«Маҳаллий давлат ҳокимияти тўғрисида»ги Ўзбекистон Республикаси Қонунига, Ўзбекистон Республикаси Президентининг 2013 йил 25 декабрдаги «Ўзбекистон Республикасининг 2014 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги ПҚ-2099-сонли ва бу юзадан вилоят ҳокимининг 2013 йил 30 декабрдаги 307-қ-сонли қарорларига асосан қарор қиламан:

1. Ўзбекистон Республикаси Президентининг 2013 йил 25 декабрдаги «Ўзбекистон Республикасининг 2014 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги ПҚ-2099-сонли ва бу юзадан вилоят ҳокимининг 2013 йил 30 декабрдаги 307-қ-сонли қарорлари раҳбарлик ва ижро учун қабул қилинсин.

2. Қуйидагилар:

Боғот туманининг 2014 йилги маҳаллий бюджетининг асосий параметрлари 1-иловага* мувофиқ;

туман маҳаллий бюджетларининг 2014 йилги даромадлари ва харажатлари ҳажмлари, вилоят бюджетидан бериладиган мақсадли субвенцияларнинг чекланган миқдорлари 2-иловага* мувофиқ;

туман маҳаллий бюджетига умумдавлат солиқлар тушумларидан ажратмалар нормативлари 3-иловага* мувофиқ;

туман маҳаллий бюджетининг нақд пул касса айланмасининг йўл қўйиладиган энг кам миқдорлари 4-иловага* мувофиқ тасдиқлансин.

3. Туман молия бўлимига тегишли маҳаллий бюджетга юқори бюджетдан субвенциялар ва ссудалар (даромадлар ва харажатлар ўртасидаги вақтинчалик касса тафовутларини қоплаш учун) олинишида, туман бўйича барча солиқлар ва тўловларнинг тўлиқ тушишидан, шунингдек иш ҳақи (ягона ижтимоий тўлов билан бирга), нафақалар ва уларга тенглаштирилган тўловлар бўйича бюджет харажатларини молиялаштириш зарурлигидан келиб чиққан ҳолда аниқлаштириш топширилсин.

4. Туман молия бўлими (М. Давлетов):

Хоразм вилояти молия бошқармасининг билдиришномасига кўра, бюджетнинг даромад ва харажат қисмига ўзгартиришлар киритишига рухсат берилсин.

5. Мазкур қарор ўрнатилган тартибда халқ депутатлари туман Кенгаши сессияси тасдиғига киритилсин.

6. Мазкур қарор «Боғот садоси» газетасида эълон қилинсин.

7. Ушбу қарор қабул қилиниши билан туман ҳокимининг 2013 йил 31 декабрдаги 1150-қ-сонли қарори ўз кучини йўқотган ҳисоблансин.

8. Ушбу қарорнинг ижросини назорат қилиш туман ҳокимининг ижтимоий-иқтисодий ривожлантириш масалалари бўйича ўринбосари Қ. Ражабов зиммасига юклансин