Ўзбекистон Республикаси расмий делегациясининг 2017 йил 25-26 октябрь кунлари Туркия Республикасига давлат ташрифи икки мамлакат ижтимоий-сиёсий ҳаётида муҳим воқеа бўлди, икки томонлама муносабатларда янги саҳифа очди ва ўзаро манфаатли Ўзбекистон — Туркия кўп қиррали ҳамкорлигини ривожлантириш учун мустаҳкам замин яратди.

Олий даражадаги учрашувлар икки мамлакат ўртасидаги ишончли муносабатларни янада мустаҳкамлашга хизмат қилди, сиёсий, савдо-иқтисодий, транспорт-коммуникация ва маданий-гуманитар соҳалардаги алоқаларни ривожлантиришнинг янги имкониятлари ва истиқболларини белгилаб берди.

Туркия ҳукумати ва ишбилармон доиралари вакиллари билан бўлиб ўтган самарали музокаралар ва учрашувлар ишлаб чиқариш, инвестициявий ва молиявий-техник ҳамкорликни янада кенгайтиришнинг аниқ йўналишларини белгилаб олиш, истиқболли қўшма лойиҳаларни аниқлаш имконини берди.

Ҳамкорликнинг барча соҳаларида ўзаро алоқаларни кенгайтириш бўйича қўшма қарорлар муҳокама қилинди ва қабул қилинди. Ўзбекистон Республикаси Президенти ва Туркия Республикаси Президентининг Қўшма баёноти, 21 та ҳукуматлараро ва идоралараро ҳужжат, шунингдек, умумий қиймати 4 миллиард доллардан зиёд бўлган савдо-иқтисодий соҳадаги корпоратив битимлар тўплами имзоланди.

Туркия Республикасига ташриф давомида ўзаро муносабатларни янада мустаҳкамлаш ва кўп қиррали ҳамкорликни ривожлантириш бўйича эришилган келишувларнинг ўз вақтида ва сифатли амалга оширилишини таъминлаш, қабул қилинган мажбуриятларни сўзсиз бажариш мақсадида:

1. Қуйидагилар:

Ўзбекистон Республикаси Президентининг 2017 йил 25-26 октябрь кунлари Туркия Республикасига давлат ташрифи давомида имзоланган ҳужжатларни амалга ошириш бўйича амалий чора-тадбирлар режаси («Йўл харитаси») ва уни амалга ошириш бўйича Мувофиқлаштирувчи гуруҳ таркиби 1 ва 1а-иловаларга* мувофиқ;

Ўзбекистон Республикаси Президентининг 2017 йил 25-26 октябрь кунлари Туркия Республикасига давлат ташрифи давомида имзоланган экспорт шартномалари ва инвестиция битимларини амалга ошириш бўйича амалий чора-тадбирлар режаси («Йўл харитаси») ҳамда уни амалга ошириш бўйича Мувофиқлаштирувчи гуруҳ таркиби 2 ва 2а-иловаларга* мувофиқ;

Ўзбекистон Республикаси билан Туркия Республикаси ўртасида сиёсий, савдо-иқтисодий, инвестициявий, молиявий-техник, транспорт-коммуникациявий ва маданий-гуманитар ҳамкорликни янада кенгайтириш бўйича келишувларни амалга ошириш бўйича амалий чора-тадбирлар режаси («Йўл харитаси») ва уни бажариш бўйича Мувофиқлаштирувчи гуруҳ таркиби 3 ва 3а-иловаларга* мувофиқ тасдиқлансин.

2. 2017 йил 25-26 октябрь кунлари амалга оширилган Давлат ташрифи давомида Туркия Республикаси билан эришилган келишувлар ва тасдиқланган амалий чора-тадбирлар режалари («Йўл хариталари») нинг ўз вақтида ва сўзсиз амалга оширилишини назорат қилиш бўйича махсус комиссия 5-иловага* мувофиқ ташкил этилсин.

