Тўғридан-тўғри хорижий инвестицияларни жалб қилишни рағбатлантириш ва туризмни ривожлантириш, Самарқанд шаҳрида замонавий меҳмонхона мажмуаларини жадаллаштириш ва шу асосда кўрсатилаётган меҳмонхона хизматлари сифатини ошириш ва янги иш ўринлари яратиш соҳасидаги йирик инвестиция лойиҳаларини қўшимча давлат томонидан қўллаб-қувватлаш мақсадида Вазирлар Маҳкамаси қарор қилади:

1. Самарқанд вилояти ҳокимлиги ва Ўзбекистон Республикаси Инвестициялар бўйича давлат қўмитаси «EXIM Investments Pte Ltd» (Сингапур) хорижий компанияси (кейинги ўринларда — инвестор) билан Самарқанд шаҳар ҳокимлиги (кейинги ўринларда — лойиҳа) тўғридан-тўғри хорижий инвестицияларни жалб этиш орқали «Афросиёб палас» давлат унитар корхонасининг фаолият кўрсатмаётган меҳмонхонасини реконструкция қилиш» лойиҳасини амалга ошириш бўйича келишувга эришилганлиги;

инвестор томонидан бизнес-режа лойиҳаси тайёрланганлиги маълумот учун қабул қилинсин.

2. Самарқанд вилояти ҳокимлиги, Инвестициялар бўйича давлат қўмитасининг «Афросиёб ПАЛАС» ДУКни мавжуд меҳмонхона бино ва иншоотларини (кейинги ўринларда — мулкий мажмуа) активларнинг қолдиқ баланс қиймати бўйича туташ ҳудуди 1,9 гектар бўлган, Ўзбекистон Республикаси Давлат буджети ва давлат мақсадли жамғармалари олдидаги барча мавжуд қарзларини, иш ҳақини, шунингдек бошқа кредиторларни инвестиция ва ижтимоий мажбуриятларни бажарган ҳолда тўлаш шарти билан инвесторга сотиш тўғрисидаги таклифига розилик берилсин.

Белгилансинки, лойиҳани амалга ошириш доирасида инвестор ўз зиммасига:

а) замонавий меҳмонхона мажмуасини яратиш учун ўз маблағлари ва қарз маблағлари ҳисобидан икки йил давомида 12,0 миллион АҚШ доллари миқдорида инвестициялар жалб этиш;

б) Ўзбекистон Республикаси фуқароларидан иборат 100 тагача янги иш ўринларини яратиш;

в) 2019 йил 1 ноябрга қадар меҳмонхонани реконструкция қилиш бўйича архитектура ечимларини Ўзбекистон Республикасининг Маданият вазирлиги ва ЮНEСКО билан ўз вақтида келишилган ҳолда, хизмат кўрсатишни камида 4 юлдузли меҳмонхона тоифасига мос даражага етказиш, қўшни ҳудудни зарур инфратузилма ва автотураргоҳ билан ободонлаштириш бўйича 280 хонали меҳмонхона мажмуасини реконструкция қилишни якунлаш;

Бунда, юқорида кўрсатилган тасдиқлаш кечиктирилган тақдирда, лойиҳани ва инвестиция мажбуриятларини бажариш муддатлари кечиктириш муддатига тенг муддатга узайтирилади.

г) Ўзбекистон Республикаси Давлат буджетига ва давлат мақсадли жамғармаларига, бошқа кредиторларга, шунингдек иш ҳақига мажбурий тўловлар бўйича активларнинг қолдиқ баланс қийматини олди-сотди шартномаси тузилган кундан эътиборан бир ой ичида тўлаш ва Мулк мажмуаси бўйича қарзни тўлаш;

д) Мулк мажмуаси ҳудудида жойлашган қадимий иншоот қолдиқлари – доимий сақлаш учун берилган маданий мерос объектининг сақланишини қонун ҳужжатларида белгиланган тартибда таъминлаш мажбуриятларини олади.

3. Самарқанд вилояти ҳокимлиги Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда:

бир ой муддатда ушбу қарорнинг 2-бандида кўрсатилган инвестиция ва ижтимоий мажбуриятларни бажариш шарти билан мулк мажмуасининг ҳолатини инвентаризация қилиш, ер участкаси ҳажмини кадастр ҳужжатлари билан мувофиқлаштириш, мавжуд юкламалар тўғрисида маълумот тайёрлаш ва инвестор билан мулкий мажмуани олди-сотди шартномасини тузсин;

инвестор томонидан қабул қилинган инвестиция ва ижтимоий мажбуриятларнинг тўғри бажарилишини назорат қилсин.

4. Самарқанд вилояти хокимлиги Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда реконструкция қилинаётган «Афросиёб палас» меҳмонхонасининг халқаро стандартлар бўйича камида 4 юлдузли санитария-технологик фаолиятини таъминлаш мақсадида бир ой муддатда Мулкий мажмуа ёнидан умумий майдони камида 1,8 гектар бўлган қўшимча ер участкалари ажратилишини таъминласин.

5. Ўзбекистон Республикаси Қурилиш вазирлиги, Маданият вазирлиги «Тошкентбошплан ЛИТИ» давлат унитар корхонаси лойиҳа институти билан биргаликда меҳмонхонани реконструкция қилиш бўйича архитектура ечимларини, шу жумладан маданий мерос объекти тўғрисидаги қарорларни мувофиқлаштиришни ҳисобга олган ҳолда лойиҳа-смета ҳужжатларини ишлаб чиқишда эксперт ёрдамини таъминласин.

6. Ўзбекистон Республикаси Ташқи ишлар вазирлиги «Афросиёб палас» меҳмонхонаси сўровига биноан лойиҳани амалга оширишда иштирок этаётган юқори малакали хорижий мутахассислар ва уларнинг оила аъзоларига кириш визалари берилишини таъминласин.

7. Ўзбекистон Республикаси Ички ишлар вазирлиги «Афросиёб палас» меҳмонхонаси талабига биноан лойиҳани амалга оширишга жалб қилинган юқори малакали хорижий мутахассислар ва уларнинг оила аъзоларига визалар муддати узайтирилишини, шунингдек, вақтинчалик яшаш жойи бўйича вақтинча прописка берилиши ва узайтирилишини белгиланган тартибда таъминласин.

8. Ўзбекистон Республикаси Бандлик ва меҳнат муносабатлари вазирлиги «Афросиёб палас» меҳмонхонаси талабига биноан лойиҳани амалга оширишда иштирок этиш учун Ўзбекистон Республикасига юқори малакали хорижий мутахассисларни жалб қилиш учун рухсатномалар белгиланган тартибда ўз вақтида берилишини (муддати узайтирилишини), шунингдек ушбу хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномалар берилишини (узайтирилишини) таъминласин.

9. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмуродов, Ўзбекистон Республикаси Бош вазирининг ўринбосари А.А. Абдуҳакимов, Туризмни ривожлантириш давлат қўмитаси раиси Б.Н. Умаров ва Самарқанд вилояти ҳокими вазифасини бажарувчи Э.О. Турдимов зиммасига юклатилсин.