Иқтисодиёт тармоқларини, биринчи навбатда, хорижий инвестицияларни кенг жалб қилиш, шунингдек, табиий, моддий, молиявий ва бошқа ресурслардан самарали фойдаланишни таъминлаш билан бирга, уларнинг рақобатбардошлигини оширишга қаратилган узоқ муддатли ривожланиш концепцияларини сифатли ишлаб чиқиш, истиқболсиз лойиҳаларни ташаббус қилмаслик ва амалга оширмаслик мақсадида Вазирлар Маҳкамаси қарори қилади:

1. Ўзбекистон Республикаси Инвестициялар бўйича Давлат қўмитаси иқтисодиётининг асосий тармоқларини ислоҳ қилиш бўйича узоқ муддатли дастурларни ишлаб чиқиш ва амалга оширишга кўмаклашиш учун нуфузли халқаро экспертларни жалб қилиш бўйича қуйидаги келишувларга эришилганлиги маълумот учун қабул қилинсин:

«Ўзбекенерго» АЖ ва Европа тикланиш ва тараққиёт банки ўртасида электроэнергетикани ислоҳ қилиш ва қайта тикланувчи энергетикани ривожлантириш бўйича стратегик ҳамкорлик;

Жаҳон банки гуруҳи ва Осиё тараққиёт банки томонидан ривожлантириш ва инвестицияларни жалб қилиш соҳасида маслаҳат хизматларини кўрсатиш бўйича;

Жаҳон банки гуруҳи томонидан авиация транспортини комплекс ислоҳ қилиш ва соҳага инвестицияларни жалб этиш бўйича маслаҳат хизматларини кўрсатиш бўйича;

Халқаро молия корпорацияси томонидан табиий газни чуқур қайта ишлаш соҳасида тўғридан тўғри хорижий инвестицияларни жалб қилиш ва ресурслардан фойдаланиш самарадорлиги имкониятларини баҳолаш;

«McKinsey & Company» (АҚШ) томонидан кимё саноатини ривожлантириш ва унга хорижий инвестицияларни жалб қилиш тўғрисида;

«Boston Consulting Group» (АҚШ) билан республика нефть-газ саноатини ривожлантиришнинг комплекс стратегиясини ҳамкорликда ишлаб чиқиш, истиқболли инвестиция лойиҳаларини аниқлаш ва ривожлантириш, углеводород хомашёсини қидириш, ривожлантириш, қазиб олиш ва қайта ишлаш соҳаларида самарали лойиҳаларга хорижий инвесторларни жалб қилишни қўллаб-қувватлаш.

2. Давлат инвестициялар қўмитаси, Ўзбекистон Республикаси Давлат геология ва минерал ресурслари давлат қўмитаси, «Ўзбекнефтгаз» АЖ, «Ўзбекенерго» АЖ, «Ўзкимёсаноат» АЖ, «Ўзбекистон ҳаво йўллари» МАК ва бошқа манфаатдор вазирлик ва идоралар билан биргаликда:

2018 йил 1 августга қадар ушбу қарорнинг 1-бандида кўрсатилган халқаро молия институтлари ва консультацион компаниялари билан консультация хизматларини кўрсатиш бўйича келишув (контракт)ларни имзолаш;

2018 йил 10 августга қадар ушбу қарорнинг 1-бандида кўрсатилган халқаро молия институтлари ва консультацион компаниялари билан ҳамкорлик қилиш дастурларини, ҳамда институтлар ва компанияларнинг муддатлари, босқичлари ва кутилаётган аниқ натижалари кўрсатилган таклифларини амалга оширишнинг самарали механизмларини ишлаб чиқиш;

Республика иқтисодиётининг энг муҳим тармоқларини ислоҳ қилиш бўйича узоқ муддатли дастурларни ишлаб чиқиш ва амалга ошириш учун халқаро молия институтлари, биринчи навбатда Осиё тараққиёт банки, Жаҳон банки, Европа тикланиш ва тараққиёт банки гуруҳлари ва бошқа ташкилотларнинг техник ҳамкорлиги доимий асосда жалб қилиниши таъминлансин.

3. Белгилансинки:

Ўзбекистон Республикаси Инвестициялар бўйича Давлат қўмитаси мажбурий тартибда мазкур қарорнинг 2-бандига мувофиқ тузиладиган келишувларнинг (шартномаларнинг) томонлардан бири бўлиб иштирок этади;

Иқтисодиётнинг стратегик тармоқлари корхоналари раҳбарлари нуфузли халқаро экспертларнинг фаолияти самарадорлигини таъминлаш учун лойиҳа таклифларини сифатли ишлаб чиқиш, самарали ҳамкорлик қилиш, маълумотларни, шу жумладан, махфий маълумотларни ўз вақтида тақдим қилиб бориш учун шахсан жавобгардирлар.

