Ўзбекистон Республикаси Вазирлар Маҳкамасининг «Капитал қурилишда иқтисодий ислоҳотларни чуқурлаштириш чора-тадбирлари тўғрисида» 1998 йил 3 сентябрдаги 375-сон қарорига мувофиқ Вазирлар Маҳкамаси қарор қилади:

1. Қуйидагилар:

Ўзбекистон Республикаси Давлат архитектура ва қурилиш қўмитаси тўғрисидаги Низом 1-иловага мувофиқ;

3. «Ўздавстандарт» маркази қурилиш материаллари, буюмлар ва конструкцияларни сертификатлаш функцияларини амалдаги қонун ҳужжатларига мувофиқ Ўзбекистон Республикаси Давлат архитектура ва қурилиш қўмитасига берсин.

4. Ўзбекистон Республикаси Давлат архитектура ва қурилиш қўмитаси:

Давлат архитектура-қурилиш назорати бош бошқармаси («Бошдавархитектқурилишназорат») таркибида қурилишда стандартлаштириш ҳамда қурилиш материаллари, буюмлар ва конструкцияларни сертификатлаш бошқармасини ташкил этсин;

Қорақалпоғистон Республикаси ва Ўзбекистон Республикаси вилоятлари Давлат архитектура-қурилиш назорати инспекциялари таркибида Қурилишда стандартлаштириш ва қурилиш материаллари, буюмлар ва конструкцияларни сертификатлаш марказлари ташкил этсин;

Бошқарма ва Қурилишда стандартлаштириш ва қурилиш материаллари, буюмлар ва конструкцияларни сертификатлаш марказлари харажатларини кўрсатиб ўтилган Бошқарма ва марказлар томонидан кўрсатиладиган хизматлардан тушадиган маблағлардан амалга оширсин.

5. Қуйидагилар:

Ўзбекистон Республикаси Давлат архитектура ва қурилиш қўмитасининг Давлат архитектура-қурилиш назорати бош бошқармаси («Бошдавархитектқурилишназорат») тўғрисидаги Низом 4-иловага мувофиқ;

Ўзбекистон Республикаси Давлат архитектура ва қурилиш қўмитаси бир ҳафта муддатда Давлат архитектура-қурилиш назорати бош бошқармасининг тузилмасини тасдиқласин.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ўн кун муддатда Ўзбекистон Республикаси Давлат архитектура ва қурилиш қўмитаси билан келишган ҳолда тегишли Архитектура ва қурилиш ҳудудий бош бошқармаларининг тузилмасини тасдиқласинлар.

6. Ўзбекистон Республикаси Вазирлар Маҳкамасининг 1995 йил 26 январдаги 19-сон қарори билан тасдиқланган Давлат идорадан ташқари экспертиза бош бошқармаси тўғрисидаги Низомнинг 6-банди қуйидаги мазмундаги хатбоши билан тўлдирилсин: «тобе эксперт ташкилотлар ва мустақил фирмалар томонидан қурилиш, реконструкциялар учун бериладиган эксперт хулосалар сифатини назорат қилиш ва мониторингини амалга ошириш».

7. Вазирлар Маҳкамасининг «Ўзбекистон Республикаси Давлат архитектура ва қурилиш («Давархитектқурилиш») қўмитасини ташкил этиш ва унинг фаолияти масалалари тўғрисида» 1993 йил 30 августдаги 441-сон қарори 2-бандининг охирги хатбошидаги «шаҳар (туман)лар ҳокимлари» сўзлари «шаҳар (туман)лар ҳокимларининг Ўзбекистон Республикаси Давлат архитектура ва қурилиш қўмитаси ҳамда вилоятлар ва Тошкент шаҳар ҳокимлари билан келишилган» сўзлари билан алмаштирилсин.

8. Қуйидагилар:

Ўзбекистон Республикаси Вазирлар Маҳкамасининг «Ўзбекистон Республикаси Давлат архитектура ва қурилиш («Давархитектқурилиш») қўмитасини ташкил этиш ва унинг фаолияти масалалари тўғрисида» 1993 йил 30 августдаги 441-сон қарорига 1, 2 ва 3-иловалар, шунингдек ушбу қарор 3-бандининг иккинчи хатбоши;

Вазирлар Маҳкамасининг 1993 йил 1 декабрдаги 580-сон қарори билан тасдиқланган Ўзбекистон Республикаси Давлат архитектура ва қурилиш қўмитаси тўғрисидаги Низом;

Вазирлар Маҳкамасининг «Ўзбекистон Республикаси Давлат архитектура ва қурилиш қўмитаси тўғрисидаги Низомга ўзгартириш ва қўшимчалар киритиш ҳақида» 1995 йил 18 сентябрдаги 363-сон қарори;

Вазирлар Маҳкамасининг «Ўзбекистон Республикасида Давлат архитектура-қурилиш назорати бошқармаси тўғрисидаги ва Давлат идорадан ташқари экспертиза бош бошқармаси тўғрисидаги низомларни тасдиқлаш ҳақида» 1995 йил 26 январдаги 19-сон қарорига 1-илова ўз кучини йўқотган деб ҳисоблансин.

9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Н. Исаев зиммасига юклансин.

1. Ўзбекистон Республикаси Давлат архитектура ва қурилиш қўмитаси (кейинги ўринларда «Давархитектқурилиш» қўмитаси деб аталади) қурилиш, архитектура, шаҳарсозлик соҳасидаги фаолиятни, қурилиш материаллари ишлаб чиқаришни Ўзбекистон Республикаси қонун ҳужжатларида белгиланган тартибда мувофиқлаштириш ва функционал бошқаришни ўз ваколатлари доирасида амалга оширувчи Ўзбекистон Республикаси давлат бошқарув органи ҳисобланади.

2. «Давархитектқурилиш» қўмитаси ўз фаолиятида Ўзбекистон Республикаси Конституциясига, Ўзбекистон Республикаси қонунларига, Ўзбекистон Республикаси Олий Мажлисининг қарорларига, Ўзбекистон Республикаси Президентининг фармонлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикасининг халқаро шартномаларига ва мазкур Низомга амал қилади.

3. «Давархитектқурилиш» қўмитаси ўз фаолиятини республика бошқарув ва бошқа органлари ҳамда жойлардаги ҳокимият, маҳаллий ўзини ўзи бошқариш органлари, ташкилотлар ва жамоат бирлашмалари билан ўзаро ҳамкорликда амалга оширади.

«Давархитектқурилиш» қўмитасига қарашли соҳада иш кўрувчи давлат унитар корхоналари ва ташкилотлари «Давархитектқурилиш» қўмитаси ихтиёрида бўлади.

