Республиканинг юқори сифатли қувурларга бўлган эҳтиёжини қондириш, қувурлар қуриш самарадорлигини ошириш, импорт ўрнини босишни кенгайтириш, шунингдек республиканинг экспорт салоҳиятини ошириш мақсадида Вазирлар Маҳкамаси қарор қилади:

1. «В.П. Чкалов номидаги Тошкент авиация ишлаб чиқариш бирлашмаси» давлат акциядорлик жамиятининг («ТАПОиЧ» ДАЖ) Швейтсариянинг «HOBAS AG) (HOBAS) компанияси ва Германиянинг «WEMEX Handel GmbH» (WEMEX) компанияси билан немис компанияси «HOBAS ROHRE GmbH» технологиясидан фойдаланган ҳолда центрифугалаш усулида металл бўлмаган қувурларни ишлаб чиқариш бўйича ёпиқ акциядорлик жамияти шаклида «ХОБАС-ТАПО» Ўзбекистон-Швейцария-Германия қўшма корхонасини ташкил этиш тўғрисидаги таклифи қабул қилинсин.

2. «ХОБАС-ТАПО» қўшма корхонаси муассисларининг улушларини тақсимлашнинг таклиф этилган схемасига 1-иловага* мувофиқ розилик берилсин.

3. Белгилансинки, лойиҳани молиялаштириш:

«HOBAS ROHRE GmbH» фирмаси билан тузилган контракт қийматининг 85 фоизи миқдорида (90,525 млн. немис маркаси) Ўзбекистон Республикаси Ташқи иқтисодий фаолият миллий банки томонидан қайта молиялаштириладиган «Гермес» жамиятининг суғуртаси остида «Берлинер Банк АГ» банкининг 8,5 йил муддатга берилган кредити ҳисобига;

Ўзбекистон Республикаси Ташқи иқтисодий фаолият миллий банки томонидан қайта молиялаштириладиган «Берлинер Банк АГ» банкининг 540 кунлик кредити ҳисобига «HOBAS ROHRE GmbH» фирмаси билан тузилган контракт қийматининг 15 фоизи (15,975 млн Германия маркаси) миқдорида амалга оширилсин.

4. Ташқи иқтисодий фаолият миллий банки:

икки ҳафта муддатда контракт қийматининг 85 фоизи ва 15 фоизини тўлаш учун «Берлинер Банк АГ» банки билан кредит битими тузсин;

олинган кредитларни «ХОБАС-ТАПО» қўшма корхонасига белгиланган тартибда қайта молиялаштирсин.

5. Маълумот учун қабул қилинсинки:

«ХОБАС-ТАПО» қўшма корхонаси билан «HOBAS ROHRE GmbH» фирмаси билан йилига 970 км нометалл қувурлар ишлаб чиқариш бўйича технологик асбоб-ускуналар комплексини етказиб бериш ва фойдаланишга топшириш юзасидан умумий қиймати 106,5 млн немис маркаси (ДМ) бўлган контракт тузилган бўлиб, қувватлар 1999 йилнинг ИВ чорагида ишга туширилади;

«ХОБАС-ТАПО» қўшма корхонаси томонидан ишлаб чиқариладиган қувурлар ҳажмининг камида 50 фоизи экспорт қилинади;

«Берлинер Банк АГ» банкининг Ўзбекистон Республикаси Ташқи иқтисодий фаолият миллий банки томонидан қайта молиялаштириладиган кредитлари ва уларга хизмат кўрсатиш харажатларини тўлаш 2-иловага* мувофиқ «ХОБАС-ТАПО» қўшма корхонасининг ўз маблағлари ҳисобидан амалга оширилади.

6. «ХОБАС-ТАПО» қўшма корхонаси нометалл қувурларни сотиш бўйича фьючерс шартномалари тузилишини таъминласин.

7. Ўзбекистон Республикаси молия вазири Ж.Б. Сайфиддинов жалб этиладиган кредитлар бўйича «Берлинер Банк АГ» банкига ва Ўзбекистон Республикаси Ташқи иқтисодий фаолият миллий банкига Ўзбекистон Республикаси Ҳукумати кафолатларини белгиланган тартибда беришга вакил қилинсин.

8. Ўзбекистон Республикаси Адлия вазирлиги Ўзбекистон Республикаси Ҳукуматининг кафолатлари бўйича белгиланган тартибда юридик хулоса берсин.

9. «ХОБАС-ТАПО» қўшма корхонаси «Оникс» акциядорлик жамияти, «Ўзелтехсаноат» уюшмаси ва бошқа идоралар билан биргаликда хомашёга боғлиқликни камайтириш ва қувурлар компонентларини ишлаб чиқаришни маҳаллийлаштириш мақсадида уч ой муддатда илғор хорижий технологияларни жалб этган ҳолда нометалл қувурлар ишлаб чиқариш учун шиша тола, қатрон ва бошқа компонентлар ишлаб чиқаришни ташкил этиш бўйича Вазирлар Маҳкамасига таклифлар киритсин.

11. Ўзбекистон Республикаси Ички ишлар вазирлиги «ХОБАС-ТАПО» қўшма корхонасининг буюртманомалари бўйича қўшма корхонанинг хорижий мутахассисларига кўп марталик визалар берилишини ва уларнинг муддати узайтирилишини, шунингдек паспортлари рўйхатдан ўтказилишини, уларни йиғимлар ва давлат божлари тўлашдан озод қилган ҳолда, белгиланган тартибда таъминласин.

12. «ХОБАС-ТАПО» қўшма корхонаси, «Ўздавстандарт» Ўзбекистон Республикасининг «Стандартлаштириш тўғрисида»ги Қонунига мувофиқ ишлаб чиқарилаётган маҳсулот центрифуга қилинган нометалл қувурлар учун норматив ҳужжатларни ишлаб чиқсинлар ва белгиланган тартибда тасдиқласинлар ҳамда уларнинг сертификатлаштирилишини таъминласинлар.

13. Ўзбекистон Республикаси Давлат архитектура ва қурилиш қўмитаси амалдаги меъёрий-ҳуқуқий ҳужжатларга тегишли қўшимчалар киритсин, лойиҳалаш ташкилотларига объектларни лойиҳалашда амалий фаолиятда нометалл қувурларни кенг қўллаш тавсия этилсин.

14. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.