Ўзбекистон Республикаси Конституциясининг 69 ва 78-моддаларига, «Ўзбекистон Республикаси Олий Мажлисининг Қонунчилик палатаси тўғрисида»ги Ўзбекистон Республикаси Конституциявий Қонунининг 8-моддасига ҳамда «Ўзбекистон Республикасининг маъмурий-ҳудудий тузилиши тўғрисида»ги Ўзбекистон Республикаси Қонунининг 18-моддаcига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Вазирлар Маҳкамасининг таклифи қабул қилиниб, Наманган вилоятининг Наманган шаҳри таркибида умумий ер майдони 8 223 гектар бўлган Янги Наманган тумани ташкил этилсин.

2. Наманган шаҳрининг «Мингтерак», «Бунёдкор», «Мустақилликнинг 5 йиллиги», «Ахсикент», «Машраб», «Маънавият», «Фурқат», «Гулистон», «Беруний», «Мингчинор», «Тинчлик», «Ёшлик», «Оромгоҳ», «Атанган гузар», «Янги замин», «Меҳнатобод», «Сиҳатгоҳ», «Гўзал», «Чаманзор», «Ишонч», «Шербулоқ», «Келажак тонги», «Соҳил» ва «Истиқбол» маҳалла фуқаролар йиғинларининг ҳудудлари Янги Наманган тумани таркибига ўтказилсин.

3. Ўзбекистон Республикаси Вазирлар Маҳкамаси томонидан таклиф этилган Наманган вилояти Наманган шаҳри таркибидаги Янги Наманган тумани чегарасининг тавсифи ва чизма шакллари тегишинча 1-2-иловаларга мувофиқ тасдиқлансин.

4. Белгилаб қўйилсинки, Наманган шаҳрининг Янги Наманган тумани таркибига ўтказилаётган сайлов округларидан (1-Оромгоҳ, 6-Ахсикент, 7-Мингчинор, 8-Гўзал, 9-Меҳнатобод, 10-Истиқбол) сайланган халқ депутатлари Наманган шаҳар Кенгашининг депутатлари халқ депутатлари Янги Наманган туман Кенгаши депутатлари ҳисобланади.

5. Ўзбекистон Республикаси Вазирлар Маҳкамаси ушбу Қарорнинг ижроси юзасидан комплекс чора-тадбирлар амалга оширилишини таъминласин.

6. Мазкур Қарор Ўзбекистон Республикаси Олий Мажлисининг Сенатига юборилсин.

7. Ушбу Қарор қабул қилинган кундан эътиборан кучга киради.

Наманган вилояти Наманган шаҳри таркибидаги Янги Наманган туманининг чегараси А дан Б гача Наманган шаҳри ерлари билан чегарадош бўлиб, тавсифи қуйидагича:

Наманган шаҳри К. Мамарасулов кўчаси 4Р113 автомобиль йўлининг 1 000 метрида Шимолий Фарғона магистрал канали «Янгиқўрғон» кўпригининг ўнг томони, ғарбий бурчаги 1-бошланғич нуқта сифатида қабул қилинди (шимолий кенглик координаталари — 41°1'7.74", шарқий узунлик координаталари — 71°40'29.07").

1-нуқтадан чегара жануби-ғарбий йўналишда Шимолий Фарғона магистрал каналининг ўнг томони бўйлаб 5 549 метр масофада 4Р261 автомобиль йўлидаги «Ғирвонсой» кўпригининг ўнг томони, ғарбий бурчагидаги 2-нуқтагача давом этади (шимолий кенглик координаталари — 40°59'56.51», шарқий узунлик координаталари — 71°37'34.09»).

2-нуқтадан чегара шимоли-ғарбий йўналишда Наманган шаҳрининг Давлатобод тумани билан мавжуд маъмурий чегараси бўйлаб 6 899 метр масофада Катта Наманган магистрал канали дюкери билан Ғирвонсой кесишган жойдаги дюкерни сой оқимидан ҳимояловчи Ғирвонсой гидроиншоотининг ўнг томони, жанубий бурчагидаги 3-нуқтагача давом этади (шимолий кенглик координаталари — 41°3'3.79», шарқий узунлик координаталари — 71°35'42.66»).

3-нуқтадан чегара шимоли-шарқий йўналишда Наманган шаҳрининг Косонсой тумани билан мавжуд маъмурий чегараси бўйлаб 15 825 метр масофада «Қораполвон» аҳоли пункти номсиз дала йўли айрилган жойдаги 4-нуқтагача давом этади (шимолий кенглик координаталари — 41°9'0.41», шарқий узунлик координаталари — 71°40'19.10»).

4-нуқтадан чегара жанубий йўналишда Наманган шаҳрининг Янгиқўрғон тумани билан мавжуд маъмурий чегараси бўйлаб 25 755 метр масофада 4Н-461 автомобиль йўли Шербулоқ кўчаси билан туташган жойнинг жануби-шарқий томонидаги Янгиқўрғон ва Чортоқ туманлари чегаралари туташган 5-нуқтагача давом этади (шимолий кенглик координаталари — 41°3'43.34», шарқий узунлик координаталари — 71°42'45.74»).

5-нуқтадан чегара жанубий йўналишда Наманган шаҳрининг Чортоқ тумани билан мавжуд маъмурий чегараси бўйлаб 7 930 метр масофада, Шимолий Фарғона магистрал каналининг ўнг томонидаги «Соҳил» кўпригининг шарқий бурчагидан канал бўйлаб шарқ томонга 582 метр масофада 6-нуқтагача давом этади (шимолий кенглик координаталари — 41°2'20.64», шарқий узунлик координаталари — 71°44'41.16»).

6-нуқтадан чегара ғарбий йўналишда Шимолий Фарғона магистрал каналининг ўнг томони бўйлаб 6 785 метр масофада К. Мамарасулов кўчаси 4Р113 автомобиль йўлининг 1 000 метрида Шимолий Фарғона магистрал канали «Янгиқўрғон» кўпригининг ўнг томони, ғарбий бурчагидаги бошланғич 1-нуқтагача давом этади (шимолий кенглик координаталари — 41°1'7.74», шарқий узунлик координаталари — 71°40'29.07»).