4. «Давархитектқурилиш» қўмитаси, вилоятлар ва Тошкент шаҳар, туманлар (шаҳарлар) архитектура ва қурилиш бош бошқармалари ва бўлимлари (бошқармалари), экспертиза ва давлат архитектура-қурилиш назорати ваколатли органлари қурилиш, шаҳарсозлик ва архитектурани бошқариш соҳасида Ўзбекистон Республикаси давлат бошқаруви органлари ягона тизимини ташкил этади.

5. Қуйидагилар «Давархитектқурилиш» қўмитасининг асосий вазифалари ва фаолият йўналишлари ҳисобланади:

5.1. Бозор иқтисодиёти шароитларида қурилиш, архитектура, шаҳарсозлик ва қурилиш материаллари ишлаб чиқариш соҳасини ислоҳ қилиш, давлат бошқарувининг ташкилий, иқтисодий ва ҳуқуқий асосларини шакллантириш, бошқарув тизимини такомиллаштириш бўйича давлат сиёсатини ўтказиш ва тармоқлараро мувофиқлаштиришни амалга ошириш.

5.2. Қурилиш, архитектура ва шаҳарсозлик, бинокорлик материаллари ишлаб чиқариш соҳасида ягона илмий ва техника сиёсатини амалга ошириш, тегишли ахборот базасини ташкил этиш.

5.3. Инвестиция жараёнларини самарали бошқариш масалалари бўйича жаҳон тажрибасини ўрганиш, лойиҳа ҳужжатларини ишлаб чиқиш, пудрат ишлари бозорини шакллантириш, янги техника ва технологияларни, қурилиш материаллари ва қурилиш-монтаж ишларининг илғор турларини қўллаш сабабларини асослаш.

5.4. Қурилиш, архитектура, шаҳарсозлик ва лойиҳалаш фаолияти соҳасидаги меъёрий-ҳуқуқий ҳужжатлар, давлат нормалари ва стандартлари мониторинги ва уларни ишлаб чиқиш, давлат шаҳарсозлик кадастрини юритиш.

5.5. Шаҳарлар ва аҳоли яшаш жойларини режалаштириш ва уларда иморатлар қуриш нормалари ва қоидаларига риоя қилинишини таъминлаш, уларнинг архитектура-режалаштириш ва архитектура-бадиий сифатини яхшилаш, қимматли архитектура-шаҳарсозлик меросини сақлаб қолиш, архитектура ва шаҳарсозликда миллий ва маданий анъаналарни ривожлантириш.

5.6. Нарх белгилаш тизимини такомиллаштириш, пудрат ишлари ва қурилиш материаллари бозорини шакллантириш, қурилишда шартномавий муносабатларнинг аҳамиятини ошириш.

5.7. Лойиҳалаштириш, қуриш ва қурилиш материаллари ва конструкцияларини ишлаб чиқаришда давлат шаҳарсозлик интизомига, нормалар ва стандартларга риоя этилишини назорат қилиш, қурилиш сифатини назорат қилиш, архитектура-шаҳарсозлик, лойиҳа ва лойиҳа-тендер ҳужжатлари экспертизасини ўтказиш.

5.8. Қурилиш, архитектура ва шаҳарсозлик соҳасида хусусийлаштириш жараёнлари чуқурлашишига, хусусий фирмалар ташкил этилишига, ўрта ва кичик корхоналар, инжиниринг, консалтинг, аудиторлик, суғурта тармоқлари ва бозор инфратузилмасининг бошқа ташкилотлари ривожланишига кўмаклашиш.

6. «Давархитектқурилиш» қўмитаси ўзига юкланган вазифаларга мувофиқ қуйидаги функцияларни амалга оширади:

6.1. Инвестиция фаолияти, қурилиш, архитектура ва шаҳарсозлик соҳасида меъёрий-ҳуқуқий ҳужжатлар лойиҳаларини, қонун ҳужжатлари ва ва бошқа меъёрий-ҳуқуқий ҳужжатларни такомиллаштириш бўйича таклифларни ишлаб чиқади ва тасдиқлаш учун белгиланган тартибда республика Ҳукуматига киритади.

6.2. Қурилиш соҳасидаги ишларнинг аҳволини комплекс техник-иқтисодий таҳлил қилади, тармоқни ривожлантириш тамойилларини ўрганади ва қонуниятларни умумлаштиради, қурилиш, архитектура ва шаҳарсозлик соҳасида давлат сиёсати асосларини ишлаб чиқади.

6.3. Бюджет, ижтимоий ва кредит сиёсати, капитал қурилишни маблағ билан таъминлаш, тугалланмаган қурилиш ҳажмларини қисқартириш масалалари бўйича республика қонунлари ва бошқа меъёрий-ҳуқуқий ҳужжатлар лойиҳаларини ишлаб чиқишда қатнашади.

6.4. Манфаатдор вазирликлар, идоралар, давлат қўмиталари ва жойлардаги давлат ва хўжалик бошқарувининг бошқа органлари ҳамда ҳокимият органлари билан биргаликда бозор иқтисодиёти шароитларида қурилиш тармоғининг таркибий, техник ва иқтисодий сиёсатининг асосий йўналишларини белгилайди.

6.5. Қурилиш, архитектура, шаҳарсозлик, қурилиш материаллари саноати соҳасида давлат нормалари ва қоидаларини ишлаб чиқиш, рўйхатдан ўтказиш, тасдиқлаш, ишга тушириш ва қайта кўриб чиқиш, лойиҳа ҳужжатларини келишиш ва экспертиза қилиш тартибини белгилайди.

6.6. «Давархитектқурилиш» қўмитаси ваколатига кирадиган масалалар бўйича республика мақсадли дастурларининг шаҳарсозлик бўлимларини, ижтимоий-иқтисодий ривожлантириш прогнозларини ва республика бюджети лойиҳасига таклифларни ишлаб чиқиш ва амалга оширишда қатнашади.

6.7. Ягона илмий-техника сиёсати ўтказилишини таъминлайди, тармоқни ривожлантириш концепциясини, мақсадли илмий-техника дастурларини ишлаб чиқади, архитектура ва шаҳарсозлик, лойиҳалаштириш ва қуриш соҳасида фанни ривожлантиришнинг асосий йўналишларини белгилайди, янги истиқболли қурилиш материаллари, конструкциялари ва технологиялари яратишга доир илмий-тадқиқот ишланмаларини мувофиқлаштиради.

