экинлари йилларининг охирига тўғри келадиган сўнгги олти календар йилидаги ўртача (божхона) зайтун меваси импорти ва 16 фоизлик конверсия коэффициентини қўллаган ҳолда зайтун мойига эквиваленти.

3. Дастлабки иштирок улушлари ушбу Шартноманинг А иловасида жойлашган бўлади. Улар сўнгги олти йилда зайтун экинлари тўғрисидаги якуний маълумотлар мавжуд бўлган календарь йиллари бўйича маълумотларнинг ўртача кўрсаткичлари асосида аниқланади.

4. Ҳеч бир аъзонинг иштирок улуши бештадан кам бўлиши мумкин эмас. Агар ҳисоб-китоб жараёнида якка тартибдаги аъзо учун бештадан кам овоз бериши керак бўлса, ушбу аъзонинг улуши бештага оширилади ва бошқа аъзоларнинг улушлари мутаносиб равишда камайтирилади.

5. Аъзолар кенгаши ҳар бир календар йилининг навбатдаги иккинчи сессиясида ушбу моддага мувофиқ ҳисобланган иштирок этиш улушларини тасдиқлайди. Ушбу модданинг 6-бандига зид келмаса, улушларнинг тақсимоти кейинги йил учун амал қилади.

6. Агар 4-модданинг 3-бандида кўрсатилган ҳар қандай ҳукумат ушбу Шартноманинг Томонига айланса ёки бўлишни тўхтатса ёки унинг аъзоси 16-модданинг 8-бандига мувофиқ ўз мақомини ўзгартирса, Аъзолар кенгаши , кейинги йил учун ушбу акцияларда кўрсатилган шартларни ҳисобга олган ҳолда ҳар бир аъзонинг иштирокидаги акциялар сонига мутаносиб равишда акцияларни қайта тақсимлайди. Давом этаётган йил давомида ушбу Шартномага қўшилиш ёки ундан чиқиш ҳолатида қайта тақсимлаш фақат овоз бериш мақсадида амалга оширилади.

1. Халқаро Зайтун Кенгаши Бирлашган Миллатлар Ташкилоти ва унинг ихтисослашган агентликлари, хусусан, Бирлашган Миллатлар Ташкилотининг савдо ва ривожланиш бўйича конференцияси, бошқа тегишли ҳукуматлараро ташкилотлар ва тегишли халқаро ва минтақавий ташкилотлар билан маслаҳат ва ҳамкорлик қилиш учун келишувларни амалга ошириши мумкин. Бундай келишувлар ушбу Шартноманинг 1-моддасида кўрсатилган мақсадларга ҳисса қўша оладиган молиявий характердаги институтлар билан ҳамкорликдаги келишувларни ўз ичига олиши мумкин.

2. Халқаро Зайтун Кенгаши ва юқорида кўрсатилган халқаро ташкилотлар ва/ёки Халқаро Зайтун Кенгаши учун муҳим мажбуриятларни ўз ичига оладиган муассасалар ўртасида ташкил этилган ҳар қандай ҳамкорликда ушбу Шартноманинг 10-моддаси 3-бандига мувофиқ олдиндан Аъзолар кенгашининг розилигини олиш талаб этилади.

3. Ушбу модданинг қўлланилиши Халқаро Зайтун Кенгашининг Регламенти билан тартибга солинади.

1. Аъзолар кенгаши ҳар бир аъзонинг камида битта делегатидан ташкил топган маъмурий ва молиявий ишлар бўйича қўмита тузади. Маъмурий ва молиявий ишлар бўйича қўмита Аъзолар кенгашининг ҳар бир сессиясидан олдин йилига камида икки марта учрашади.

2. Маъмурий-молиявий ишлар бўйича қўмита ушбу Шартномада ва тартиб қоидаларида баён этилган функциялар учун жавобгар бўлади. Хусусан, қуйидагилар учун жавобгар бўлади:

Ташкилот фаолияти учун Ижроия котибиятининг йиллик ишчи дастурини ўрганиш, бюджет, молиявий қоидалар, шунингдек ички ва қонуний тартиб қоидаларини ўрганиб чиқиб, уни календаръ йилининг иккинчи навбатдаги сессиясида қабул қилиш учун Аъзолар кенгашига тақдим этиш;

Халқаро Зайтун Кенгашининг тартиб қоидаларида белгиланган ички назорат меъёрларининг бажарилишини назорат қилиш ва ушбу Шартномада кўрсатилган молиявий қоидаларнинг қўлланилишини назорат қилиш;

Ижрочи директор томонидан таклиф этилган халқаро зайтун кенгашининг йиллик бюджети лойиҳасини ўрганиш. Фақат маъмурий ва молиявий ишлар бўйича қўмита томонидан таклиф этилган бюджет лойиҳаси қабул қилиш учун Аъзолар кенгашига тақдим этиш;

Ўрганиш асосида молиявий ва маъмурий масалаларга тааллуқли бошқа ҳар қандай таклифлар билан бирга календарь йилининг биринчи сессиясида қабул қилиш учун Аъзолар кенгашига олдинги молиявий йил учун йиллик ҳисоботни ҳар йили тақдим этиб бориш;

Ушбу Шартномани амалга ошириш билан боғлиқ масалалар бўйича маслаҳат ва тавсиялар бериш;

Янги аъзолар томонидан қўшилиш тўғрисидаги аризаларга нисбатан ёки халқаро зайтун кенгаши аъзосини аъзолар сафидан чиқариш бўйича Аъзолар кенгашига текширув натижалари тўғрисида ҳисобот бериш;

Ижроия котибиятидаги ходимларни тайинлаш ва маъмурий-ташкилий масалалар билан боғлиқ бошқа масалалар бўйича ушбу Шартноманинг 7-моддасида мустаҳкамланган тамойилларга риоя этилишини таъминлаш.

