LexUZ шарҳи
Мазкур Битим Ўзбекистон Республикаси Президентининг 2017 йил 9 августдаги ПҚ-3193-сонли «Халқаро шартномаларни тасдиқлаш тўғрисида»ги қарори билан тасдиқланган.
Ўзбекистон Республикаси Ҳукумати ва Қувайт Давлати Ҳукумати, кейинги ўринларда «Томонлар» деб аталувчилар,
икки давлатнинг амалдаги дипломатик паспортга эга фуқароларининг кириш ва чиқиш, шунингдек сафар қилишларига кўмаклашишга интилиб,
Ҳар иккала Томон давлатининг амалдаги дипломатик паспорти эгалари бошқа Томон давлати ҳудудига кирган санадан бошлаб олти (6) ой ичида тўқсон (90) кундан ошмаган муддатда визалар расмийлаштирмаган ҳолда ушбу Томон давлати ҳудудига кириш, чиқиш, транзит ўтиш ҳамда вақтинчалик бўлиш ҳуқуқига эгадирлар.
Ҳар иккала Томон давлатининг амалдаги дипломатик паспорти эгалари бошқа Томон давлати ҳудудида бўлишлари давомида ушбу Томон давлатида чет эллик фуқаролар учун ўрнатилган қонунларга, шу жумладан рўйхатдан ўтиш, бўлиб туриш ва ҳаракатланиш қоидаларига риоя қиладилар.
1. Бошқа Томон давлати ҳудудида аккредитация қилинган дипломатик ваколатхоналар ва консуллик муассасалари, халқаро ташкилотларнинг ходимлари бўлган ҳар иккала Томон давлатининг амалдаги дипломатик паспорти эгалари аккредитация қилинган бутун давр мобайнида, башарти уларнинг мақомини тасдиқловчи расмий ҳужжатлари мавжуд бўлган тақдирда, ушбу бошқа Томон давлати ҳудудига визалар расмийлаштирмаган ҳолда кириш, чиқиш ва бўлиб туриш ҳуқуқига эгадирлар. Юборувчи Томон бундай ходимларнинг тайинланишидан камида ўттиз (30) кун олдин бошқа Томонни дипломатик каналлар орқали хабардор қилади.
2. Ушбу модданинг 1-бандида кўрсатилган шартлар бошқа Томон давлати ҳудудида аккредитация қилинган дипломатик ваколатхоналар, консуллик муассасалари ёки халқаро ташкилотлар ходимларининг турмуш ўртоғи, вояга етмаган фарзандлари ва қарамоғида бўлган ота-оналарига ҳам татбиқ қилинади, башарти улар юборувчи Томон давлатининг амалдаги дипломатик паспорт эгалари бўлсалар.
Ҳар бир Томон ўз давлати ҳудудига бошқа Томон давлатининг амалдаги дипломатик паспорти эгаларининг ҳеч қандай асослантиришларсиз киришини рад этиш ёки бўлиш муддатини чегаралаш ҳуқуқини сақлаб қолади. Бу ҳолда, Томонлар бир-бирларини дипломатик каналлар орқали хабардор қиладилар.
Ҳар бир Томон жамоат тартиби, миллий хавфсизлик ёки аҳоли соғлиғини сақлаш мақсадида ушбу Битимни вақтинчалик, қисман ёки бутунлай тўхтатиб туриш ҳуқуқини сақлаб қолади. Ҳар бир Томон бундай жараён тўғрисида бошқа Томонни дарҳол ёзма равишда дипломатик каналлар орқали хабардор қилади.
1. Томонлар ушбу Битим кучга кирганидан сўнг ўттиз (30) кун ичида амалдаги дипломатик паспорт намуналарини, шу жумладан бундай ҳужжатларнинг батафсил тавсифини дипломатик каналлар орқали алмашадилар.
2. Агар Томонлардан бири ушбу Битимнинг амал қилиши давомида дипломатик паспортларни алмаштирса ёки уларга ўзгартириш киритса, ушбу Томон бошқа Томонни ўттиз (30) кун аввал дипломатик каналлар орқали хабардор қилади ҳамда янги паспорт намунасини, шу жумладан унинг батафсил тавсифини тақдим қилади.
1. Ҳар иккала Томон давлатининг амалдаги дипломатик паспорти эгалари бошқа Томон давлати ҳудудида йўл ҳужжатлари йўқолган ёки шикастланган тақдирда ўз давлатлари дипломатик ваколатхонаси ёки консуллик муассасасини қабул қилувчи давлат Ташқи ишлар вазирлигини тегишли чоралар кўриши юзасидан хабардор қилишлари учун огоҳ қиладилар.
2. Йўқолган ёки шикастланган ҳужжат ўрнига тегишли Томон давлати дипломатик ваколатхонаси ёки консуллик муассасаси янги паспорт ёки йўқолган ёхуд шикастланган паспортнинг ўрнини вақтинчалик босувчи бошқа йўл ҳужжати билан таъминлайди.
Ушбу Битим қоидаларини амалга ошириш ва талқин қилишда низо ва келишмовчиликлар юзага келган тақдирда, Томонлар уларни дипломатик каналлар орқали музокаралар ва маслаҳатлашувлар йўли билан ҳал қиладилар.
Ушбу Битимга Томонларнинг ўзаро розилиги билан ушбу Битимнинг ажралмас қисми ҳисобланадиган ҳамда ушбу Битимнинг 10-моддаси 1-бандида кўрсатилган тартибда кучга кирадиган алоҳида баённомалар билан расмийлаштириладиган ўзгартириш ва қўшимчалар киритилиши мумкин.
1. Ушбу Битим номуайян муддатга тузилади ва Томонлар унинг кучга кириши учун зарур бўлган ички ҳуқуқий процедураларни тугатганликлари тўғрисида бир-бирларини хабардор қилувчи охирги ёзма хабарномани дипломатик каналлар орқали олган санадан бошлаб кучга киради.
2. Ҳар иккала Томон ушбу Битимни бошқа Томонга дипломатик каналлар орқали ёзма хабарнома юбориш орқали тугатиши мумкин. Ушбу Битим бошқа Томондан бундай хабарнома олинган санадан эътиборан тўқсон (90) кундан сўнг тугатилади.
Ал-Қувайт шаҳрида 2017 йилнинг 8 февралида икки (2) асл нусхада, ҳар бири ўзбек, араб ва инглиз тилларида тузилди, бунда барча матнлар бир хил кучга эга.