Ўзбекистон Республикаси Ҳукумати ва Сингапур Республикаси Ҳукумати, (қуйида биргаликда «Томонлар», алоҳида ҳолда эса «Томон» деб аталувчилар),

икки мамлакат ўртасидаги дўстона муносабатларни янада ривожлантириш ниятида; ва

мазкур Битим Иловасида кўрсатилган ҳаракатланиш ҳужжатларига эга бўлган фуқароларнинг сафар қилишлари учун қулай шарт-шароитлар яратиш мақсадида,

қуйидагилар тўғрисида келишиб олдилар:

Томонларнинг мазкур Битим иловасида кўрсатилган амалдаги ҳаракатланиш ҳужжатларига эга бўлган фуқаролари бошқа Томон давлати ҳудудига визасиз кириши, чиқиши ва транзит ўтиши, шунингдек кириш санасидан бошлаб 90 (тўқсон) кундан ортиқ бўлмаган муддатда мазкур ҳудудда бўлиши мумкин, ушбу ҳолатдан ёлланиб ишлаш, таълим олиш ёки бошқа ҳақ тўланадиган фаолиятни амалга ошириш мақсадида фойдаланилмайди.

Томонлардан бирининг мазкур Битим иловасида кўрсатилган амалдаги ҳаракатланиш ҳужжатларига эга бўлган ва бошқа Томон давлати ҳудудида 90 (тўқсон) кундан ортиқ муддатда бўлиш ёки ёлланиб ишлаш, таълим олиш ёхуд бошқа ҳақ тўланадиган фаолиятни амалга ошириш учун киришни мақсад қилган фуқаролари бошқа Томон ҳудудига келгунига қадар виза олиш учун ариза билан мурожаат қилишлари лозим.

1. Томонлардан бирининг мазкур Битим иловасида кўрсатилган амалдаги ҳаракатланиш ҳужжатларига эга бўлган дипломатик ваколатхона ёки консуллик муассасасида фаолият юритаётган ёки бошқа Томон давлати ҳудудида аккредитация қилинган халқаро ташкилотларда ўз мамлакатларининг вакиллари ҳисобланган фуқаролари мазкур Битимнинг 1- ва 2-моддаси қоидалари талабларидан қатъи назар, ўзларининг расмий хизмат фаолияти давомида бошқа Томон давлати ҳудудига визасиз кириши, чиқиши ва бўлиши мумкин.

2. Ушбу модданинг 1-бандида кўрсатилган фуқаролар исмлари улар келган пайтдан эътиборан 30 (ўттиз) кунлик муддат ичида бошқа Томонга тақдим қилинади.

3. Ушбу модданинг 1- ва 2-банди талаблари юқорида кўрсатилган бундай шахслар бутун хизмат фаолияти давомида мазкур Битим иловасида кўрсатилган амалдаги ҳаракатланиш ҳужжатларига эга бўлган ва биргаликда яшайдиган оила аъзоларига нисбатан ҳам қўлланилади. Мазкур битим доирасида «оила аъзоси» тушунчаси қуйидагиларга нисбатан тааллуқли бўлади:

а) Ўзбекистон Республикаси фуқаролари учун турмуш ўртоғи ва 18 ёшга тўлмаган оила қурмаган фарзандлари;

б) Сингапур Республикаси фуқаролари учун турмуш ўртоғи ва 21 ёшга тўлмаган оила қурмаган фарзандлари.

Томонлардан бирининг мазкур Битим иловасида кўрсатилган амалдаги ҳаракатланиш ҳужжатларига эга бўлган ва бошқа Томон давлати ҳудудида бўлиши вақтида ўз паспортини йўқотиб қўйган фуқаролари бошқа Томоннинг ваколатли органларига дарҳол хабар берадилар. Бундай органлар томонидан ҳужжат йўқотилганини тасдиқловчи гувоҳнома берилади. Тегишли давлатнинг дипломатик ваколатхонаси ёки консуллик муассасаси ушбу гувоҳнома асосида янги паспорт беради.

Томонлардан бирининг мазкур Битим иловасида кўрсатилган амалдаги ҳаракатланиш ҳужжатларига эга бўлган фуқароларининг бошқа Томон давлати ҳудудига кириши ва чиқиши махсус белгиланган кириш ва чиқиш пунктлари орқали амалга оширилади.

