Ўзбекистон Республикасининг «Географик объектларнинг номлари тўғрисида»ги Қонуни (Ўзбекистон Республикаси қонун ҳужжатлари тўплами, 2011 й., 41-сон 448-модда) ва Вазирлар Маҳкамасининг 2012 йил 16 октябрдаги «Географик объектларнинг номлари тўғрисида»ги Ўзбекистон Республикаси Қонунига мувофиқ географик объектларнинг номлари соҳасидаги ишларни тартибга солиш чора-тадбирлари ҳақида»ги 295-сонли қарори (Ўзбекистон Республикаси қонун ҳужжатлари тўплами, 2012 й., 41-42-сон 483-модда) ижросини таъминлаш, шунингдек географик объектларни номлаш соҳасидаги давлат сиёсатини самарали амалга ошириш мақсадида Ўзбекистон Республикасининг «Маҳаллий давлат ҳокимияти тўғрисида»ги Қонуни (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда) 6-моддасига асосан халқ депутатлари туман Кенгаши қарор қилади:

1. Тумандаги «Шароф Рашидов» маҳалла фуқаролар йиғини ҳудудидаги номсиз кўчага ном бериш бўйича маҳалла фуқаролар йиғинининг аризасига асосан билдирилган таклифлари иловага мувофиқ тасдиқлансин.

2. Туман статистика бўлими (Қ. Келдибеков), Туман ер ресурслари ва давлат кадастри бўлими (Д. Шодмонбеков), Туман давлат архитектура ва қурилиш бўлими (Б. Юлдошев) ҳамда тегишли мутасадди давлат органларига амалдаги тартибда ном берилган кўчанинг таркибий қисмларини давлат рўйхатидан ўтказиш ва электрон базасини шакллантириш, иш юритиш ҳужжатларига ўзгартириш киритиш билан боғлиқ барча тадбирларни амалга ошириш вазифаси юклатилсин.

3. Туман ички ишлар бўлими (Ф. Тўйчиев) Шароф Рашидов маҳалла фуқаролар йиғинидаги ном берилган кўчада яшовчи аҳолининг фуқаролик паспортларига тегишли ўзгартиришлар киритиш ишларини ташкилий равишда амалга оширсин.

4. Географик объектларга ном бериш ва уларнинг номларини ўзгартириш масалалари бўйича туман комиссиясига янги ном берилган кўчанинг таркибий қисмларига унинг номлари ёзилган кўрсатгич ва белгилар, пешлавҳаларни босқичма-босқич ўрнатилишини таъминласин.

5. Туман «Шарқ тонги» газетаси (Ў. Бердибеков)га ушбу қарор газета саҳифасида ёритилсин.

6. Мазкур қарорнинг ижросини таъминлаш халқ депутатлари туман Кенгашининг ижтимоий-маданий ривожланиш, ёшлар сиёсати ва соғлом авлодни тарбиялаш масалалари доимий комиссияси (И. Тўпчиева) зиммасига юклатилсин.

7. Ушбу қарор расмий эълон қилинган кундан эътиборан кучга киради.