Ҳарбий-маъмурий секторлар раҳбарлари томонидан «йўл хариталари» амалга оширилишига ва мамлакатнинг мудофаа салоҳиятини мустаҳкамлаш соҳасига кўмаклашишга йўналтирилган Ўзбекистон Республикаси Президентининг «Ҳарбий-маъмурий секторларни ривожлантириш жамғармасини ташкил этиш тўғрисида» 2018 йил 4 августдаги ПҚ-3897-сон қарорини ўз вақтида ижро этиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ҳарбий-маъмурий секторларни ривожлантириш жамғармасини ташкил этиш тўғрисида» 2018 йил 4 августдаги ПҚ-3897-сон қарорига мувофиқ:
Қорақалпоғистон Республикаси бюджети, вилоятлар ва Тошкент шаҳри маҳаллий бюджетлари даромадининг ошириб бажарилган прогноз кўрсаткичлари бўш қолдиқларининг 10 фоизигача миқдордаги ажратмалар Ҳарбий-маъмурий секторларни ривожлантириш жамғармаси (кейинги ўринларда Жамғарма деб аталади) маблағларини шакллантириш манбалари этиб белгиланганлиги;
Жамғарма маблағлари Молия вазирлиги ва унинг ҳудудий бўлинмалари томонидан очилган Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг ғазначилик ҳисобварақларида жамланиши маълумот учун қабул қилинсин.
2. Ўзбекистон Республикаси молия вазири, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари:
Олдинги таҳрирга қаранг.
а) I — III чораклар якунлари, шунингдек, молия йили якунларига кўра ҳосил бўлган бўш қолдиқлар бўйича Қорақалпоғистон Республикаси бюджети, вилоятлар ва Тошкент шаҳри маҳаллий бюджетлари даромадининг ошириб бажарилган прогноз кўрсаткичлари бўш қолдиқлари аниқлангандан сўнг ҳисобот чорагидан кейинги ойнинг 25-кунидан кечикмай Қорақалпоғистон Республикаси бюджети, вилоятлар ва Тошкент шаҳри маҳаллий бюджетлари даромадининг ошириб бажарилган прогноз кўрсаткичлари бўш қолдиқларининг 10 фоизигача миқдорини Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг алоҳида шахсий ғазна ҳисобварақларига ўтказилишини таъминласинлар, улар қуйидаги тартибда тақсимланади:
(2-банднинг «а» кичик банди Ўзбекистон Республикаси Вазирлар Маҳкамасининг 2020 йил 27 октябрдаги 654-сонли қарори таҳририда — Қонун ҳужжатлари маълумотлари миллий базаси, 27.10.2020 й., 09/20/654/1411-сон)
50 фоизи — Ўзбекистон Республикаси Молия вазирлигининг алоҳида шахсий ғазна ҳисобварағига ўтказилади, кейинчалик Ўзбекистон Республикаси Мудофаа вазирлиги билан келишган ҳолда белгиланган тартибда тақсимланади;
50 фоизи — Ўзбекистон Республикаси Мудофаа вазирлиги билан келишган ҳолда харажатларни белгиланган тартибда молиялаштириш учун Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг алоҳида шахсий ғазна ҳисобварақларида қолдирилади;
Олдинги таҳрирга қаранг.
б) Ўзбекистон Республикаси Мудофаа вазирлигининг сўровига кўра Ўзбекистон Республикаси Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг тегишли ҳисобварақларидаги Жамғарма маблағлари қолдиғи ҳолати, шунингдек, даромаднинг ошириб бажарилган прогноз кўрсаткичлари ва молия йили якунлари бўйича ҳосил бўлган бўш қолдиқлар йиғиндиси тўғрисидаги маълумотларни тақдим қилсинлар.
(2-банднинг «б» кичик банди Ўзбекистон Республикаси Вазирлар Маҳкамасининг 2020 йил 27 октябрдаги 654-сонли қарори таҳририда — Қонун ҳужжатлари маълумотлари миллий базаси, 27.10.2020 й., 09/20/654/1411-сон)
3. Ҳарбий-маъмурий секторларни ривожлантириш жамғармаси маблағларини шакллантириш ва улардан фойдаланиш тартиби тўғрисидаги низом иловага мувофиқ тасдиқлансин.
4. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимларига Жамғармага маблағлар ўз вақтида ва тўлиқ ўтказилиши учун шахсий жавобгарлик юклансин.
5. Белгилаб қўйилсинки, Ўзбекистон Республикаси Мудофаа вазирлиги ушбу қарорнинг ижроси ҳамда Жамғарма маблағлари ўз вақтида шакллантирилиши ва улардан фойдаланиш тўғрисида ҳар чоракда Ўзбекистон Республикаси Вазирлар Маҳкамаси ва Ўзбекистон Республикаси Президенти ҳузуридаги Хавфсизлик кенгаши аппаратига ахборот беради.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси мудофаа вазири Б.Н. Қурбонов зиммасига юклансин.