3. Маъмурий ва молиявий ишлар бўйича қўмита ушбу моддада келтирилган функциялардан ташқари, Кенгаш томонидан унинг тартиб қоидалари ва (ёки) молиявий тартибга солиш бўйича берилган ваколат доирасида бошқа вазифаларни ҳам амалга оширади.

4. Аъзолар кенгаши ушбу қоидаларни қўллаш бўйича ўз Регламентида батафсил тартиб қоидалар ишлаб чиқади ва қабул қилади.

1. Молиявий йил календарь йилга тўғри келиши лозим.

2. Иккита бўлимдан иборат битта бюджет бўлиши керак:

I бўлим: Маъмурий

II бўлим: Операцион фаолият, шу жумладан, стандартлаштириш, техник ҳамкорлик ва тарғибот

Аъзолар кенгаши Халқаро Зайтун Кенгашининг манфаатларидан келиб чиққан қуйи таркибий бўлинмалар фаолиятига тегишли барча қарорларни қабул қилади.

3. Бюджетнинг тўлдирилиши:

(а) ушбу Шартноманинг 11-моддасига мувофиқ белгиланган ҳар бир аъзонинг ўз иштироки улушларига мутаносиб равишда белгиланадиган ҳиссаси миқдорида;

(б) субсидиялар ва аъзоларнинг ихтиёрий бадаллари Халқаро Зайтун Кенгаши ва донор аъзо ўртасида тузилган Шартномада акс этган қоидалар асосида тартибга солинади;

(в) ҳукуматлар ва/ёки бошқа манбалардан тушган ихтиёрий тўловлар;

(г) тасдиқланган дастурлар талабларига жавоб берадиган хизматлар, илмий-техник жиҳозлар ва/ёки ходимларни ўз ичига олган қўшимча бадалларнинг бошқа шакллари;

(д) бошқа ҳар қандай турдаги даромад ҳисобига амалга оширилади.

4. Халқаро Зайтун Кенгаши халқаро ҳамкорликни ривожлантиришнинг бир қисми сифатида молиявий ёки бошқа турдаги ваколатли халқаро, минтақавий ёки миллий ташкилотлардан олиниши мумкин бўлган муҳим молиявий ва (ёки) техник ёрдамни тасарруф этишга ҳаракат қилади.

Юқорида келтирилган маблағ турлари Аъзолар кенгаши томонидан унинг бюджетига йўналтирилади.

5. Бюджетнинг бир календарь йил давомида ўзлаштирилмаган маблағлари молиявий Низомда кўрсатилганидек олдиндан молиялаштириш сифатида келгуси календарь йиллар учун йўналтирилиши мумкин.

14-моддада кўрсатилган Халқаро Зайтун Кенгашига бюджетдан ташқари бошқа маблағлар ҳам берилиши мумкин, уларнинг мақсади, ишлатилиши ва асосланиши Регламент билан тартибга солинади.

Аъзолар кенгаши, шунингдек. Ижроия котибиятига учинчи томон маблағларини бошқариш ҳуқуқини бериши мумкин. Бундай рухсатноманинг шартлари ва кўлами шунингдек, мазкур маблағларни бошқариш юзасидан келиб чиқадиган мажбуриятлар молиявий Низомда белгиланади.

1. Аъзолар кенгаши календар йилининг иккинчи сессиясида ушбу Шартноманинг 14-моддасида кўрсатилган бюджетнинг умумий миқдорини ва кейинги календарь йил учун ҳар бир аъзо томонидан тўланадиган бадални белгилайди. Ушбу бадал ушбу Шартноманинг 11-моддасида белгиланган ҳар бир аъзонинг иштирок этиш улушлари асосида ҳисобланади.

2. Аъзолар кенгаши ушбу Шартнома кучга киргандан кейин Шартноманинг томонига айланадиган ҳар қандай аъзонинг дастлабки ҳиссасини баҳолайди. Бундай бадал ушбу Шартноманинг 11-моддасига биноан тегишли аъзога ушбу йилнинг тугалланмаган қисмига нисбатан тайинланган иштирок этиш акциялари асосида ҳисобланади. Ўша календарь йил учун бошқа аъзолар томонидан тўланадиган бадал миқдори ўзгартирилмайди.

3. Ҳиссалар еврода тўланади ва молиявий йилнинг биринчи кунидан, яъни ҳар йилнинг 1 январидан бошлаб тўланади.

Халқаро Зайтун Кенгашига аъзо бўлган молиявий йил учун аъзоларнинг бадаллари улар аъзо бўлган санага тўғри келади.

4. Агар бадаллар тўлаш муддати тушган кундан тўрт ой ўтгач, аъзо ўз ҳиссасини тўлиқ тўламаган бўлса, ижро этувчи котибият ушбу аъзодан тўловни амалга оширишни сўраш учун етти кун ичида тегишли аъзога хат ёзади.

