2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастурининг 270-банди ижросини таъминлаш ҳамда инсон ҳуқуқларининг умумий маданиятини шакллантириш мақсадларида Ўзбекистон республикаси Олий Мажлиси Қонунчилик палатаси Кенгаши ва Ўзбекистон Республикаси Олий Мажлиси Сенати Кенгаши қарор қиладилар:

1. Қуйидагилар:

БМТнинг Инсон ҳуқуқлари соҳасида таълим ва тарбия тўғрисидаги декларацияси қоидаларини амалга ошириш бўйича миллий ҳаракатлар дастури 1-иловага мувофиқ*;

БМТнинг Инсон ҳуқуқлари соҳасида таълим ва тарбия тўғрисидаги декларацияси қоидаларини амалга ошириш бўйича миллий ҳаракатлар дастури ижроси юзасидан «Йўл харитаси» (бундан буён матнда «Йўл харитаси» деб юритилади) 2-иловага* мувофиқ;

«Йўл харитаси» ижросининг бориши юзасидан мониторинг ўтказувчи ишчи гуруҳ таркиби 3-иловага* мувофиқ тасдиқлансин.

2. Ўзбекистон Республикаси Вазирлар Маҳкамаси «Йўл харитаси» нинг ижросини таъминлаш чораларини кўрсин.

3. Ушбу Қўшма қарорнинг ижросини назорат қилиш Ўзбекистон РеспубликасиОлий Мажлиси Қонунчилик палатаси Спикерининг ўринбосари А. Кадиров ва Ўзбекистон Республикаси Олий Мажлиси Сенати Раисининг ўринбосари С. Артикова зиммасига юклатилсин.

4. Ушбу Қўшма қарор қабул қилинган кундан эътиборан кучга киради.