Ўзбекистон Республикаси Ҳукумати (кейинги ўринларда «Ҳукумат» деб юритилади) бир томондан, ҳамда Халқаро миграция ташкилоти (кейинги ўринларда «Ташкилот» деб юритилади) иккинчи томондан (кейинги ўринларда биргаликда «Томонлар» деб юритилади),

Ўзбекистон Республикасининг Ташкилотга аъзо давлат эканлигини эътироф этган ҳолда,

Ҳукумат ва Ташкилот ўртасида дўстона муносабатларни ҳамда ҳамкорликни янада мустаҳкамлаш ва ривожлантиришни истаган ҳолда,

2013 йил 26 ноябрда Ташкилот Кенгаши «Ташкилот фаолият олиб борадиган аъзо, кузатувчи ва бошқа мақомдаги барча давлатларни Ихтисослаштирилган муассасалар имтиёзлари ва иммунитетлари тўғрисидаги Конвенцияга (1947 йил) мувофиқ равишда Бирлашган Миллатлар Ташкилоти ихтисослаштирилган муассасалари фойдаланадиган имтиёзлар ва иммунитетларни Ташкилотга тақдим этишга чақирувчи» 1266-сонли (СIII) Резолюцияни қабул қилганлигини эътироф этган ҳолда,

Ташкилот Бирлашган Миллатлар Ташкилоти тизимига кирувчи муассаса эканлигини эътироф этган ҳолда,

Ташкилотнинг мақсад ва вазифалари ҳамда Ташкилот томонидан олиб борилаётган фаолиятдан келиб чиқиб Ихтисослаштирилган муассасалар имтиёзлари ва иммунитетлари тўғрисида 1947 йил 21 ноябрда қабул қилинган Конвенцияга (кейинги ўринларда «Конвенция» деб юритилади) мувофиқ Бирлашган Миллатлар Ташкилоти ихтисослаштирилган муассасаларига бериладиган имтиёзлар ва иммунитетларни Ҳукумат томонидан Ташкилотга берилиши кафолатланишини инобатга олган ҳолда,

қуйидагилар тўғрисида келивушга эришдилар:

Ташкилот ўзининг бошқарувчи органларининг тегишли карорлари ва Ҳукуматнинг рухсати ҳамда мавжуд молиявий имкониятлардан келиб чиққан ҳолда Ўзбекистон Республикасида салоҳиятни ошириш, миграция масалалари буйича маслаҳат хизмати ва техник ҳамкорлик, миграция ва соғлиқни сақлаш, халқаро миграция ҳуқуқи, миграция ва атроф-муҳит, миграция ахбороти, одам савдосига қарши кураш, маҳаллий ва хорижий фуқаролар миграцияси, кўчирилган ва бошқа ёрдамга муҳтож шахсларга ёрдам кўрсатиш, малакали инсон ресурсларини қайтариш ва қайтариш билан боғлик бўлган дастурларни амалга оширади.

Ҳукумат Ташкилотга Ўзбекистон Республикасида ваколатхона очишга рухсат беради.

Зарур бўлган тақдирда Ташкилот ўз фаолиятини амалга ошириш мақсадида Ҳукумат билан маслаҳатлашувлардан сўнг Ўзбекистон Республикаси ҳудудида бошқа ваколатхоналар очиши мумкин.

Зарур ҳолларда амалга оширилиши режалаштирилаётган ва келажакда амалга ошириладиган лойиҳа ва дастурларни амалга тадбиқ этиш юзасидан Томонлар ўртасидаги ҳамкорлик тафсилотлари Томонлар ўртасида алоҳида келишувлар расмийлаштириш орқали келишилади. Ушбу келишувлар, агар шундай белгиланган бўлса, мазкур Битимнинг таркибий қисми ҳисобланади.

Ўзбекистонда Ваколатхонани очиш ва сақлаб туриш билан боғлиқ харажатлар тўлиқ Ташкилот маблағлари ҳисобидан молиялаштирилади.

Конвенциянинг 3- дан 30-бандигача ва ушбу Конвенциянинг I иловаси 2- ва 3-бандларига мувофик, Ҳукумат Ташкилотга Бирлашган Миллатлар Ташкилотининг Ихтисослаштирилган муассасаларига бериладиган имтиёзлар ва иммунитетларни такдим этади. Конвенцияда кўлланилган таърифлар тегишли ўзгартиришлар билан ушбу Битимга кўлланилади. Юқорида келтириб ўтилган Конвенция бандлари ва унинг I иловасидаги қоидалар Халқаро миграция ташкилотининг ўзига хос жиҳатларини инобатга олиш мақсадида тегишли ўзгартиришлар билан қўлланилади.

Мазкур Битимнинг қоидаларини талқин қилиш ёки қўллашда юзага келадиган ҳар қандай низолар Томонлар ўртасида музокаралар ва маслаҳатлашувлар орқали тинч йўл билан ҳал этилади.

Мазкур Битимга Томонларнинг ўзаро розилиги билан ушбу Битимнинг ажралмас қисми ҳисобланадиган ва алоҳида баённомалар расмийлаштириш орқали Битимнинг 6-моддасида кўрсатиб ўтилган тартибда кучга кирадиган ўзгартириш ва қўшимчалар киритилиши мумкин.

Мазкур Битим оҳирги Томон имзолаган санадан эътиборан кучга киради.

Мазкур Битим номуайян муддатга тузилади ва бир Томон бошқа Томоннинг ушбу Битимни тугатиш нияти тўғрисидаги ёзма хабарномасини олганидан сўнг 6 ой ўтгунга қадар амалда бўлади.

Куйида, мазкур Битимни тегишли тартибда имзолаш ваколати берилган вакиллар томонидан имзоланди.

Тошкент шаҳрида 2020 йил 10 августда ва Женева шаҳрида 2020 йил 5 ноябрда икки асл нусхада, ҳар бири ўзбек ва инглиз тилларида тузилди, бунда иккала матн бир хил юридик кучга эга. Матнлар ўртасида тафовут юзага келган тақдирда, инглиз тилидаги матн устувор ҳисобланади.