5. Агар Ижроия котибияти томонидан сўров юборилган кундан бошлаб икки ой муддатдан сўнг, ушбу аъзо ўз ҳиссасини ҳал қилмаган бўлса, ушбу аъзонинг ўз ҳиссасини тўлаган вақтгача Аъзолар кенгашидаги овоз бериш ҳуқуқлари тўхтатилади.

6. Тақвим йилининг биринчи навбатдаги сессиясида ёки бадалларни тўлаш муддати тугаганидан кейинги навбатдан ташқари сессиясида, агар аъзо ўз ҳиссасини тўламаган бўлса, Аъзолар кенгашини хабардор қилади. Аъзолар кенгаши, қарздор бўлганлар бундан мустасно, қарздорлик сабабини кўриб чиққандан сўнг можаролар, табиий офатлар ёки халқаро молиявий хизматлардан фойдаланишдаги қийинчиликлар каби ўзига хос вазиятни ҳисобга олган ҳолда, бошқа ҳар қандай қарорни консенсус асосида қабул қилиши мумкин. Аъзолар кенгаши ижроия котибиятининг иш дастурини аъзолар томонидан самарали тўланадиган бадаллар асосида мослаштириши мумкин.

7. Ушбу модданинг 5 ва 6-бандларининг қоидалари мазкур аъзо томонидан бадаллар тўлиқ тўланмагунча амал қилади.

8. Икки йил кетма-кет тўланмаган бадаллардан сўнг, Аъзолар кенгаши, аъзонинг қарздорлиги масаласини кўриб чиққандан сўнг, аъзолик ҳуқуқларидан фойдаланишни тўхтатиши тўғрисида қарор қабул қилиши мумкин, аммо 8-модданинг 7-банди талаблари доирасида сессияларда кузатувчи сифатида иштирок этиши мумкин.

9. Шартномадан чиқадиган ҳар қандай аъзо ушбу Шартнома бўйича ҳар қандай молиявий мажбуриятларини тўлашга мажбурдир ва у аллақачон тўлаган молиявий ҳиссаларни қоплаш ҳуқуқига эга эмас.

10. Ҳеч қандай ҳолатда Аъзолар кенгаши аъзони ушбу Шартнома бўйича молиявий мажбуриятларидан озод қила олмайди. Аъзолар кенгаши консенсус асосида ҳозирги ва олдинги аъзоларнинг молиявий мажбуриятларини қайта режалаштиришга келишиши мумкин.

1. Халқаро Зайтун Кенгашининг молиявий назорати Маъмурий ва молиявий ишлар қўмитаси томонидан амалга оширилади.

2. Халқаро Зайтун Кенгашининг ўтган календарь йили учун мустақил аудитор томонидан тасдиқланган молиявий ҳисоботи Маъмурий ва молиявий ишлар қўмитасига тақдим этилади. Ҳисоб-китобларни таҳлил қилгандан сўнг, Қўмита календарь йилининг биринчи сессиясида тасдиқлаш ва чоп этиш учун ўз фикрини Аъзолар кенгашига тақдим етади.

Юқорида айтиб ўтилган аудиторлик ишларини бажаришда мустақил аудиторлар амалдаги молиявий тартибга этилишини, шунингдек, мавжуд ички назорат механизмларининг ишлаши ва самарадорлигини текширадилар ва маъмурий ва молиявий ишлар қўмитасига тақдим этиладиган йиллик ҳисоботда бажарилган ишлар ва аниқланган ҳодисаларни қайд этиб борадилар.

Ушбу аудиторлик ҳисоботи Аъзолар кенгашига навбатдаги сессияда тақдим этилади.

Аъзолар кенгаши Халқаро Зайтун Кенгашининг йиллик ҳисоботларини таҳлил қилиш ва юқорида айтиб ўтилган ҳисоботни тузиш учун жавобгар бўлган мустақил аудиторни молиявий регламент қоидаларига ва уни амалга ошириш тартибига мувофиқ белгилайди.

3. Бундан ташқари, Аъзолар кенгаши тақвимий йилнинг биринчи навбатдаги сессиясида аввалги календарь йил учун молиявий ҳисоботни ўрганиб чиқади ва қабул қилади:

Халқаро Зайтун Кенгашининг маблағлари, активлари ва нақд пулларини бошқариш натижаларини текшириш;

Молиявий операцияларнинг мунтазамлиги ва уларнинг амалдаги қонун ва қоидаларга ҳамда бюджет қоидаларига мувофиқлиги.бўйича қарор қабул қилади.

4. Операцияларнинг экс-пост назорати молиявий регламентга мувофиқ ташқи аудиторлар томонидан кафолатланади.

5. Хатарларни таҳлил қилиш асосида камида учта аъзо Кенгашдан амалдаги қоидалар ва молиявий бошқарувнинг равшанлиги ва шаффофлиги тамойилларига мувофиқлигини таъминлаш учун Халқаро Зайтун Кенгаши Фаолияти устидан назоратни амалга оширишга рухсат бериш учун мурожаат қилиши мумкин.

Назорат жараёнлари Халқаро Зайтун Кенгаши ижроия котибияти аъзолари билан ички ҳамкорлик қоидаларида ва Халқаро Зайтун Кенгашининг молиявий регламентида белгиланган қоидалар ва тартибларга мувофиқ равишда амалга оширилади. Тегишли маъруза ҳисобот якунлангандан сўнг биринчи ялпи мажлисда Аъзолар кенгашига тақдим этилади.

