«Чиқиндилар тўғрисида»ги, «Истеъмолчиларнинг ҳуқуқларини ҳимоя қилиш тўғрисида»ги Ўзбекистон Республикаси қонунлари, Ўзбекистон Республикаси Вазирлар Маҳкамасининг 2010 йил 28 октябрдаги «Товарлар (ишлар, хизматлар) га тартибга солинадиган нархлар (тарифлар) ни декларация қилиш (тасдиқлаш) ва белгилаш тартибини янада такомиллаштириш чора-тадбирлари тўғрисида»ги 239-сонли ҳамда Вазирлар Маҳкамасининг 2014 йил 15 июлдаги «Коммунал хизматлар кўрсатиш қоидаларини тасдиқлаш тўғрисида»ги 194-сонли қарорларини бажариш мақсадида вилоят Молия бошқармасининг 2014 йил 16 октябрдаги 01-02-02-5167/01-27ВХ-сонли хулосасини инобатга олиб, қарор қиламан:

1. Қуйидагилар:

Навоий шаҳридаги «STIMUL-NAVOIY» хусусий корхонаси томонидан Навоий шаҳридан йиғиладиган қаттиқ маиший чиқиндиларни зарарсизлантириш хизмати тарифи 1-иловага;

Навоий шаҳридан қаттиқ маиший чиқиндиларни йиғиш ва ташиб кетиш хизмати тарифи 2-иловага мувофиқ тасдиқлансин хамда 2014 йил 1 ноябрдан жорий этилсин.

2. Вилоят ҳокимининг 2013 йил 4 апрелдаги Қ-62-сонли қарори («Дўстлик байроғи» газетаси, 2014 й., 28 (3270)-сон) ўз кучини йўқотган деб ҳисоблансин.

3. Навоий шаҳридаги «STIMUL-NAVOIY» хусусий корхонаси шаҳар ҳудудидаги истеъмолчиларга ўз вақтида сифатли хизмат кўрсатилишини таъминласин.

4. Капитал қурилиш, коммуникациялар, коммунал хўжалиги ва ободонлаштириш масалалари котибияти (Атабаев)га ушбу қарорни «Дўстлик байроғи» ва «Знамя дружбы» газеталарида расман эълон қилинишини;

вилоят ҳокимлиги Компьютерлаштириш маркази (Муртазаев)га мазкур қарорни вилоят ҳокимлигининг расмий веб-сайтида жойлаштирилишини таъминлаш топширилсин.

5. Ушбу қарорнинг бажарилишини назорат қилиш вилоят ҳокимининг биринчи ўринбосари А. Эшонқулов зиммасига юклатилсин.