Сўнгги йилларда мамлакатимизда давлат ҳокимиятининг вакиллик органлари фаолиятини такомиллаштиришга алоҳида эътибор қаратилмоқда. Жумладан, Ўзбекистон Республикаси Олий Мажлиси палаталари ҳамда Ахборот технологиялари ва коммуникацияларини ривожлантириш вазирлиги томонидан Ўзбекистон Республикаси Олий Мажлиси палаталарида ахборот технологияларини янада ривожлантириш ҳамда «Электрон парламент» тизимини жорий этиш юзасидан муайян ишлар амалга оширилди, маҳаллий ва олий вакиллик органлари ўртасида электрон ҳужжат айланиши тизими йўлга қўйилди, Олий Мажлис палаталарида электрон ҳужжат айланиши тизимини ишлаб чиқиш ва жорий этиш бўйича ишлар олиб борилмоқда.

Шу билан бирга, қайд этиш лозимки, халқ депутатлари Кенгашларининг расмий веб-сайтлари фақатгина айрим вилоятларда мавжудлиги, туманлар ва шаҳарлар халқ депутатлари Кенгашларида эса бундай сайтлар умуман йўқлиги, вилоят Кенгашларининг мавжуд расмий веб-сайтларида Кенгашлар қарорлари мунтазам чоп этилмаслиги ва улар фаолияти тўғрисидаги маълумотлар тўлиқ ёритилмаслиги аҳолининг маҳаллий ҳокимият вакиллик органлари фаолиятидан бехабар қолиб кетишига сабаб бўлмоқда.

Электрон қонун ҳужжатларининг автоматлаштирилган тизими мавжуд эмаслиги парламентнинг қонун ижодкорлиги фаолиятини амалга ошириш жараёни устидан тизимли мониторинг олиб боришга тўсқинлик қилмоқда, бу эса мазкур фаолият самарадорлигининг пасайишига олиб келмоқда.

Мазкур муаммоларни бартараф этиш, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастурининг 8-бандида назарда тутилган вазифалар ижросини таъминлаш мақсадида Ўзбекистон Республикаси Олий Мажлиси Қонунчилик палатасининг Кенгаши ва Ўзбекистон Республикаси Олий Мажлиси Сенатининг Кенгаши қарор қиладилар:

1. «Вакиллик органлари расмий веб-сайтининг намунавий шаклини, унинг фаолияти тўғрисидаги маълумотларни автоматлаштирилган ҳолда тўплаш ва қайта ишлаш имконини берувчи ахборот ресурсини шакллантириш лойиҳаси»нинг концепцияси 1-иловага мувофиқ тасдиқлансин.

Мазкур лойиҳани амалга ошириш учун Ўзбекистон Республикаси Олий Мажлиси Сенатининг Маҳаллий ҳокимият вакиллик органлари фаолиятини кучайтиришга кўмаклашувчи комиссияси (Т. Мадумаров) масъул этиб белгилансин.

2. «Қонун ижодкорлиги жараёнининг очиқлигини ва самарали ҳужжат алмашинувини таъминловчи Олий Мажлис палаталари қонун ижодкорлиги фаолиятининг автоматлаштирилган тизимини ишлаб чиқиш ва жорий этиш лойиҳаси»нинг концепцияси 2-иловага мувофиқ тасдиқлансин.

Ушбу лойиҳани амалга ошириш учун Ўзбекистон Республикаси Олий Мажлиси Қонунчилик палатасининг Инновацион ривожланиш, ахборот сиёсати ва ахборот технологиялари масалалари қўмитаси (И. Абдуллаев) масъул этиб белгилансин.

3. Ўзбекистон Республикаси Вазирлар Маҳкамаси:

мазкур лойиҳаларнинг молиялаштирилишини;

лойиҳа учун масъуллар билан биргаликда 2020 йилнинг 1 апрелига қадар мазкур лойиҳаларни амалга ошириш бўйича чора-тадбирлар режалари ишлаб чиқилиши ва тасдиқланишини таъминласин.

4. «Электрон парламент» тизимини ривожлантиришга, Ўзбекистон Республикаси Олий Мажлиси палаталарида ахборот технологияларини жорий этишга кўмаклашувчи идоралараро гуруҳ (И. Абдуллаев) мазкур лойиҳаларнинг ўз вақтида ва тўлиқ бажарилиши устидан мониторинг амалга оширилишини таъминласин.

