Вазирлар Маҳкамасининг 2012 йил 6 декабрдаги 345-сонли «Қишлоқ хўжалиги ва мелиоратив техникани, асбоб-ускуналарни ҳисобга олиш ва уларнинг техник ҳолатини назорат қилиш тизимини такомиллаштириш чора-тадбирлари тўғрисида»ги қарори (Ўзбекистон Республикаси қонун ҳужжатлари тўплами, 2012 й., 50-сон, 559-модда) ҳамда Ўзбекистон Республикаси Қишлоқ ва сув хўжалиги вазирлигининг 2013 йил 2 апрелдаги 58-сон буйруғи (Ўзбекистон Республикаси қонун ҳужжатлари тўплами, 2013 й., 17-сон, 229-модда) асосан Ўзбекистон Республикаси «Маҳаллий давлат ҳокимияти тўғрисида»ги қонунинг (Ўзбекистон Республикаси Олий Кенгашининг Ахборотномаси, 1993., 9-сон, 320-модда;) 6-моддасига асосланиб қарор қиламан:

1. Туман ҳудудида жойлашган барча юридик ва жисмоний шахсларга тегишли бўлган трактор ва тиркама, ўзи юрар шассилар, мелиоратив йўл-қурилиш машиналари, асбоб-ускуна ва жиҳозлар мажбурий техник кўрикдан ўтказилсин.

2. Мажбурий техник кўрикдан ўтказиш бўйича туман комиссиясининг таркиби 1-иловага*, техник кўрикдан ўтказиш жадвали 2-иловага* мувофиқ тасдиқлансин.

3. Туман қишлоқ хўжалиги техникалари бўйича давлат инспектори Ж. Бегалиевга:

мажбурий техник кўрикдан ўтказиладиган тракторлар, тиркамалар, ўзиюрар шассилар, мелиоратив йўл-қурилиш машиналарининг техник паспортларини, назорат техник талонларини, давлат рақам белгиларини ҳақиқатда мавжудлигини кўриб чиқиш ва аниқланган камчиликлар бўйича уларни бартараф этиш чораларини кўриш;

машиналар сонини, уларнинг ҳолатини, амалда мавжудлигини, тегишлилигини ва бошқа рўйхатдан ўтказиш маълумотларини аниқлаштириш;

ўтказиладиган мажбурий техник кўрик учун тушадиган тушумлар тумандаги юридик ва жисмоний шахслардан ундириш чораларини кўриш юклатилсин.

4. Ушбу қарорнинг ижросини назорат қилишни ўз зиммамда қолдираман.

5. Мазкур қарор расмий эълон қилинган кундан бошлаб кучга киради.