4. Ташқи иқтисодий фаолият миллий банки ҳузуридаги Жаҳон бозорлари, инвестициялар ва технологияларни таҳлил қилиш бўйича марказни унинг асосий вазифалари қуйидагилар этиб белгиланган. Ўзбекистон Республикаси Ташқи иқтисодий фаолият миллий банкининг унитар корхонаси шаклидаги инвестицияларнинг эксперт маркази (бундан буён марказ) этиб қайта ташкил этилсин;

Иқтисодиётнинг асосий тармоқларини ислоҳ қилиш, ушбу соҳада инвестициялар ва лойиҳаларни ишлаб чиқиш ва амалга оширишда акционерлик жамиятлари ва хўжалик бирлашмалари, давлат органлари, халқаро молия институтлари ва консалтинг компаниялари ўртасида ўзаро самарали ҳамкорликни таъминлаш;

Ўзбекистон Республикаси Инвестициялар бўйича Давлат қўмитаси жаҳон бозоридаги мавжуд салоҳияти ва рақобатбардош устунликларидан келиб чиқиб, юқори рентабелликни, ишлаб чиқариш ва экспорт ҳажмининг ўсишини таъминловчи инвестицияларнинг истиқболли йўналишлари ва янги лойиҳаларини амалга ошириш, иқтисодиётнинг асосий тармоқларига хорижий инвестицияларни жалб этишнинг шаффоф ва рақобатбардош шартлари, шунингдек, давлат манфаатлари ҳимоясини таъминлаш механизмлари бўйича таклифлар киритиш.

юқори рентабелликга эга истиқболли инвестицияларни аниқлаш ва таклиф қилиш; шунингдек, марказга юклатилган вазифаларни бажариш учун қулай шарт-шароитлар яратиш, юқори малакали ва нуфузли халқаро ва маҳаллий экспертларни жалб қилиш.

5. Марказга Ўзбекистон Республикаси Инвестициялар бўйича Давлат қўмитаси билан келишган ҳолда тўғридан тўғри шартномалар тузиш орқали эксперт-аналитик ишларни ўтказиш учун нуфузли халқаро экспертларни, консалтинг, инжиниринг ва бошқа компания ва ташкилотлари, шунингдек, маҳаллий мутахассисларни жалб қилиш ваколати берилсин.

6. Белгилансинки, марказнинг фаолиятини молиялаштириш Ўзбекистон Республикаси Ташқи иқтисодий фаолият Миллий банки томонидан ажратиладиган маблағлар, халқаро молия институтлари ва донор мамлакатлар, шунингдек, қонунда тақиқланмаган бошқа манбалар ҳисобидан амалга оширилади.

7. Ўзбекистон Республикаси Вазирлар Маҳкамасининг инвестициялар, инновацион ривожлантириш, эркин иқтисодий ва кичик саноат зоналари фаолиятини мувофиқлаштириш масалалари бўйича Комплекс раҳбари С. Р. Холмуродовга, Ташқи иқтисодий фаолият миллий банкига Ўзбекистон Республикаси Инвестициялар бўйича Давлат қўмитаси билан ҳамкорликда:

а) бир ой муддатда:

Марказнинг таркибий тузилмаси ва уставини (низомини) ишлаб чиқиш ва тасдиқлаш, бунда марказнинг лойиҳаларни мувофиқлаштирувчилари сони Ўзбекистон Республикаси Инвестициялар бўйича Давлат қўмитаси томонидан экспорт-аналитик ишлар ҳажми ва жалб қилинадиган нуфузли халқаро экспертлар сонидан келиб чиққан ҳолда белгиланиши кўзда тутилсин;

Марказнинг давлат рўйхатидан ўтказилишини таъминлансин;

Марказни жойлаштириш учун жой ажратилиши, уни зарур алоқа воситалари, компьютерлар, оргтехника, мебель ва инвентарь билан жиҳозлаш, шу жумладан, Марказ ходимлари ва нуфузли халқаро экспертларнинг ишлаши учун зарур шарт-шароитлар яратилишини кўзда тутиш;

Марказ ходимларининг штат жадвали ва иш ҳақи миқдорини тасдиқлаш.

б) икки ой муддатда

Халқаро тажрибани ҳисобга олган ҳолда марказнинг асосий иш фаолияти йўналишларидан келиб чиққан ҳолда 2018-2019 йиллардаги эксперт-аналитик ишлари дастурини ишлаб чиқиш ва тасдиқлаш;

Марказни юқори малакали лойиҳаларни мувофиқлаштирувчи мутахассислар, таржимонлар, техник ва ёрдамчи ходимлар билан таъминлаш;

в) Марказ томонидан тайёрланган аналитик ва маслаҳат бериш фаолияти натижалари, методик, тадқиқот ва бошқа материалларни доимий равишда босма ва электрон воситаларида эълон қилиб бориш амалиётини жорий қилиш.

