Ўзбекистон Республикаси Ҳукумати ва Бельгия Қироллиги Ҳукумати, бундан буён «Аҳдлашувчи Томонлар» деб аталувчилар,

1944 йилнинг 7 декабрида Чикаго шаҳрида имзолаш учун очилган Халқаро Фуқаро Авиацияси Конвенциясининг қатнашчилари бўлгани ҳолда,

ўзларининг тегишли ҳудудлари ўртасида ва ҳудудларидан ташқарида мунтазам ҳаво қатновини йўлга қўйиш мақсадида юқорида қайд этилган Конвенцияга қўшимча қилиб Битим тузиш истагида,

Халқаро ҳаво транспортида хавфсизликни янада юқори даражага кўтариш истагида,

қуйидагилар хусусида аҳдлашиб олдилар:

Агар матнда бошқа мазмун кўзда тутилмаган бўлса, ушбу Битимнинг қўлланилиши ва изоҳлари мақсадида:

a) «Конвенция» атамаси 1944 йилнинг 7 декабрида Чикаго шаҳрида имзолаш учун очилган Халқаро Фуқаро Авиацияси тўғрисидаги Конвенцияни англатади ва ўша Конвенциянинг 90-моддасига биноан қабул қилинган ҳар қандай Иловани, ҳар икки Аҳдлашувчи Томон учун қай даражада кучга эгалиги ва эътироф этилганлигига қараб, 90 ва 94-моддаларга биноан Конвенцияга ёки унинг Иловаларига киритилган ҳар қандай тузатишни ўз ичига олади;

b) «Битим» атамаси ушбу Битимни, Битимнинг таркибий қисми бўлиб ҳисобланган унинг Иловаларини ва унга киритилган барча тузатишларни англатади;

c) «авиация маъмурлари» атамаси Ўзбекистон Республикасига нисбатан — Фуқаро Авиациясининг Бош директорини ва Бельгияга нисбатан — Алоқа вазирлигини, ёки ҳар иккала ҳолда юқорида уқтириб ўтилган маъмурлар бажарадиган ишларни амалга ошириш ваколати берилган ҳар қандай шахс ёки ташкилотни англатади;

d) «ҳудуд», «ҳаво қатнови», «халқаро ҳаво қатнови», «авиакорхона» ва «нотижорий мақсадларда тўхташ» атамалари Чикаго Конвенциясининг 2 ва 96-моддаларида кўрсатиб ўтилган маъноларни англатади;

е) «тайинланган авиакорхона» атамаси ушбу Битимнинг 3 ва 4-моддаларига мувофиқ тайинланган ва ваколат берилган авиация корхонасини англатади;

f) «келишилган йўллар» атамаси йўловчилар, юк ва почтани ушбу Битимнинг Иловасида белгиланган йўналишлар бўйича бирга ёки алоҳида ташишда ҳаво кемалари томонидан амалга ошириладиган ҳаво қатновини англатади;

g) «тарифлар» атамаси агентлик шартларни ва бошқа қўшимча қийматларни ўз ичига олгани ҳолда йўловчилар, йўловчилар юки ва юк ташиш учун сарфланган қийматни ҳамда бу қийматлар қўлланиладиган қоидаларни англатади, бироқ почта ташиш қиймати ва шартлари бунга кирмайди;

h) «ҳаво кемаларини алмаштириш» атамаси тайинланган авиакорхона томонидан келишилган йўлларнинг биридан шундай фойдаланишни англатадики, бунда мазкур йўналишнинг бир қисмида парвозни амалга ошираётган ҳаво кемасининг ҳажми шу йўналишнинг бошқа бир қисмидан фойдаланаётган ҳаво кемасининг ҳажмидан фарқ қилади.

i) «тайёра жиҳозлари», «ерда хизмат кўрсатиш мосламалари», «тайёра захиралари», «эҳтиёт қисмлар» атамалари Чикаго Конвенциясининг 9-иловасида кўрсатиб ўтилган маъноларни англатади.

1. Ҳар бир Аҳдлашувчи Томон иккинчи бир Аҳдлашувчи Томоннинг тайинланган авиакорхонасига, агарда Иловада бошқа нарса кўзда тутилмаган бўлса, халқаро ҳаво қатновларни йўлга қўйиш мақсадида қуйидаги ҳуқуқларни беради:

a) бошқа Аҳдлашувчи Томоннинг ҳудудидан қўнмаган ҳолда учиб ўтиш;

b) юқорида айтиб ўтилган ҳудудда нотижорий мақсадларда қўниш; ва

c) Иловада белгиланган йўналишлардан фойдаланиш чоғида халқаро ҳаво қатновларда биргаликда ёки алоҳида ташилаётган йўловчилар, юк ва почтани олиш ва тушириш мақсадида бошқа Аҳдлашувчи Томоннинг ҳудудида қўниш.

2. Ушбу модда 1-бандининг ҳеч қайси бир қоидаси бир Аҳдлашувчи Томоннинг тайинланган авиакорхонасига ҳақ эвазига ёки ёлланиш йўли билан Аҳдлашувчи Томоннинг ҳудудидаги бир манзилдан иккинчи бир манзилга ташиш учун йўловчилар, юк ва почтани олиш ҳуқуқини беради деб қаралмаслиги керак.

1. Ҳар бир Аҳдлашувчи Томон Иловада белгиланган йўналишлар бўйича келишилган йўллардан фойдаланиш мақсадида бошқа Аҳдлашувчи Томонни дипломатик ноталар орқали бу ҳақда хабардор қилган ҳолда бир авиакорхонани тайинлаш ҳуқуқига эга бўлади.

