LexUZ шарҳи
Мазкур қарор Ўзбекистон Республикаси Вазирлар Маҳкамасининг 2019 йил 3 октябрдаги 842-сонли «Ўзбекистон Республикаси аҳолисига наркологик ёрдам кўрсатиш тизимини такомиллаштириш чора-тадбирлари тўғрисида»ги қарорига асосан ўз кучини йўқотган.
Вазирлар Маҳкамасининг «Фуқароларнинг ҳаёти ва соғлиғига қарши қаратилган жиноятларнинг олдини олиш юзасидан қўшимча чора-тадбирлар тўғрисида» 1999 йил 15 мартдаги 113-сон қарорини бажариш юзасидан ва сурункали алкоголизм ёки гиёҳвандлик тарқалишининг олдини олиш, бундай касалликларга чалинган беморларга ташхис қўйиш ва уларни даволаш сифатини ошириш мақсадида Вазирлар Маҳкамаси қарор қилади:
1. Сурункали алкоголизм ёки гиёҳвандлик касалига чалинган беморларни мажбурий даволаш бўйича наркология тиббиёт тармоғини кенгайтириш ва ихтисослаштирилган даволаш-профилактика муассасалари (касалхоналар таркибида бўлимлар) ташкил этиш бўйича топшириқ харажатлар «Соғлиқни сақлаш» соҳаси бўйича ажратиладиган маблағлар ҳисобига киритилган ҳолда иловага* мувофиқ тасдиқлансин.
2. Ўзбекистон Республикаси Соғлиқни сақлаш вазирлиги Биринчи Тошкент тиббиёт институтининг бўш турган 12-ётоқхонаси биносида «Соғлиқни сақлаш» соҳаси бўйича йўналтириладиган бюджет маблағлари доирасида, мавжуд тиббиёт муассасаларини қайта ташкил этиш ҳисобига 1999 йил 1 декабргача Республика наркология марказини ташкил этсин;
Республика наркология маркази тўғрисидаги низомни ишлаб чиқсин ва тасдиқласин, қуйидагиларни унинг асосий вазифалари этиб белгиласин:
сурункали алкоголизм ёки гиёҳвандликнинг тарқалишини ва бундай касалликларга чалинган беморларга тиббий ёрдам кўрсатиш даражасини таҳлил қилиш;
сурункали алкоголизм ёки гиёҳвандликка чалинган беморларга сифатли даволаш-профилактика ва маслаҳат ёрдами кўрсатиш;
сурункали алкоголизм ёки гиёҳвандликка чалинган беморларни мажбурий даволаш бўйича наркология тиббиёт муассасаларига ва ихтисослаштирилган даволаш-профилактика муассасаларига методик ва ташкилий ёрдам кўрсатиш;
наркология хизматини такомиллаштириш юзасидан таклифлар ишлаб чиқиш ва сурункали алкоголизм ёки гиёҳвандликнинг олдини олиш ва бундай касалликларга чалинган беморларни даволашни ташкил этиш устидан назорат қилиш.
наркология тиббиёт тармоғини кенгайтириш ва унинг негизида сурункали алкоголизм ёки гиёҳвандликка чалинган беморларни мажбурий даволаш учун ихтисослаштирилган даволаш-профилактика муассасалари (касалхоналар таркибида бўлимлар) ташкил этиш бўйича мазкур қарор билан тасдиқланган топшириқнинг бажарилишини таъминласинлар;
«Соғлиқни сақлаш» соҳаси бўйича бюджет параметрлари доирасида ихтисослаштирилган даволаш-профилактика муассасалари (бўлимлар)ни тузатиш ва реконструкция қилишни ҳамда улар ҳузурида Ўзбекистон Республикаси Ички ишлар вазирлигининг талабларига мувофиқ қўриқлаш тизимлари самарали фаолият кўрсатишини назарда тутсинлар.
4. Ўзбекистон Республикаси Ички ишлар вазирлиги алкоголизм ёки гиёҳвандликка чалинган беморларни мажбурий даволаш учун ихтисослаштирилган даволаш-профилактика муассасалари (бўлимлар) ишончли қўриқланишини ташкил этсин.
5. «Ўзтелерадио» компанияси, Ўзбекистон Миллий ахборот агентлиги Соғлиқни сақлаш вазирлиги билан биргаликда алкоголизмнинг сурункали шаклларининг, гиёҳванд моддалар ва бошқа психофаол моддалар истеъмол қилишнинг олдини олишда соғлом турмуш тарзининг ҳал қилувчи аҳамиятини оммавий ахборот воситаларида кенг ёритсинлар.