Ўзбекистон Республикаси Ҳукумати ва Германия Федератив Республикаси Ҳукумати,

ҳар икки давлат ва уларнинг халқлари ўртасида мавжуд дўстона муносабатларга асосланиб,

ўз давлатлари ҳамда халқларининг иқтисодий ва ижтимоий юксалишидаги муштарак манфаатдорликни инобатга олиб,

шериклик йўсинида иқтисодий ҳамкорлик орқали муносабатларни чуқурлаштиришни истаб,

қуйидагилар хусусида аҳдлашиб олдилар:

Ўзбекистон Республикаси Ҳукумати ва Германия Федератив Республикаси Ҳукумати илмий тадқиқотлар ва мутахассислар фондини ташкил этиш тўғрисида келишиб олдилар.

Доирасида мутахассисларни юбориш, илмий тадқиқотларни ўтказиш ҳамда маслаҳатлар, кадрларни тайёрлаш ва уларнинг малакасини ошириш юзасидан тадбирлар маблағ билан таъминланиши мумкин бўлган ушбу фонд учун Германия Федератив Республикаси 5.700.000,00 ( беш миллион етти юз минг) гача немис маркасини ажратади.

Техникавий ҳамкорлик доирасида мутахассисларни юбориш, экспертизалар ва илмий тадқиқотларни ўтказиш ҳамда маслаҳатлар, кадрларни тайёрлаш ва уларнинг малакасини ошириш икки томонлама ҳамкорлик лойиҳаларини аниқлаш ва тайёрлаш учун ҳам хизмат қилади.

(1) у

а) илмий тадқиқотлар ўтказади;

б) асосан қисқа муддатли ишларни бажариш учун мутахассисларни юборади ва уларни жойлаштириш, овқатлантириш ҳамда ушбу вазифа доирасида амалга оширилишида зарур сафарлар учун харажатларни кўтаради;

в) Башарти, ушбу а) бандига мувофиқ илмий тадқиқотлар ўтказиш ёки ушбу модданинг б) бандида кўрсатилган мутахассислар топшириқларини ижро этиш учун лозим бўлса, чекланган миқдорда техник асбоб-ускуналар ва ёрдамчи воситаларни фойдаланиш жойига қадар сиф ўринларда етказиб беради;

г) лойиҳаларни тайёрлаш учун ёки зарур ҳолда маслаҳатлар,кадрларни тайёрлаш ва уларнинг малакасини ошириш бўйича тадбирларни маблағ билан таъминлашга шай бўлади.

(2) Фонд доирасида Германия Федератив Республикаси Ҳукуматининг топшириғига биноан етказиб берилган материал Ўзбекистон Республикасига келгандан сўнг унинг мулки бўлиб қолади. Лойиҳалар ва юборилган мутахассисларнинг тегишли топшириқларни бажаришлари учун мўлжалланган материаллар уларнинг тўлиқ ихтиёрларида бўлади.

(1) юборилган мутахассисларга уларнинг топшириқларини амалга оширишларида ҳар томонлама кўмаклашади ва уларнинг ихтиёрига барча зарур ҳужжатлар ва бошқа ёрдамчи воситаларни тақдим қилади.

(2) юборилган мутахассислар ва улар билан бирга яшовчи оила аъзоларини жисмоний ҳимоя қилиш ва мол-мулкларини қўриқлаш ҳақида ғамхўрлик қилади. Бунга, хусусан қуйидагилар киради:

(а) ушбу Битимга мувофиқ мутахассисларга юклатилган топшириқларни бажаришлари муносабати билан етказилган зарар учун уларнинг ўрнига жавобгарликни зиммасига олади. Шунга кўра юборилган мутахассисларга нисбатан ҳар қандай даъво истисно этилади. Ҳар қандай ҳуқуқий асосда бўлмасин, зарарни қоплаш бўйича талаблар юборилган мутахассисларга нисбатан уларнинг қасддан зарар етказиш ёки қўпол эҳтиётсизликка йўл қўйган ҳолларида билдирилади;

(б) юборилган мутахассислар ва улар билан бирга яшовчи оила аъзоларини ҳаракатлар ҳамда хатолар муносабати билан, жумладан ушбу Битимга мувофиқ уларга юклатилган топшириқларни бажаришдан келиб чиқадиган оғзаки ва ёзма мулоҳазалар учун ҳар қандай қамоққа олиш ва озодликдан маҳрум этишдан озод қилади;

(в) юборилган мутахассислар ва улар билан бирга яшовчи оила аъзолари учун ҳар қандай вақтда ва ҳеч қандай тўсқинликсиз келиш ва кетишга рухсат беради;

(г) юборилган мутахассисларнинг ушбу Битим доирасида бажарган ишлари учун Германия Федератив Республикаси маблағларидан оладиган ҳақларидан солиқ ва бошқа йиғимлар ундирмайди. Ушбу мазкур Битим доирасида Германия Федератив Республикаси Ҳукумати топшириғига биноан ёрдам беришни амалга ошираётган фирмаларнинг тўловларига ҳам тааллуқли бўлади;

(д) юборилган мутахассислар ва улар билан бирга яшовчи оила аъзоларига истиқомат этишлари чоғи шахсий фойдаланишлари учун мўлжалланган ашё-буюмларини божсиз ва солиқ тўламасдан олиб кириш ва олиб чиқишлари учун рухсат беради.