2. Ҳар бир Аҳдлашувчи Томон бошқа бир Аҳдлашувчи Томонни дипломатик йўллар орқали хабардор этган ҳолда тайинланган авиакорхонани тайинлашни бекор этиб, бошқасини тайинлаш ҳуқуқига эга бўлади.

1. Ушбу Битимнинг 3-моддасига мувофиқ бир Аҳдлашувчи Томоннинг авиакорхонани тайинлагани тўғрисидаги хабарномани олгандан сўнг, бошқа бир Аҳдлашувчи Томоннинг авиация маъмурлари ўзларининг қонун ва қоидаларига биноан, шу тарзда тайинланган авиакорхонага келишилган йўллардан фойдаланиш мақсадида парвозлар учун дарҳол тегишли рухсатномаларни беради.

2. Рухсатнома олган авиакорхона ушбу Битимнинг қўлланилиши лозим бўлган талабларни бажариш шарти билан келишилган йўлларда парвозларни амалга оширишни бошлаши мумкин, башарти-ки, тарифлар ушбу Битим 13-моддасининг шартларига биноан белгиланган бўлса.

1. Ҳар бир Аҳдлашувчи Томоннинг авиация маъмурлари бошқа Аҳдлашувчи Томоннинг тайинланган авиакорхонасига берилган парвозларга доир рухсатномаларни бекор қилиш ёки ушбу Битимнинг 4-моддасида келтирилган ҳуқуқлардан фойдаланишни вақтинча ёки умуман тўхтатиб қўйиш ёки бундай ҳуқуқлардан фойдаланишда ўзи зарур деб билган шартларни вақтинча ёки доимий тарзда бажарилишини талаб қилиш ҳуқуқига эга бўлади:

a) агар бу авиакорхона Конвенцияга мувофиқ халқаро ҳаво қатновларидан фойдаланиш чоғида одатдаги ва мақбул қонун ва қоидаларга бўйсунадиган талабларга риоя этмаётган бўлса;

b) ўша авиакорхона келишилган қатновларни амалга ошириш вақтида ушбу Битимда белгиланган талабларни бажара олмаётган бўлса;

c) агар бу авиакорхона ўша Аҳдлашувчи Томоннинг қонун ва қоидаларига керакли даражада риоя қилмаса;

d) авиакорхона устун даражада эгалик қилиш ёки унинг устидан ҳақиқий назорат ўрнатиш ушбу авиакорхонани тайинлаган Аҳдлашувчи Томонга ёки ўша Аҳдлашувчи Томоннинг фуқароларига қарашли эканлигига ишончи комил бўлмаган ҳар қандай ҳолатда.

2. Агар ҳуқуқларни бекор қилиш, тўхтатиб қўйиш ёки ушбу модданинг 1-банди шартларининг бажарилишини талаб қилиш қонун ва қоидаларнинг бундан буён бузилишининг олдини олиш учун зарур огоҳлантириш деб топилмаса, ушбу Битимнинг 17-моддасига биноан ҳар бир Аҳдлашувчи Томон бундай ҳуқуқдан иккинчи Аҳдлашувчи Томон билан маслаҳатлашувдан сўнггина фойдаланиши мумкин.

1. Ҳар бир Аҳдлашувчи Томоннинг халқаро навигацияда машғул бўлган ҳаво кемаларининг ўз ҳудудига учиб келиши ёки ундан жўнаб кетишини ёхуд бундай ҳаво кемасининг ўз ҳудудида бўлиш вақтидаги қатновни тартибга солувчи қонун ва қоидалари бошқа Аҳдлашувчи Томон тайинлаган авиакорхонасининг ҳаво кемалари шу кўрсатиб ўтилган ҳудудга кириб келишида, ундан чиқиб кетишида ва унда бўлиб турган пайтида уларга нисбатан қўлланилади.

2. Ҳар қайси Аҳдлашувчи Томоннинг ўз ҳудудига ҳаво кемасида йўловчилар, экипаж, юк ҳамда почтанинг келиши, унда бўлиб туриши, транзит ҳамда ундан жўнаб кетишини тартибга солувчи қонун ва қоидаларига, хусусан, кириш, иммиграция, паспорт, божхона, валюта ва санитарияга тааллуқли бўлган қоидаларига бошқа Аҳдлашувчи Томоннинг тайинланган авиакорхонасига қарашли ҳаво кемаси томонидан уқтириб ўтилган ҳудудга кириб келиши, унда бўлиб туриши ва ундан жўнаб кетаётган вақтида амал қилиниши лозим.

Ҳар бир Аҳдлашувчи Томоннинг ҳудудидан транзит орқали ўтадиган йўловчилар соддалаштирилган назоратдан ўтадилар.

3. Ушбу модданинг 1 ва 2-бандларида белгиланган қоидаларга риоя қилишда ёки ўз назорати остида бўлган тайёрагоҳлар, ҳаво йўллари, ҳаво ташув хизматлари ва ашё-анжомлардан фойдаланиш жараёнида ҳеч қайси Аҳдлашувчи Томон ўзи тайинлаган авиакорхонасини ёки бирон-бир бошқа авиакорхонани худди шундай халқаро ҳаво йўлларида парвозларни амалга ошираётган бошқа Аҳдлашувчи Томоннинг тайинланган авиакорхонасидан устун қўймаслиги керак.

