Ўзбекистон Республикаси Президентининг 2017 йил 12 декабрдаги ПФ-5278-сон «Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида»ги Фармони ҳамда Ўзбекистон Республикаси Президентининг 2017 йил 12 декабрдаги ПҚ-3430-сон «Ўзбекистон Республикаси Адлия вазирлиги ҳузуридаги Давлат хизматлари агентлиги фаолиятини ташкил этиш тўғрисида»ги қарорига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Мазкур қарорнинг бажарилишини назорат қилиш Ўзбекистон Республикаси адлия вазири Р.К. Давлетов зиммасига юклансин.

1. Вазирлар Маҳкамасининг 2017 йил 4 октябрдаги 795-сон қарори билан тасдиқланган Хизматчиларнинг асосий лавозимлари ва ишчилар касблари классификаторига 2-илованинг рус тилидаги матнида:

а) 689¹-банд қуйидаги таҳрирда баён этилсин:

б) «Наименование должностей служащих» устунининг 2482-1 ва 2482-2-бандларидаги «одно окно» сўзлари «государственных услуг» сўзлари билан алмаштирилсин.

2. Вазирлар Маҳкамасининг «Ўзбекистон Республикаси Адлия вазирлиги ҳузуридаги Давлат хизматлари агентлиги фаолиятини ташкил этиш чора-тадбирлари ҳақида» 2018 йил 31 январдаги 70-сон қарорида (Ўзбекистон Республикаси ҚТ, 2018 й., 1-сон, 26-модда):

а) 6-банд қуйидаги таҳрирда баён этилсин:

«6. Ўзбекистон Республикаси Молия вазирлиги Агентликнинг марказий аппаратига 3 та ва Агентликнинг ҳудудий бошқармаларига 252 та, шу жумладан мобиль (сайёр) давлат хизматларини кўрсатиш учун 210 та автотранспорт воситаларини бюджетдан ташқари маблағлари ҳисобидан сақлашга лимит ажратсин.»;

б) 1-иловада:

49-бандда:

тўртинчи хатбошидаги «санаторий-курортда» сўзларидан олдин «ходимлар учун уй-жой қуриш,» сўзлари қўшилсин;

қуйидаги таҳрирдаги олтинчи хатбоши билан тўлдирилсин:

«уй-жой шароитларини яхшилашга муҳтож бўлган Агентлик, унинг ҳудудий бошқармалари ва давлат хизматлари марказларининг ходимларига уй-жой сотиб олиш учун беш йилдан кўп бўлмаган муддатга ва энг кам иш ҳақининг минг баробаридан ошмаган миқдорда фоизсиз қарз ажратиш;»;

олтинчи ― ўн иккинчи хатбошилар тегишинча еттинчи ― ўн учинчи хатбошилар деб ҳисоблансин;

53-банднинг учинчи хатбошиси қуйидаги таҳрирдаги учинчи ва тўртинчи хатбошилар билан алмаштирилсин:

«Давлат хизматлари марказлари ходимлари лавозим маошлари, лавозим маошларига қонун ҳужжатларида белгиланган устамалар (меҳнатни рағбатлантириш коэффициенти) миқдори, мукофотлаш ва моддий ёрдам кўрсатиш шартлари бўйича Агентликнинг ҳудудий бошқармалари бўлимлари ходимларига тенглаштирилади;

ФҲДЁ архивлари мудирлари лавозим маошларига қонун ҳужжатларида белгиланган устамалар (меҳнатни рағбатлантириш коэффициенти) миқдори, мукофотлаш ва моддий ёрдам кўрсатиш шартлари бўйича тегишлича Агентликнинг ҳудудий бошқармалари бўлимлари ходимлари ҳамда бўлим бошлиқларига тенглаштирилади».

3. Вазирлар Маҳкамасининг 2018 йил 10 майдаги 348-сон қарори билан тасдиқланган Давлат хизматлари марказлари орқали давлат ва хўжалик бошқаруви органлари, маҳаллий давлат ҳокимияти органлари ҳамда тижорат банклари томонидан кўрсатиладиган барча турдаги хизматлардан эркин фойдаланишни таъминлайдиган электрон рақамли имзо калитининг сертификатини бериш бўйича давлат хизматлари кўрсатишнинг маъмурий регламентининг 5-бандидаги «жисмоний ва юридик шахслардан энг кам ойлик иш ҳақининг 10 фоизи» сўзлари «юридик шахслардан ва юридик шахс ташкил этмаган тадбиркорлик субъектларидан энг кам ойлик иш ҳақининг 10 фоизи, жисмоний шахслардан эса 7 фоизи» сўзлари билан алмаштирилсин.