1. Ушбу Низом Ҳарбий-маъмурий секторларни ривожлантириш жамғармаси (кейинги ўринларда Жамғарма деб аталади) маблағларини шакллантириш, улардан фойдаланиш, уларни ҳисобга олиш ва ҳисобот бериш, шунингдек, улардан фойдаланишни назорат қилиш тартибини белгилайди.
2. Жамғарма мамлакатнинг мудофаа салоҳиятини мустаҳкамлаш масалалари бўйича ҳарбий-маъмурий секторлар фаолиятини молиявий таъминлаш учун ташкил этилган.
Олдинги таҳрирга қаранг.
Ўзбекистон Республикаси Қуролли Кучларининг ҳарбий қисмлари, бўлинмалари ва муассасаларида режалар («йўл хариталари») тадбирларини ва бошқа муҳим лойиҳаларни молиялаштириш;
(3-банднинг иккинчи хатбошиси Ўзбекистон Республикаси Вазирлар Маҳкамасининг 2020 йил 27 октябрдаги 654-сонли қарори таҳририда — Қонун ҳужжатлари маълумотлари миллий базаси, 27.10.2020 й., 09/20/654/1411-сон)
ҳарбий шаҳарчалар ва полигонлар инфратузилмаси объектларини замонавий талаб ва стандартларни ҳисобга олган ҳолда такомиллаштириш ва ривожлантириш, капитал қуриш, реконструкция қилиш ва таъмирлаш;
ҳарбий хизматчиларнинг оила аъзолари учун янги уй-жойлар, болалар боғчалари ва ўйин майдончаларини қуриш, мавжуд турар жой фондини таъмирлаш, шунингдек, уй-жой-коммунал хўжалиги, энергия, сув ва иссиқлик таъминоти, транспорт қатнови соҳасидаги масалаларни ҳал этиш;
республиканинг ҳозирги замон тарихи миллий қаҳрамонлари хотирасини абадийлаштириш, уларнинг оилаларига маънавий ва моддий ёрдам кўрсатиш;
Олдинги таҳрирга қаранг.
семинарлар, давра суҳбатлари, конференциялар, амалий машғулотлар, спорт мусобақалари, эстафеталар, турнирлар, тренинглар, ёшларни тарбиялаш бўйича тадбирлар (шу жумладан, амалий ва техник турлар бўйича тўгараклар ташкил этиш, қонунчиликда белгиланган ҳолларда қўшимча озиқ-овқат ҳамда кийим-кечак ва оёқ кийим билан таъминлашни ташкил этиш) шунингдек, маданий-оммавий ва бошқа тантанали тадбирларни ташкил этиш ва ўтказиш.
(3-банднинг еттинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
5. Жамғарма маблағлари Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан очиладиган алоҳида шахсий ғазна ҳисобварақларида жамланади, кейинчалик маблағларнинг бир қисми Ўзбекистон Республикаси Молия вазирлиги томонидан очиладиган алоҳида шахсий ғазна ҳисобварақларига ўтказилади.
Қорақалпоғистон Республикаси бюджети, вилоятлар ва Тошкент шаҳри маҳаллий бюджетлари даромадининг ошириб бажарилган прогноз кўрсаткичлари бўш қолдиқлари суммасидан 10 фоизгача миқдордаги ажратмалар;
Жамғарманинг вақтинча бўш пул маблағларини давлат улушига эга бўлган тижорат банкларининг депозитларига жойлаштиришдан олинган даромадлар;
Олдинги таҳрирга қаранг.
(6-банднинг тўртинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
7. I — III чораклар, шунингдек, молия йили якунларига кўра ҳосил бўлган бўш қолдиқлар бўйича Қорақалпоғистон Республикаси бюджети, вилоятлар ва Тошкент шаҳри маҳаллий бюджетлари даромадининг ошириб бажарилган прогноз кўрсаткичлари бўш қолдиқлари аниқлангандан сўнг ҳисобот чорагидан кейинги ойнинг 25-кунидан кечикмай Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Қорақалпоғистон Республикаси бюджети, вилоятлар ва Тошкент шаҳри маҳаллий бюджетлари даромадининг ошириб бажарилган прогноз кўрсаткичлари бўш қолдиқларининг 10 фоизигача миқдорини Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг алоҳида шахсий ғазна ҳисобварақларига ўтказадилар, улар қуйидаги тартибда тақсимланади:
(7-банднинг биринчи хатбошиси Ўзбекистон Республикаси Вазирлар Маҳкамасининг 2020 йил 27 октябрдаги 654-сонли қарори таҳририда — Қонун ҳужжатлари маълумотлари миллий базаси, 27.10.2020 й., 09/20/654/1411-сон)
50 фоизи — Ўзбекистон Республикаси Молия вазирлигининг алоҳида шахсий ғазна ҳисобварағига ўтказилади, кейинчалик Ўзбекистон Республикаси Мудофаа вазирлиги билан келишган ҳолда белгиланган тартибда тақсимланади;
50 фоизи — Ўзбекистон Республикаси Мудофаа вазирлиги билан келишган ҳолда харажатларни белгиланган тартибда молиялаштириш учун Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг алоҳида шахсий ғазна ҳисобварақларида қолдирилади.