1. Аҳдлашувчи Томонлардан бири берган, ёки ҳақиқий деб топган, ҳамда амалда бўлган яроқлик гувоҳномалари, ваколатлар ва рухсатномаларни Иловада белгиланган йўналишлар бўйича келишилган йўллардан фойдаланиш мақсадида бошқа Аҳдлашувчи Томон ҳам ана шу ҳужжатлар амалда бўлган вақтида ҳақиқий деб эътироф этади, башарти, бу гувоҳнома ва рухсатномалар берилишига ёхуд ҳақиқий деб эътироф этилишига асос бўлган талаблар Конвенцияга мувофиқ белгиланган талаблар даражасига тенг бўлса.

Ҳар бир Аҳдлашувчи Томон ўз фуқароларига ўзининг ҳудудидан парвозлар вақтида бошқа Аҳдлашувчи Томон берган ваколатлар ва рухсатномалар тўғрисидаги гувоҳномаларни эътироф қилишни рад этиш ҳуқуқини сақлаб қолади.

2. Ушбу модданинг 1-бандида айтиб ўтилган гувоҳномалар ва рухсатномалар Конвенция жорий этган мезон талабларидан фарқланса, ва, агар бу фарқ Фуқаро Авиацияси Халқаро Ташкилоти томонидан инобатга олинса, бошқа Аҳдлашувчи Томоннинг авиация маъмурлари ушбу Битимнинг 17-моддасига биноан ўзларини қониқтирадиган талабларни таъминлаш нуқтаи назаридан маслаҳатлашувлар ўтказишни талаб қилиш ҳуқуқига эгадир.

Парвозлар хавфсизлигига оид масалалар бўйича қониқарли келишувга эришишга муваффақ бўлмаган ҳолда, ушбу Битим 5-моддасининг қўлланилишига асос бўлади.

1. Аҳдлашувчи Томонлар ғайриқонуний аралашув хатти-ҳаракатларидан фуқаро авиациясининг хавфсизлигини таъминлашга доир зиммага оладиган ўзаро мажбуриятлари ушбу Битимнинг ажралмас қисмини ташкил қилишини тасдиқлайдилар.

2. Аҳдлашувчи Томонлар бир-бирларининг илтимосларига кўра ҳаво кемасини ғайриқонуний тутқун қилишнинг бу ҳаво кемаси, ундаги йўловчилар ва экипаж аъзоларига, тайёрагоҳлар ва қатновни таъминлаш воситаларига хавф туғдурувчи бошқа ғайриқонуний хатти-ҳаракатларнинг, шунингдек, фуқаро авиацияси хавфсизлигига таҳдид қилишнинг ҳар қандай кўринишининг олдини олишда бир-бирларига барча зарурий ёрдамни берадилар.

3. Аҳдлашувчи Томонлар 1963 йил 14 сентябрда Токиода имзоланган Ҳаво кемаларида содир этиладиган жиноятлар ва бошқа баъзи бир ҳаракатлар тўғрисидаги Конвенцияга, 1970 йил 16 декабрда Гаагада имзоланган Ҳаво кемаларини ғайриқонуний равишда тутқун қилиб олишга қарши курашиш тўғрисидаги Конвенцияга, ҳамда 1971 йил 23 сентябрда Монреалда имзоланган Фуқаро авиацияси хавфсизлигига қарши қаратилган ғайриқонуний ҳаракатлар ҳақидаги Конвенцияга мувофиқ ҳаракат қиладилар.

4. Аҳдлашувчи Томонлар ўзаро муносабатларида ўзларига маъқул келадиган даражада Фуқаро Авиацияси Халқаро Ташкилоти томонидан белгиланган ва Конвенцияга киритилган Иловаларда тавсифланган авиация хавфсизлиги қоидаларига мувофиқ иш кўрадилар; улар рўйхатга олиш бўйича ҳаво кемаларининг фойдаланувчиларидан, асосий фаолият жойи ёки доимий турар жойи ўз ҳудудларида жойлашган ҳаво кемаларининг фойдаланувчиларидан ва ўз ҳудудларида жойлашган халқаро тайёрагоҳларнинг фойдаланувчиларидан авиация хавфсизлигининг юқоридаги қоидаларига мувофиқ иш кўришларини талаб қиладилар.

5. Ҳар бир Аҳдлашувчи Томон бошқа Аҳдлашувчи Томоннинг ҳудудига ўзининг ҳаво кемаси учиб кириши учун шу бошқа Аҳдлашувчи Томоннинг талабига кўра авиация хавфсизлигини таъминлайди ва йўловчиларни, экипаж аъзоларини, йўловчи юки, табель мулки, ҳамда юкларни ҳаво кемаси саҳнига олиш ёки ортиш вақтидан олдин текшириш учун самарали чора-тадбирларни кўради. Бундан ташқари, ҳар бир Аҳдлашувчи Томон бошқа Аҳдлашувчи Томоннинг, башарти, тайёра ва йўловчиларга аниқ таҳдид мавжуд бўлган ҳолда, оқилона доираларда хавфсизликни таъминлаш юзасидан махсус чора-тадбирлар кўришга доир илтимосларини ҳам хайрихоҳлик билан кўриб чиқади.

6. Башарти, фуқаро ҳаво кемаси тутқун қилиб олинса ёки уни тутқун қилиш таҳдиди мавжуд бўлса ёки ҳаво кемаси, ундаги йўловчилар ва экипаж аъзоларига тайёрагоҳлар ва қатновни таъминлаш воситаларига бошқа ғайриқонуний хатти-ҳаракатлар билан таҳдид қилинса, Аҳдлашувчи Томонлар алоқани енгиллатиш ва бундай кўнгилсизлик ёки таҳдидга жадал, ҳамда бешикаст барҳам беришнинг барча зарур чора-тадбирларини кўриш орқали бир-бирларига кўмак берадилар.

