Ўзбекистон Республикаси Ҳукумати ва Россия Федерацияси Ҳукумати, бундан кейин «Томонлар» деб аталувчилар,

Ўзбекистон Республикасининг Россия Федерациясидаги ва Россия Федерациясининг Ўзбекистон Республикасидаги дипломатик ваколатхоналарини туриш жойлари ва ишларини тегишли шароитлар билан таъминлаш мақсадида,

Дипломатик алоқалар тўғрисида 1961 йил 18 апрелдаги Вена конвенцияси, шунингдек Мулкка эгалик ҳуқуқини ўзаро тан олиш ва тартибга солиш тўғрисида битимни (Бишкек,1992 йил 9 октябр) инобатга олиб,

қуйидагилар тўғрисида келишиб олдилар:

1. Россия томони Москва шаҳрида қуйидаги манзилда Ўзбекистон Республикаси Элчихонасини жойлаштириш учун фойдаланиладиган бино ва иншоотларга нисбатан Ўзбекистон Республикасининг мулк ҳуқуқини тан олади:

Погорельский тор кўчаси, 12 уй, умумий майдони 8360,1 кв.метр;

1 чи Казачий тор кўчаси, 11/2 уй, 1-иморат, умумий майдони 7938,3 кв.метр.

2. Россия томони Ўзбекистон Республикасига Москва шаҳридаги ер участкаларида жойлашган ушбу модданинг 1-бандида кўрсатилган қуйидаги манзилдаги биноларни бир йилга 1 рубль миқдорида ижара тўлови билан 49 йилга ижарага беради.

Погорельский тор кўчаси, 12 уй, майдони 5224,5 кв.метр;

1- чи Казачий тор кўчаси, 11/2 уй, 1-иморат, майдони 3953,1 кв.метрдан иборат.

3. Ушбу Битим кучга кирганидан сўнг мазкур модданинг 2-бандида кўрсатилган ер участкаларидан фойдаланиш шартларини белгилайдиган ижара шартномаси тузилади ва у мазкур модданинг 2-бандида кўрсатилган ижара шартлари асосида ушбу Битим амал қилиши давомида кейинги 49 йиллик муддатларга узайтирилади.

4. Мазкур модданинг 2-бандида кўрсатилган ер участкаларининг жойлашуви ва чегаралари ушбу Битимнинг ажралмас қисми ҳисобланадиган чизмаларда белгиланган (Илова №1*, №2*).

1. Россия томони Ўзбекистон Республикасининг элчихонасини жойлаштириш учун фойдаланиладиган ушбу Битимнинг ажралмас қисми ҳисобланадиган иловадаги рўйхатга мувофиқ (Илова №3*) Москва шаҳри, Большая Полянка кўчаси, 41-уй, 1, 2-иморат манзилида жойлашган, умумий майдони 2002,2 кв. метрдан иборат бино қисмига, 3, 4 ва 5-қаватларига нисбатан Ўзбекистон Республикасининг мулк ҳуқуқини тан олади.

2. Ўзбек томони Россия қонунчилигига мувофиқ Большая Полянка кўчаси, 41-уй, 1, 2-иморат манзилидаги бинонинг бўлинмайдиган ер участкалари тегишли қисмига нисбатан фойдаланиш ҳуқуқига эга бўлади.

3. Мазкур модданинг 2-бандида кўрсатилган ер участкасининг жойлашуви ва чегараси ушбу Битимнинг ажралмас қисми бўлиб ҳисобланадиган чизмада белгиланган (Илова №4*).

1. Ўзбек томони Россия Федерациясига Тошкент шаҳри, Нукус кўчаси 83-уйда жойлашган умумий майдони 7891 кв.метр бўлган бино ва иншоотга Россия Федерацияси элчихонасини жойлаштириш учун мулкка эгалик ҳуқуқи беради.

2. Ўзбек томони Россия Федерациясига ушбу модданинг 1-бандида кўрсатилган бино ва иншоотлар жойлашган 16823 кв.метрдан иборат ер участкасини бир йилга 1 сўм миқдорида ижара тўлови билан 49 йилга ижарага беради.

3. Ушбу Битим кучга кирганидан сўнг мазкур модданинг 2-бандида кўрсатилган ер участкасидан фойдаланиш шартларини белгилайдиган ижара шартномаси тузилади ва у мазкур модданинг 2-бандида кўрсатилган ижара шартлари асосида ушбу Битим амал қилиш давомида кейинги 49 йиллик муддатларга узайтирилади.