6.8. Архитектура, қурилиш, шаҳарсозлик, қурилиш материаллари, конструкциялари, буюмлари, муҳандислик асбоб-ускуналари бўйича смета нормалари, республика стандартлари, қурилиш нормалари ва қоидаларини ишлаб чиқади ва тасдиқлайди.

6.9. Қурилишда, қурилиш материаллари, конструкциялари ва буюмлари саноатида, бошқарув ва смета билан нормалаштиришнинг иқтисодий усулларини такомиллаштириш ишларини ташкил этади, қурилишда ҳамда конструкциялар, деталлар ва буюмлар ишлаб чиқаришда риоя этилиши мажбурий бўлган марказий инвестициялар ҳисобига амалга ошириладиган капитал қурилишдаги асосий қурилиш материаллари сарфи нормаларини ишлаб чиқади ва тасдиқлайди.

6.10. Республиканинг жойлардаги манфаатдор бошқарув ва ҳокимият органлари билан ўзаро ҳамкорликда шаҳарсозлик, лойиҳалаштириш ва муҳандислик изланишлари соҳасида гидроқурилиш нормативлари ва қоидалари ишлаб чиқилишини, шунингдек ҳудудлар ва яшаш жойларида фуқаро мудофааси бўйича муҳандислик-техник тадбирларни амалга оширади, кўрсатиб ўтилган ҳужжатларни тасдиқлайди ва чиқаради.

6.11. Қурилишда, қурилиш материаллари саноатида бозор инфратузилмасини барпо этишнинг иқтисодий шарт-шароитларини такомиллаштиришга доир таклифларни тайёрлайди, қурилиш маҳсулотига нархлар бўйича тавсиялар ишлаб чиқади, маблағ билан таъминлашнинг марказлаштирилган манбалари ҳисобига амалга ошириладиган оммавий қурилиш объектлари қийматини белгилайди.

6.12. Ҳудудларнинг табиий-иқлим, демографик, миллий ва минтақавий хусусиятларини ҳисобга олган ҳолда уй-жойлар ва жамоат биноларининг кўп марталаб қўлланиладиган намунавий лойиҳа ечимларини, мақсадли, минтақавий ва экспериментал лойиҳаларини ишлаб чиқади ва тасдиқлайди.

6.13. Республика мақсадли дастурларини ишлаб чиқиш ва амалга ошириш бўйича давлат буюртмачиси функциясини белгиланган тартибда таъминлайди, ушбу дастурларнинг илмий-техник ва тажриба-конструкторлик ишлари бўлимларини шакллантиришда ва амалга оширишда ҳамда давлат эҳтиёжлари учун қурилиш объектлари рўйхатини шакллантиришда қатнашади, уларнинг барпо этилишини назорат қилади.

6.14. Қурилиш, архитектура, шаҳарсозлик ва қурилиш материаллари саноати соҳасида нормалар ва қоидалар, давлат стандартлари ва йўриқномалар ишлаб чиқилишини таъминлайди, уларни амалга киритади ҳамда чиқаради, тушунтиришлар беради, уларга риоя этилиши ва қўлланилишини назорат қилади.

6.15. Марказлаштирилган манбалар ва давлат бюджети маблағлари ҳисобига маблағ билан таъминланадиган илмий-тадқиқот ва лойиҳа-қидирув ишлари амалга оширилиши стратегиясини шакллантиради ва уларнинг бажарилишини таъминлайди.

6.16. Қурилишнинг смета қийматини аниқлашнинг асосий принципларини ишлаб чиқади, смета-меъёрий база ва моддий ресурслар сарфи меъёрий кўрсаткичлари ишлаб чиқилишини ташкил этади, шунингдек республика бюджетидан маблағ билан таъминланадиган қурилиш бўйича буюртмачи-қурувчи хизмати харажатларига маблағлар сарфи устидан назоратни амалга оширади.

6.16. Қурилишнинг смета қийматини аниқлашнинг асосий принципларини ишлаб чиқади, смета-меъёрий база ва моддий ресурслар сарфи меъёрий кўрсаткичлари ишлаб чиқилишини ташкил этади, шунингдек республика бюджетидан маблағ билан таъминланадиган қурилиш бўйича буюртмачи-қурувчи хизмати харажатларига маблағлар сарфи устидан назоратни амалга оширади.

6.18. Фавқулодда вазиятлар минтақаларида ҳалокат-тиклаш ишларини мувофиқлаштиришда қатнашади, қурилаётган ва фойдаланилаётган бинолар ва иншоотлар ҳалокати сабабларини текшириш тартибини тасдиқлайди.

6.19. Қурилиш ва қурилиш материаллари ишлаб чиқариш соҳасида акциядорлик жамиятларининг давлат мулкчилигига бириктирилган акцияларини ишончли бошқарувга бериш тўғрисида таклифлар тайёрлашда қатнашади.

6.20. Капитал қурилишда давлат харидлари тизимини, пудрат ишлари бозорини шакллантириш, ишлар ва хизматларни бажарувчиларни, моддий-техника ресурслари етказиб берувчиларни ҳамма жойда танлов (тендер) бўйича танлашни жорий этишни, шартнома муносабатларини мустаҳкамлаш, пудрат шартномасини бажаришда мажбуриятлар бажарилиши таъминланиши учун масъулиятнинг турли шакллари ва механизмларини жорий этиш ишларини ташкил этади.

Пудрат савдолари ўтказилишига ташкилий ва услубий раҳбарлик қилади, уларни тайёрлаш ва ўтказиш тартибини назорат қилади, тендер ҳужжатларини экспертизадан ўтказади.

6.21. Қурилиш ишлаб чиқаришида шартномавий нархлар ва тарифлар шакллантирилишига доир услубий тавсияларни ишлаб чиқади, нарх сиёсатини ва қурилиш маҳсулотига нарх белгилашни прогнозлаштиради.

6.22. Қурилишнинг техник даражаси ва индустрлаштирилишини ошириш, қурилишда комплекс механизациялаш ва автоматлаштириш, ишлар сифатини яхшилаш, ресурсларни тежаш, қурилишда материаллар ва меҳнат сарфини камайтириш, қурилиш материалларини лойиҳалаштириш ва ишлаб чиқариш ишларини ташкил этишга кўмаклашади.

6.23. Қурилиш лойиҳаларининг белгиланган тартибда комплекс давлат экспертизаси ўтказилишини таъминлайди, тўлиқ ёки қисман давлат бюджети маблағлари ҳисобига амалга ошириладиган корхоналар, бинолар ва иншоотлар қурилиши, реконструкция қилиниши ва техника билан қайта жиҳозланиши бўйича лойиҳаларни, «Давархитектқурилиш» қўмитаси давлат буюртмачиси бўлган объектларни қуриш ва реконструкция қилишга доир лойиҳа-смета ҳужжатларини тасдиқлайди.

