Ўзбекистон Республикасининг Солиқ кодекси ва Ўзбекистон Республикасининг «Фуқароларнинг давлат пенсия таъминоти тўғрисида»ги Қонунига мувофиқ буюраман:

1. Ўзбекистон Республикаси молия вазирининг 2011 йил 14 октябрдаги 63-сон буйруғи (рўйхат рақами 2282, 2011 йил 17 ноябрь) (Ўзбекистон Республикаси қонун ҳужжатлари тўплами, 2011 й., 45-46-сон, 483-модда) билан тасдиқланган Пенсия ишларини расмийлаштириш ва юритиш тартиби ҳамда пенсия ҳужжатларининг шакллари ва уларни тўлдириш қоидалари тўғрисидаги йўриқномага иловага мувофиқ ўзгартириш ва қўшимчалар киритилсин.

2. Мазкур буйруқ расмий эълон қилинган кундан эътиборан кучга киради.

1. 1-банднинг иккинчи хатбошиси қуйидаги таҳрирда баён этилсин:

«Якка тартибдаги тадбиркор (чет элда ёлланган ҳолда ишловчи шахс, деҳқон хўжалиги аъзоси, оилавий тадбиркорлик субъекти оиласи аъзоси учун, шунингдек якка тартибдаги тадбиркор томонидан меҳнат шартномаси бўйича ёлланган ходимлар учун) томонидан Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ягона ижтимоий тўлов (2019 йил 1 январга қадар бўлган давр учун — суғурта бадаллари) тўланганлигини тасдиқловчи маълумотнома унинг яшаш жойи бўйича Ўзбекистон Республикаси давлат солиқ хизмати органлари томонидан тақдим этилган маълумотлар асосида берилади.».

2. 11-банднинг биринчи хатбошиси қуйидаги таҳрирда баён этилсин:

«11. Инспектор аризачи ёки ташкилот вакилига тақдим этилган ҳужжатларнинг (меҳнат дафтарчаси, архив маълумотлари, ташкилот томонидан тақдим этилган маълумотномалар, якка тартибдаги тадбиркор (чет элда ёлланган ҳолда ишловчи шахс, деҳқон хўжалиги аъзоси, оилавий тадбиркорлик субъекти оиласи аъзоси учун, шунингдек якка тартибдаги тадбиркор томонидан меҳнат шартномаси бўйича ёлланган ходимлар учун) томонидан 2019 йил 1 январга қадар бўлган давр учун суғурта бадаллари, 2019 йил 1 январдан кейинги давр учун эса ягона ижтимоий тўлов тўланганлигини тасдиқловчи маълумотномалар ва солиқ агенти ҳисобланмайдиган иш берувчидан даромад олувчи ходимнинг жами йиллик даромад тўғрисидаги декларацияларидан ташқари) асл нусхаларни қайтаради ва унга аризанинг тегишли қисмини қирқиб олган ҳолда, ҳужжатлар қабул қилинганлиги тўғрисида тилхат беради, бунда тилхат нусхаси тақдим этилган ҳужжатлар билан биргаликда Пенсия жамғармаси бўлимида сақланади. Меҳнат дафтарчасининг асл нусхаси Пенсия жамғармаси бўлимининг пенсия тайинлаш комиссияси (кейинги ўринларда — комиссия деб юритилади) томонидан пенсия, ижтимоий нафақа ва бошқа тўловларни тайинлаш ёки тайинлашни рад этиш тўғрисидаги қарори қабул қилингандан сўнг аризачига қайтарилиши шарт.».

3. 13-бандда:

а) биринчи хатбоши қуйидаги мазмундаги жумла билан тўлдирилсин:

б) иккинчи хатбоши қуйидаги таҳрирда баён этилсин:

«Инспектор ариза берувчининг солиқ тўловчининг идентификация рақами ва шахсий жамғарилиб борадиган пенсия ҳисобварағига асосан Ўзбекистон Республикаси Давлат солиқ қўмитаси ва Акциядорлик-тижорат Халқ банки билан ахборот алмашинуви бўйича ўзаро ҳамкорлик, шу жумладан ахборот-коммуникация технологияларидан фойдаланган ҳолда, ариза берувчининг иш стажи, иш ҳақи ва 2019 йил 1 январга қадар бўлган давр учун ҳисобланган суғурта бадалларини, 2019 йил 1 январдан кейинги давр учун эса меҳнатга ҳақ тўлаш тарзидаги даромадлар суммасини ўзаро солиштиради.».

