Ўзбекистон Республикаси Бюджет кодексининг (Ўзбекистон Республикаси қонун ҳужжатлари тўплами, 2013 йил 31 декабрь, 52-(I)-сон) 28, 99, 143-моддалари, «Маҳаллий давлат ҳокимияти тўғрисидаги»ги Ўзбекистон Республикаси Қонунининг (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда;) 25-моддаси, Ўзбекистон Республикаси Президентининг 2018 йил 26 декабрдаги «Ўзбекистон Республикасининг 2019 йилги асосий макроиқтисодий кўрсаткичлари прогнози ва Давлат бюджети параметрлари ҳамда 2020-2021 йилларга мўлжаллари тўғрисида»ги ПҚ-4086-сонли қарори (Ўзбекистон Республикаси қонун ҳужжатлари тўплами, 2018 йил 31 декабрь, 52-сон, 996-модда), Халқ депутатлари Тошкент шаҳар Кенгашининг 2018 йил 26 декабрдаги «Тошкент шаҳрининг 2019 йилги маҳаллий бюджети даромадлари ва харажатлари ҳажмлари тўғрисида»ги 402/46-5-сонли, Тошкент шаҳар ҳокимининг 2019 йил 5 мартдаги «Тошкент шаҳрининг 2019 йилги маҳаллий бюджети параметрлари тўғрисида»ги 1865-сонли қарорига қўшимча ва ўзгартиришлар киритиш ҳақида»ги 357-сонли ва халқ депутатлари Яккасарой туман Кенгашининг 2018 йил 27 декабрдаги «Яккасарой туманининг 2019 йилги бюджети даромадлари ва харажатлари ҳажмлари тўғрисида»ги 65/1-1-сонли, Яккасарой туман ҳокимининг 2019 йил 4 январдаги «Яккасарой туманининг 2019 йилги маҳаллий бюджет параметрлари тўғрисида»ги 1-сонли қарорлари ҳамда Тошкент шаҳар Молия бош бошқармасининг 2019 йил 6 мартдаги 01-3/414-сонли хатига асосан, қарор қиламан:

1. Маҳаллий бюджет даромадлари бўйича белгиланган прогноз кўрсаткичларининг умумий йиллик миқдоридан келиб чиқиб, солиқ Концепцияси бўйича таъсир қилувчи омилларни инобатга олган ҳолда чораклик прогноз кўрсаткичларини мувофиқлаштириб бориш ҳамда йиллик прогнозни қайта тақсимланишига Халқ депутатлари Тошкент шаҳар Кенгаши томонидан розилик берилганлиги инобатга олинсин.

2. Яккасарой туман ҳокимининг 2019 йил 4 январдаги «Яккасарой туманининг 2019 йилги маҳаллий бюджет параметрлари тўғрисида»ги 1-сонли қарорининг:

а) 1-иловаси мазкур қарорнинг 1-иловасига мувофиқ;

б) 3-иловаси мазкур қарорнинг 2 иловасига мувофиқ янги таҳрирда баён қилинсин.

3. Яккасарой туман Молия бўлими (М. Қодиров):

Тошкент шаҳар Молия бош бошқармасининг билдиришномасига ва назорат рақамларига кўра Яккасарой туман маҳаллий бюджетига тегишли ўзгартиришлар киритилсин.

4. Яккасарой туман ҳоким аппарати раҳбари Р. Ишанов, Ахборот технологиялар бўйича мутахассиси, матбуот котиби:

Ушбу қарорнинг расмий эълон қилиниши, «Тошкент оқшоми» ва «Вечерний Ташкент» газеталари ва www.yakkasaroy.uz веб-сайтига жойлаштирилишини таъминласин.

5. Мазкур қарор расмий эълон қилинган кундан эътиборан кучга киради.

6. Ушбу қарорнинг бажарилишини назорат қилиш туман ҳокимининг биринчи ўринбосари Н. Абдурахманов зиммасига юклатилсин.