6.24. Шаҳарлар ва аҳоли яшаш жойларини режалаштириш, уларнинг бош режалари схемалари ва лойиҳалари, бошқа архитектура-режалаштириш ҳужжатлари, ҳудудларни хавфли геологик жараёнлардан ҳимоя қилишнинг қўриқлаш зоналари ва схемалари лойиҳалари, сейсмик микрорайонлаштириш хариталари ишлаб чиқилишини назорат қилади ва ташкил этади.

6.25. Ер, уй-жой, архитектура-шаҳарсозлик қонунчилигига, аҳоли яшаш жойлари ерларидан самарали ва мақсадли фойдаланилишига риоя этишни назорат қилади.

6.26. Капитал қурилиш эҳтиёжлари учун илғор технологиялар, асбоб-ускуналар, приборлар, машиналар, механизмлар ва анжомлар жорий этилиши бўйича таклифлар тайёрлайди, уларни ишлаб чиқариш ва ўзлаштириш ишларини ташкил этади.

6.27. Давлат шаҳарсозлик кадастри, объектларни техник хатлаш, шаҳарсозлик фаолияти объектлари мониторинги юритилишини илмий-услубий таъминлашни ташкил этади.

6.28. Қурилиш учун муҳандислик изланишлари соҳасида ягона техника сиёсатини амалга оширади, капитал қурилиш учун комплекс муҳандислик изланишларининг давлат фонди шаклланиши ва юритилишини ташкил этади.

6.29. Қурилиш индустрияси ва қурилиш материаллари саноати корхоналари томонидан қурилиш ва ишлаб чиқарилаётган маҳсулот сифати устидан давлат назоратини амалга оширади, қурилиш объектларини рўйхатдан ўтказади, қурилиш нормалари ва қоидалари талаблари, стандартлар ва техник шартлар бузилган, тасдиқланган лойиҳа ечимларидан четга чиққан ҳолда зарур лойиҳа ҳужжатларисиз амалга оширилаётган қурилишга белгиланган тартибда молиявий жазолар беради, маҳсулот ишлаб чиқарилишини тақиқлайди, объектлар қурилишини тўхтатиб қўяди.

6.30. Шаҳарсозлик интизомига, объектларни фойдаланишга қабул қилиб олиш қоидаларига риоя этилиши устидан назоратни амалга оширади, зарурият бўлганда материалларни тартибни бузишда айбдор шахсларни жавобгарликка тортиш учун ҳуқуқни муҳофаза қилиш органларига топширади.

6.31. Амалдаги қонун ҳужжатларига мувофиқ лойиҳалаштириш, муҳандислик изланишлари, экспертиза, қурилиш, қурилиш материаллари, конструкциялари ва буюмлари ишлаб чиқариш соҳасида фаолиятни амалга ошириш ҳуқуқини аттестациядан ўтказади, сертификатлар ва лицензиялар беради.

6.32. Ўз ваколатлари доирасида инвестиция жараёни қатнашчилари ўртасидаги келишмовчиликларни кўриб чиқади, улар бўйича қарорлар қабул қилади, таклифларни белгиланган тартибда Вазирлар Маҳкамасига ёки тегишли органларга киритади.

6.33. Қурилишни лойиҳалаш ва қурилиш материаллари ишлаб чиқариш соҳасида корхоналар ва ташкилотларни хусусийлаштириш масалаларини ҳал этишда қатнашади.

6.34. Қурилиш материаллари, буюмлари ва конструкциялари, шу жумладан чет элда ишлаб чиқарилган материаллар ва буюмларни сертификатлайди, қурилиш ташкилотлари ва қурилиш индустрияси корхоналарини жиҳозлаш учун асбоб-ускуналар харид қилиш масалаларини ҳал этишда қатнашади ҳамда объектлар қурилиши учун хорижий фирмалар жалб қилинишининг мақсадга мувофиқлигини кўриб чиқади.

6.35. Қурилиш, архитектура, шаҳарсозлик ва қурилиш материаллари ишлаб чиқариш масалалари бўйича хорижий мамлакатлар ва халқаро ташкилотлар билан илмий-техник ва иқтисодий ҳамкорликни амалга оширади, ушбу соҳадаги халқаро ҳамкорликда қатнашади, хорижий фирмалар, корхоналар ва ташкилотлар билан тўғридан-тўғри алоқалар ўрнатишда маҳаллий корхоналар ва ташкилотларга кўмаклашади.

6.36. Қурилиш, қурилиш материаллари, конструкциялари ва буюмлари саноати соҳасида статистика ҳисоботини такомиллаштириш, бинолар, иншоотлар ва қурилиш техникасининг асосий фондларини қайта баҳолаш бўйича таклифлар тайёрлайди.

6.37. Ўз ваколати доирасида архитектура, шаҳарсозлик ва қурилиш соҳасида мутахассислар тайёрлаш ва қайта тайёрлашни ташкил этади, шунингдек қурилиш комплекси кадрларини ўқитади, қайта тайёрлайди ва уларнинг малакасини оширади.

6.38. Республика ва минтақавий кўргазма-ярмаркалар ўтказишни ташкил этади, улар ишида қатнашади, қурилишда кўргазма ишини ривожлантириш ва такомиллаштириш масалаларида услубий ва маслаҳат ёрдами кўрсатади.

6.39. Ўзбекистон Республикаси қонун ҳужжатларига мувофиқ «Давархитектқурилиш» қўмитасига юкланган бошқа ваколатларни амалга оширади.

7. Қўмитага қуйидаги ҳуқуқлар берилади:

7.1. Қурилиш, архитектура ва шаҳарсозлик соҳасида муҳим халқ хўжалиги муаммоларини ишлаб чиқиш ва кўриб чиқиш бўйича идоралараро комиссиялар ва кенгашлар ташкил этиш. Материалларни ишлаб чиқишга илмий-тадқиқот, технологик, лойиҳа-конструкторлик ташкилотлари, олий ўқув юртлари ва бошқа муассасаларнинг ходимларини, шунингдек алоҳида олимлар ва мутахассисларни жалб қилиш;