5. Ушбу Қўшма қарорнинг ижросини назорат қилиш Ўзбекистон Республикаси Олий Мажлиси Қонунчилик палатаси Спикерининг ўринбосари А. Кадиров ва Ўзбекистон Республикаси Олий Мажлиси Сенати Раисининг биринчи ўринбосари С. Сафоев зиммасига юклансин.

6. Мазкур Қўшма қарор қабул қилинган кундан эътиборан кучга киради.

Интернет тармоғидаги халқ депутатлари маҳаллий Кенгашларининг расмий веб-сайтларини ўзида жамлаган ягона портални яратиш, шунингдек маҳаллий ҳокимият вакиллик органларининг фаолияти тўғрисидаги барча маълумотларни автоматлаштирилган ҳолда тўплаш ва қайта ишлаш имконини берувчи ахборот ресурсини шакллантириш.

Стратегик: маҳаллий ҳокимият вакиллик органлари фаолиятининг очиқлигини таъминлаш ва аҳолининг ўз вакилларига бўлган ишончини ошириш, ягона автоматлаштирилган ахборот ресурсидан фойдаланган ҳолда халқ депутатлари маҳаллий Кенгашларининг фаолиятига оид электрон шаклдаги ҳужжатларни тўплаш, қайта ишлаш, рўйхатга олиш ва ушбу маълумотларнинг электрон базасини яратиш.

Тезкор: маълумотларнинг очиқлиги ва ишончлилигини таъминлаш, сўралган маълумотни олиш тезлигини ошириш, уларни қайд этиш жараёнларини соддалаштириш.

Халқ депутатлари маҳаллий Кенгашларининг веб-сайтлари учун ягона портални яратиш, автоматлаштирилган ахборот ресурсидан маълумотларни тез ва осон олиш, Сенатнинг маҳаллий ҳокимият вакиллик органлари фаолиятини кучайтиришга кўмаклашувчи комиссиясининг маҳаллий Кенгашларга техник, услубий ва ҳуқуқий ёрдам кўрсатиш имкониятини ошириш.

Лойиҳанинг техник талабларини тайёрлайдиган ва веб-сайтларга жойлаштириладиган таянч маълумотларни тўплаш ва саралаш билан шуғулланувчи ишчи гуруҳни тузиш;

техник талабларни тасдиқлаш;

лойиҳа ишларини баҳолаш;

лойиҳани амалга оширувчи ижрочи ташкилотни танлаш;

лойиҳа ишларини назорат қилиш;

халқ депутатлари маҳаллий Кенгашлари ҳақидаги таянч маълумотларни тўплаш ва ишчи гуруҳга топшириш;

жойларда маҳаллий Кенгаш фаолияти тўғрисидаги маълумотларни тайёрлаш ва тизимга жойлаштириш учун масъул ходимларни тайинлаш;

ҳудудларда иш жойларни ташкил этиш ва жиҳозлаш;

жойлардаги масъул ходимлар учун ўқув-тренингларни ташкил этиш;

лойиҳа натижалари бўйича тақдимот ўтказиш.

Kengash.uz домен номини сотиб олиш;

техник топшириқни ишлаб чиқиш;

лойиҳалаштириш;

лойиҳа учун зарур қурилмалар, асбоб-ускуналар, дастурлар ва хизматларни сотиб олиш;

дастурлаш;

портал ва ундаги веб-сайтларнинг дизайнини яратиш;

веб-сайтларга Кенгашлар ҳақидаги таянч маълумотларни жойлаштириш;

Кенгашлар веб-сайтлари порталини синовдан ўтказиш.

Намунавий сайт тузилмаси, дизайн, веб-сайтни бошқариш тизими, ахборот хавфсизлигини таъминлаш ва бошқа жиҳатлардан иборат бўлган техник талаблар;

лойиҳанинг тасдиқланган техник топшириғи;

техник лойиҳа;

сотиб олинган қурилмалар, асбоб-ускуналар ва дастурларнинг техник ҳужжатлари ва лицензиялари;

яратилган тизимнинг техник тавсифи;

администратор ва фойдаланувчи учун қўлланма;

халқ депутатлари маҳаллий Кенгаши веб-сайтининг намунавий низоми;

лойиҳанинг синов ва топшириш далолатномалари.

Маҳаллий Кенгашлар веб-сайтларида депутатларнинг шахсий саҳифаларини яратиш ва уларни мобил иловаси билан бошқариш тизимини ишлаб чиқиш.