(3) ушбу Битимнинг 3-моддаси 1(а) бандчасида кўрсатилган илмий тадқиқотларни ўтказишга шунингдек 3-модданинг 1(б) бандчасида қайд этилган юборилган мутахассислар бажарган ишларга ҳамда маслаҳатлар мутахассисларни тайёрлаш ва уларнинг малакасини ошириш тадбирларига нисбатан Тошкент шаҳридаги Германия Федератив Республикасининг Элчихонаси орқали Германия Федератив Республикаси Ҳукуматига сўровлар юборади. Сўровлар топшириқларни ва ҳар бир аниқ масала юзасидан кутилаётган натижаларни батафсил тасвирлашни қамраб олади.

(4) ушбу Битимнинг 3-моддаси 1(в) бандчасига мувофиқ Германия Федератив Республикаси Ҳукумати топшириғи бўйича етказиб берилган материалларни лицензион тўловлар, йиғимлар ва олиб кириш ва олиб чиқишга бўлган бошқа жамоат солиқларидан, жумладан омборларда сақлаш тўловларидан озод қилади ҳамда материалларнинг зудлик билан божхона муассасалари орқали ўтишини таъминлайди. Юқорида кўрсатилган йиғимлардан озод қилиш Ўзбекистон Республикасида олинган материаллар учун ҳам ижро этувчи муассасанинг аризасига биноан амалга оширилади.

Германия Федератив Республикаеи Хукумати ушбу Битим доирасида Узбекистон Реепубликаси Хукумати учун таклифлар билан ҳам чиқиши мумкин.

(1) ушбу Битимнинг 3-моддаси 1(а) бандчасида кўрсатилган илмий тадқиқотлар бевосита улар утказилгандан сўнг Тошкент шаҳридаги Германия Федератив Республикасининг Элчихонаси орқали Ўзбекистон Республикаси ҳукуматига топширилади.

(2) мутахассислар ушбу Битимнинг 3-моддаси 1(б) бандчасида кўрсатилган ўз фаолиятларини бажаргандан сўнг ҳар икки Ҳукуматга ёзма ҳисобот тақдим қиладилар. Бунда улар ўз фаолиятларидан келиб чиқадиган таклифлар киритишлари мумкин.

(1) Германия Федератив Республикаси Ҳукумати ўз мажбуриятларини амалга оширишни Эшборндаги чекланган масъулиятга эга жамият — техник ҳамкорлик бўйича Герман жамияти (GTZ)га юклайди.

(2) Ўзбекистон Республикаси Вазирлар Маҳкамаси илмий тадқиқотлар ва мутахассислар фондини бошқариш ва айрим тадбирларни амалга ошириш учун масъул бўладиган муассасаларни белгилайди.

(3) ушбу модданинг 1 ва 2-бандларига мувофиқ ваколатли бўлган муассасалар биргаликда лойиҳани тезкорлик нуқтаи назаридан ёки бошқа муносиб шаклда амалга ошириш тафсилотларини белгилашлари, зарур ҳолда эса уларни лойиҳани рўёбга чиқарилиши жараёни билан мувофиқлаштиришлари мумкин.

Аҳдлашувчи Томонлар вакиллари вақти-вақти билан ушбу Битимни амалга ошириш билан боғлиқ масалаларни мухокама этиш учун учрашиб турадилар.

Ушбу Битим унинг кучга киришига қадар Аҳдлашувчи Томонларнинг иқтисодий ҳамкорлик бўйича бошланган лойиҳаларига нисбатан ҳам жорий этилади.

(1) ушбу Битим у имзоланган кундан бошлаб қўлланади. Битим ҳар икки ҳукумат унинг кучга кириши учун зарур ички давлат расмиятчиликлари бажарилгани ҳақида бир-бирларига билдирган кундан бошлаб кучга киради. Сўнгги билдириш хати олинган кун Битимнинг кучга кирган куни бўлиб ҳисобланади.

(2) ушбу Битим беш йилга тузилди. Башарти, Аҳдлашувчи Томонлардан бири Битимнинг тегишли амал қилиш муддати тугашидан уч ой олдин унинг амал қилишини тўхтатиш ҳақида ёзма равишда билдирмаса, Битим ҳар сафар ўз-ўзидан бир йилга узайтирилаверади.

(3) ушбу Битимнинг амал қилиш муддати тугагандан сўнг унинг қоидалари иқтисодий ҳамкорлик бўйича муқаддам бошланган лойиҳалар учун кучда қолади.

Бонн шаҳрида 1993 йил 28 апрель куни икки нусхада ўзбек, немис ва рус тилларида тайёрланди. Барча матнлар кучга эга. Ўзбек ва немис тиллардаги матнларни шарҳлашда тафовут туғилса, рус тилидаги матндан фойдаланилади.