«Маҳаллий давлат ҳокимияти тўғрисида»ги (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда), «Йўл ҳаракати хавфсизлиги тўғрисида»ги (Ўзбекистон Республикаси қонун ҳужжатлари тўплами, 2013 й., 15-сон, 197-модда) Ўзбекистон Республикаси Қонунларига ҳамда Узбекистон Республикаси Вазирлар Маҳкамасининг 2003 йил 31 январдаги 54-сонли қарори билан тасдиқланган «Транспорт воситаларини мажбурий техник кўрикдан ўтказиш тартиби тўғрисида»ги Низомга (Ўзбекистон Республикаси қонун ҳужжатлари тўплами, 2003 й., 1-2-сон, 17-модда;) асосан Урганч шаҳридаги транспорт воститаларнинг 2018 йилда мажбурий техник кўригини ташкил қилиш мақсадида қарор қиламан:

1. Урганч шаҳар ИИО ФМБ ЙҲХБ (В.Вапаев) Урганч шаҳридаги юридик ва жисмоний шахсларга, шу жумладан хорижий юридик ва жисмоний шахсларга тегишли бўлган ва белгиланган тартибда ЙҲХ бошқармасида рўйхатдан ўтказилган транспорт воситалари, шунингдек троллейбуслар, зарур шарт-шароитларга (техник диагностика ускуналарига, кўтариш мос ламаларига ёки қараб чиқиш учун чуқурчаларга, назорат-ўлчаш асбобларига, асфальт ёки бетон қопланган бир текис горизонтал майдончага) ва малакали мутахассисларга эга бўлган ташкилотларда, текника хизмати кўрсатиш станцияларида, қуйидаги даврийликка мувофиқ мажбурий техник кўрикдан (кейинги ўринларда матнда «техник кўрик» деб юритилади) ўтказилиши таъминлансин:

а) шаҳардаги юридик шахсларга тегишли бўлган транспорт воситаларининг техник кўриги 1 мартдан 10 июнгача;

б) тижорат асосида йўловчи ташиш учун фойдаланиладиган енгил автомобиллар, троллейбуслар, автобуслар ва ўтириладиган жойлар сони 8 та ва ундан ортиқ бўлган (ҳайдовчининг ўрнидан ташқари) одамларни мунтазам ташиш учун жиҳозланган юк автомобиллари, йирик габаритли, оғир вазинли ва хавфли юкларни ташиш учун махсус транспорт воситалари ва уларга тиркамалар бир йилда икки маротаба (1 мартдан 30 июнгача ва 1 сентябрдан 31 октябргача);

в) жисмоний шахсларга қарашли бўлган транспорт воситаларининг техник кўриги 1 мартдан 31 августгача техник кўрикдан ўтказилсин.

Ишлаб чиқарилганлигига беш йилдан кўп бўлмаган транспорт воситалари икки йилда бир марта техник кўрикдан ўтказилсин, мазкур банднинг «б» кичик бандида қайд этилган бир йилда икки марта техник кўрикдан ўтказилиши лозим бўлган транспорт воситалари бундан мустасно.

2. Урганч шаҳрида транспорт воситаларини техник кўрикдан ўтказиш учун тузилган комиссия таркиби 1-иловага* мувофиқ, юридик шахсларга қарашли транспорт воситаларининг 2018 йилги мажбурий техник кўригини ўтказиш таркиби 2-иловага* мувофиқ тасдиқлансин.

3. Техник кўрикдан ўтказувчи шаҳар комиссияси:

Ўзбекистон Республикаси Вазирлар Маҳкамасининг 2003 йил 31 январдаги 54-сон қарори билан тасдиқланган «Транспорт воситаларини мажбурий техник кўрикдан ўтказиш тартиби тўғрисида»ги низомнинг 7-бандига асосан транспорт воситалари техник кўрикдан ўтказилганлиги учун (мототранспорт, тиркамалар ва ярим тиркамалардан ташқари) энг кам ойлик иш ҳакининг ўндан бир қисми микдорида;

мототранспорт, тиркамалар, яримтиркамалар техник кўрикдан ўтказилганлиги учун энг кам ойлик иш ҳақининг йигирмадан бири миқдорида йиғим ундирилсин.

Биринчи (олдинги) техник кўрикда носоз деб топилган транспорт воситалари такрорий техник кўрикдан ўтказилганлиги учун белгиланган микдорларда йиғим ундирилади.

Мазкур қарорнинг 1-банди «б» кичик бандида кўрсатилган транспорт воситалари иккинчи марта техник кўрикдан ўтказилганлиги учун йиғим ундирилмайди.

4. Транспорт воситаларини техник кўрикга жалб қилишда Йўл ҳаракати хавфсизлиги гуруҳига, шаҳар мудофаага кўмаклашувчи «Ватанпарвар» ташкилоти, маҳалла фуқаролар йиғини раислари, шаҳар Ички ишлар бўлими ходимлари жамоатчилик асосида амалий ёрдам кўрсатишлари тавсия этилсин.

5. Урганч шаҳар ИИО ФМБ ЙХҲ бўлими транспорт воситаларининг техник кўриги натижалари бўйича Урганч шаҳар ҳокимлигига 2018 йил 10 ноябргача ёзма ахборат бериш вазифаси топширилсин.

6. Ушбу қарор Урганч шаҳар ҳокимлигининг расмий нашри ҳисобланган «Урганч оқшоми» газетасида эълон қилинган кундан кучга киради.

7. Ушбу қарор қабул қилиниши билан Урганч шаҳар ҳокимининг 2017 йил 1 мартдаги 564к-сон қарори ўз кучини йўқотган деб ҳисоблансин.

8. Ушбу қарорнинг бажарилишини назорат килиш Урганч шаҳар ҳокимининг ўринбосари М. Мадримов зиммасига юклатилсин.