Ўзбекистон Республикаси Президентининг 2018 йил 12 декабрдаги ПФ-5594-сон «Саноат, радиация ва ядро хавфсизлиги соҳасида давлат бошқаруви ва назорати тизимини тубдан такомиллаштириш чора-тадбирлари тўғрисида»ги Фармони, Ўзбекистон Республикаси Президентининг 2018 йил 12 декабрдаги ПҚ-4058-сон «Ўзбекистон Республикаси Саноат хавфсизлиги давлат қўмитаси фаолиятини ташкил этиш тўғрисида»ги қарори ва Ўзбекистон Республикаси Вазирлар Маҳкамасининг 2019 йил 1 февралдаги 75-сон «Ўзбекистон Республикаси Саноат хавфсизлиги давлат қўмитаси тўғрисидаги низомни тасдиқлаш тўғрисида»ги қарорига мувофиқ Ўзбекистон Республикаси Саноат хавфсизлиги давлат қўмитаси қарор қилади:

1. Ўзбекистон Республикаси Саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инспекцияси бошлиғининг 2009 йил 29 сентябрдаги 184-сон буйруғи (рўйхат рақами 2045, 2009 йил 19 ноябрь) (Ўзбекистон Республикаси қонун ҳужжатлари тўплами, 2009 й., 47-сон, 513-модда) билан тасдиқланган Саноат хавфсизлиги соҳасидаги экспертларни тайёрлаш ва аттестациядан ўтказиш тартиби тўғрисида низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

1. Муқаддима қуйидаги таҳрирда баён этилсин:

«Мазкур Низом Ўзбекистон Республикаси Вазирлар Маҳкамасининг 2008 йил 10 декабрдаги 271-сон «Хавфли ишлаб чиқариш объектларининг саноат хавфсизлиги тўғрисида»ги Ўзбекистон Республикаси Қонунини амалга оширишга доир қўшимча чора-тадбирлар ҳақида»ги қарорига мувофиқ саноат хавфсизлиги соҳасидаги экспертларни тайёрлаш ва аттестациядан ўтказиш тартибини белгилайди.».

2. 1-банднинг бешинчи хатбошисидаги «Ўзбекистон Республикаси Вазирлар Маҳкамаси ҳузуридаги Ер қаърини геологик ўрганиш, саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инспекцияси (кейинги ўринларда «Саноатгеоконтехназорат» давлат инспекцияси деб юритилади)» деган сўзлар «Ўзбекистон Республикаси Саноат хавфсизлиги давлат қўмитаси (кейинги ўринларда Саноат хавфсизлиги давлат қўмитаси деб юритилади)» деган сўзлар билан алмаштирилсин.

3. 6-бандда:

биринчи хатбоши қуйидаги таҳрирда баён этилсин:

«6. Экспертларни тайёрлаш Саноат хавфсизлиги давлат қўмитасининг «Контехназоратўқув» давлат унитар корхонасида (кейинги ўринларда Корхона деб юритилади) камида 40 соатлик ўқув курсларида ўқитиш орқали амалга оширилади.»;

иккинчи хатбошидаги «Марказ» деган сўз «Корхона» деган сўз билан алмаштирилсин.

4. 8 ва 15-бандлардаги, 16-банднинг олтинчи хатбошисидаги, 19-банднинг иккинчи хатбошисидаги, 37 ва 51-бандлардаги «Саноатгеоконтехназорат» давлат инспекцияси» деган сўзлар «Саноат хавфсизлиги давлат қўмитаси» деган сўзлар билан алмаштирилсин.

5. 13-банднинг «а» кичик бандидаги «Ўзбекистон Республикасидаги ҳужжатга эквивалент деб топилган» деган сўзлар «тан олинган» деган сўзлар билан алмаштирилсин.

6. 14-бандда:

биринчи хатбоши қуйидаги таҳрирда баён этилсин:

«14. «Аттестациядан ўтиш учун талабгор Саноат хавфсизлиги давлат қўмитасига мазкур Низомнинг 2-иловасида келтирилган шакл бўйича расмийлаштирилган аризани унга қуйидаги ҳужжатларни илова қилган ҳолда тақдим этади:»;

«в» кичик банддаги «ҳужжатнинг Ўзбекистон Республикасидаги ҳужжатга эквивалент деб топилганлиги» деган сўзлар «ҳужжатни белгиланган тартибда тан олинганлиги» деган сўзлар билан адмаштирилсин;

«ж» кичик банддаги «Марказ» деган сўз «Корхона» деган сўз билан алмаштирилсин.

