Кимё саноати корхоналарини молиявий-иқтисодий соғломлаштиришни янада таъминлаш ва уларни давлат томонидан қўллаб-қувватлаш, шунингдек, тўлов интизомини мустаҳкамлаш, иқтисодиётнинг базавий тармоқларида дебиторлик ва кредиторлик қарзларини қисқартириш мақсадида Вазирлар Маҳкамаси қарор қилади:

1. Ўзбекистон Республикаси Президенти Ш.М. Мирзиёев томонидан 2017 йил 28 декабрда ўтказилган «Ўзкимёсаноат» AЖ корхоналарини давлат томонидан қўллаб-қувватлаш ва молиявий-иқтисодий соғломлаштиришни таъминлашга доир кечиктириб бўлмайдиган чора-тадбирлар тўғрисида»ги йиғилиш баёнига мувофиқ:

«Aгрокимёҳимоя» акциядорлик жамияти ва «Ўзкимёсаноат» акциядорлик жамиятининг минерал ўғитлар ишлаб чиқарувчи ташкилотлари ўртасидаги дебиторлик ва кредиторлик қарзлари инвентаризациядан ўтказилиб, 2018 йил 1 январь ҳолатига 2 060,9 млрд сўм миқдоридаги ўзаро ҳисоб-китоблар бўйича солиштирма далолатномалар расмийлаштирилди;

иқтисодиёт базавий тармоқлари ташкилотларининг 2018 йил 1 январь ҳолатига кўра Ўзбекистон Республикаси Давлат бюджети (кейинги ўринларда Давлат бюджети деб аталади) олдидаги қарздорлиги доирасида Ўзбекистон Республикаси Молия вазирлиги томонидан «Ўзкимёсаноат» AЖ ташкилотлари олдидаги тасдиқланган қарздорликни сўндириш учун ҳудудий «Aгрокимёҳимоя» AЖга 1 685,9 млрд. сўм миқдорида фоизсиз ссуда ажратиш йўли билан иқтисодиёт базавий тармоқлари ташкилотлари ўртасида маблағлар ўтишининг мақсадли схемалари ишлаб чиқилган ва тасдиқланган;

Ўзбекистон Республикаси Молия вазирлиги томонидан «Ўзагрокимёҳимоя» AЖнинг буюртманомалари бўйича 2018 йил 23 январдан бошлаб ҳудудий «Aгрокимёҳимоя» AЖга миллий валютада 262,1 млрд. сўмгача траншлар бўйича жами 1 685,9 млрд. сўм миқдорида 15 йил муддатга, шу жумладан уч йиллик имтиёзли давр билан маблағларнинг мақсадли ўтиш схемаларини қўллаган ҳолда фоизсиз бюджет ссудаси ажратилди.

2. Қайд этилсинки, 2018 йил 15 февралдан кейин 2017 йил учун йиллик ҳисоб-китоблари тақдим этиш натижаларига кўра мақсадли схемалар иштирокчиларининг 2018 йил 1 январь ҳолатига қуйидагилар бўйича қарздорлиги юзага келган:

Ўзбекистон Республикасининг маҳаллий бюджетлари ва республика бюджети даромадлари параметрларида назарда тутилган, бир қисми маблағлар ўтишининг мақсадли схемаларида 271,2 млрд. сўм миқдорида назарда тутилган Давлат бюджети олдидаги солиқлар;

давлат мақсадли жамғармаларига, шу жумладан Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига, Ўзбекистон Республикаси Вазирлар Маҳкамаси ҳузуридаги Республика йўл жамғармасига, Ўзбекистон Республикаси Молия вазирлиги ҳузуридаги бюджетдан ташқари Таълим ва тиббиёт муассасаларининг моддий-техника базасини ривожлантириш жамғармасига 83,4 млрд сўм миқдоридаги ажратмаларга.

3. Ўзбекистон Республикаси Молия вазирлиги ҳудудий «Aгрокимёҳимоя» AЖга 354,6 млрд. сўм миқдорида 15 йил муддатга, шу жумладан уч йиллик имтиёзли давр билан, кейинчалик ушбу суммани Ўзбекистон Республикаси Давлат бюджети ва давлат мақсадли жамғармалари даромадларига ўтказган ҳолда фоизсиз бюджет ссудасини ажратсин.