4. 18-банд қуйидаги таҳрирда баён этилсин:

«18. Текшириш тасдиқловчи ҳужжатларни берган ташкилотда ёки архивда амалга оширилади. Текшириш натижалари бўйича икки нусхада далолатнома тузилади, у текширувчининг ва ташкилот ёки архив мансабдор шахсининг имзоси, шунингдек ташкилот (тадбиркорлик субъектларидан ташқари) ёки архивнинг муҳри билан тасдиқланади. Далолатноманинг бир нусхаси ташкилот ёки архивда, иккинчи нусхаси Пенсия жамғармаси бўлимида қолади. Далолатномада тасдиқловчи ҳужжатларнинг ким томонидан берилганлиги ва текшириш вақтида ҳужжатларнинг жойлашган жойи тўғрисидаги маълумот мажбурий тартибда кўрсатилади.».

5. 22-банд қуйидаги таҳрирда баён этилсин:

«22. Тўлов ҳужжатлари расмийлаштирилгандан сўнг пенсия йиғмажилди инспекторга қайтарилади, инспектор ўз навбатида пенсия йиғмажилдини Пенсия жамғармаси архивида сақлаш учун архивариусга топширади.».

6. 30²-банд ўз кучини йўқотган деб топилсин.

7. 35-банд қуйидаги таҳрирда баён этилсин:

«35. Текшириш ташкилот ёки архив вакили иштирокида ўтказилиши лозим, бунда текшириш натижаси бўйича далолатнома Пенсия жамғармаси бўлими ходими, ташкилот ёки архив вакили томонидан имзоланади, шундан сўнг ташкилот (тадбиркорлик субъектларидан ташқари) ёки архив муҳри билан тасдиқланади.».

8. 44 ва 45-бандлар қуйидаги таҳрирда баён этилсин:

«44. Пенсия, ижтимоий нафақа ва бошқа тўловлар тўлови амалга оширилган муддат пенсионер (нафақа олувчи)нинг пенсия йиғмажилдига киритилади.

45. Пенсия йиғмажилдини ҳисобдан чиқариш аввалги яшаш жойи бўйича Пенсия жамғармаси бўлими пенсия ва нафақалар тўлови мониторинги гуруҳи томонидан расмийлаштирилади. Бу ҳақдаги тегишли ёзув пенсия йиғмажилди, шунингдек мазкур Йўриқноманинг 28-иловасига мувофиқ, пенсионер (нафақа олувчи) яшаш манзили ўзгарганлиги муносабати билан пенсия йиғмажилдини ҳисобдан чиқаришни рўйхатга олиш китобига киритилади.».

9. 49-банднинг учинчи хатбошисидан «ва шахсий ҳисобварақ» деган сўзлар чиқариб ташлансин.

10. 1-иловадан 12-позиция чиқариб ташлансин.

11. 2-илованинг Аризага илова қилинган ҳужжатлар рўйхатидан 4-позиция чиқариб ташлансин.

12. 3-илованинг Аризаларга илова қилинган ҳужжатлар рўйхатидан 5 ва 6-позициялар чиқариб ташлансин.

13. 4-илованинг Аризаларга илова қилинган ҳужжатлар рўйхатидан 4-позиция чиқариб ташлансин.

14. 11-иловада:

а) «Ёшга доир пенсия тайинлаш бўйича йиғмажилдларда» бўлимининг 9-позициясидан «МФЙдан маълумотнома,» деган сўзлар чиқариб ташлансин;

б) «Ногиронлик пенсиясини тайинлаш йиғмажилдида» бўлимининг 10-позициясидан «МФЙдан маълумотнома,» деган сўзлар чиқариб ташлансин;

в) «Боқувчисини йўқотганлик пенсиясини тайинлаш йиғмажилдида» бўлимининг 6-позицияси қуйидаги таҳрирда баён этилсин:

15. 12-иловада:

а) «Ёшга доир нафақа тайинлаш бўйича йиғмажилдда» бўлимининг 4-позициясидан «МФЙдан маълумотнома,» деган сўзлар чиқариб ташлансин;

б) қуйидаги мазмундаги 5 ва 6-позициялар билан тўлдирилсин:

в) «Ногиронлик нафақаси тайинлаш бўйича йиғмажилдда» бўлимининг 5-позициясидан «МФЙдан маълумотнома,» деган сўзлар чиқариб ташлансин;

г) «Боқувчисини йўқотганлик нафақаси тайинлаш бўйича йиғмажилдда» бўлимининг 3-позицияси қуйидаги таҳрирда баён этилсин:

16. 23-илова ўз кучини йўқотган деб топилсин.