Вазирлар Маҳкамаси қарор қилади:

Ўзбекистон Республикаси Ҳукуматининг иловага мувофиқ баъзи қарорларига ўзгартириш ва қўшимчалар киритилсин.

1. Вазирлар Маҳкамасининг 1997 йил 6 июндаги 286-сон қарори (Ўзбекистон Республикаси ҚТ, 1997 й., 6-сон, 21-модда) билан тасдиқланган «Ишлаб чиқаришдаги бахтсиз ҳодисаларни ва ходимлар саломатлигининг бошқа хил зарарланишини текшириш ва ҳисобга олиш тўғрисида Низом»да:

I бўлимнинг 6-бандидаги «Саноатконтехназорат» агентлиги органлари (назорат остидаги объектларда)» сўзлари «Саноатконтехназорат» ва «Ўзэнергоназорат» агентликлари органлари назоратдаги тегишли объектларда» сўзлари билан алмаштирилсин;

II бўлим 4-бандининг тўртинчи хатбошидаги «Саноатконтехназорат» агентлиги органи вакилига, агар бахтсиз ҳодиса назорат остидаги корхоналар (объектлар)да» сўзлари «Саноатконтехназорат» ёки «Ўзэнергоназорат» агентликлари органи вакилига, агар бахтсиз ҳодиса назоратдаги тегишли корхоналар (объектлар)да» сўзлари билан алмаштирилсин;

II бўлим 10-бандининг иккинчи хатбошидаги «Саноатконтехназорат» агентлиги» сўзлари «Саноатконтехназорат» ёки «Ўзэнергоназорат» агентликлари» сўзлари билан алмаштирилсин;

III бўлим 2-бандининг саккизинчи хатбошидаги «Саноатконтехназорат» агентлигининг маҳаллий органларига» сўзларидан кейин «ва «Ўзэнергоназорат» агентлигининг ҳудудий органига» сўзлари қўшилсин;

III бўлим 3-бандининг иккинчи хатбошидаги «ёки «Саноатконтехназорат» агентлиги вакили» сўзларидан кейин «ёхуд «Ўзэнергоназорат» агентлиги вакили» сўзлари қўшилсин;

III бўлим 3-бандининг тўртинчи ва тўққизинчи хатбошидаги «Саноатконтехназорат» агентлиги органи», «Саноатконтехназорат» агентлиги органининг» сўзлари тегишли равишда «Саноатконтехназорат» ёки «Ўзэнергоназорат» агентликлари органи», «Саноатконтехназорат» ёки «Ўзэнергоназорат» агентликлари органининг» сўзлари билан алмаштирилсин;

III бўлим 8-бандининг биринчи ва тўртинчи хатбошидаги «Саноатконтехназорат» агентлиги органи» ва «Саноатконтехназорат» агентлиги органига» сўзларидан кейин «ёки «Ўзэнергоназорат» органига сўзлари қўшилсин»;

IV бўлимнинг 5 ва 6-бандларидаги «Саноатконтехназорат» агентлиги ҳайъатида» сўзларидан кейин «ёки «Ўзэнергоназорат» агентлиги ҳайъатида» сўзлари қўшилсин;

IV бўлимнинг 8-бандидаги «Саноатконтехназорат» агентлиги» сўзларидан кейин «ва «Ўзэнергоназорат» агентлиги» сўзлари қўшилсин.

2. Вазирлар Маҳкамасининг 2000 йил 7 апрелдаги 130-сон қарорига (Ўзбекистон Республикаси ҚТ, 2000 й., 4-сон, 17-модда) 1-илова II бўлимининг 13-банди ҳамда мазкур қарор билан тасдиқланган «Саноатда ва кончиликда ишларнинг бехатар олиб борилишини назорат қилиш агентлиги тўғрисида Низом» (2-илова) 5-бандининг «з» кичик банди ўз кучини йўқотган деб ҳисоблансин.