7. Башарти, Аҳдлашувчи Томонлардан бирон-бири иккинчи Аҳдлашувчи Томон ушбу модданинг авиация хавфсизлигига оид қоидаларидан чекиняпти деб ҳисоблаш учун етарли асосга эга бўлса, ушбу Аҳдлашувчи Томоннинг авиация маъмурларига тезда маслаҳатлашувлар ўтказилиши тўғрисидаги талабни қўйиши мумкин. Маслаҳатлашувлар ўтказиш тўғрисида илтимос тушган кундан бошлаб 30 (ўттиз) кун ичида бирон-бир қониқарли келишувга кела олмасалар, бу ҳол ушбу Битим 5-моддасининг қўлланилишига асос бўлади.

1. Бир Аҳдлашувчи Томоннинг ҳудудида бошқа Аҳдлашувчи Томон тайинлаган авиакорхонасининг ҳаво кемаларига халқаро ҳаво қатновларни амалга ошириш вақтида бошқа Аҳдлашувчи Томоннинг тайёрагоҳларидан ва бошқа авиация воситаларидан фойдаланиши учун олинадиган йиғимлар, бирон-бир Учинчи Томон Давлатининг шундай халқаро йўлларда парвозларни амалга ошираётган миллий авиакорхонасига солинадиган солиқдан юқори бўлмаслиги лозим.

2. Ҳар бир Аҳдлашувчи Томон харажатлар соҳасида ваколатга эга бўлган ўзларининг маъмурлари ва авиация воситаларидан ва ҳаво йўлларидан фойдаланувчи тайинланган авиакорхоналар, кези келганда эса, авиакорхоналар вакиллик ташкилотлари ўртасида маслаҳатлашувлар ўтказилишини қўллаб-қувватлайди. Йиғимларга мўлжалланган ўзгартиришни киритишдан аввал бу ўзгартиришлар амалда қўлланилишидан олдин ўз фикрларини изҳор этиш ҳуқуқи билан хизматлардан фойдаланувчиларга оқилона хабарнома тақдим этилиши лозим.

1. Ҳар бир Аҳдлашувчи Томон бошқа Аҳдлашувчи Томоннинг тайинланган авиакорхонасини имкон қадар тўлақонли равишда ўзининг давлат қонунлари доирасида ёқилғи, мойлаш воситалари, қўлланиладиган техник захиралар ва двигателларни ўз ичига олган ҳолда, эҳтиёт қисмлар, доимий тайёра асбоб-ускуналари, ерда хизмат кўрсатиш учун мўлжалланган анжомлар, тайёра захиралари ва бошқа эҳтиёжларни қониқтириш учун мўлжалланган ва бу бошқа Аҳдлашувчи Томон тайинлаган авиакорхонасининг ҳаво кемаси келишилган йўллардан фақат фойдаланиш ва хизмат кўрсатиш учун мўлжалланган маҳсулотларга бўлган импорт чекланишлари, божхона божлари, солинадиган солиқлар, нозирлик йиғимлардан ва бошқа Аҳдлашувчи Томоннинг тайинланган авиакорхонаси ҳаво кемаларини келишилган йўллардан фойдаланаётган вақтида озод қилади, шунингдек, чоп этилган чипта захиралари, юк ташишга оид қоғозлар, бепул тарқатиш учун мўлжалланган, шу авиакомпания нишонасига эга бўлган чоп этилган ҳар қандай материал ҳам шунга киради.

2. Ушбу моддада назарда тутилган озод қилиш ушбу модданинг 1-бандида зикр қилинган буюмларга тааллуқлидир, шу шарт биланки, Аҳдлашувчи Томонларнинг ҳудудларида, озод қилишга рухсати бўла туриб бутунлай ёки қисман ишлатилишидан қатъи назар, бу буюмлар:

а) бир Аҳдлашувчи Томоннинг ҳудудига бошқа Аҳдлашувчи Томон тайинлаган авиакорхонаси томонидан ёки унинг номидан олиб кирилган бўлса, бироқ ушбу буюмлар айтиб ўтилган Аҳдлашувчи Томоннинг ҳудудида ўзгалар томонидан ишлатилиши учун берилмаган бўлса;

b) бир Аҳдлашувчи Томон тайинлаган авиакорхонасининг ҳаво кемасида бошқа Аҳдлашувчи Томоннинг ҳудудига келган ёки ундан жўнаб кетаётган пайтида ҳаво кемасида сақланиб қолган бўлса;

c) бир Аҳдлашувчи Томон тайинлаган авиакорхонасининг ҳаво кемаси бошқа Аҳдлашувчи Томоннинг ҳудудида тайёра саҳнига олган ва келишилган йўлларда парвоз қилиш вақтида ишлатиш учун мўлжалланган бўлса.

3. Тайёранинг табель мулки, ерда хизмат кўрсатиш учун мўлжалланган мосламалар, шунингдек, ҳар бир Аҳдлашувчи Томон тайинлаган авиакорхонасининг ҳаво кемаларида сақланадиган ашёлар ва захиралар бошқа Аҳдлашувчи Томоннинг ҳудудига ўша ҳудуд божхона маъмуриятининг рухсати билан туширилиши мумкин. Бу ҳолда, улар орқага қайтариб олингунга ёки божхона қоидаларига биноан бошқа қарорини топгунга қадар кўрсатиб ўтилган маъмурларнинг назорати остида жойлаштирилиши даркор.