1. Аъзолар кенгаши, тарқатиб юборилса, биринчи навбатда 35-модданинг 1-бандида назарда тутилган чоралар кўрилади.

2. Ушбу Шартноманинг амал қилиш муддати тугагандан сўнг Халқаро Зайтун Кенгашининг активлари ва 14-моддада кўрсатилган маблағлардан келиб чиқадиган ҳар қандай ажратилмаган суммалар аъзоларга уларнинг ўша пайтдаги амалдаги улушлари миқдорига мутаносиб равишда қайтарилади.

14-моддада кўрсатилган ихтиёрий бадаллар ва хайр-эҳсонлар, шунингдек 15-моддада кўрсатилган ҳар қандай ажратилмаган маблағлар манфаатдор аъзолар, донорлар ёки учинчи шахсларга қайтарилади.

1. Зайтун мойлари. зайтун кунжара мойлари ва зайтун меваларининг турлари ва таърифлари ушбу Шартноманинг В ва С иловаларида келтирилган.

2. Аъзолар кенгаши ушбу Шартноманинг В ва С иловаларида назарда тутилган зайтун мойлари, зайтун кунжара мойлари ва зайтун меваларининг тавсифлари ва таърифларига зарур ёки тегишли деб ҳисоблаган барча тузатишларни киритиши мумкин.

1. Халқаро зайтун кенгашининг аъзолари ўзларининг халқаро савдоларида В ва С иловаларида кўрсатилган белгиларни қўллашни ўз зиммаларига оладилар ва уларнинг ички савдоларида қўлланилишини рағбатлантирадилар.

2. Аъзолар ўзларининг ички ва халқаро савдоларида «зайтун мойи» белгисининг якка ўзи ёки бошқа сўзлар билан қўшиб ишлатилишини ушбу Шартномага мос келмайдиган ҳар қандай фойдаланишни тўхтатишга мажбурдирлар. «Зайтун мойи» атамаси ҳеч қандай ҳолатда фақат зайтун кунжара мойига нисбатан ишлатилмаслиги керак.

3. Аъзолар кенгаши аъзоларнинг халқаро савдосида қўлланиладиган сифат ва поклик мезонларини белгилайди.

4. Аъзолар ўз ҳудудларида ушбу Шартномада назарда тутилган маҳсулотларга тегишли бўлган интеллектуал мулк ҳуқуқларининг савдо билан боғлиқ жиҳатлари тўғрисидаги (TRIPS) Шартномасининг 22-моддаси 1-банди маъносида ўзларининг ҳудудларида географик кўрсаткичлар бўйича амалдаги халқаро қоидалар. процедуралар ва мажбуриятлар. хусусан TRIPS Шартномасининг 1-моддасига мувофиқ ҳимоя қилишни таъминлайдилар.

5. Аъзолар, мурожаатга биноан, ўзларининг ҳудудларида ҳимоя қилинадиган географик кўрсаткичлар тўғрисида, хусусан, уларнинг ҳақиқийлигига ёки обрўсига таъсир қиладиган ҳар қандай амалиётнинг ҳуқуқий ҳимоясини кучайтириш мақсадида маълумот алмашадилар.

6. Аъзолар амалдаги қонунчилик қоидаларига мувофиқ истеъмолчиларга ўз ҳудудидаги муҳофаза қилинадиган географик кўрсаткичларнинг ўзига хос хусусиятлари тўғрисида маълумот бериш ва ушбу кўрсаткичларга қиймат қўшиш учун ташаббусларни қабул қилиш ҳуқуқига эга.

Аъзолар кенгаши Халқаро Зайтун Кенгашининг халқаро стандартларига мувофиқлигини кафолатлайдиган халқаро сифат кафолати ёрлиғи қўлланилишини таъминлаши мумкин. Ушбу модданинг қўлланилиши ва назорат қоидалари Регламентда белгиланади.

Аъзолар ушбу Шартнома бўйича мажбуриятларига ёки 1-моддада кўрсатилган умумий мақсадларига зид келадиган ҳар қандай чораларни кўрмасликлари керак.

Ҳар бир аъзонинг Халқаро Зайтун Кенгаши ва бошқа аъзолари олдидаги молиявий жавобгарлиги, шу моддада кўрсатилган бюджетга қўшимчалар бўйича 16-моддасида назарда тутилган мажбуриятлари чегараси билан чекланган.

Аъзолар барқарор зайтун етиштиришни ривожлантиришни кафолатлаш мақсадида зайтун ва зайтун мойи ишлаб чиқаришнинг барча босқичларида амалиётни такомиллаштиришга эътибор беришади ва ҳар қандай нарсани яхшилаш ёки ҳал қилиш учун Аъзолар кенгаши томонидан ушбу соҳада юзага келган муаммоларни бартараф этиш мақсадида зарур деб топилган ҳаракатларни амалга ошириш мажбуриятини оладилар.

Аъзолар ушбу Шартнома бўйича ўз вазифаларини бажаришлари учун зарур бўлган барча статистик маълумотлар, кўрсаткичлар ва ҳужжатларни тайёрлаш ва уларни Халқаро Зайтун Кенгашига тақдим этиш, ва, хусусан, зайтун мойлари, ёғлар ва зайтун мевалари ва аъзоларнинг зайтун маҳсулотлари бўйича миллий сиёсати тўғрисида маълумот олиш мажбуриятини оладилар.

