«Фуқароларнинг ўзини ўзи бошқариш органлари тўғрисида»ги (Олий Мажлис Ахборотномаси, 1999 й., 5-сон, 111-модда) Ўзбекистон Республикасининг Қонуни ҳамда Ўзбекистон Республикаси Президентининг 2017 йил 3 февралдаги «Маҳалла институтини янада такомиллаштириш чора-тадбирлари тўғрисида»ги ПФ-4944-сон Фармони (Ўзбекистон Республикаси қонун ҳужжатлари тўплами, 2017 й., 6-сон, 69-модда), Ўзбекистон Республикаси Олий Мажлис Сенатининг 2019 йил 3 майдаги «Тошкент вилоятининг Зангиота тумани ва Тошкент шаҳрининг Сергели тумани чегараларини ўзгартириш тўғрисида»ги СҚ-418-III-сонли Қарори, Ўзбекистон Республикаси Вазирлар Маҳкамасининг 2014 йил 4 мартдаги «Шаҳарлар, посёлкалар, қишлоқлар ва овулларнинг маҳаллаларини тузиш, бирлаштириш, бўлиш ва тугатиш, шунингдек уларнинг чегараларини белгилаш ва ўзгартириш, уларга ном бериш ва уларнинг номини ўзгартириш тартиби тўғрисидаги Низомни тасдиқлаш ҳақида»ги 48-сонли қарори (Ўзбекистон Республикаси қонун ҳужжатлари тўплами, 2014 й., 10-сон, 107-модда) талабларидан келиб чиққан ҳолда, халқ депутатлари Тошкент шаҳар Кенгаши қарор қилади:

1. Географик объектларни номлаш ва қайта номлаш масалалари бўйича шаҳар комиссиясининг 2019 йил 23 майдаги 07-Б-31-сонли баёни, Сергели туман ҳокими ва Фуқароларнинг ўзини ўзи бошқариш органлари фаолиятини мувофиқлаштириш бўйича туман кенгашининг айрим маҳалла фуқаролар йиғинлари ҳудудий чегараларини қайта кўриб чиқиш ва янги маҳалла фуқаролар йиғинларини ташкил этиш тўғрисидаги таклифлари мақуллансин.

2. Ўзбекистон Республикаси Олий Мажлиси Сенатининг 2019 йил 3 майдаги «Тошкент вилояти Зангиота тумани ва Тошкент шаҳрининг Сергели тумани чегараларини ўзгартириш тўғрисида»ги СҚ-418-III-сонли Қарори инобатга олинсин.

3. Ўзбекистон Республикаси Олий Мажлис Сенатининг 2019 йил 3 майдаги СҚ-418-III-сонли Қарори қўшилган ва Сергели туманидаги маҳалла фуқаролар йиғинларининг ҳудудий чегараларини қайта кўриб чиқиш ҳисобига янги ташкил этилаётган маҳалла фуқаролар йиғинлар рўйхати ҳамда уларнинг номлари 1-иловага, бўлиниши ҳисобига ташкил этилаётган маҳалла фуқаролар йиғини чегаралари тавсифлари 2-иловага мувофиқ тасдиқлансин.

4. Тошкент шаҳридаги маҳалла фуқаролар йиғинлари сони 514 та деб ҳисоблансин.

5. Маҳалла фуқаролар йиғинлари ҳудудига ўзгартириш киритилган Сергели туман ҳокимлиги ва Фуқароларнинг ўзини ўзи бошқариш органлари фаолиятини мувофиқлаштириш бўйича Тошкент шаҳар кенгаши раисининг биринчи ўринбосари (Ф. Махмудхўжаев):

янги ташкил этилган маҳалла фуқаролар йиғинларининг тўлиқ шаклланиши ва фаолияти учун зарур шарт-шароитлар яратилсин;

ҳудудларга ўзгартириш киритилган маҳалла фуқаролар йиғинларида аҳоли ўртасида тушунтириш ишлари олиб борилсин.

6. Тошкент шаҳар Молия бош бошқармаси (Л. Исматуллаев):

янги ташкил этилган маҳалла фуқаролар йиғини ходимлари меҳнатига ҳақ тўлаш учун зарур маблағларни маҳаллий бюджетдан белгиланган тартибда ажратиш чоралари кўрилсин.

