Ўзбекистон Республикаси Бюджет кодексининг (Ўзбекистон Республикаси қонун ҳужжатлари тўплами, 2013 йил 31 декабрь, 52-(1)-сон) 143-моддаси, «Маҳаллий давлат ҳокимияти тўғрисида»ги Ўзбекистон Республикаси Қонунининг (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда;) 25-моддаси, Ўзбекистон Республикаси Президентининг «Ўзбекистон Республикасининг 2019 йилги асосий макроиқтисодий кўрсаткичлари прогнози ва Давлат бюджети параметрлари ҳамда 2020-2021 йилларга мўлжаллари тўғрисида»ги 2018 йил 26 декабрдаги ПҚ-4086-сон қарори (Ўзбекистон Республикаси қонун ҳужжатлари тўплами, 2018 йил 31 декабрь, 52-сон, 996-модда), Халқ депутатлари Тошкент шаҳар Кенгашининг 2018 йил 26 декабрдаги «Тошкент шаҳрининг 2019 йилги маҳаллий бюджети даромадлари ва харажатлари ҳажмлари тўғрисида»ги 402/46-5-сонли қарори, Халқ депутатлари Сергели тумани Кенгашининг 2018 йил 26 декабрдаги «Сергели туманининг 2019 йилги маҳаллий бюджети даромадлари ва харажатлари ҳажмлари тўғрисида»ги 126/1-13-қ-сонли қарори, Ўзбекистон Республикаси Молия вазирлигининг 2018 йил 26 декабрдаги ЖК/20-01-32-10/724-сонли хати ҳамда Тошкент шаҳар ҳокимининг 2019 йил 5 мартдаги «Тошкент шаҳар ҳокимининг 2018 йил 27 декабрдаги «Тошкент шаҳрининг 2019 йилги маҳаллий бюджети параметрлари тўғрисида»ги 1865-сонли қарорига қўшимча ва ўзгартиришлар киритиш ҳақида»ги 357-сонли қарорига асосан, қарор қиламан:

1. Тошкент шаҳар ҳокимининг 2019 йил 5 мартдаги «Тошкент шаҳар ҳокимининг 2018 йил 27 декабрдаги «Тошкент шаҳрининг 2019 йилги маҳаллий бюджети параметрлари тўғрисида»ги 1865-сонли қарорига қўшимча ва ўзгартиришлар киритиш ҳақида»ги 357-сонли қарори ижро учун қабул қилинсин.

2. Сергели туман ҳокимининг 2019 йил 7 январдаги «Сергели туманининг 2019 йилги маҳаллий бюджети параметрлари тўғрисида»ги 7-қ-сонли қарорининг 3-иловаси мазкур қарорнинг 1-иловасига мувофиқ янги таҳрирда баён қилинсин.

3. Сергели туман Молия бўлими (Ф.Ш. Валиханов) :

Сергели туман маҳаллий бюджетига тегишли ўзгартиришлар киритилсин.

4. Туман Ахборот ва коммуникация технологияларини ривожлантириш бўлими (М. Зияев), Матбуот хизмати (Ж. Акбаров):

«Тошкент оқшоми» ва «Вечерний Ташкент» газеталарида мазкур қарор расман эълон қилиниши ва www.sergeli.poytaxt.uz веб-сайтига жойлаштирилиши таъминлансин.

5. Мазкур қарор расмий эълон қилинган кундан эътиборан кучга киради.

6. Мазкур қарорнинг бажарилишини назорат қилиш туман ҳокимининг биринчи ўринбосари Х.М. Яркулов зиммасига юклансин.