4. Мазкур модданинг 2-бандида кўрсатилган ер участкасининг жойлашуви ва чегараси ушбу Битимнинг ажралмас қисми ҳисобланадиган чизмада белгиланган (Илова №5*).

Томонлар ушбу Битимнинг 1, 2 ва 3-моддаларида кўрсатилган бино, иншоот, иморатларни, шунингдек ушбу Битимнинг 1 ва 2-моддаларида кўрсатилган ер участкаларни қарзлардан, учинчи томон ҳуқуқларидан озод бўлган, гаровга қўйилмаган ва улардан ушбу Битим мақсадларида фойдаланишга тўсқинлик қиладиган бирор нарса билан малоллик келтирмайдиган ҳолда тақдим этилишига кафолат берадилар.

Ушбу Битимнинг 1, 2 ва 3-моддаларида кўрсатилган кўчмас мулкдан Томонлар фақат ушбу Битимда белгиланган мақсадларда фойдаланадилар.

Ушбу Битимнинг 1, 2 ва 3-моддаларида кўрсатилган бино, иншоот, иморатлар ва ер участкаларини учинчи томонга ижарага/иккиламчи ижарага бериш, уларни бошқа бир тарзда олиш фақат Томонларнинг келишуви бўйича бўлиши мумкин.

Ушбу Битимнинг 1, 2 ва 3-моддаларида кўрсатилган бино, иншоот, иморатлар сотиладиган ёки бериладиган бўлса қабул қилувчи давлат олиши учун имтиёзли ҳуқуққа эга.

Ушбу Битимнинг 1, 2 ва 3-моддаларида кўрсатилган бино, иншоот, иморатлар ва ер участкалари ёки уларнинг қисми учинчи томонга ижарага/иккиламчи ижарага берилса, бутун ижара/иккиламчи ижара даврига берилган бино, иншоот, иморатлар ва ер участкаларига нисбатан Дипломатик алоқалар тўғрисида 1961 йил 18 апрелдаги Вена конвенциясида белгиланган имтиёз, иммунитетлар ва шунингдек ушбу Битим билан ўрнатилган енгилликларнинг амал қилиши тугатилади. Ижара/иккиламчи ижара даври тугаганда, мазкур бино, иншоот, иморатлар ва ер участкаларидан қайта дипломатик мақсадларда фойдалана бошлангандан сўнг кўрсатилган имтиёз, иммунитет ва енгилликлар шу бино, иншоот, иморатлар ва ер участкаларига нисбатан яна қўлланилади.

Томонлар ўзаролик асосида ўз давлатларининг қонунчилигига мувофиқ ушбу Битимнинг 1, 2 ва 3-моддаларида кўрсатилган бино, иншоот ва иморатларга бўлган мулк ҳуқуқини, ушбу Битимнинг 1 ва 2-моддаларида кўрсатилган ер участкаларига бўлган ижара ҳуқуқини ушбу Битим кучга киргандан сўнг мумкин қадар қисқа муддатларда бепул юридик расмийлаштиришни таъминлайдилар. Томонлар ўзаро келишилган муддатларда айни бир вақтда тегишли ҳужжатлар билан алмашадилар.

Ушбу Битимнинг 1, 2 ва 3-моддаларида кўрсатилган бино, иншоот, иморатлар ёки ер участкаларидан ташқари ўз давлатлари элчихоналари фаолиятини таъминлаш мақсадида Томонлар алоҳида битимлар асосида қўшимча харид ва ижарани амалга оширадилар.

Ушбу Битимнинг 1, 2 ва 3-моддаларида кўрсатилган бино, иншоот, иморатларни қайта таъмирлаш ҳамда ушбу Битимнинг 1 ва 2-моддаларида кўрсатилган ер участкаларида янги бино ва иморатлар қуриш, уларни қайта таъмирлаш қурилишга мўлжалланган шаҳарсозлик концепцияларга мувофиқлаштирилгандан ва қабул қилувчи давлатнинг қонунчилик талабларига мувофиқ қайта таъмирлаш, шунингдек қуришга рухсат олингандан кейингина амалга оширилади.

1. Томонлар ушбу Битимнинг 1, 2 ва 3-моддаларида кўрсатилган бино, иншоот ва иморатларни таъмирлаш ҳамда шинам ҳолатга келтириш, тақдим этилган ер участкаларини яхши ҳолатда сақлаш учун қабул қилувчи давлат ҳудудига материаллар ва асбоб-ускуна, шу жумладан мебель ва ички уй жиҳозлари олиб кириш ҳуқуқига эга. Томонлар ўзаролик асосида фақат белгиланган мақсадларда олиб кирилган материаллар ва асбоб-ускунадан олинадиган барча солиқ ҳамда божхона йиғимларидан озод қилинадилар.