4. Бевосита транзит орқали ўтадиган йўловчилар юки ва юклар божхона солиқлари ва бошқа чиқимлардан озод қилинади.

5. Ушбу моддада келтирилган солиқлар ва чиқимлардан озод қилиш бир Аҳдлашувчи Томоннинг тайинланган авиакорхонаси бошқа Аҳдлашувчи Томон берган худди шундай ҳуқуқларга эга бўлган бошқа авиакорхона билан ўша бошқа Аҳдлашувчи Томоннинг ҳудудида ушбу модданинг 1-бандида келтирилган ашёлардан вақтинча фойдаланиш ёки уларни бериш юзасидан шартнома тузган ҳолда ҳам ўз кучига эгадир.

1. Ҳар иккала Аҳдлашувчи Томоннинг тайинланган авиакорхонасига ушбу Битимнинг Иловасида белгиланган йўналишлар бўйича уларга тегишли ҳудудлар ўртасида ва ҳудудлардан ташқаридаги келишилган ҳаво йўлларидан фойдаланиш учун мақбул ва тенг имкониятлар яратиб берилади.

2. Бир Аҳдлашувчи Томоннинг тайинланган авиакорхонаси келишилган йўллардан фойдаланиш чоғида ўзидан кейин шу йўналишдан тўла ёки унинг бир қисмидан фойдаланадиган бошқа Аҳдлашувчи Томон тайинлаган авиакорхонанинг манфаатларига ноодил зиён етказмасликни назарда тутган ҳолда иш кўради.

3. Аҳдлашувчи Томонларнинг тайинланган авиакорхоналари томонидан келишилган йўлларда амалга оширилаётган қатновлар белгиланган йўналишларда умумий ҳаво ташувига бўлган аҳолининг эҳтиёжларига боғлиқ равишда мувофиқ келишлари лозим ва ҳар бир тайинланган авиакорхона тегишли ҳудудлар ўртасида йўловчиларни, юк ва почтани ташишга бўлган мавжуд ва одил мўлжалланган эҳтиёжларига жавоб бера оладиган иш юклашни маъқул миқдорида ҳажмни таъминлашни биринчи даражали масала деб билишлари лозим.

4. Тайинланган авиакорхоналар барча келишилган йўллардан фойдаланишни бошлашдан 30 (ўттиз) кун аввал ўзлари мўлжаллаётган парвоз дастурларини тасдиқлаш учун ҳар иккала Аҳдлашувчи Томоннинг тайинланган авиакорхонасига тақдим этадилар. Айтиб ўтилган парвоз дастурларига хизмат ва фойдаланадиган ҳаво кема турлари, қатновларнинг такрорийлиги ва учиш жадвали тўғрисида маълумотлар киради. Бу кейинги киритиладиган ўзгартиришларга ҳам тааллуқлидир. Айрим ҳолларда бу муддат айтиб ўтилган маъмурлар билан келишилган ҳолда қисқартирилиши мумкин.

Аҳдлашувчи Томонлардан бирининг тайинлаган авиакорхонаси бошқа Аҳдлашувчи Томоннинг ҳудудида қуйидаги шартларга риоя қилган ҳолда ҳаво кемаларни алмаштириши мумкин:

a) бу ҳаракат иқтисод жиҳатдан ўзини оқласа;

b) авиакорхонани тайинлаган Аҳдлашувчи Томоннинг ҳудудидан узоқ масофадаги йўналишлар қисмида парвозни амалга ошираётган ҳаво кемаси фақат йўналишнинг яқин қисмида парвозни амалга ошираётган ҳаво кемаси билан боғланган ҳолда иш тутса ва бу масалалар учиш жадвалида акс эттирилган бўлса; биринчи ҳаво кема алмашиш манзилига ҳаво йўли билан ташилаётганларни иккинчи тайёрага кўчириб ўтказиш ёки ундан кўчириб олиш мақсадида алмашиш манзилига етиб келганда, ҳажм дастлаб кўзланган мақсадга асосланган ҳолда ўзгармаслиги керак;

c) агар ушбу Битимнинг Иловасида алоҳида айтиб ўтилганлардан ташқари авиакорхона йўловчиларни эълон орқали ёки бошқа йўллар билан ҳаво кемасини алмаштирган манзилидан ҳаво қатновларни бажариш ҳақида хабарнома бермоқчи бўлса;

d) агар Аҳдлашувчи Томонларнинг бири ҳаво кемаси алмашадиган бошқа Аҳдлашувчи Томоннинг ҳудудига парвозни бажараётган бўлса, у ҳолда мана шу бошқа Аҳдлашувчи Томоннинг ҳудудидан фақатгина битта қатновни амалга ошириши мумкин, агарда бу Аҳдлашувчи Томоннинг авиация маъмурлари томонидан бир неча қатновларни бажаришга рухсатнома берилмаган бўлса ҳам.

1. Аҳдлашувчи Томонлар ушбу Битимнинг Иловасида кўрсатилган жадваллар учун берилган тарифларни, иложи борича, ҳар иккала тайинланган авиакорхоналар билан мувофиқлаштирилгандан сўнг белгилашлари лозим.

