Ўзбекистон Республикасининг «Баҳолаш фаолияти тўғрисида»ги Қонуни, Ўзбекистон Республикаси Президентининг 2018 йил 8 августдаги ПФ-5505-сон «Норма ижодкорлиги фаолиятини такомиллаштириш концепциясини тасдиқлаш тўғрисида»ги Фармони ва 2019 йил 1 июлдаги ПҚ-4381-сон «Баҳолаш фаолиятини янада такомиллаштириш ҳамда паст рентабелли ва фаолият юритмаётган давлат иштирокидаги корхоналарни сотиш механизмларини соддалаштириш чора-тадбирлари тўғрисида»ги қарорига мувофиқ Ўзбекистон Республикаси Давлат активларини бошқариш агентлиги ва Мудофаа вазирлиги қарор қилади:

1. Қуйидагилар ўз кучини йўқотган деб топилсин:

Ўзбекистон Республикаси Давлат мулкини бошқариш давлат қўмитаси ва Мудофаа вазирлигининг 2008 йил 5 февралдаги 01/19-18/01, 3-сон «Ҳарбий-техник мулкни баҳолаш» Ўзбекистон Республикаси мулкни баҳолаш Миллий стандартини тасдиқлаш тўғрисида»ги қарори (рўйхат рақами 1769, 2008 йил 16 февраль) (Ўзбекистон Республикаси қонун ҳужжатлари тўплами, 2008 й., 8-9-сон, 41-модда);

Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси ва Мудофаа вазирлигининг 2014 йил 30 сентябрдаги 01/27-26/25, 15-сон «Ҳарбий-техник мулкни баҳолаш» Ўзбекистон Республикаси мулкни баҳолаш Миллий стандартини тасдиқлаш тўғрисида»ги қарорга ўзгартиришлар киритиш тўғрисида»ги қарори (рўйхат рақами 1769-1, 2014 йил 9 октябрь) (Ўзбекистон Республикаси қонун ҳужжатлари тўплами, 2014 й., 41-сон, 516-модда).

2. Мазкур қарор Ўзбекистон Республикаси Молия вазирлиги ҳамда Давлат солиқ қўмитаси билан келишилган.

3. Мазкур қарор расмий эълон қилинган кундан эътиборан кучга киради.