7. 20-бандда:

биринчи хатбошидаги «Саноатгеоконтехназорат» давлат инспекциясининг аккредитация ва инспекцион назорат бўлими» деган сўзлар «Саноат хавфсизлиги давлат қўмитасининг аккредитация ва инспекция назорати бўлими» деган сўзлар билан алмаштирилсин;

«а» кичик банддаги «Саноатгеоконтехназорат» давлат инспекцияси бошлиғига ёки унинг ўринбосарига» деган сўзлар «Саноат хавфсизлиги давлат қўмитаси раисига ёки унинг биринчи ўринбосарига» деган сўзлар билан алмаштирилсин;

«б» кичик банд қуйидаги таҳрирда баён этилсин:

«б) Саноат хавфсизлиги давлат қўмитаси тегишли бўлинмалари билан биргаликда аттестацияни ўтказиш учун тахминий саволлар рўйхатини тузади ва тасдиқлаш учун Саноат хавфсизлиги давлат қўмитаси раисига тақдим этади.».

8. 23 ва 41-бандларнинг биринчи хатбошисидаги, 43-банднинг иккинчи хатбошисидаги, 45 ва 55-бандлардаги ҳамда 2-иловадаги «Саноатгеоконтехназорат» давлат инспекциясига» деган сўзлар «Саноат хавфсизлиги давлат қўмитасига» деган сўзлар билан алмаштирилсин.

9. 31-бандда:

иккинчи хатбоши қуйидаги таҳрирда баён этилсин:

«Қайта аттестациядан ўтиш учун талабгор Саноат хавфсизлиги давлат қўмитасига мазкур Низомнинг 2-иловасида келтирилган шакл бўйича расмийлаштирилган аризани унга қуйидаги ҳужжатларни илова қилган ҳолда тақдим этади:»;

«г» кичик банддаги «Марказ» деган сўз «Корхона» деган сўз билан алмаштирилсин.

10. 33-бандда:

биринчи хатбошидаги «Саноатгеоконтехназорат» давлат инспекциясига» деган сўзлар «Саноат хавфсизлиги давлат қўмитасига» деган сўзлар билан алмаштирилсин;

иккинчи хатбошидаги «Саноатгеоконтехназорат» давлат инспекцияси» деган сўзлар «Саноат хавфсизлиги давлат қўмитаси» деган сўзлар билан алмаштирилсин.

11. 38-банддаги, 49-банднинг биринчи хатбошисидаги ва 56-банддаги «Саноатгеоконтехназорат» давлат инспекциясининг» деган сўзлар «Саноат хавфсизлиги давлат қўмитасининг» деган сўзлар билан алмаштирилсин.

12. 40-банддаги «Саноатгеоконтехназорат» давлат инспекциясида» деган сўзлар «Саноат хавфсизлиги давлат қўмитасида» деган сўзлар билан алмаштирилсин.

13. 46-бандда:

биринчи хатбошидаги «Саноатгеоконтехназорат» давлат инспекциясининг» деган сўзлар «Саноат хавфсизлиги давлат қўмитасининг» деган сўзлар билан алмаштирилсин;

олтинчи хатбошидаги «Саноатгеоконтехназорат» давлат инспекцияси» деган сўзлар «Саноат хавфсизлиги давлат қўмитаси» деган сўзлар билан алмаштирилсин.

14. 47-бандда:

биринчи хатбошидаги «Саноатгеоконтехназорат» давлат инспекциясининг» деган сўзлар «Саноат хавфсизлиги давлат қўмитасининг» деган сўзлар билан алмаштирилсин;

«в» кичик банддаги «Саноатгеоконтехназорат» давлат инспекцияси» деган сўзлар «Саноат хавфсизлиги давлат қўмитаси» деган сўзлар билан алмаштирилсин.

15. 50-банддаги «Саноатгеоконтехназорат» давлат инспекцияси бошлиғининг» деган сўзлар «Саноат хавфсизлиги давлат қўмитаси раисининг» деган сўзлар билан алмаштирилсин.

16. 1а ва 4-иловалар мазкур ўзгартиришларнинг 1 ва 2-иловаларига мувофиқ таҳрирда баён этилсин.