2. Бир Аҳдлашувчи Томоннинг тайинланган авиакорхонаси томонидан бошқа Аҳдлашувчи Томоннинг ҳудудидан ёки ҳудудига келишилган йўлларда ташувлар учун олинадиган тарифларни барча мавжуд омилларни — фойдаланиш харажатларини, фойданинг оқилона миқдорини, хизмат кўрсатиш тавсифини, фойдаланувчиларнинг манфаатларини назарга олиб, агар жоиз бўлса, бошқа авиакорхоналарнинг тарифларини ҳисобга олган ҳолда белгиланиши лозим.

3. Келишилган тарифлар уларни амалда жорий қилиш тахмин қилинган кунга энг камида 45 (қирқ беш) кун қолганда ҳар иккала Аҳдлашувчи Томоннинг авиация маъмурларига тасдиқ учун тақдим этилиши лозим; махсус ҳолларда, бу муддат номлари зикр этилган маъмурлар томонидан қисқартирилиши мумкин.

Агар Аҳдлашувчи Томонлардан ҳеч қайси бири тарифлар тасдиқ учун тақдим қилинган кундан бошлаб 30 (ўттиз) кун ичида бошқа Аҳдлашувчи Томоннинг авиация маъмурларига бу тарифлар бўйича рози эмасликлари тўғрисидаги билдиришни юбормасалар, бу тарифлар ўз-ўзидан тасдиқланган ҳисобланиб таклиф қилинган тарифлар тасдиқ учун берилган кундан бошлаб кучга киради.

Агарда тасдиққа тақдим қилиш муддати авиация маъмурлари томонидан қисқартирилса, улар ўзаро келишувга мувофиқ норозиликни билдириш тўғрисидаги 30 (ўттиз) кунлик муддат янада қисқартирилиши мумкин.

4. Агарда тарифлар борасида норозилик ушбу модданинг 3-бандига мувофиқ қабул қилинган бўлса, Аҳдлашувчи Томонларнинг авиация маъмурлари ушбу Битимнинг 17-моддасига мувофиқ маслаҳатлашувлар ўтказадилар ва тарифларни ўзаро келишув орқали белгилайдилар.

5. Агарда авиация маъмурлари ушбу модданинг 3-бандига биноан олинган бирон-бир тариф борасида келиша олмасалар ёки ушбу модданинг 4-бандига мувофиқ бирон-бир тарифни белгилай олмаган тақдирларида, ушбу Битимнинг 18-моддасига биноан бу масалалар бўйича бир-бирлари билан баҳслашувлар олиб борадилар.

6. Агарда Аҳдлашувчи Томонлардан бирининг авиация маъмурлари тасдиқланган тарифларга розилик билдирмасалар, бу ҳолда улар бошқа Аҳдлашувчи Томоннинг авиация маъмурларига хабарнома юборадилар ва тайинланган авиакорхоналар бу масалани ҳал қилишга барча куч ва ғайратларини қўллашлари лозим.

Агарда норозилик тўғрисида билдириш олинган кундан бошлаб 90 (тўқсон) кун ичида янги тариф белгиланмаса, ушбу модданинг 4 ва 5-бандларидаги қоидалар кучга киради.

7. Тарифлар ушбу модданинг қоидаларига мувофиқ белгиланган бўлса, бу тарифлар ушбу модданинг ёки ушбу Битим 18-моддасининг қоидаларига биноан янги тарифлар белгилангунга қадар ўз кучини сақлаб қолади.

8. Ҳеч қандай тариф кучга кира олмайди, агар у Аҳдлашувчи Томонларнинг авиация маъмурлари томонидан тасдиқланмаган бўлса, бундан ташқари ҳолларда эса, улар ушбу Битим 18-моддаси 4-бандининг қоидаларига бўйсунадилар.

9. Ҳар иккала Аҳдлашувчи Томонларнинг авиация маъмурлари тасдиқланган тарифларни камайтирмасдан тўғри қўлланилишини назорат қилиб туришни таъминлайдилар.

1. Ҳар бир Аҳдлашувчи Томонларнинг тайинланган авиакорхонаси ўзаро тенглик асосида бошқа Аҳдлашувчи Томоннинг ҳудудида келишилган йўллардан фойдаланишни таъминлаб турадиган ўзининг вакиллари бўлган тижорий, техник ва идора хизматчиларини ушлаб туриш ҳуқуқига эгадир.

2. Ваколатхона ходимлари тайинланган авиакорхона ихтиёрига биноан бошқа Аҳдлашувчи Томон ҳудудида ва шу бошқа Аҳдлашувчи Томоннинг ҳудудида парвозларни амалга оширишга ваколати бўлиб фаолият кўрсатаётган исталган мамлакатнинг фуқароси бўлган ёки бошқа ташкилотлар, компаниялар ёки авиакорхоналарнинг ходимларидан бўлиши мумкин.

3. Вакиллар ва ходимлар бошқа Аҳдлашувчи Томоннинг жорий қонунларига амал қиладилар. Ҳар бир Аҳдлашувчи Томон ўзининг қонунларига мувофиқ ўзаро тенглик асосида ва дарҳол зарурий ишлаш учун рухсатномаларни, ишлаш ҳуқуқи билан визаларни ва бошқа шунинг сингари ҳужжатлар билан ушбу модданинг 1-бандида келтирилган вакиллар ва ходимларни таъминлаши лозим.

4. Миллий қонун йўл қўйган даражада, ҳар икки Аҳдлашувчи Томонлар ишлаш учун рухсатномаларсиз ёки ишлаш ҳуқуқи билан визаларсиз ёки бошқа бирон-бир вақтинчалик хизмат ва мажбуриятларни шахсан бажариш учун бериладиган шунинг сингари ҳужжатларнинг йўқлиги билан қаноатланиши мумкин.