1. Ушбу Шартномани талқин қилиш ёки қўллаш билан боғлиқ бўлган ва музокаралар йўли билан ҳал қилинмайдиган ҳар қандай низо, низо томони бўлган ҳар қандай аъзонинг ёки аъзоларнинг илтимосига биноан Аъзолар кенгашига юборилади, улар ушбу қарорни қабул қиладилар ва тегишли аъзолар ёки манфаатдор аъзолар йўқ бўлганда қарор, агар керак бўлса, маслаҳат кенгашидан фикр сўраб якуний хулосага келишади. Ушбу кенгашнинг таркиби ва операцион тафсилотлари Регламентда белгиланади.

2. Маслаҳат кенгаши томонидан асосли хулоса барча тегишли фактларни кўриб чиққандан сўнг ҳар қандай ҳолатда низони ҳал қиладиган Аъзолар кенгашига тақдим этилади.

3. Аъзо, раис ёки раис ўринбосари раис вазифасини бажараётганда ушбу Шартнома бўйича ўз мажбуриятларини бажармаганлиги тўғрисидаги ҳар қандай шикоят, шикоят берган аъзонинг илтимосига биноан, Аъзолар кенгашига юборилади. Кенгаш тегишли томонлар билан маслаҳатлашгандан сўнг ва ушбу модданинг 1-бандида кўрсатилган маслаҳат кенгашидан, агар керак бўлса, фикр сўраганидан сўнг, томон ёки иштирок етувчи томонларнинг йўқлигида қарор қабул қилади. Ушбу хатбошининг қўлланилиши қўшимча равишда Регламентда белгиланади.

4. Агар Аъзолар кенгаши аъзоларнинг ушбу Шартномани бузганлигини аниқласа, у ушбу аъзога оддий огоҳлантиришдан тортиб, Кенгаш қарорларида иштирок этиш ҳуқуқини тўхтатиб қўйишга қадар бўлган санкцияларни қўллаши мумкин.

5. Агар Аъзолар кенгаши Раис ёки Раис ўринбосари Раис вазифасини бажараётганда ўз вазифаларини ушбу Шартнома ёки Регламентга мувофиқ бажармаган деб ҳисобласа, у камида 50 кишининг илтимосига биноан иштирок этган аъзоларнинг фоизлари, ушбу Шартномада ёки Регламентда Раисга ёки Раис ўринбосарига берилган ваколат ва функцияларни вақтинча тўхтатиб туриш ва унинг аъзолари орасига ўринбосар тайинлаш тўғрисида Кенгаш томонидан бир сессия ёки узоқроқ муддатга қарор қабул қилади. Ушбу хатбошининг қўлланилиши қўшимча равишда Регламентда белгиланади.

6. Зайтун мойлари, зайтун кунжара мойлари ва зайтун мевалари билан боғлиқ Шартномаларга оид ҳар қандай низоларга нисбатан, Халқаро Зайтун Кенгаши аъзоларга ушбу низоларни ҳал қилиш учун конституция ва халқаро келишув ёки ҳакамлик идораларининг фаолиятига тегишли тавсиялар бериши мумкин.

Ушбу Шартнома асосида Бирлашган Миллатлар Ташкилотининг Бош котиби ушбу шартноманинг депозитарийси этиб белгиланади.

1. Ушбу Шартнома Бирлашган Миллатлар Ташкилотининг Бош қароргоҳида 2016 йил 1 январдан 2016 йил 31 декабригача ва шу жумладан, 2016 йил 31 декабргача зайтун мойи ва зайтун мевалари тўғрисидаги халқаро Шартнома иштирокчилари ва Бирлашган Миллатлар Ташкилотининг Конференциясида музокара ўтказиш учун таклиф қилинган ҳукуматлар томонидан имзоланиши учун очиқдир. Зайтун мойи ва зайтун мевалари тўғрисидаги 2005 йилги халқаро Шартномага ворис бўлиб ҳисобланади.

2. Ушбу Шартномани имзолаган ҳукуматлар томонидан тегишли конституциявий процедураларга мувофиқ ратификация қилиниши, қабул қилиниши ёки тасдиқланиши керак.

3. 4-модданинг 3-бандида кўрсатилган ҳар қандай ҳукумат:

а) ушбу Шартномани имзолаган даврда, мазкур имзо билан ушбу Шартноманинг бандларига тўлиқ амал қилишга розилик билдиришини ёзма равишда эълон қилиши (имзолаш); ёки

б) ушбу Шартномани имзолагандан сўнг уни тасдиқлаши, ратификация қилиши ёки депозитарийга тегишли ҳужжат топшириш орқали тасдиқлаши лозим.

4. Тасдиқлаш, қабул қилиш ёки ратификациялаш тўғрисидаги ҳужжатлар депозитарийда сақланади.

1. Ушбу Шартнома ҳар қандай Ҳукумат томонидан 4-модданинг 3-бандида белгиланганидек, аъзо бўлиш учун очиқдир, бу Аъзолар кенгаши томонидан белгиланадиган шартлар асосида ушбу Шартномага қўшилиши мумкин. Ушбу шартлар Аъзолар кенгаши томонидан депозитарийга юборилади. Шартномага қўшилиш жараёнини бошлаш тартиби, қўшилиш бўйича музокаралар ва тегишли қоидалар Аъзолар кенгаши томонидан Регламент асосида белгиланади.