2. Қайта таъмирлаш ва қурилиш мақсадларида Томонларнинг тегишли хизматлари фойдаланадиган дипломатик вализалар учун жойларнинг миқдори ва ўлчамларини вақтинча кўпайтириш кўзда тутилади, Томонларга узунлиги 40 футгача тенг келадиган контейнерларга ташқи кўринишли белгилар қўйиш ҳуқуқи берилади, шундан келиб чиқиб, ушбу контейнерлар Дипломатик алоқалар тўғрисида 1961 йил 18 апрелдаги Вена конвенциясига мувофиқ дипломатик вализаларга тенглаштирилади.

3. Томонлар қабул қилувчи давлатга ўз бино, иншоотларини қайта таъмирлаш ва қурилишга тайёрлаш, қурилишни амалга ошириш учун талаб қилинган қурувчи, техник назорат мутахассиси ва техник ходимлардан иборат гуруҳни юбориш ҳуқуқига эга.

Ҳар бир Томон ўзаролик асосида бошқа Томон давлатининг элчихонасини Дипломатик алоқалар тўғрисида 1961 йил 18 апрелдаги Вена конвенциясининг 23-моддаси қоидаларига мувофиқ, коммунал ва бошқа муайян турдаги хизматлар учун тўловлардан ташқари давлат ва маҳаллий ҳокимият томонидан ўрнатилган барча турдаги солиқ тўловларидан ҳамда бошқа йиғим ва божлардан озод қилади.

Ушбу Битимнинг 1, 2 ва 3-моддаларида кўрсатилган бино, иншоот, иморатлардан фойдаланиш ва таъмирлашнинг барча турлари, эксплуатацион жавобгарлик чегараси доирасида инженер коммуникация ишлари, ушбу Битимнинг 1- 2 ва 3-моддаларига мувофиқ берилаётган ер участкаларини талаб даражада сақлаш ишлари қабул қилувчи давлатда Томонларнинг ўз ҳисобидан амалга оширилади.

Ҳар бир Томон ўзаролик асосида бошқа Томон давлатлари дипломатик ваколатхоналари расмий фойдаланиши ҳамда ушбу дипломатик ваколатхона дипломатлари ва маъмурий-техник персонали ҳамда улар биргаликда истиқомат қилувчи оила аъзоларининг шахсий фойдаланиши учун мўлжалланган товар ва хизматлар қўшимча қиймат солиғидан озод қилади.

Томонлар ўзаролик асосида дипломатик ваколатхоналар ходимлари ва шунингдек уларнинг оила аъзоларини тегишли давлат тиббий муассасалари кўрсатаётган тиббий хизматлар учун тўловлардан озод қиладилар, ясама тишлар қўйиш ва ноанъанавий тиббий хизматлар бундан мустасно. Дипломатик ваколатхоналар ходимлари ва уларнинг оила аъзоларига хизмат кўрсатадиган тегишли давлат тиббий муассасаларининг рўйхатларини Ўзбекистон Республикаси ва Россия Федерацияси тегишли давлат идоралари белгилайди.

Томонлар, ўзаро келишиб, ушбу Битимга ўзгартиш ва қўшимчалар киритишлари мумкин, улар алоҳида баённомалар билан расмийлаштирилади.

Ушбу Битим қоидаларини қўллаш ва талқин қилишда юзага келадиган барча баҳсли масалалар Томонлар ўртасида музокара ва маслаҳатлашувлар йўли билан ҳал қилинади.

Ушбу Битим Томонлар унинг кучга кириши учун зарур бўлган давлат ички процедураларини бажарилгани тўғрисида охирги хабарнома олган санадан бошлаб кучга киради.

Ушбу Битим 49 йиллик муддатга тузилади, агар Томонлардан ҳеч бири бошқа Томонга навбатдаги муддат тугашидан камида бир йил олдин ушбу Битим амал қилишини тугатиш нияти тўғрисида хабарнома юбормаса, ушбу Битим кейинги шундай муддатларга ўз-ўзидан узаяверади.

Тошкент шаҳрида 2009 йил 23 январда икки асл нусхада, ҳар бири ўзбек ва рус тилларида тузилди, бунда иккала матн ҳам бир хил кучга эга.