Ўзбекистон Республикаси Президентининг ««Ўзбеккимёмаш заводи» АЖ негизида метал қуйиш ишлаб чиқаришини янгилаш ва янги металл қуйиш цехининг қурилиши» инвестиция лойиҳасини амалга ошириш чоралари тўғрисида» 2018 йил 18 сентябрдаги ПҚ-3944-сон қарорини бажариш юзасидан, шунингдек, жаҳон стандартларга жавоб берувчи металл қуйиш маҳсулотлари ишлаб чиқарадиган ишлаб чиқариш қувватларини янада кенгайтириш мақсадида Вазирлар Маҳкамаси қарор қилади:

1. Қуйидагилар:

«Ўзбекнефтгаз» АЖ томонидан умумий қиймати 23,76 млн. АҚШ долларига тенг бўлган ва бир йилда 4 000 тонна яроқли қуйилган металл ишлаб чиқариш қувватига эга бўлган «Ўзбеккимёмаш заводи» АЖ негизида металл қуйиш ишлаб чиқаришини янгилаш ва янги металл қуйиш цехи қурилиши» инвестиция лойиҳасининг (кейинги ўринларда инвестиция лойиҳаси деб аталади) техник-иқтисодий асосланиши ишлаб чиқилганлиги;

инвестиция лойиҳасини молиялаштириш АТБ «Ўзсаноатқурилишбанк»нинг 20,0 млн АҚШ доллари миқдоридаги кредити ва «Ўзбеккимёмаш заводи» АЖнинг 3,77 млн АҚШ доллари миқдоридаги ўз маблағлари ҳисобига амалга оширилиши маълумот учун қабул қилинсин.

2. ««Ўзбеккимёмаш заводи» АЖ негизида металл қуйиш ишлаб чиқаришини янгилаш ва янги металл қуйиш цехи қурилиши» инвестиция лойиҳасини техник-иқтисодий асослашнинг асосий техник-иқтисодий параметрлари иловага* мувофиқ тасдиқлансин ва 2019 йил 1 декабргача фойдаланишга топширилсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.С. Султанов ва «Ўзбекнефтгаз» АЖ бошқаруви раиси вазифасини бажарувчи Б.Б. Ашрафханов зиммасига юклансин.