Пул маблағлари Жамғарма ҳисобварағига ўтказилгандан сўнг, бироқ ҳисобот чораги якунланганидан кейин 45 кундан кечикмай Ўзбекистон Республикаси Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Ўзбекистон Республикаси Мудофаа вазирлигига ўтказилган пул маблағларининг миқдори тўғрисидаги маълумотларни тақдим қилади.
Ўзбекистон Республикаси Молия вазирлигининг алоҳида шахсий ғазна ҳисобварақларига ўтказилган маблағлар бўйича — Ўзбекистон Республикаси Мудофаа вазирлигининг тақдимномаси бўйича Ўзбекистон Республикаси Молия вазирлиги;
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг алоҳида шахсий ғазна ҳисобварақларида жамланган маблағлар бўйича — Ўзбекистон Республикаси Мудофаа вазирлиги билан келишган ҳолда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари.
9. Ўзбекистон Республикаси Мудофаа вазирлиги билан келишмасдан Жамғарма маблағларидан фойдаланиш тақиқланади.
10. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари ҳарбий-маъмурий секторга юкланган тадбирлар ва вазифаларни амалга ошириш, ҳарбий хизматчиларни ижтимоий ҳимоя қилиш, ҳарбий инфратузилмани ривожлантириш ва шакллантириш бўйича масалаларни тезкор ва самарали ҳал этиш, Жамғарма маблағлари сарфланишининг асосий йўналишлар билан белгиланган режалар («йўл хариталари») тадбирлари ва бошқа муҳим лойиҳаларни амалга ошириш учун Ўзбекистон Республикаси Мудофаа вазирлигига Молия вазирлигининг алоҳида шахсий ғазна ҳисобварағидан қўшимча пул маблағлари ажратиш тўғрисидаги ёзма мурожаатномани (зарур ҳисоб-китобларни илова қилган ва сўралаётган пул маблағлари асослаган ҳолда) фақат ушбу Низомнинг 7-банди учинчи хатбошига мувофиқ Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг алоҳида шахсий ғазна ҳисобварақларидаги маблағлар тўлиқ ўзлаштирилиши шарти билан юборадилар.
11. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимларининг ёзма мурожаатномаси асосида Ўзбекистон Республикаси мудофаа вазири Молия вазирлигининг алоҳида шахсий ғазна ҳисобварағидан маблағларини ажратиш зарурлиги тўғрисидаги масалани кўриб чиқади.
12. Ўзбекистон Республикаси мудофаа вазири пул маблағларини ажратиш тўғрисида қарор қабул қилган тақдирда Молия вазирлиги пул маблағлари фақат улар талаб қилинган мақсадларга қатъий сарфланиши учун Жамғарма пул маблағларини Ўзбекистон Республикаси Молия вазирлигининг алоҳида шахсий ғазна ҳисобварағидан Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг алоҳида шахсий ғазна ҳисобварақларига ўтказади.
Олдинги таҳрирга қаранг.
13. Жамғарма маблағларидан қонунчиликда ва ушбу Низомда назарда тутилмаган мақсадлар учун фойдаланишга йўл қўйилмайди.
(13-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
14. Жамғарма маблағларининг қолдиқлари йил охирида Ўзбекистон Республикаси Давлат бюджетининг даромадига ўтказилмайди ва келгуси молия йили учун Жамғармани шакллантиришда ҳисобга олинади.
Олдинги таҳрирга қаранг.
(15-банднинг «а» кичик банди Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Жамғарма маблағлари тасдиқланган даромадлар ва харажатлар сметасига қатъий мувофиқ ҳолда сарфланиши;
ҳар йили 15 февралга қадар Ўзбекистон Республикаси Мудофаа вазирлиги томонидан ҳарбий-маъмурий секторларга юкланган вазифаларни амалга ошириш бўйича тадбирлар режалаштирилиши учун жорий молия йилида тегишли бюджетнинг даромадлари ошириб бажарилган бўш қолдиғи суммасининг прогноз кўрсаткичлари ҳақидаги ахборот Ўзбекистон Республикаси Мудофаа вазирлигига тақдим қилиниши учун жавоб берадилар;
б) ҳар чоракда Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари Кенгашларининг мажлисларида Жамғарма маблағларининг ўтказилиши ва уларни сарфлаш тўғрисида ҳисобот берадилар.
16. Жамғарма маблағларини шакллантириш ва улардан фойдаланишнинг тўғрилиги устидан назорат қилиш Ўзбекистон Республикаси Молия вазирлигининг Давлат молиявий назорат департаменти, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимиятлари томонидан амалга оширилади.
Олдинги таҳрирга қаранг.
(17-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)