2. Иш юритиш қоидаларида кўрсатилган қўшилиш бўйича музокаралар тугаганидан сўнг, Аъзолар кенгаши 10-моддада назарда тутилган тартибда қўшилиш тўғрисида қарорлар қабул қилади.

3. Қўшилиш пайтида аҳдлашувчи томон ушбу шартноманинг А иловасида ва қўшилиш шартларида белгиланган иштирок этиш улушлари билан рўйхатга олинади.

4. Қўшилиш депозитарийга қўшилиш тўғрисидаги ҳужжатни топшириш орқали амалга оширилади. қўшилиш тўғрисидаги ҳужжатларда ҳукумат Халқаро Зайтун Кенгаши томонидан белгиланган барча шартларни қабул қилиши белгиланган.

1. Ушбу Шартномани ратификация қилиш, қабул қилиш ёки тасдиқлаш ниятида бўлган имзолаган Ҳукумат ёки ҳукумат аъзолари Кенгаши унга қўшилиш учун шарт-шароитлар яратган, аммо ҳанузгача ўз ҳужжатларини топширишга қодир бўлмаган ҳар қандай ҳукумат ҳар қандай вақтда депозитарийга ушбу Шартноманинг 31-моддасига мувофиқ кучга кирганда ёки агар у аллақачон амалда бўлган бўлса, белгиланган санада вақтинча қўллашини хабардор қилиши мумкин.

2 Ушбу модданинг 1-бандига биноан вақтинчалик ариза юборган ҳукумат ушбу Шартномани кучга кирганда ёки агар у аллақачон амалда бўлса, белгиланган санада қўллайди ва шу вақтдан бошлаб Аҳдлашувчи томон ҳисобланади. У ўзининг ратификация, қабул қилиш, тасдиқлаш ёки қўшилиш тўғрисидаги ҳужжати сақланишга топширилган кунгача Аҳдлашувчи томон бўлиб қолади.

1. Ушбу Шартнома 2017 йил 1 январдан бошлаб мутлақ кучга киради, бунда ушбу Шартноманинг А иловасида келтирилган давлатлар орасидан камида бешта Аҳдлашувчи томонлар иштирок этиши ва 1000 та иштирок овозининг камида 80 фоизи улушини ташкил қилиши шарти билан ушбу Шартномани имзолаб ёки уни ратификация қилган, қабул қилган ёки тасдиқлаган ёки унга қўшилган ҳисобланади.

2. Агар 2017 йил 1 январда ушбу Шартнома ушбу модданинг 1-бандига мувофиқ кучга кирмаган бўлса, ушбу санага қадар ушбу модданинг 1-бандининг фоиз талабларини қондирадиган Аҳдлашувчи томонлар ушбу Шартномани аниқ имзолаган бўлса, у вақтинча кучга киради. ёки уни ратификация қилган, қабул қилган ёки тасдиқлаган ёки депозитарийга ушбу Шартномани вақтинча қўллашлари тўғрисида хабар беради.

3. Агар 2016 йилнинг 31 декабрида ушбу модданинг 1-банди ёки 2-бандига биноан кучга киришга қўйиладиган талаблар бажарилмаган бўлса, депозитарий ушбу Шартномани аниқ имзолаган ёки уни ратификация қилган, қабул қилган ёки тасдиқлаган Аҳдлашувчи томонларни таклиф қилади, ёки ушбу Шартномани ўзлари белгилаган муддатда тўлиқ ёки қисман ўзаро аниқ ёки вақтинча кучга кириши тўғрисида қарор қабул қилиш учун ушбу Шартномани вақтинча қўллашлари тўғрисида хабар беради.

4. Ушбу Шартнома кучга киргандан кейин ратификация қилиш, қабул қилиш, тасдиқлаш ёки қўшилиш тўғрисидаги ҳужжатни топширган ҳар қандай Аҳдлашувчи томон учун ушбу Шартнома тасдиқланган кундан бошлаб кучга киради.

1. Халқаро Зайтун Кенгаши, Аъзолар кенгаши орқали ҳаракат қилиб, ушбу Шартномани консенсус асосида ўзгартириши мумкин.

2. Аъзолар кенгаши аъзоларнинг ушбу тузатиш қабуЛ қилинганлиги тўғрисида депозитарийга хабар бериш санасини белгилайди.

3. Тузатиш барча аъзолардан қабул қилинганлиги тўғрисида хабар депозитарий олганидан сўнг 90 кун ўтгач кучга киради. Агар ушбу талаб ушбу модданинг 2-бандига мувофиқ Аъзолар кенгаши томонидан белгиланган кунга қадар бажарилмаса, тузатиш бекор қилинган деб ҳисобланади.

4. 11-модданинг 5-бандига асосланган А иловага жорий янгиланишларни амалга ошириш модданинг мақсадлари учун тузатишлар деб ҳисобланмайди.

1. Кенгашнинг ҳар қандай аъзоси томонидан Шартнома кучга киргандан кейин исталган вақтда депозитарийга чиқиш асосида ёзма равишда хабар бериш орқали Шартномадан чиқиб кетиши мумкин. Аъзо Халқаро Зайтун Кенгашига амалга оширган қарори тўғрисида ёзма равишда хабар беради.

2. Мазкур моддага асосланиб Шартномадан чиқиш депозитарий томонидан хабарнома олингандан сўнг 90 кун ўтгач кучга киради.

