Ўзбекистон Республикаси Ҳукумати ва Вьетнам Социалистик Республикаси Ҳукумати бундан кейин «Томонлар» деб аталувчилар,

икки мамлакат ўртасида бўлган дўстона алоқаларга асосланиб,

фан ва техника соҳасида ҳамкорликни ривожлантириш ва мустаҳкамлаш истагига амал қилиб, шу билан икки мамлакат иқтисодий ва ижтимоий ривожланишига ҳисса қўшиб,

фан ва техника ривожланишининг халқаро даражага мос келувчи натижаларга тез етиш, ва шунингдек илмий-техникавий ҳамкорлик соҳасида масалаларини оператив ҳал этишни таъминлаш мақсадларида,

қуйидагилар тўғрисида аҳдлашиб олдилар:

Томонлар тенг ҳуқуқий ва ўзаро манфаатдорлик принциплари асосида, зарур бўлган ташкилий, ҳуқуқий ва иқтисодий шароитларни яратиб, илмий-техникавий ҳамкорликка кўмаклашадилар.

Ушбу Битим доирасидаги ҳамкорлик икки мамлакат қонунчиликка икки Томон қатнашадиган икки томонлама ва кўп томонлама шартномалар ва битимларга асосланади.

Иккала мамлакатнинг вазирлик, идора, илмий ташкилот ва жамиятлари, мулкчиликнинг турли шаклларидаги корхоналар, олий ўқув юртлари, айрим олимлари қўшма илмий-техникавий ишларнинг ташаббускорлари бўлишлари мумкин.

Ҳамкорлик мазмуни, унинг иқтисодий ва ташкилий шартлари, жумладан:

ҳамкорликни маблағ билан таъминлаш;

қўшма илмий-тадқиқот ишлари натижаларидан фойдаланиш;

интеллектуал мулкни ҳимоя қилиш;

ҳамкорлик жараёнида бир-бирига бериладиган маълумотларнинг аниқлиги, конфиденциаллиги ва материал ҳамда ускуналарнинг сифати учун жавобгарлик;

биргаликда фойдаланадиган илмий-техникавий объектларни ва илмий ускуналарни ишлатиш тартиби;

биргаликдаги ишларни бажариш вақтида ҳамкорликда иштирок этувчи ташкилотлар ёки шахсларнинг бири етказган зарар учун жавобгарлик;

олим ва мутахассисларни хизмат сафарига юбориш шартлари, ва бошқа масалалар Ўзбекистон Республикаси ва Вьетнам Социалистик Республикаси ҳамкорлик субъектлари томонидан алоҳида битим, шартнома ва контрактлар асосида бевосита келишилади.

Ушбу Битим доирасидаги ҳамкорлик қуйидаги шаклларда амалга оширилиши мумкин:

иккала мамлакатда илмий-техникавий сиёсатни шакллантириш ва амалга ошириш масалалари юзасидан маслаҳатлашишлар;

қўшма илмий-тадқиқот дастурларини ва лойиҳаларини бажариш;

қўшма илмий-тадқиқот ташкилотларни тузиш, қўшма муваққат илмий, шунингдек янги техника ва технологияларни ўзлаштиришни таъминловчи инновацион корхоналарни ташкил этиш;

биргаликда ўтказиладиган дала тадқиқотлари ва экспедицияларни қўшиб ҳисоблаганда, иккала томоннинг илмий-тадқиқот муассасалари, саноат корхоналари, олий ўқув юртлари ва технопаркларида илмий иш обориш;

бир мамлакатнинг алоҳида олимларни ва мутахассислар бошқасида ишлар обориш учун жалб этиш;

қўшма семинар, илмий конференция, кўмакчи учрашув ва кўргазмалар ўтказиш.

Ушбу Битимнинг амалга оширилишини таъминлайдиган ўзаро келишилган ҳамкорлик бошқа шаклларда ҳам амалга оширилиши мумкин.

Биргаликда ўтказиладиган муайян тадқиқотларни қўллаб-қувватлаш шаклларини танлаш ва белгилашда Томонлар фақат фанни ривожлантириш манфаати ва иккала мамлакатнинг иқтисодий ва ижтимоий тараққиёти учун мавзунинг муҳимлигидан келиб чиқадилар.

Жаҳон талаблари даражасидаги илмий тадқиқотлар ва тажриба-конструкторлик тадқиқотларини ҳисобга олиб, Томонлар иккала мамлакат олимларига ноёб ва энг янги экспериментал ускуналарда ишлаш учун рухсат олиб беришга, шунингдек 4-моддада кўрсатилган ташкилий шаклларда ҳамкорлик қилиш, ишлаб чиқариш ва сотиб олиш учун биргаликда иш ташкил этишга кўмаклашадилар.

Томонлар ўз мамлакат қонунлари ва қоидаларига мувофиқ биргаликдаги тадқиқот ва изланишларни бажаришда олим ва мутахассисларнинг иккала мамлакат ҳудудида бўлишлари, илмий асбоб ва ускуналар, илмий-техникавий маълумот ва ҳужжатлар била алмашиш учун қулай шароитлар яратиб беришга интиладилар.

Томонлар биргаликда ўтказиладиган тадқиқот ва изланишлар ўзаро мувофиқлаштириш, шунингдек ушбу Битимни самарали амалга ошириш мақсадида Ўзбекистон Республикаси Фан ва техника қўмитаси ва Вьетнам Социалистик Республикаси фан, технология ва атроф-муҳит вазирлиги раҳбариятидан тайинланадиган раисдошлар раҳбарлик қиладиган илмий-техникавий ҳамкорлик бўйича Ўзбекистон-Вьетнам Комиссиясини тузадилар (бундан кейин «Комиссия» деб аталади).

Раисдошлар таклифи билан Комиссиянинг миллий қисмини ҳар бир Томондан тасдиқланади.

Комиссия мажлислари доимий тарзда йилда бир мартда ўтказилади. Мажлисни ўтказиш жойи, вақти ва шартлари ҳар доим алоҳида келишиб олинади.

Томонларнинг ушбу Битимни амалга ошириш учун масъул ташкилотлари:

Ўзбек томонидан — Ўзбекистон Республикаси фан ва техника давлат қўмитаси;

Вьетнам томонидан — Вьетнам Социалистик Республикаси фан, технология ва атроф-муҳит вазирлиги.

Ушбу Битим Томонлар имзолаган бошқа халқаро шартнома ва битимлардан келиб чиқадиган ҳуқуқ ва мажбуриятларга дахлдор.

Ушбу Битим имзоланган кундан бошлаб кучга киради, беш йиллик давр мобайнида амал қилади ва агар Томонлардан бири тегишли давр тугалишида камида 6 ой олдин бошқа Томонга Битимнинг амал қилишини тўхтатиш тўғрисидаги ўз ниятини ёзма равишда билдирмаса у ўз-ўзидан кейинги беш йилликларга узаяди.

Битимнинг мазмунлари Томонларнинг ўзаро ёзма розилиги билан ўзгарилиши мумкин. Ҳеч қандай ўзгартиришлар ёки Битимнинг амалининг тўхтатилиши унинг асосида амалга оширилиши бошланган дастурлари келишилган шартлари асосида бажарилиши давом этади.

Ханой шаҳрида 1996 йил 28 мартда икки нусхада, ҳар бири ўзбек, вьетнам ва рус тилларида тузилди, барча матнлар бир хил кучга эга. Ушбу Битим мазмунларини талқин этишда тафовутлар келиб чиқса, Томонлар асос сифатида рус тилидаги матнга таянилади.