3. Ўзбекистон Республикаси Вазирлар Маҳкамасининг «Электр энергетикада назорат бўйича давлат агентлиги («Ўздавэнергоназорат» агентлиги) фаолиятини ташкил этиш тўғрисида» 2001 йил 24 февралдаги 94-сон қарорида (Ўзбекистон Республикаси ҚТ, 2001 й., 2-сон, 12-модда):

а) 2-банд қуйидаги мазмундаги хатбоши билан тўлдирилсин:

«Ўздавэнергоназорат» агентлигида бош директорнинг уч нафар ўринбосари, шу жумладан бир нафар биринчи ўринбосари ҳамда шахсий таркиби Ўзбекистон Республикаси Вазирлар Маҳкамаси томонидан тасдиқланадиган беш кишидан иборат ҳайъат бўлади»;

иккинчи—тўртинчи хатбошилар тегишли равишда учинчи бешинчи хатбошилар деб ҳисобланасин;

б) 2-иловада:

III бўлимнинг 7-банди қуйидаги мазмундаги хатбоши билан тўлдирилсин:

«назорат остидаги объектлар ходимларини тайёрлаш ва ушбу объектларда ишлар хавфсиз олиб борилишини таъминлаш ва меҳнатни муҳофаза қилиш масалалари бўйича уларнинг билимларини текшириш тартибини белгилайди»;

IV бўлимнинг 9-бўлими қуйидаги мазмундаги хатбоши билан тўлдирилсин:

«электр энергиясини истеъмол қилиш лимитларига риоя қилинишини назорат қилиш ва электр билан иситиш мақсадларида электр энергиясини қўллашни келишиш»;

V бўлимнинг 11-банди қуйидаги мазмундаги учинчи ва тўртинчи хатбошилар билан тўлдирилсин:

«Ўздавэнергоназорат» агентлигининг бош директори лавозимига кўра айни пайтда Электр ва иссиқлик энергиясидан фойдаланилишини назорат қилиш бўйича бош давлат инспектори, унинг ўринбосарлари эса — Электр ва иссиқлик энергиясидан фойдаланилишини назорат қилиш бўйича бош давлат инспекторининг ўринбосарлари ҳисобланади. «Ўздавэнергоназорат» агентлиги ҳудудий бўлинмалари бошлиқлари электр ва иссиқлик энергиясидан фойдаланилишини назорат қилиш бўйича катта давлат инспекторлари ҳисобланади.

«Ўздавэнергоназорат» агентлигида бош директор (ҳайъат раиси), лавозими бўйича унинг ўринбосарлари, шунингдек «Ўздавэнергоназорат» агентлигининг бошқа раҳбар ходимларидан иборат таркибда 5 кишидан иборат ҳайъат ташкил этилади. Ҳайъатнинг шахсий таркиби Ўзбекистон Республикаси Вазирлар Маҳкамаси томонидан тасдиқланади. «Ўздавэнергоназорат» агентлиги ҳайъати ўзининг мунтазам ўтказиладиган мажлисларида электр энергетикасида давлат назоратини такомиллаштириш, ўзига қарашли ташкилотларга амалий раҳбарлик қилиш, қарорларнинг бажарилишини текшириш, кадрларни танлаш ва улардан фойдаланиш масалаларини кўриб чиқади, ўзига қарашли ташкилотлар раҳбарларининг улар ваколатларига кирувчи масалалар бўйича ҳисоботларини эшитади. Ҳайъатнинг қарорлари, қоидага кўра, «Ўздавэнергоназорат» агентлигининг буйруқлари билан ҳаётга жорий этилади. Бош директор билан ҳайъат ўртасида келишмовчиликлар келиб чиққан тақдирда, бош директор пайдо бўлган келишмовчиликлар тўғрисида Вазирлар Маҳкамасига ахборот берган ҳолда ўз қарорини ҳаётга жорий этади, ҳайъат аъзолари эса, ўз навбатида, ўз фикрларини Вазирлар Маҳкамасига маълум қилишлари мумкин».