4. Ўзбекистон Республикаси Давлат солиқ қўмитаси иқтисодиёт базавий тармоқларининг тегишли ташкилотлари билан биргаликда иқтисодиёт базавий тармоқлари ташкилотлари ўртасида, шу жумладан тизим ичидаги ташкилотлар ўртасида тўловлар амалга оширилишини назарда тутувчи, кейинчалик Ўзбекистон Республикаси Давлат бюджети ва давлат мақсадли жамғармалари даромадларига ўтказилишини назарда тутувчи маблағлар ўтишининг мақсадли схемалари тайёрланиши ва тасдиқланишини таъминласин.

5. Белгилансинки:

фоизсиз бюджет ссудасидан маблағларнинг ўтказилиши «23410» махсус ҳисобварағи орқали Ўзбекистон Республикаси Давлат бюджетининг даромадлари ва харажатларида акс эттирилмасдан амалга оширилади, ушбу қарорнинг 3-бандига мувофиқ бериладиган бюджет ссудаси бундан мустасно ва давлат томонидан тўловлар бўйича 2-сонли тўловлар бўйича тўлов схемаларига қатъий мувофиқ мажбурий йиғиш учун фойдаланилади;

ушбу қарорнинг 3-бандига мувофиқ ажратиладиган фоизсиз бюджет ссудасидан маблағлари ўтказиш Ўзбекистон Республикаси Давлат солиқ қўмитаси томонидан иқтисодиётнинг базавий тармоқларининг тегишли ташкилотлари билан келишилган ҳолда, Ўзбекистон Республикаси Давлат бюджети ва давлат мақсадли жамғармаларининг даромадларида акс эттирилган маблағлари ўтказишнинг мақсадли схемалари бўйича амалга оширилади. Кўрсатилган маблағлар 2-сонли картотека ҳолатидан, суд қарорлари мавжудлигидан ва мажбурий ундириш бўйича тўлов талабларидан қатъи назар, маблағларни ўтказишнинг тасдиқланган мақсадли схемаларига қатъий мувофиқ фойдаланилади;

«Ўзбекэнерго» AЖ ва «Ўзбекнефтгаз» AЖ ташкилотларининг ҳисоб рақамларига пул маблағларини ўтказишнинг мақсадли схемаларига мувофиқ келиб тушган юқорида кўрсатилган маблағлар суммасидан қонун ҳужжатларида белгиланган тартибда Ўзбекистон Республикаси Бош прокуратураси ҳузуридаги Мажбурий ижро бюросига чегирмалар ундирилмайди;

Маблағларинг тасдиқланган мақсадли ўтказма схемалари бўйича юқорида кўрсатилган маблағларинг ишончлилиги ва мақсадли сарфланиши учун жавобгарлик «Ўзкимёсаноат» AЖ, «Ўзбекэнерго» AЖ, «Ўзбекнефтгаз» AЖ, «Ўзагрокимёҳимоя» AЖ ва хизмат кўрсатувчи тижорат банклари раҳбарлари зиммасига юклатилди.

6. «Ўзагрокимёҳимоя» акциядорлик жамияти ва Ўзбекистон Республикаси Қишлоқ хўжалиги вазирлиги 2018 йил 15 мартгача бўлган муддатда қишлоқ хўжалиги маҳсулотлари ишлаб чиқарувчилардан қарздорликни ундириш жадваллари тасдиқлансин, бунда ундирилган сумма Ўзбекистон Республикаси Молия вазирлигининг «Aгрокимёҳимоя» ҳудудий акциядорлик жамиятининг Ўзбекистон Республикаси Молия вазирлигининг фоизсиз кредити бўйича қарзини тўлаш учун сарфлансин.

7. Мазкур қароринг ижросини назорат қилиш Ўзбекистон Республикаси Бош вазирининг ўринбосари — молия вазири Д.A. Қўчқоров, Ўзбекистон Республикаси Бош вазирининг ўринбосари — «Ўзбекнефтгаз» AЖ бошқаруви раиси A.С. Султонов, Ўзбекистон Республикаси Бош вазирининг ўринбосари З.Т. Мирзаев, Ўзбекистон Республикаси молия вазирининг биринчи ўринбосари A.Я. Ҳайдаров ва Ўзбекистон Республикаси Давлат солиқ қўмитаси раиси Б.Р. Парпиев.