7.2. Вазирликлар, идоралар, давлат қўмиталари, концернлар ва уюшмаларда, илмий-тадқиқот муассасаларида, лойиҳалаш, қидирув, қурилиш ташкилотларида ва корхоналарда архитектура ва шаҳарсозлик соҳасида илмий-тадқиқотлар дастурлари бажарилишини, лойиҳалаш ва қурилишнинг техник даражасини, ишларни стандартлаштириш ва сертификатлаш ишлари ташкил этилишини, бажарилаётган қурилиш-монтаж ишлари, ишлаб чиқарилаётган қурилиш конструкциялари, буюмлари ва материаллари сифатини, шунингдек қурилиш техникасидан фойдаланиш самарадорлигини текширишни белгиланган тартибда ўтказиш, вазирликлар, идоралар, давлат қўмиталари ҳамда республика давлат ва хўжалик бошқаруви бошқа органлари ва уларга қарашли ташкилотлар раҳбарларининг ушбу масалалар бўйича ахборотлари ва хабарларини эшитиш, текширишлар, ахборотлар ва хабарлар натижалари бўйича тегишли қарорлар қабул қилиш;

7.3. Материалларни объектларни фойдаланишга қабул қилиш қоидалари бузилганлиги учун ҳуқуқни муҳофаза қилиш органларига ва қурилиши тугалланмаган объектларни фойдаланишга топшириш статистика ҳисоботидан чиқариш учун статистика органларига бериш.

7.4. Вазирликлар, идоралар, давлат қўмиталари ҳамда давлат ва хўжалик бошқаруви бошқа органларининг, шунингдек уларга қарашли ташкилотларнинг қурилиш, архитектура ва шаҳарсозлик масалалари бўйича қонун ҳужжатларига зид меъёрий-ҳуқуқий ҳужжатларининг амал қилишини тўхтатиб қўйиш ёки тўхтатиш ёхуд бекор қилиш тўғрисида Вазирлар Маҳкамасига таклифлар киритиш.

7.5. Ўз фаолияти учун зарур бўлган статистика ахборотини статистика органларидан олиш.

7.6. «Давархитектқурилиш» қўмитаси ҳузурида амалдаги қонун ҳужжатларига зид бўлмаган янги технологияларни ва архитектура-лойиҳа ечимларини жорий этиш бўйича хўжалик ҳисобидаги корхоналар, уюшмалар ва бошқа тузилмаларни ташкил этиш.

8. «Давархитектқурилиш» қўмитаси қурилиш соҳасида илмий-техника тараққиётини жадаллаштиришга қаратилган ягона техника сиёсати ўтказилиши, шаҳарсозлик, шаҳарлар ва аҳоли яшайдиган жойларнинг архитектура қиёфаси яхшиланиши, лойиҳа-смета ишлари такомиллаштирилиши, лойиҳалаш ва қурилиш ишлаб чиқариши билан боғлиқ бўлган фаннинг ривожлантирилиши учун жавоб беради.

9. «Давархитектқурилиш» қўмитасининг ўз ваколатлари доирасида қабул қилган қарорлари барча вазирликлар, давлат қўмиталари, идоралар ҳамда давлат ва хўжалик бошқаруви бошқа органлари, идоравий бўйсуниши ва мулкчилик шаклларидан қатъи назар, бирлашмалар, корхоналар, муассасалар ва ташкилотлар, шунингдек юридик ва жисмоний шахслар, шу жумладан хорижий юридик ва жисмоний шахслар томонидан бажарилиши мажбурий ҳисобланади.

10. «Давархитектқурилиш» қўмитаси зарур ҳолларда республиканинг бошқа вазирликлари, давлат қўмиталари ва идоралари билан биргаликда белгиланган тартибда қарорлар қабул қилади ва қўшма меъёрий ҳужжатлар чиқаради.

11. «Давархитектқурилиш» қўмитасига Ўзбекистон Республикаси Президенти томонидан лавозимга тайинланадиган ва лавозимдан озод этиладиган Раис бошчилик қилади.

12. «Давархитектқурилиш» қўмитаси раисининг Ўзбекистон Республикаси Вазирлар Маҳкамаси томонидан тайинланадиган ўринбосарлари бўлади. Раис ўринбосарлари ўртасида вазифаларни Раис тақсимлайди.

13. Раис «Давархитектқурилиш» қўмитасига юкланган вазифалар ва мажбуриятларнинг бажарилиши учун шахсан жавоб беради, Қўмита фаолиятининг алоҳида йўналишларига раҳбарлик қилишда раис ўринбосарларининг, Қўмита таркибий бўлинмалари раҳбарларининг жавобгарлиги даражасини белгилайди.

14. «Давархитектқурилиш» қўмитаси Раиси:

«Давархитектқурилиш» қўмитаси ишини ташкил этади;

Ўзбекистон Республикаси қонун ҳужжатларига мувофиқ ўз ваколати доирасида «Давархитектқурилиш» қўмитаси ходимлари, шунингдек «Давархитектқурилиш» қўмитасига қарашли корхоналар ва ташкилотлар бажариши мажбурий бўлган қарорлар, фармойишлар ва буйруқлар чиқаради;

давлат ҳокимияти органларида, шунингдек халқаро ташкилотларда «Давархитектқурилиш» қўмитаси номидан вакиллик қилади;

«Давархитектқурилиш» қўмитаси фаолияти масалалари бўйича Ўзбекистон Республикаси қонун ҳужжатларини такомиллаштиришга доир меъёрий-ҳуқуқий ҳужжатлар лойиҳаларини ва таклифларни кўриб чиқиш учун белгиланган тартибда Ўзбекистон Республикаси Вазирлар Маҳкамасига киритади;

«Давархитектқурилиш» қўмитасининг алоҳида ўрнак кўрсатган давлат хизматчилари ва ходимларини, қурилиш соҳаси ходимларини Ўзбекистон Республикаси давлат мукофотлари билан мукофотлаш учун Ўзбекистон Республикаси қонун ҳужжатлари билан белгиланган тартибда тақдим этади;

белгиланган тартибда идоравий мукофотларни тасдиқлайди, ушбу мукофотлар тўғрисидаги низомни ва уларнинг тавсифини тасдиқлайди, қурилиш, қурилиш материаллари саноати соҳасида меҳнат қилаётган ходимларни тармоқ фахрий нишонлари ва фахрий ёрлиқлари билан мукофотлайди;

«Давархитектқурилиш» қўмитасига қарашли корхоналар, муассасалар ва ташкилотлар уставлари (низомлари)ни белгиланган тартибда тасдиқлайди, уларнинг раҳбарларини лавозимга тайинлайди ва лавозимдан озод қилади, корхоналар ва ташкилотлар раҳбарлари билан контрактларни Ўзбекистон Республикаси қонун ҳужжатларига мувофиқ тузади, ўзгартиради ва бекор қилади;

Ўзбекистон Республикаси қонун ҳужжатлари билан белгиланган тартибда «Давархитектқурилиш» қўмитаси ходимларини хизмат сафарларига, шу жумладан Ўзбекистон Республикаси ташқарисига хизмат сафарларига юборади;

«Давархитектқурилиш» қўмитаси ходимларини ҳуқуқий ва ижтимоий ҳимоя қилишни таъминлаш масалаларини ўз ваколати доирасида ҳал этади;

Ўзбекистон Республикаси қонун ҳужжатларига мувофиқ бошқа ваколатларни амалга оширади.