1. Ҳар бир тайинланган авиакорхона бошқа Аҳдлашувчи Томоннинг тайинланган авиакорхонасига бевосита, ёки ўзининг хоҳишига қараб, агентлар орқали, бошқа Аҳдлашувчи Томоннинг ҳудудида авиа ташув хизматларини эркин сотишга ҳуқуқлар беради.

Ҳар бир тайинланган авиакорхонага ўша ҳудуднинг валютасида, ёки, ўзининг хоҳишига қараб, бошқа давлатларнинг эркин алмашадиган валютасида ҳар икки Аҳдлашувчи Томон давлатларининг қонун ва қоидаларига асосан сотувларни амалга ошириш ҳуқуқи берилади. Хоҳлаган шахс ўша авиакорхона сотувлар учун қабул қилган валютада бу авиа ташувларни эркин сотиб олиш ҳуқуқига эгадир.

2. Ҳар бир Аҳдлашувчи Томон бошқа Аҳдлашувчи Томоннинг тайинланган авиакорхонасига ўзининг ҳудудида тайинланган авиакорхона томонидан ишлаб топилган маблағларнинг харажатлардан ортган фойда қисмини эркин ўтказиш ҳуқуқини беради. Бундай ўтказишлар жорий хизматлар учун белгиланган алмаштиришнинг расмий қиймати бўйича, ёки алмаштиришнинг расмий қиймати бўлмаган ҳолларда, бошқа Аҳдлашувчи Томон тайинлаган авиакорхонасининг пул ўтказиш тўғрисидаги илтимоси тушган кундан бошлаб қабул қилинган жорий муомалалар учун устунлик қилаётган хорижий биржада белгиланган баҳода амалга оширилади ва бу маблағлар ўтказиш жараёнида банк томонидан олинадиган воситачилик ҳақидан ташқари барча бошқа солиқ ва йиғимлардан озод қилинадилар.

3. Ҳар бир Аҳдлашувчи Томон, ўзаро тенглик муносабатларига асосланган ҳолда, бошқа Аҳдлашувчи Томоннинг тайинланган авиакорхонасига биринчи Аҳдлашувчи Томоннинг ҳудудида ўша авиакорхонанинг халқаро ҳаво қатновларини амалга ошириш натижасида ишлаб топилган маблағларга солинадиган барча солиқ ва йиғимларнинг турларидан, шунингдек, муомаладан ёки маблағлардан олинадиган солиқлардан ҳам озод қилинади.

Башарти, ҳар иккала Аҳдлашувчи Томоннинг ўртасида бундай солиқлардан озод қилишни таъминлайдиган икки ҳисса солиқ солишни бекор қилиш тўғрисидаги Конвенция кучга эга бўлса, бу қоида қўлланмайди.

1. Ҳар иккала Аҳдлашувчи Томоннинг авиация маъмурлари, мумкин қадар тезлик билан, бошқа Аҳдлашувчи Томоннинг ҳудудига, ҳудуди орқали ва ҳудудидан хизматни амалга ошириш учун тегишли тайинланган авиакорхоналарга бериладиган ваколатга оид маълумотлар билан бир-бирларини таъминлайдилар. Булар ўз ичига барча ўзгартиришлар кўрсатилган ҳолда белгиланган йўналишлар бўйича қатновларни амалга оширишга жорий ваколат ва рухсатномаларнинг нусхаларини, озод қилиш тўғрисидаги фармонларни ва хизмат кўрсатиш рухсатномаларининг намуналарини олади.

2. Ҳар бир Аҳдлашувчи Томон ўзининг тайинланган авиакорхонасидан бошқа Аҳдлашувчи Томоннинг авиация маъмурларини, имкон қадар олдиндан, тарифларнинг нусхаси, барча ўзгартиришлар киритилган ҳолда учиш жадвалларини,ҳар бир белгиланган йўналишлар бўйича таъминланаётган ҳажм тўғрисидаги маълумотларни ўз ичига олгани ҳолда, келишилган йўлларда қатновларни амалга оширишга оид барча зарур маълумотларни, ҳамда бошқа Аҳдлашувчи Томоннинг авиация маъмурлари кейинчалик талаб қилишлари мумкин бўлган барча маълумот ва хабарномалар билан таъминлашларини ушбу Битим талабларининг бажарилишини кўздан кечириб чиқиш нуқтаи-назаридан талаб қиладилар.

3. Ҳар бир Аҳдлашувчи Томон ўзининг тайинланган авиакорхонасидан бошқа Аҳдлашувчи Томоннинг авиация маъмурларини юкни ортиш ёки тушириш манзиллари кўрсатилган келишилган йўлларда амалга оширилаётган авиа ташувларига тааллуқли бўлган статистика маълумотлари билан таъминлашни талаб қилади.

1. Аҳдлашувчи Томонларнинг авиация маъмурлари яқиндан ҳамкорлик қилиш руҳида ушбу Битим ва унинг Иловалари қоидаларининг бажарилишини ва қониқарли даражада амалга оширилишини таъминлаш нуқтаи назаридан вақти-вақти билан маслаҳатлашувлар ўтказиб турадилар.

2. Аҳдлашувчи Томонлар маслаҳатлашувлар ўтказиш муддати борасида бирон бир келишувга эришаолмасалар, бундай ҳолларда маслаҳатлашувлар талаб тушган кундан бошлаб 60 (олтмиш) кун ичида бошланиши лозим.