8. Ўзбекистон Республикаси Инвестициялар бўйича Давлат қўмитаси халқаро институтлар ва донорлар техник ёрдамидан фойдаланиш бўйича таклифлар тайёрласин.

Ўзбекистон Республикаси Инвестициялар бўйича Давлат қўмитаси марказнинг самарали фаолиятини ташкил қилиш учун Жаҳон банки, Осиё тараққиёт банки, Европа тикланиш ва тараққиёт банки, Ислом тараққиёт банки ва бошқа халқаро ва хорижий ташкилотлар ҳамда донор мамлакатларнинг техник ҳамкорлигини жалб қилиш масаласини кўриб чиқсин.

9. 2021 йил 1 июлга қадар:

Ўзбекистон Республикасининг норезидентларини мазкур қарорга мувофиқ Ўзбекистон Республикаси Инвестициялар бўйича Давлат қўмитаси ва Марказ ўртасида тузиладиган келишув (контракт)лар доирасида олинган даромадлар бўйича фойда солиғи тўловидан;

хорижий мутахассисларни, шу жумладан, халқаро экспертларни мазкур қарорга мувофиқ Ўзбекистон Республикаси Инвестициялар бўйича Давлат қўмитаси ва Марказ ўртасида тузиладиган келишув (контракт)лар доирасида олинган даромадлар бўйича жисмоний шахсларнинг даромад солиғи тўловидан;

мазкур қарорга мувофиқ, Инвестициялар бўйича Ўзбекистон Республикаси Давлат қўмитаси ва Марказ ўртасида тузиладиган келишув (контракт)лар доирасида олиб кириладиган ускуна, компьютер техникаси (жиҳозлари), телекоммуникация тизими ва бошқа воситаларни ўрнатилган тартибда шакллантириладиган рўйхат бўйича божхона тўловларидан ёки божхона тўловларидан ташқари озод қилиш.

10. Ташқи ишлар вазирлиги ўрнатилган тартибда Ўзбекистон Республикаси Инвестициялар бўйича Давлат қўмитаси, Ўзбекистон Республикаси Ташқи иқтисодий фаолият Миллий банки ва Марказнинг буюртмалари бўйича мазкур қарорни амалга ошириш доирасида жалб қилинадиган хорижий мутахассислар, шу жумладан, халқаро экспертларга консуллик ва бошқа йиғимларни ундирилмасдан кириш визалари расмийлаштирилишини таъминласин.

11. Ташқи ишлар вазирлиги ўрнатилган тартибда Ўзбекистон Республикаси Инвестициялар бўйича Давлат қўмитаси, Ўзбекистон Республикаси Ташқи иқтисодий фаолият Миллий банки ва Марказнинг буюртмалари бўйича мазкур қарорни амалга ошириш доирасида жалб қилинадиган хорижий мутахассислар, шу жумладан, халқаро экспертларга, уларнинг вақтинчалик яшаш жойи бўйича давлат божи ундирилмасдан кўп марталик визалар берилиши (узайтирилиши)ни, шунингдек, вақтинчалик рўйхатга қўйилиши ва уни узайтирилишини таъминласин.

12. Меҳнат муносабатлари ва бандлик вазирлиги ўрнатилган тартибда Ўзбекистон Республикаси Инвестициялар бўйича Давлат қўмитаси, Ўзбекистон Республикаси Ташқи иқтисодий фаолият Миллий банки ва Марказнинг буюртмалари бўйича хорижий мутахассислар, шу жумладан, халқаро экспертларни (Ўзбекистон Республикаси фуқароси бўлмаган) республикага жалб қилишга рухсатнома берилиши (узайтирилиши), шунингдек, ушбу чет эл фуқароларига Ўзбекистон Республикаси ҳудудида меҳнат фаолиятини амалга ошириш ҳуқуқи мавжудлигини тасдиқловчи ҳужжат берилиши (узайтирилиши)ни таъминласин.

13. Ўзбекистон Республикаси Инвестициялар бўйича Давлат қўмитаси:

бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;

ҳар чоракда мазкур қарорнинг амалга ошириб борилиши юзасидан Ўзбекистон Республикаси Вазирлар Маҳкамасига ахборот киритиб борилишини таъминласин.

14. Мазкур қарорнинг ижроси устидан назорат Ўзбекистон Республикаси Бош вазири ўринбосари — Ўзбекистон Республикаси Инвестициялар бўйича Давлат қўмитаси раиси С. Р. Холмуродов, Ўзбекистон Республикаси Бош вазири ўринбосари — «Ўзбекнефтгаз» АЖ бошқаруви раиси А. С. Султонов ва Ўзбекистон Республикаси Ташқи иқтисодий фаолият Миллий банки бошқаруви раиси А. К. Мирсоатов зиммасига юклансин.