7. Фуқароларнинг ўзини ўзи бошқариш органлари фаолиятини мувофиқлаштириш бўйича Тошкент шаҳар кенгаши раисининг биринчи ўринбосари (Ф. Махмудхўжаев), Ер ресурслари ва давлат кадастри бошқармаси (Ғ. Расулов), Давлат солиқ бошқармаси (Н. Турсунов):

— мазкур қарорга асосан ҳужжатларга ўрнатилган тартибда тегишли ўзгартиришлар киритилсин.

8. «Тошкент оқшоми» ва «Вечерний Ташкент» газеталари таҳририяти (А. Акромов), Ахборот ва коммуникация технологияларини ривожлантириш бўлими (П. Халиулин):

мазкур қарор расмий эълон қилинсин ҳамда www.toshkent.uz веб-сайтига жойлаштирилсин.

9. Мазкур қарор расмий эълон қилинган кундан сўнг кучга киради.

10. Ушбу қарорнинг ижросини назорат қилиш халқ депутатлари Тошкент шаҳар Кенгашининг Ижтимоий-маданий, ривожланиш масалалари бўйича доимий комиссияси ва Тошкент шаҳар ҳокимининг ўринбосари Э. Шукуров зиммасига юклатилсин.

Янги Сергели кўчасининг чап томони бўйлаб Ёрқин ҳаёт кўчасигача, Ёрқин ҳаёт кўчасининг чап томони бўйлаб Дўстлик кўчасигача, Дўстлик кўчасининг чап томони бўйлаб Наврўз асосий кўчасигача, Наврўз асосий кўчасининг чап томони бўйлаб Чароғон 4-тор кўчасигача, Чароғон 4-тор кўчасининг чап томони бўйлаб Тошкент ҳалқа автомобиль йўлигача, Тошкент ҳалқа автомобиль йўлининг чап томони бўйлаб Янги Сергели кўчасигача бўлган ҳудудларда.

Тошкент ҳалқа автомобиль йўлининг ўнг томони бўйлаб Наврўз асосий кўчасигача, Наврўз асосий кўчасининг ўнг томони бўйлаб Паст дархон кўчасигача, Паст дархон кўчасининг ўнг томони бўйлаб Наврўз 5, 6, 7, 8-тор кўчаларини қамраб олган ҳолда Юқори дархон маҳалласи ҳудудий чегарасигача.

Сергели тумани 5А-мавзесидаги 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30 кўп қаватли уйларни ўз ичига олган чегараларда.

Сергели тумани 5А-мавзесидаги 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47 кўп қаватли уйларни ўз ичига олган чегараларда.

Қипчоқ кўчасининг ўнг томони бўйлаб Зангиота тумани маъмурий чегарасигача, Зангиота тумани маъмурий чегарасининг ўнг томони бўйлаб Шокирариқ-Ўзгариш кўчасигача, Шокирариқ-Ўзгариш кўчасининг ўнг томони бўйлаб Мирзо Турсунзода кўчаси кесишган жойигача, Шокирариқ-Ўзгариш ва Мирзо Турсунзода кўчаларининг кесишган жойи ўнг томони бўйлаб Олчазор кўчасигача, Олчазор кўчасининг ўнг томони Лутфикор 3-тор кўчасигача. Лутфикор 3-тор кўчасининг ўнг томони бўйлаб Қипчоқ кўчасигача.

Шокирариқ-Ўзгариш кўчасининг ўнг томони бўйлаб Зангиота тумани маъмурий чегарасигача, Зангиота тумани маъмурий чегарасининг ўнг томони бўйлаб Меҳригиё кўчасигача, Меҳригиё кўчасининг ўнг томони бўйлаб Мирзо Турсунзода кўчасигача, Мирзо Турсунзода кўчасининг ўнг томони бўйлаб Шокирариқ-Ўзгариш кўчасигача бўлган ҳудудларда.

Ўзар кўчасининг чап томони бўйлаб Чоштепа кўчасигача, Чоштепа кўчасининг чап томони бўйлаб Тошкент ҳалқа автомобиль йўлигача, Тошкент ҳалқа автомобиль йўлининг чап томони бўйлаб Ўзар-Жўнариқ кўчалари кесишмасигача, Ўзар-Жўнариқ кўчалари кесишмасининг чап томони бўйлаб Ўзар кўчасигача бўлган чегараларда.

Ўзар кўчасида жойлашган 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66-уйларни қамраб олган чегараларда.