Ўзбекистон Республикаси Президентининг «Йирик саноат корхоналари билан касаначиликни ривожлантириш асосидаги ишлаб чиқариш ва хизматлар ўртасида кооперацияни кенгайтиришни рағбатлантириш чора-тадбирлари тўғрисида»ги 2006 йил 5 январдаги ПФ-3706-сонли Фармонини амалга ошириш мақсадида Вазирлар Маҳкамасининг 2006 йил 11 январдаги 4-сонли қарорининг ижросини таъминлаш, туманда иш билан банд бўлмаган аҳолини уйда маҳсулотлар ишлаб чиқариш, хизматлар кўрсатиш ишларини бажаришга жалб этиш учун иш берувчиларга реал рағбатлар яратиш, касаначиларнинг қонун ҳужжатларида белгиланган ижтимоий ва меҳнат кафолатларини янада яхшилаш мақсадида, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1. Туманда 2013 йилда касаначилик уй меҳнатини ташкил қилиш Дастури 1-иловага* мувофиқ тасдиқлансин.

2. Туманда корхоналар билан уйда маҳсулотлар ишлаб чиқарадиган ва хизматлар кўрсатадиган фуқаролар ўртасида кооперацияни мувофиқлаштириш, қўллаб-қувватлаш ва ривожлантириш бўйича ишчи комиссия тузилсин ва унинг таркиби 2-иловага* мувофиқ тасдиқлансин.

3. Туман ишчи комиссия раиси (С. Қаюмов)га:

белгиланган режани қатъий бажарилишини назорат қилиш;

ҳар ой якуни билан Дастур ижроси бўйича ишчи гуруҳ йиғилишларини ўтказиб, корхоналар кесимида таҳлил олиб бориш;

касаначиларнинг доимий иш билан таъминланиши билан боғлиқ бўлган муаммоларни, яъни хом ашё, ишлаб чиқариш жиҳозлари билан таъминланиши, ойлик иш ҳақларининг ойма-ой берилишини назоратга олиш топширилсин.

4. 2013 йилда касаначилик уй меҳнатини ташкил қилиш бўйича туман Дастурига киритилган корхона, ташкилот ва хўжалик раҳбарларига:

дастурда белгиланган режа топшириқларнинг бажарилиши бўйича шахсан жавобгар эканликлари уқтирилсин;

ҳар ой якуни билан касаначилик уй меҳнатини ташкил қилиш бўйича амалга оширилган ишлар юзасидан ҳар бир яратилган касаначи иш ўрни, ишга қабул қилинган касаначи билан тузилган шартнома нусхаси, ишга қабул қилиш тўғрисидаги буйруқлардан кўчирма, касаначига тўланган иш ҳақи ведомости нусхаси, касаначига етказиб берилган хом ашё ва улар томонидан ишлаб чиқарилаётган маҳсулот тўғрисидаги маълумотларни туман ишчи гуруҳига тақдим қилиш топширилсин.

5. Туман Бандликка кўмаклашиш ва аҳолини ижтимоий муҳофаза қилиш маркази директори (Б. Йўлдошев)га:

касаначилик уй меҳнати билан шуғулланаётган фуқароларга нисбатан меҳнат тўғрисидаги қонунларга риоя қилиниши устидан назоратни таъминлаш;

қарор ижросини таъминлаш бўйича ўтказилган мониторинг натижаларини 2-нусхада туман ҳокимлигига тақдим қилиб бориш вазифаси юклатилсин.

6. Туман Статистика бўлими бошлиғи (Ш. Суюнов)га туман ҳокимлигига корхоналарнинг касаначилик меҳнати билан банд бўлган ходимлари сони тўғрисидаги маълумотларни белгиланган муддатларда тақдим этишни таъминласин.

7. «Оқолтин овози» газетасига: (А. Пардаев) мазкур қарорни халқ ўртасида кенг тарғиб қилиш ва кенг халқ оммасига етказиб бориш мақсадида газета саҳифаларида кенг ёритиб бориш вазифаси юклатилсин.

8. Мазкур қарорнинг бажарилиш назоратини туман ҳокимлиги бош мутахассиси С. Қаюмов зиммасига юклатилсин.