1. Ушбу Битимни талқин қилиш ва қўллаш юзасидан Аҳдлашувчи Томонларнинг ўртасида келиб чиққан ҳар қандай низо биринчи навбатда тўғридан-тўғри музокаралар орқали ҳал қилиниши лозим.

2. Башарти, Аҳдлашувчи Томонлар музокаралар орқали муросага кела олмасалар улар бу баҳсни ҳал этишни бир шахсга ёки ташкилотга, агар булар ҳам бирор муросага кела олмаслар ҳал қилиш учун уч ҳакамдан ташкил топган Арбитраж ихтиёрига топширишлари мумкин.

3. Ҳукм чиқарадиган Арбитраж қуйидагилардан иборатдир:

Баҳсни ҳал қилиш учун ҳакамлар ҳайъатини тайинлаш тўғрисида дипломатик каналлар орқали талаб тушган кундан бошлаб Аҳдлашувчи Томонларнинг ҳар бири 60 (олтмиш) кун ичида биттадан ҳакамни тайинлаши лозим. Бу икки ҳакам 60 (олтмиш) кунлик давр ичида учинчи ҳакамни тайинлаши лозим.

Учинчи ҳакам учинчи Давлат фуқароси бўлиб, Президент сифатида иш кўради ва ҳакамлик қилиш жойини ўзи аниқлайди.

Башарти, Аҳдлашувчи Томонлардан бири белгиланган муддат ичида ўз ҳакамини тайинлай олмаса ёки учинчи ҳакам белгиланган муддатда тайинланмаса, Фуқаро Авиацияси Халқаро Ташкилоти Кенгашининг Президентига Аҳдлашувчи Томонлардан исталган бири томонидан заруриятга қараб ҳакамни ёки ҳакамларни тайинлаш тўғрисидаги талаб қўйилиши мумкин.

4. Аҳдлашувчи Томонларнинг ҳар бири трибунал чиқарган ҳар қандай ҳукм ва қарорни ушбу модданинг 2 ва 3-бандларига мувофиқ бажарадилар.

Башарти, бир Аҳдлашувчи Томон бундай қарорни бажара олмаса, бу бошқа Аҳдлашувчи Томон учун ушбу Битимнинг 5-моддасини қўллашга асос бўлади.

5. Трибуналга сарфланадиган барча харажатлар Аҳдлашувчи Томонлар ўртасида тенг бўлиниши лозим.

1. Башарти, Аҳдлашувчи Томонлардан бири ушбу Битимнинг айрим қоидаларини ўзгартириш мақсадга мувофиқ деб ҳисобласа у бошқа Аҳдлашувчи Томонга маслаҳатлашув ўтказиш тўғрисида талаб қўйиши мумкин. Бундай маслаҳатлашув музокаралар ёки ёзишмалар йўли билан амалга оширилиши мумкин ва талаб тушган кундан бошлаб 60 (олтмиш) кун ичида бошланиши лозим.

2. Башарти, ҳар иккала Аҳдлашувчи Томонларга нисбатан кўп томонлама Конвенция кучга кирган бўлса, ушбу Конвенциянинг қоидалари устувор ҳисобланади. Ушбу модданинг 1-бандига биноан маслаҳатлашувлар кўп томонлама Конвенциянинг қоидалари ушбу Битимга кўрсатадиган таъсир кўламини аниқлаш учун ўтказилади.

3. Бундай маслаҳатлашувлар орқали келишиб олинган ўзгартиришлар дипломатик ноталар алмашиш йўли билан тасдиқлангандан сўнг кучга киради.

1. Ҳар бир Аҳдлашувчи Томон хоҳлаган вақтида бошқа Аҳдлашувчи Томонни ушбу Битимнинг амал қилиш муддатини тўхтатиш истагида эканлигидан ёзма равишда хабардор қилиши мумкин.

Бундай хабарнома бир вақтнинг ўзида Фуқаро Авиацияси Халқаро Ташкилотига ҳам юборилиши лозим.

2. Бу ҳолда ўзаро келишувга асосан хабарнома орқага қайтариб олинмаса, ушбу Битим ўз амал муддатини бир Аҳдлашувчи Томон олган кундан бошлаб 1 (бир) йиллик муддат ўтгандан сўнг якунлайди. Башарти, бошқа Аҳдлашувчи Томон хабарнома олганининг тасдиғи бўлмаса, Фуқаро Авиацияси Халқаро Ташкилоти хабарнома олганидан сўнг 14 (ўн тўрт) кун ўтгач бошқа Аҳдлашувчи Томоннинг тасдиғи олинган ҳисобланади.

Ушбу Битим ва унга кирган ҳар қандай ўзгартиришлар Фуқаро Авиацияси Халқаро Ташкилотида рўйхатдан ўтказилиши лозим.

Ҳар бир Аҳдлашувчи Томон бошқа Аҳдлашувчи Томонга ушбу Битим кучга кириши учун лозим бўлган ўзининг тегишли ички қонунчилик тартиботларини амалга ошириб бўлганлиги тўғрисидаги хабарномани дипломатик ноталари орқали тақдим этадилар.

Битим охирги хабарнома олинган кундан бир ой ўтгач, биринчи кундан бошлаб кучга киради.

Ушбуни тасдиқлаб, ўз Ҳукуматлари томонидан тегишли ваколатга эга бўлган мухтор вакиллар мазкур Битимни имзоладилар.

1996 йилнинг 14 ноябрида Тошкент шаҳрида инглиз тилида икки нусхада имзоланди.