15. Қўмитада Раис (ҳайъат раиси) ва лавозимлари бўйича раис ўринбосарлари ҳамда Қўмита ва унинг таркибий бўлинмаларининг бошқа раҳбар ходимларидан иборат таркибда ҳайъат тузилади.

«Давархитектқурилиш» қўмитаси ҳайъати аъзолари Ўзбекистон Республикаси Вазирлар Маҳкамаси томонидан тасдиқланади.

16. Қўмита ҳайъати ўзининг мунтазам ўтказиладиган мажлисларида архитектура, шаҳарсозлик ва қурилиш соҳасидаги архитектура ва шаҳарсозлик даражасини оширишга, капитал қурилишда илмий-техника тараққиётини жадаллаштиришга, қурилишни такомиллаштиришга қаратилган ягона илмий-техника сиёсатини ўтказишнинг асосий масалаларини ҳамда Қўмита фаолиятининг бошқа масалаларини кўриб чиқади, «Давархитектқурилиш» қўмитаси тизимидаги корхоналар, муассасалар ва ташкилотларга амалий раҳбарлик қилиш масалаларини, муҳим қарорлар, буйруқлар, қоидалар, йўриқномалар ва бошқа меъёрий ҳужжатлар лойиҳаларини муҳокама қилади.

Ҳайъат қарорлари Қўмита Раисининг буйруқлари билан ҳаётга жорий этилади. Раис билан ҳайъат ўртасида келишмовчиликлар келиб чиққан тақдирда Раис пайдо бўлган келишмовчиликлар тўғрисида Ўзбекистон Республикаси Вазирлар Маҳкамасига маълум қилган ҳолда ўз қарорини ҳаётга жорий этади, ҳайъат аъзолари эса, ўз навбатида, ўз фикрларини Ўзбекистон Республикаси Вазирлар Маҳкамасига маълум қилишлари мумкин.

17. «Давархитектқурилиш» қўмитасида архитектура, шаҳарсозлик ва капитал қурилишда илмий-техника тараққиётининг муаммоларини ҳал этишнинг энг мақбул йўлларини кўриб чиқиш ва излаш учун илмий-техника кенгаши тузилади. Илмий-техника кенгашига Қўмита раиси бошчилик қилади. Кенгашнинг шахсий таркиби ва унинг тўғрисидаги Низом Қўмита раиси томонидан тасдиқланади. Вазирликлар, давлат қўмиталари, концернлар, уюшмалар ва бошқа ташкилотларнинг мутахассислари илмий-техника кенгашида ишлашга жамоатчилик асосида жалб қилинишлари мумкин.

18. Қорақалпоғистон Республикаси, вилоятлар, шаҳарлар ва туманлар архитектура ва қурилиш ҳудудий давлат органлари, Давлат экспертизаси бош бошқармаси, Давлат архитектура-қурилиш назорати органлари, Пудрат савдо (тендер)ларини ташкил этиш бошқармаси «Давархитектқурилиш» қўмитаси тузилмасига киради, «Давархитектқурилиш» қўмитаси улар фаолиятига раҳбарлик қилиш ва мувофиқлаштиришни амалга оширади.

Қорақалпоғистон Республикаси Давлат архитектура ва қурилиш қўмитаси, вилоятлар ва Тошкент шаҳар архитектура ва қурилиш бош бошқармалари, таркибий бўлинмалар раҳбарларини лавозимга тайинлаш ва лавозимдан озод этиш тўғрисидаги қарор тегишли равишда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг ҳамда тегишли таркибий бўлинма раҳбарининг тақдимномасига кўра Ўзбекистон Республикаси Давлат архитектура ва қурилиш қўмитаси Раиси томонидан қабул қилинади.

Қорақалпоғистон Республикаси Давлат архитектура ва қурилиш қўмитасининг, вилоятлар ва Тошкент шаҳар архитектура ва қурилиш бош бошқармаларининг штат жадвалини ўзгартириш Ўзбекистон Республикаси Давлат архитектура ва қурилиш қўмитаси ҳамда молия органлари билан келишилган ҳолда амалга оширилади.

19. Қўмита марказий аппаратининг тузилмаси ва ходимлари сони Ўзбекистон Республикаси Вазирлар Маҳкамаси томонидан тасдиқланади. Раис белгиланган ходимлар сони ва меҳнатга ҳақ тўлаш фонди доирасида Қўмита марказий аппаратининг тасдиқланган тузилмасига Ўзбекистон Республикаси Вазирлар Маҳкамаси билан келишган ҳолда ўзгартишлар киритиш ҳуқуқига эга.

«Давархитектқурилиш» қўмитаси марказий аппарати харажатларини маблағ билан таъминлаш давлат бошқаруви учун назарда тутилган давлат бюджети маблағлари ҳисобига амалга оширилади.

20. «Давархитектқурилиш» қўмитаси марказий аппаратининг штат жадвали, шунингдек унинг таркибий бўлинмалари тўғрисидаги низомлар ва уларнинг штатдаги ходимлари сони, улар молия органларида рўйхатдан ўтказилгандан кейин, Раис томонидан тасдиқланади. Давлат архитектура-қурилиш назорати бош бошқармаси ва Давлат экспертизаси бош бошқармаси тўғрисидаги низомлар Ўзбекистон Республикаси Вазирлар Маҳкамаси томонидан тасдиқланади.

21. «Давархитектқурилиш» қўмитаси Ўзбекистон Республикаси қонун ҳужжатлари билан белгиланган тартибда журналлар, газеталар таъсис этади ва нашр қилади ҳамда радио ва телевидениеда мавзулар дастурлари шакллантирилишини таъминлайди.

22. «Давархитектқурилиш» қўмитаси юридик шахс ҳисобланади, Ўзбекистон Республикасининг Давлат герби тасвири туширилган ва ўз номи давлат тилида ёзилган муҳрга, тегишли муҳрлар, штамплар ва банкларда ҳисобрақамларига эга бўлади.

1. Давлат архитектура-қурилиш назорати бош бошқармаси («Бошдавархитектқурилишназорат») Ўзбекистон Республикаси Давлат архитектура ва қурилиш қўмитасининг таркибий бўлинмаси ҳисобланади.