Ўзбекистон Республикаси Олий Мажлиси палаталари қонун ижодкорлиги фаолиятининг автоматлаштирилган тизими қонун ижодкорлиги фаолияти билан боғлиқ жараёнларни қўллаб-қувватлаш ва автоматлаштириш учун зарур технологик ва эксплуатацион инфраструктурани таъминлайди. Янги тизим қонун ижодкорлигида ҳужжат алмашинувини ташкил этиш ҳамда қонун лойиҳалари, қонунлар ва қонун ижодкорлиги фаолиятига оид бошқа материаллар устида ҳамкорликда ишлашни автоматлаштириш, шунингдек қонун ижодкорлиги материалларининг марказлашган ҳисобини юритиш ва тизимлаштиришни таъминлайди.

норма ижодкорлиги жараёнининг босқичларини (норматив-ҳуқуқий ҳужжатларни қабул қилиш ташаббуси, ишлаб чиқиш, келишиш, киритиш ва уларнинг ижроси мониторинги) электрон шаклга ўтказишни назарда тутувчи электрон норма ижодкорлиги тизимини ривожлантириш;

фуқаролар учун қонун лойиҳаларини кўриб чиқиш ва қабул қилишнинг барча босқичлари тўғрисидаги ахборотларни монеликсиз олишга имкон берувчи қонун ҳужжатлари маълумотлари ишлашининг автоматлаштирилган тизимини яратиш ва Олий Мажлис палаталари фаолиятига татбиқ этиш.

қонун ижодкорлиги фаолияти жараёнини ҳужжат билан таъминлаш самарадорлигини ошириш;

Олий Мажлис палаталари ташкилий тузилмалари доирасида ички ўзаро ҳаракат жараёнлари самарадорлигини ошириш.

норматив-ҳуқуқий ҳужжатлар лойиҳаларининг ҳаракатланиш тарихини юритиш ҳамда уларни Олий Мажлис палаталарининг махсус, умумфойдаланишдаги ва хизмат модулига эга веб-сайтига жойлаштириш;

қонунчилик ҳокимияти органи, унинг доимий қўмита ва комиссиялари йиғилишлари кун тартибини тайёрлаш;

йиғилишларга тайёрланган ҳужжатлар тўпламини депутат ва сенаторларга, қонунчилик ташаббуси ҳуқуқига эга субъектлар, назорат қилувчи органлар, бошқа ташкилот ва идораларга электрон шаклда тарқатиш;

йиғилишларни (овоз беришни) кузатиш тизимлари ўртасида маълумотлар алмашиш;

қабул қилинган қонунлар, қарорларни Олий Мажлис палаталарининг расмий веб-сайтларида эълон қилиш;

қонун лойиҳаларини Қонунчилик палатаси расмий веб-сайтида интерактив тарзда муҳокама қилишни ташкил этиш.

қонун ижодкорлиги фаолияти моделини яратиш ва мақбуллаштириш, ишлаб чиқиладиган ахборот тизимига қўйиладиган техник талабларни тайёрлаш ҳамда палаталарнинг норматив-ҳуқуқий ҳужжатларига киритиладиган ўзгартиришларни тайёрлаш бўйича ишчи гуруҳ тузиш;

тизимга қўйилган техник талабларни тасдиқлаш;

лойиҳа ижрочисини танлаш.

техник вазифаларни ишлаб чиқиш;

ишчи лойиҳани ишлаб чиқиш ва тасдиқлаш;

тизимнинг аппарат воситаларини сотиб олиш ва дастурий таъминотларини ишлаб чиқиш;

Олий Мажлис палаталарининг ягона ахборот тармоғини яратиш ва синовдан ўтказиш;

ишлаб чиқилган ахборот тизимини синовдан ўтказиш;

шахсий таркиб ва фойдаланувчиларни ўргатиш;

лойиҳани ишга тушириш.

ахборот тизимининг техник вазифалари ва техник лойиҳаси;

дастурий таъминот лицензияси;

аппарат воситаларининг техник ҳужжатлари;

тизим администраторининг йўриқномаси;

тизим фойдаланувчисининг йўриқномаси;

амалдаги норматив-ҳуқуқий ҳужжатларга ўзгартиш ва қўшимчалар киритиш бўйича лойиҳалар.

1. Ишлаб чиқилган тизимни халқ депутатлари маҳаллий Кенгашларининг норма ижодкорлиги жараёнига татбиқ этиш;

2. Кейинчалик сунъий онг элементларини жорий этиш истиқболи асосида қонун ижодкорлигининг автоматлаштирилган эксперт тизимини яратиш.