Ўзбекистон Республикаси Конституциясининг 78-моддасига ҳамда «Ўзбекистон Республикасида маъмурий-ҳудудий тузилиш масалаларини ҳал этиш тартиби тўғрисида»ги Ўзбекистон Республикаси Қонунининг 5-моддасига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Вазирлар Маҳкамасининг таклифи қабул қилиниб, Бухоро вилоятининг Ғиждувон тумани ва Навоий вилоятининг Конимех тумани чегаралари ўзгартирилсин.

2. Бухоро вилояти Ғиждувон тумани маъмурий ҳудудининг 10 651 гектар ер майдони, шу жумладан «Зафаробод» аҳоли пунктининг 609,65 гектар ер майдони (шундан, яйловлар 107 гектар, аҳоли пунктлари ерлари 116 гектар ва бошқа ерлар 386,65 гектар) Навоий вилоятининг Конимех тумани таркибига ўтказилсин.

3. Бухоро вилоятининг Ғиждувон тумани ва Навоий вилоятининг Конимех тумани чегаралари Ўзбекистон Республикаси Вазирлар Маҳкамаси томонидан тақдим этилган 1 ва 2-иловаларга* кўра тавсифлар ва график чизмаларга мувофиқ тасдиқлансин.

4. Белгилаб қўйилсинки, Навоий вилоятининг Конимех тумани таркибига ўтказилаётган Бухоро вилоятининг Ғиждувон тумани «25-Зафаробод» сайлов округидан сайланган халқ депутатлари Ғиждувон туман Кенгашининг депутати Навоий вилояти халқ депутатлари Конимех туман Кенгашининг депутати ҳисобланади.

5. Ўзбекистон Республикаси Вазирлар Маҳкамаси ушбу Қарорнинг ижроси бўйича комплекс чора-тадбирлар амалга оширилишини таъминласин.

6. Ушбу Қарор Ўзбекистон Республикаси Олий Мажлисининг Сенатига юборилсин.

7. Ушбу Қарор қабул қилинган кундан эътиборан кучга киради.