«Хориждан маблағ жалб қилиш тўғрисида»ги Ўзбекистон Республикасининг Қонунига, Ўзбекистон Республикаси Президентининг «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида» 2018 йил 13 апрелдаги ПҚ-3666-сон қарорига мувофиқ, шунингдек, Ўзбекистон Республикаси Адлия вазирлиги томонидан давлатнинг хориждан маблағ жалб қилиши тўғрисидаги шартномалар ҳамда Ўзбекистон Республикасининг давлат кафолатлари бўйича юридик хулосалар беришни такомиллаштириш мақсадида Вазирлар Маҳкамаси қарор қилади:

1. Вазирлар Маҳкамасининг «Давлатнинг хориждан маблағ жалб қилиши тўғрисидаги шартномалар бўйича юридик хулосалар бериш тартиби ҳақидаги низомни тасдиқлаш тўғрисида» 2015 йил 10 июлдаги 187-сон қарорига (Ўзбекистон Республикаси ҚТ, 7-сон, 58-модда) иловага мувофиқ ўзгартириш ва қўшимчалар киритилсин.

2. Мазкур қарорнинг бажарилишини назорат қилиш Бош вазир ўринбосари — Ўзбекистон Республикаси Молия вазири Ж.А. Қўчқоров ва Ўзбекистон Республикаси Адлия вазири Р.К. Давлетов зиммасига юклансин.

1. Номланишга «шартномалар» сўзидан кейин «ва Ўзбекистон Республикасининг давлат кафолатлари» сўзлари қўшилсин.

2. Муқаддима қуйидаги таҳрирда баён этилсин:

«Хориждан маблағ жалб қилиш тўғрисида»ги Ўзбекистон Республикасининг Қонунига, Ўзбекистон Республикаси Президентининг «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида» 2018 йил 13 апрелдаги ПҚ-3666-сон қарорига мувофиқ, шунингдек, Ўзбекистон Республикаси Адлия вазирлиги томонидан давлатнинг хориждан маблағ жалб қилиши тўғрисидаги шартномалар ва Ўзбекистон Республикасининг давлат кафолатлари бўйича юридик хулосалар беришни тартибга солиш мақсадида Вазирлар Маҳкамаси қарор қилади».

3. 1-бандга «шартномалар» сўзидан кейин «ва Ўзбекистон Республикасининг давлат кафолатлари» сўзлари қўшилсин.

4. Иловада:

а) номланишига «шартномалар» сўзидан кейин «ва Ўзбекистон Республикасининг давлат кафолатлари» сўзлари қўшилсин;

б) 1-банднинг биринчи хатбоши қуйидаги таҳрирда баён этилсин:

«Ушбу Низом «Хориждан маблағ жалб қилиш тўғрисида»ги Ўзбекистон Республикаси Қонунига, Ўзбекистон Республикаси Президентининг «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида» 2018 йил 13 апрелдаги ПҚ-3666-сон қарорига мувофиқ давлатнинг хориждан маблағ жалб қилиши тўғрисидаги шартномалар ва Ўзбекистон Республикасининг давлат кафолатлари бўйича юридик хулосалар бериш тартибини белгилайди»;

в) 2-банд:

қуйидаги таҳрирдаги учинчи хатбоши билан тўлдирилсин:

«Ўзбекистон Республикасининг давлат кафолати — қарз олувчи-резидент ўзидан ундириладиган суммани қарз (кредит) бериш келишувларида белгиланган муддатда тўламаган тақдирда Ўзбекистон Республикасининг қарз берувчи олдидаги қарзни тўлиқ ёки қисман тўлаш мажбуриятидир»;

учинчи ва тўртинчи хатбошилар тегишлича тўртинчи ва бешинчи хатбошилар деб ҳисоблансин;

г) 3-бандга «шартномалар» сўзидан кейин «ва Ўзбекистон Республикасининг давлат кафолатлари» сўзлари қўшилсин;

д) 5-бандда:

«а» ва «б» кичик бандларига «шартнома» сўзидан кейин «ва Ўзбекистон Республикасининг давлат кафолатлари» сўзлари қўшилсин;

«и» кичик банди қуйидаги таҳрирда баён этилсин:

««и» тақдим этилаётган ҳужжатларда ҳаволалари мавжуд бўлган бошқа ҳужжатларнинг нусхалари».