2. «Бошдавархитектқурилишназорат» бошқармаси ўз фаолиятида Ўзбекистон Республикаси Конституциясига, Ўзбекистон Республикаси қонунларига, Ўзбекистон Республикаси Олий Мажлисининг бошқа қарорларига, Ўзбекистон Республикаси Президентининг фармонлари ва фармойишларига, Вазирлар Маҳкамасининг қарорлари ва фармойишларига, шунингдек Ўзбекистон Республикаси Давлат архитектура ва қурилиш қўмитасининг қарорларига ҳамда мазкур Низомга амал қилади.

3. Қуйидагилар «Бошдавархитектқурилишназорат» бошқармасининг асосий вазифалари ҳисобланади:

қурилиш соҳасида тикланаётган бинолар ва иншоотларнинг, ишлаб чиқарилаётган қурилиш материаллари, буюмлар ва конструкцияларининг меъёрий-техник ва лойиҳа ҳужжатларига мувофиқлиги, шунингдек қурилишнинг барча босқичларида уни амалга ошириш технологиясига риоя қилиниши қурилиш қатнашчилари томонидан таъминланиши устидан назоратни амалга ошириш;

қурилишда стандартлаштириш ва қурилиш материаллари, буюмлари ва конструкцияларини сертификатлаш ишларини олиб бориш;

Ўзбекистон Республикаси ҳудудида қурилиш сифати устидан назоратни ташкил этиш ва амалга ошириш масалалари бўйича услубий ҳужжатларни ишлаб чиқиш;

объектлар қурилиши сифати устидан назоратни таъминлашда инвестиция жараёни қатнашчиларига маслаҳатлар ва амалий ёрдам бериш;

Қорақалпоғистон Республикаси, вилоятлар ва Тошкент шаҳар «Давархитектқурилишназорат» инспекциялари фаолиятини мувофиқлаштириш.

4. «Бошдавархитектқурилишназорат» бош бошқармаси ўзига юкланган вазифаларга мувофиқ қуйидаги асосий функцияларни бажаради:

а) Назорат органлари фаолиятини мувофиқлаштириш Республика кенгаши билан келишган ҳолда:

ишлаб чиқарилаётган қурилиш материаллари, буюмлари ва конструкцияларининг ҳамда бажарилаётган қурилиш-монтаж ишларининг меъёрий-техник ва тасдиқланган лойиҳа ҳужжатларига мувофиқлигини;

қурилиш қатнашчилари томонидан меъёрий-техник ва лойиҳа ҳужжатларида назарда тутилган синовлар, съёмкалар, ўлчашларнинг ўз вақтида ва сифатли ўтказилишини, шунингдек зарур техник-ижро ҳужжатларининг юритилишини;

тасдиқланган лойиҳаларнинг амалга оширилишини ҳамда аҳоли пунктларини қуриш бош лойиҳаларига ва архитектура-қурилиш ечимлари бўйича техник талабларга риоя қилинишини;

лойиҳалаш ташкилотлари ва пудратчида фаолият турларини ва ишларни амалга ошириш учун белгиланган тартибда берилган лицензиялар, шунингдек Ўзбекистон Республикаси Давлат архитектура ва қурилиш қўмитаси томонидан белгиланадиган рўйхат бўйича тасдиқланган ҳужжатлар мавжудлигини текширади.

б) Бинолар, иншоотлар, уларнинг қисмлари ва таркибий элементлари бузилиши сабабларини текшириш тартиби тўғрисидаги Низомга мувофиқ бузилиш ҳолатлари ва бузилишларнинг сабабларини текширувчи техник комиссиялар ишида қатнашади;

в) қурилиш маҳсулотлари сифатини таъминлаш, қурилиш қонун ҳужжатларига риоя қилиш масалалари бўйича давлат назоратининг бошқа органлари, илмий-тадқиқот, лойиҳалаш ва жамоат ташкилотлари билан ўзаро ҳамкорлик қилади;

г) ўтказиладиган назорат натижаларини умумлаштиради ва таҳлил қилади, меъёрий талаблар, услубий ва йўриқнома ҳужжатларни такомиллаштириш бўйича таклифларни ишлаб чиқади;

д) қурилиш соҳасидаги бузилишлар учун Ўзбекистон Республикаси қонун ҳужжатларига мувофиқ жазолар қўллаш бўйича таклифлар киритади;

е) қурилиш объектларини рўйхатдан ўтказади ва қурилиш-монтаж ишларини бошлашга рухсат беради;

ж) мавжуд бинолар ва иншоотларнинг техник ҳолатини уларнинг тикланиши ёки реконструкция қилиниши бўйича текширишни амалга оширади, хулосалар беради, зарур ҳолларда, бажарилган қурилиш-монтаж ишлари ҳажмларининг назорат ўлчашларида қатнашади;

з) қурилиш индустрияси корхоналари ва қурилиш ташкилотлари лабораторияларида қурилиш материаллари ва конструкциялари синовларини ўтказишнинг услубий асосини яратади;

и) қурилишда стандартлаштириш ва қурилиш материаллари, буюмлари ва конструкцияларини сертификатлаш бўйича ишларни амалга оширади;

к) қурилиш нормалари ва қоидалари, давлат стандартлари талабларининг мунтазам равишда қўпол бузилишига йўл қўйган ташкилотлар ва корхоналарга муҳандислик-техник изланишлар ўтказиш учун ва ишлаб чиқариш, фуқаролар турар-жойлари ва қишлоқ хўжалиги йўналишидаги биноларни лойиҳалаш учун берилган лицензияларни бекор қилиш ёки уларнинг амал қилишини тўхтатиш тўғрисида Ўзбекистон Республикаси Давлат архитектура ва қурилиш қўмитасига белгиланган тартибда тақдимнома юборади.