26-моддага зид келмаган ҳолда Аъзолар кенгашининг ҳар бир аъзоси ушбу Шартнома бўйича ўз мажбуриятларини бузган деб қарор қилса ва ушбу бузилиш ушбу Шартноманинг ишлашига сезиларли даражада салбий таъсир қилади деб топилса, у бошқа аъзоларнинг асосли қарори билан консенсус томони ва манфаатдор аъзо бўлмаган тақдирда ушбу аъзо Шартномадан чиқариб ташланади. Халқаро Зайтун Кенгаши зудлик билан депозитарийни ўз қарори тўғрисида хабардор қилади. Кўриб чиқилаётган аъзо Аъзолар кенгаши қарори қабул қилинган кундан 30 кун ўтгач ушбу Шартноманинг аъзолигидан чиқарилади. Аъзолар сафидан чиқариш тўғрисида қарор қабул қилинган кундан кейин янги молиявий мажбуриятлар келиб чиқмайди.

1. Аъзолар кенгаши, Халқаро зайтун кенгаши учун ҳуқуқий оқибатларга олиб келадиган ва ушбу Шартномадан чиқиб кетган ёки аъзонинг Халқаро зайтун кенгашидаги иштирокини тўхтатган, шунингдек. ушбу жараённи таъминлаш учун зарур бўлган даврда, хусусан, бундай мажбуриятлар бекор қилиниши керак бўлган ҳолларда аъзонинг ҳиссаси бўйича таъсир кўрсатадиган барча молиявий мажбуриятларни ҳисобга олган ҳолда, адолатли деб топилган барча харажатларни белгилайди.

Юқоридаги кичик банднинг қоидаларига қарамай, Кенгаш аъзолари аъзолик даврида Халқаро Зайтун Кенгашига тааллуқли барча тўловларни тўлаши шарт.

2. Ушбу Шартнома бекор қилингандан сўнг, ушбу модданинг 1-бандида кўрсатилган бирон бир аъзо, Шартнома тугатилганда маблағларнинг ёки Халқаро зайтун кенгашининг бошқа активларининг тақсимотига тааллуқли ҳеч қандай улушга эга бўлмайди; Халқаро Зайтун Кенгашининг камомадининг бирон бир қисми, агар мавжуд бўлса, ушбу аъзоларга юклатилмайди.

1. Ушбу Шартнома 2026 йил 31 декабргача амал қилади.

2. Аъзолар кенгаши ушбу Шартнома муддатини узайтириши мумкин. Аъзолар кенгаши Шартноманинг амал қилиш муддатининг узайтирилганлиги тўғрисида депозитарийни хабардор қилади. Ушбу Шартноманинг узайтирилишига хоҳиш билдирмаган аъзо бу ҳақда Халқаро Зайтун Кенгашига хабар беради ва узайтирилиш муддати бошланганидан буён ушбу ташкилотнинг кузатувчиси мақомида фаолият юритади.

3. Агар 2026 йил 31 декабргача ёки Аъзолар кенгаши қарорига биноан муддатни узайтириш муддати тугагунига қадар Аъзолар кенгаши Шартноманинг янги лойиҳаси муҳокама қилинган бўлса-да, лекин тасдиқланмаган ёки вақтинча кучга кирмаган бўлса, ушбу Шартнома ўз кучида қолади унинг амал қилиш муддати тугагандан сўнг, янги келишув кучга киргунига қадар энг узоғи билан 12 ойгача давом этади.

4. Аъзолар кенгаши ушбу Шартномани бекор қилиш тўғрисида консенсус асосида қарор қабул қилиши мумкин. Аъзоларнинг мажбуриятлари, Аъзолар кенгаши томонидан белгиланадиган тугатилиш санасигача давом этади.

5. Ушбу Шартноманинг амал қилиш муддати тугашига ёки бекор қилинишига қарамай, Халқаро Зайтун Кенгаши Халқаро Зайтун Кенгашини тугатишни, шу жумладан ҳисоб-китобларни амалга оширишни амалга ошириш учун зарур бўлган вақтгача давом этади ва ушбу муддат давомида ушбу мақсадлар учун зарур бўлиши мумкин бўлган ваколатлар ва функцияларга эга бўлади.

6. Аъзолар кенгаши ушбу моддага биноан қабул қилинган ҳар қандай қарор тўғрисида депозитарийни хабардор қилади.

Ушбу Шартноманинг бирон бир қоидасига нисбатан ҳеч қандай изоҳ берилиши мумкин эмас.

Бунга гувоҳлик бериш учун, тегишли равишда имзолашга ваколатли бўлган шахслар ушбу Шартнома бўйича белгиланган муддатларда имзоладилар.

2015 йил 9 октябрда Женевада амалга оширилди, ушбу Шартноманинг араб, инглиз, француз ва испан тилларидаги матнлари бир хил кучга эга.