1. Мазкур Битим иловасида кўрсатилган амалдаги ҳаракатланиш ҳужжатларига эга бўлган шахслар бошқа Томон давлати ҳудудида бўлиш вақтида ушбу Томоннинг қонун ва қоидаларига риоя қилишлари лозим.

2. Мазкур Битим ҳар иккала Томон сабабини изоҳламай туриб, мазкур Битим иловасида кўрсатилган амалдаги ҳаракатланиш ҳужжатларига эга бўлган исталмайдиган ёки «persona non grata» деб эълон қилинган шахсларнинг ўз ҳудудига киришини рад қилиш ёки бу ҳудудда бўлишини тўхтатиш ҳуқуқини чекламайди.

1. Томонлар мазкур Битим иловасида кўрсатилган амалдаги ҳаракатланиш ҳужжатларининг намуналари, шу жумладан ушбу ҳужжатларнинг тавсифини мазкур Битимнинг кучга киришидан камида 30 (ўттиз) кун олдин дипломатик каналлар орқали ўзаро алмашадилар.

2. Томонлардан бири мазкур Битим иловасида кўрсатилган амалдаги ҳаракатланиш ҳужжатларига ўзгартиришлар киритса, ушбу Томон бундай ўзгартиришлар кучга киришидан камида 30 (ўттиз) кун олдин бошқа Томонга ушбу ҳужжатларнинг намуналарини дипломатик каналлар орқали юборади.

1. Томонлардан ҳар бири оммавий тартиб, миллий хавфсизлик, соғлиқни сақлаш ва бошқа санитария сабабларига кўра мазкур Битимнинг амал қилишини вақтинча, тўла ёки қисман тўхтатиб туриши мумкин.

2. Бошқа Томон бундай тўхтатишларнинг бошланиши ва тугатилиши ҳақида дипломатик каналлар орқали дарҳол хабардор қилинади.

Томонларнинг ўзаро келишувига мувофиқ мазкур Битимга дипломатик ноталар алмашиш йўли билан ўзгартиш ва қўшимчалар киритилиши мумкин. Бундай ўзгартишлар ҳар иккала Томоннинг мазкур ўзгартишларнинг кучга кириши учун талаб этиладиган барча ички процедураларни бажарганлигини тасдиқловчи дипломатик ноталар алмашилган пайтдан эътиборан 30 (ўттиз) кундан кейин кучга киради.

Мазкур Битим қоидаларини қўллаш ёки талқин қилишда низо ва ихтилофлар келиб чиққан тақдирда, Томонлар уларни дипломатик каналлар орқали музокаралар ва маслаҳатлашувлар йўли билан ҳал этадилар.

Мазкур Битим номуайян муддатга тузилади ва унинг кучга кириши учун зарур бўлган давлат ички процедураларининг бажарилганлиги тўғрисида Томонларнинг дипломатик каналлар орқали охирги ёзма хабарномаси олинган санадан эътиборан 30 (ўттиз) кундан сўнг кучга киради.

Мазкур Битимнинг амал қилиши исталган пайтда Томонлардан бирининг бошқа Томонни дипломатик каналлар орқали ёзма шаклда хабардор қилиши билан тугатилиши мумкин. Битимнинг амал қилиши бундай хабарнома олинган пайтдан эътиборан 30 (ўттиз) кундан сўнг тугайди.

Барчасини тасдиқлаш мақсадида бунга тегишли равишда ваколат берилган қуйида имзо чекувчилар мазкур Битимни имзоладилар.

2012 йил 3 апрелда Тошкент шаҳрида ўзбек ва инглиз тилларида икки нусхада тузилди, бунда барча матнлар бир хил кучга эга. Ушбу Битимни талқин қилишда ихтилофлар юзага келганда инглиз тилидаги матндан фойдаланилади.

Мазкур Битим мақсади учун қуйидагилар Томонларнинг амалдаги ҳаракатланиш ҳужжатлари ҳисобланади:

Ўзбекистон Республикаси фуқаролари учун:

Дипломатик паспортлар, шу жумладан электрон (биометрик) дипломатик паспортлар.

Сингапур Республикаси фуқаролари учун:

Дипломатик паспортлар, шу жумладан электрон (биометрик) дипломатик паспортлар.