5. «Бошдавархитектқурилишназорат» бошқармаси қуйидаги ҳуқуқларга эга:

мазкур Низомнинг 3 ва 4-бандларида баён қилинган вазифалар ва функцияларни бажариш мақсадида ташкилотларда, қурилиш объектларида ҳамда қурилиш материаллари ва конструкциялари ишлаб чиқарувчи ва корхоналарда бўлиш;

лойиҳа-смета, технология ва ижро ҳужжатларини ҳамда қўлланилаётган материаллар, буюмлар ва конструкциялар ҳамда бажарилаётган қурилиш-монтаж ишлари сифатини текшириш учун зарур бўлган бошқа материалларни лойиҳалаш, пудрат ташкилотлари ва буюртмачи ташкилотлардан танишиш учун олиш;

конструкцияларнинг айрим элементларини очишни, тагзаминдаги тупроқни синашни ва қайта ёпиб қўйишни, материаллар, муҳандислик тизимларини синаб кўришни пудрат ташкилотларига юклаш, зарур бўлганда экспертларни жалб қилиш;

қурилиши тугалланган объектларни фойдаланишга қабул қилиб олиш бўйича комиссиялар ишида қатнашиш;

қурилишда стандартлаштириш ва қурилиш материаллари, буюмлари ва конструкцияларини сертификатлаш бўйича ишларни бажариш билан боғлиқ бўлган қонун билан белгиланган хатти-ҳаракатларни амалга ошириш;

йўл қўйилган бузилишларни бартараф этиш тўғрисида ўз ваколатлари доирасида қурилиш қатнашчилари ва материалларни тайёрловчилар бажариши мажбурий бўлган кўрсатмалар бериш;

Ўзбекистон Республикаси вазирликлари, идоралари ва давлат қўмиталари ҳамда бошқа ташкилотларнинг объектлар қурилиши сифатини назорат қилувчи ишлаб чиқариш хизматлари ҳамда синов лабораториялари ишини танлаб назоратдан ўтказиш;

лойиҳалаш ташкилотларининг муаллифлик назоратини юритиш ишларини, буюртмачининг техник назоратни амалга ошириш бўйича ишларини текшириш ва муаллифлик ҳамда техник назорат сифатсиз олиб борилган тақдирда Ўзбекистон Республикаси қонун ҳужжатларида белгиланган тартибда уларга нисбатан жазолар қўллаш тўғрисида тегишли ташкилотларга таклифлар киритиш;

«Давархитектқурилиш» қўмитасига белгиланган тартибда молиявий жазолар қўллаш тўғрисида тақдимномалар киритиш;

давлат стандартлари ва техник шартлар бузилганлиги аниқланганда ёки транспортда ташиш ва сақлаш жараёнида шикастланган қурилиш материаллари, конструкциялари ва буюмларини ишлаб чиқариш, сотиш ва қўллашни, меъёрий талаблар ва тасдиқланган лойиҳа ечимлари қўпол равишда бузилиши оқибатида мустаҳкамлик ва чидамлилик даражаси пасайишига олиб келган, шунингдек бинолар ва иншоотларнинг ҳалокатга учраши хавфи туғилган, объектлар ўзбошимчалик билан қурилган ҳолларда қурилиш-монтаж ишларини давом эттиришни тўхтатиб қўйиш;

буюртмачи ва пудратчининг ташкилотларига:

қурилиш ва бажарилаётган ишлар сифати соҳасида қонун ҳужжатларини бузаётган мансабдор шахсларни жавобгарликка тортиш ҳақида;

қурилаётган объектларда лойиҳалар, нормалар ва стандартлар талабларининг бажарилишини мунтазам равишда таъминламаётган раҳбарларни, шунингдек, иш сифати, муаллифлик ва техник назорат устидан назоратни қониқарсиз амалга ошираётган ходимларни лавозимдан озод қилиш тўғрисида тақдимномалар киритиш;

бажарилган қурилиш-монтаж ишларининг сифати ва қурилиш объектларининг ҳолати ҳақида эксперт хулосалар бериш;

қурилиши тугалланган объектларни фойдаланишга қабул қилишда қоидалар бузилганлиги тўғрисидаги материалларни тегишли органларга ва қабул қилиш қоидалари бузилган ҳолда топширилган объектларни статистика ҳисоботидан чиқариб ташлаш тўғрисидаги материалларни статистика органларига бериш.

6. Объектлардаги текширишлар пудратчи ва буюртмачи вакиллари иштирокида ўтказилади. Ушбу мақсадлар учун лойиҳалаш ташкилотлари ва бошқа ташкилотларнинг мутахассислари жалб қилиниши мумкин.

Ушбу текширишларни амалга ошириш учун пудратчилар ва буюртмачилар томонидан зарур шарт-шароитлар яратилади.

Текшириш натижалари бўйича ишларни бажариш дафтарида ёзувлар қайд этилади, зарурат бўлганда ёзма кўрсатмалар берилади ва далолатномалар тузилади, уларга «Бошдавархитектқурилишназорат» бошқармаси органлари инспекторлари, буюртмачи ва пудратчининг вакиллари имзолайдилар. Текшириш қатнашчилари далолатномада баён қилинган хулосаларга рози бўлмаган тақдирда, уни ўз эътирозларини қайд этган ҳолда имзолашлари шарт.

«Бошдавархитектқурилишназорат» бошқармаси органлари инспекторлари ўз вазифаларини бажаришда давлат назоратининг бошқа органлари, солиқ инспекциялари, банк муассасалари, прокуратура органлари, судлар, ҳокимликлар хизматлари, истеъмолчилар жамиятлари ва ахборот органлари билан ўзаро ҳамкорлик қиладилар.

7. «Бошдавархитектқурилишназорат» бошқармаси мансабдор шахсларининг хатти-ҳаракатлари устидан Ўзбекистон Республикаси Давлат архитектура ва қурилиш қўмитасига ёки хўжалик судига шикоят қилиш мумкин. Шикоят ва даъво аризалари бериш «Бошдавархитектқурилишназорат» бошқармаси иснпекторлари томонидан берилган ёзма кўрсатмалар ва талабларнинг бажарилишини тўхтатиб қўймайди.

8. «Бошдавархитектқурилишназорат» бошқармаси органлари инспекторлари ғайриқонуний хатти-ҳаракатлари ва етказилган зарар учун Ўзбекистон Республикаси қонун ҳужжатларига мувофиқ жавобгарликка тортиладилар.

9. «Бошдавархитектқурилишназорат» бошқармаси ва унинг ҳудудий органларининг молиявий фаолияти белгиланган тартибда буюртмачилар билан тузиладиган шартномаларга мувофиқ амалга оширилади.

10. Қорақалпоғистон Республикаси, вилоятлар ва Тошкент шаҳар давлат архитектура-қурилиш назорати инспекциялари «Бошдавархитектқурилишназорат» бошқармаси тизимига киради.

11. «Давархитектқурилишназорат» инспекциялари тўғрисидаги Намунавий низом Ўзбекистон Республикаси Давлат архитектура ва қурилиш қўмитаси томонидан ишлаб чиқилади ва тасдиқланади.

12. Давлат архитектура-қурилиш назорати бош бошқармасига Ўзбекистон Республикаси Давлат архитектура ва қурилиш қўмитаси томонидан лавозимга тайинланадиган ва лавозимдан озод қилинадиган бошлиқ раҳбарлик қилади.