3. Махсус комиссия (Ж. Қўчқоров):

Туркия Республикаси билан ҳамкорликни янада мустаҳкамлаш ва ривожлантириш бўйича эришилган келишувларни амалга ошириш билан боғлиқ масалаларни амалий мувофиқлаштириш, шунингдек, у билан, шу жумладан ҳамкорлик бўйича ҳукуматлараро комиссиялар ва бошқа икки томонлама маслаҳатлашув механизмлари доирасида мунтазам ва самарали ҳамкорликни ташкил этиш;

мазкур қарорнинг 1 — 3-иловаларида* назарда тутилган тадбирлар ва лойиҳаларнинг 6-иловага мувофиқ сўзсиз, ўз вақтида ва сифатли бажарилиши устидан доимий назорат ва тизимли мониторингни ташкил этиш;

вазирликлар, идоралар ва бошқа ташкилотлар раҳбарлари, масъул ижрочилар, шунингдек, мувофиқлаштирувчи гуруҳларнинг ушбу қарор билан тасдиқланган «Йўл хариталари»ни сўзсиз амалга ошириш бўйича улар томонидан кўрилаётган амалий чора-тадбирлар тўғрисидаги ҳисоботларини мунтазам равишда эшитиб бориш;

тасдиқланган амалий чора-тадбирлар режалари («Йўл хариталари») амалга оширилишининг боришини батафсил ва батафсил кўриб чиқиш учун ҳар ойнинг 10 — 15-саналарида масъул вазирликлар, идоралар ва хўжалик бирлашмалари раҳбарларининг, Бош вазир ўринбосарларининг, шунингдек, мувофиқлаштирувчи гуруҳлар, Махсус комиссия раҳбарларининг шахсий ҳисоботлари Ўзбекистон Республикаси Президенти ҳузурида эшитилишини ташкил этиш.

4. Мувофиқлаштирувчи гуруҳлар раҳбарлари (С. Сафоев, А. Комилов, Э. Ғаниев, А. Азизов) вазирликлар ва идоралар билан биргаликда:

бир ҳафта муддатда — ушбу қарорга 1 — 3-иловаларга* киритилган лойиҳалар ва тадбирларни амалга оширишнинг тармоқ жадвалларини ишлаб чиқсин ва тасдиқлаш учун Махсус комиссияга киритсин;

ҳар ойнинг 10-санасига қадар тасдиқланган амалий чора-тадбирлар режалари («Йўл хариталари») амалга оширилишининг самарадорлиги ва натижадорлиги тўғрисидаги умумлаштирилган ахборотни Махсус комиссияга тақдим этиб борсин.

5. Ўзбекистон Республикаси Олий Мажлиси Сенати, Ўзбекистон Республикаси Вазирлар Маҳкамаси комплекслари раҳбарлари, масъул вазирликлар, идоралар ва хўжалик бирлашмалари бир ҳафта муддатда:

ушбу қарорга 1 — 3-иловаларда* назарда тутилган тадбирларнинг сўзсиз ва ўз вақтида бажарилишини таъминлаш бўйича батафсил режа-жадвалларни ишлаб чиқиш ва тасдиқлаш учун ишчи йиғилишлар ўтказсин;

тасдиқланган режа-жадвалларнинг сифатли ва ўз вақтида бажарилишини ташкил этиш учун доимий фаолият кўрсатувчи тезкор ишчи гуруҳлар ташкил этсин.

6. Ўзбекистон Республикаси Вазирлар Маҳкамаси (Ж. Қўчқоров) бир ҳафта муддатда манфаатдор вазирлик ва идоралар ишини янада мақбуллаштириш учун Ўзбекистон Республикаси ва Туркия Республикаси ҳамкорлигини ривожлантириш бўйича илгари тасдиқланган Чора-тадбирлар режаларини («Йўл хариталари») ўрганиб чиқсин ва назоратдан чиқариб ташлаш бўйича таклифлар киритсин.

7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов ва Ўзбекистон Республикаси Президенти маслаҳатчиси — Ижро этувчи аппарати раҳбари З.Ш. Низомиддинов