«Маҳаллий давлат ҳокимияти тўғрисида»ги (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда), «Шаҳар йўловчилар транспорти тўғрисида»ги (Ўзбекистон Республикаси Олий Мажлисининг Ахборотномаси, 1997 й., 4-5-сон, 124-модда;), «Шаҳар йўловчилар транспортидан бепул фойдаланишни тартибга солиш тўғрисида»ги (Ўзбекистон Республикаси Олий Мажлисининг Ахборотномаси, 1996 й., 9-сон, 141-модда;) Ўзбекистон Республикаси қонунларига, шунингдек Ўзбекистон Республикаси Вазирлар Маҳкамасининг 1994 йил 8 сентябрдаги «Шаҳарда ва шаҳар атрофига қатнайдиган йўловчи ташиш транспорти хизматларининг тарифлари тўғрисида»ги 455-сон ҳамда Ўзбекистон Республикаси Вазирлар Маҳкамасининг 2003 йил 4 ноябрдаги «Ўзбекистон Республикасида автомобиль транспортида йўловчилар ва багаж ташиш қоидаларини ҳамда автобусларда йўловчилар ташиш хавфсизлигини таъминлашга доир талабларни тасдиқлаш ҳақида»ги 482-сон қарорларига мувофиқ қарор қиламан:

1. 2016 йил 1 июлдан бошлаб Урганч шаҳрида автобус йўловчилар ташиш транспорти хизматларининг чекланган тарифи бир марта юришга 700 (етти юз) сўм, микроавтобусларда 900 (тўққиз юз) сўм миқдорида белгилансин.

2. Вилоят Молия бошқармасига (М. Давлатов), Давлат солиқ бошқармасига (Ж. Темуров) юқорида ўрнатилган тарифларнинг тўғри қўлланилиши устидан доимий назорат ўрнатиш топширилсин.

3. Мазкур йўналишда қўл юки ёки багаж ташиш тартиби Ўзбекистон Республикаси Вазирлар Маҳкамасининг 2003 йил 4 ноябрдаги 482-сон қарори билан тасдиқланган «Автомобиль транспортида йўловчилар ва багаж ташиш Қоидалари»га мувофиқ амалга оширилсин.

4. Йўловчилар ташиш транспортидан (таксидан ташқари) имтиёзли (бепул) фойдаланувчилар рўйхати иловага мувофиқ тасдиқлансин.

5. Ушбу қарор қабул қилиниши муносабати билан Хоразм вилоят ҳокимининг 2015 йил 10 январдаги «Урганч шаҳар ҳудудида йўловчилар ташиш транспорти хизматларининг тарифи тўғрисида»ги 17қ-сон қарори ўз кучини йўқотган ҳисоблансин.

6. Мазкур қарор «Хоразм ҳақиқати» ва «Хорезмская правда» газеталарида эълон қилинсин.

7. Вилоят ҳокимлиги ҳузуридаги «Вилоят компьютерлаштириш маркази» ДУК (С. Садиқов) мазкур қарорни вилоят ҳокимлигининг расмий веб сайтида жойлаштирилишини таъминласин.

8. Ушбу қарорнинг ижросини назорат қилиш вилоят ҳокимининг ўринбосари М. Сапоев зиммасига юклатилсин.

1941 — 1945 йиллардаги уруш қатнашчилари жумласидан бўлмиш ҳарбий хизматчилар;

1941 — 1945 йиллардаги уруш ногиронлари ва урушнинг I гуруҳ ногиронига ҳамроҳлик қилувчи шахс;

1941 — 1945 йиллардаги уруш даврида фронт ортида фидокорона меҳнати ва бенуқсон ҳарбий хизмати учун орден ва медаллар билан тақдирланган шахслар;

Афғонистон Республикасида ва бошқа мамлакатларнинг ҳудудидаги жанговар ҳаракатларда қатнашган собиқ байналмилалчи жангчилар жумласидан бўлмиш фуқаролар;

ҳақиқий муддатли ҳарбий хизматни ўтаётган ҳарбий хизматчилар ва контракт бўйича оддий аскарлар ҳамда сержантлар таркибидаги ҳарбий хизматчилар;

Чернобиль АЭС ҳалокати оқибатида нурланиш касаллигига чалинган ва уни бошдан кечирган шахслар;

кўзи ожиз ногиронлар ва кўзи ожиз ногиронга ҳамроҳлик қилувчи шахс учун сақлаб қолинсин.