Албания 5

Жазоир 23

Аргентина 18

Европа Иттифоқи 691

Миср 25

Грузия 5

Эрон (Ислом Республикаси) 5

Исроил 5

Иордания 7

Ливан 7

Ливия 5

Марокко 41

Черногория 5

Фаластин 6

Тунис 78

Туркия 69

Уругвай 5

Жами: 1,000

Зайтун мойлари ва зайтун кунжараси мойларининг белгилари ҳар бир белгига мос келадиган таъриф билан куйида келтирилган:

I. Зайтун мойлари

А. Сиқилган (совуқ усулда) зайтун мойлари: Зайтун дарахти меваларидан олинадиган мойлар (Olea EuropeaL.) Фақатгина механик ёки бошқа жисмоний усуллар билан ёғнинг ёмонлашишига олиб келмайдиган, айниқса, термал усулларни қўллаш, ювиш, декантация, центрифуга ва фильтрлашдан бошқа ҳар қандай усулда ишлов берилган бўлиши шарт. Сиқилган зайтун мойлари қуйидагича таснифланади ва белгиланади:

а. Истеъмол учун ишлаб чиқарилган совуқ усулда сиқилган зайтун мойлари қуйидагилар:

(i) экстра (илк марта) сиқилган зайтун мойи: сиқилган зайтун мойи, физик-кимёвий ва органолептик хусусиятлари Халқаро Зайтун Кенгашининг савдо стандартида ушбу туркумга киритилганларга мос келади;

(ii) сиқилган зайтун мойи: сиқилган зайтун мойи, физик-кимёвий ва органолептик хусусиятлари Халқаро Зайтун Кенгашининг савдо стандартида ушбу туркумга киритилган мойларга мос келади;

(iii) оддий сиқилган зайтун мойи: сиқилган зайтун мойи, физик-кимёвий ва органолептик хусусиятлари Халқаро Зайтун Кенгашининг савдо стандартида ушбу туркумга киритилганларга мос келади.[1]

b. Истеъмол учун қайта ишлаш зарур бўлган совуқ ҳолда биринчи сиқилган зайтун мойи:

Лампанте зайтун мойи: физик-кимёвий ва органолептик хусусиятлари Халқаро Зайтун Кенгашининг савдо стандартида ушбу тоифага тегишли бўлган зайтун мойи. Ушбу мой одамлар томонидан истеъмол қилиш ёки техник фойдаланиш учун қайта ишлашга мўлжалланган турларга бўлинади.

В. Тозаланган зайтун мойи: Физик-кимёвий хусусиятлари жиҳатидан Халқаро Зайтун Кенгаши савдо стандартида ушбу тоифага тегишли бўлган тоза зайтун мойларини тозалаш орқали олинган зайтун мойи. [2]

С. Қайта ишланган зайтун мойи ва сиқилган зайтун мойлари аралашмасидан ташкил топган зайтун мойи: қайта ишланган зайтун мойи ва сиқилган зайтун мойлари аралашмасидан ташкил топган ёғ истеъмол учун яроқли бўлиб, физик-кимёвий хусусиятлари ушбу тоифага тегишли бўлганларга мос келади. Халқаро зайтун кенгашининг савдо стандарти.

II. Зайтун кунжара ёғи[3]:

зайтун кунжарасини эритувчилар ёки бошқа физик таъсир билан қайта ишлаш натижасида олинган мой бўлиб, бу қайта эстерификация қилиш жараёнида олинган мойларни ва бошқа турдаги мойлар билан ҳар қандай аралашмани истисно қилади. Қуйидагича таснифланади:

А. Хом зайтун кунжара мойи: физик-кимёвий хусусиятлари Халқаро Зайтун Кенгашининг савдо стандартида ушбу тоифага тегишли бўлган зайтун мойи. Ушбу мой одамлар томонидан истеъмол қилишга ёки техник фойдаланиш учун қайта ишлашга мўлжалланган турларга бўлинади.

В Қайта шакллантирилган зайтун кунжара мойи: физик-кимёвий характеристикалари Халқаро Зайтун Кенгаши савдо стандартида ушбу тоифага белгиланган кўрсаткичларга мос келадиган, зайтун кунжара ёғини қайта ишлаш натижасида олинган ёғ. [4]

С. Қайта ишланган зайтун мойи ва сиқилган зайтун мойларидан ташкил топган зайтун мойи ёғи: қайта ишланган зайтун мойи ва сиқилган зайтун мойлари аралашмасидан ташкил топган ёғ, истеъмол учун яроқли бўлиб, ушбу тоифани Халқаро Зайтун Кенгаши савдо стандартларида белгиланган физик-кимёвий хусусиятлари унинг меъёрларига мос келади. Ҳеч қандай ҳолатда бу аралашмани «зайтун мойи» деб аташ мумкин эмас.

Зайтун мевалари қуйидаги турлардан бирига бўлинади:

i. Яшил зайтун мевалари: пишгунча, ранг беришдан олдин ва нормал ҳажмга етганда йиғилган мевалар. Уларнинг ранги яшилдан сомонга қадар сариқ ранггача ўзгариши мумкин.

ii. зайтун рангга айланади: ранг ўзгарганда тўлиқ пишиб этиш босқичидан олдин ҳосил бўлган мевалар Уларнинг ранги атиргулдан шароб гулигача ёки жигар ранггача фарқ қилиши мумкин.

iii. Қора зайтун мевалари: тўлиқ пишганида ёки тўлиқ пишгунча бироз олдин йиғилган мевалар. Уларнинг ранги қизғиш қора рангдан бинафша қора, чуқур бинафша, яшил ранг қора ёки чуқур каштангача фарқ қилиши мумкин.

Зайтун меваларини савдога чиқариш, жумладан махсус алоҳида усуллар билан қайта ишлаш жараёнлари Халқаро Зайтун Кенгашининг савдо стандартлари талаблари асосида бошқарилади.