Ўзбекистон Республикасининг «Аҳолини иш билан таъминлаш тўғрисида»ги Қонунининг 17-моддасига ва Вазирлар Маҳкамасининг 2008 йил 20 августдаги «Ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тартиби тўғрисидаги низомни тасдиқлаш ҳақида»ги 186-сон қарорига ҳамда Ўзбекистон Республикасининг «Маҳаллий давлат ҳокимияти тўғрисида»ги Қонунининг 6-моддасига асосланиб қарор қиламан:

1. Ўзбекистон Республикасининг «Аҳолини иш билан таъминлаш тўғрисида»ги Қонунининг 17-моддасига ва Ўзбекистон Республикаси Вазирлар Маҳкамасининг 2008 йил 20 августдаги «Ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тартиби тўғрисидаги низомни тасдиқлаш ҳақида»ги 186-сон қарори раҳбарлик ва ижро учун қабул қилинсин.

2. Ижтимоий муҳофазага муҳтож ва иш топишда қийналаётган шахслар ишга жойлаштириш бўйича туман комиссиясининг таркиби 1-иловага мувофиқ тасдиқлансин.

3. Туманда 2014 йил ижтимоий ҳимояга муҳтож ва иш топишда қийналаётган шахсларни ишга жойлаштириш учун иш ўринлари банд қилиб қўйиш тартиби 2-иловага асосан тасдиқлансин.

4. Ўзбекистон Республикасининг «Аҳолини иш билан таъминлаш тўғрисида»ги Қонунининг 17-моддасига асосан 2-иловадаги корхоналарда ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш, ходимларнинг маълумотномада кўрсатилган рўйхатдаги ўртача сони яъни 4338 нафарини 9 % миқдорида белгилансин хамда 129 нафар фуқароларнинг иш ўринлари ташкил этилиши қуйидаги тартибда кўрсатиб ўтилсин:

ўн тўрт ёшгача болалари ва ногирон болалари бўлган ёлғиз ота ва ёлғиз она ва кўп болали ота-оналар учун;

кичик ёшли болалари бор бўлган ишлайдиган аёллар учун;

ногиронлар учун;

ўрта махсус, касб-ҳунар таълими муассасаларини тамомлаган ёшларга, шунингдек олий ўқув юртларининг давлат грантлари асосида таълим олган битирувчиларига;

Ўзбекистон Республикаси Қуролли Кучларидан муддатли ҳарбий хизматдан бўшатилганларга;

бандликка кўмаклашувчи марказда иш қидирувчи ҳисобида турган пенсия ёшига яқинлашиб қолган шахслар;

жазони ўташ муассасаларидан озод қилинган, жазони ўтаётган ёки суд қарорига кўра тиббий характердаги мажбурий чоралар кўрилган шахслар учун;

одам савдосидан жабрланганларга.

5. Мазкур қарорнинг 2-иловасида кўрсатилган корхона раҳбарлари, ташкилотдаги (механик, назоратчи, қоровул, ўт ўчирувчи, чилангар пайвандловчи, тракторчи, фаррош ва ҳар хил тоифадаги иш ўринлари) касб ва лавозимларини банд қилиб қўйсинлар ҳамда кўрсатилган корхоналарнинг раҳбарлари ижтимоий ҳимояга муҳтож шахслар учун ажратилган иш жойлари кўрсатиб ўтилган сонини бажарилишини таъминламаган тақдирда Ўзбекистон Республикаси Вазирлар Маҳкамасининг 2008 йил 20 августдаги «Ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиб қўйиш тартиби тўғрисида»ги низомнинг 15-бандига асосан интизомий жазога тортилишлари кўрсатиб ўтилсин.

6. Ижтимоий муҳофазага муҳтож иш жойларини яратишда энг кам миқдори мазкур қарор билан белгилангандан ортиқ барпо этилган тақдирда корхоналар учун имтиёзлар белгиланиши кўрсатиб ўтилсин.

7. Ушбу қарор қабул қилиниши муносабати билан туман ҳокимининг 2012 йил 5 декабрь кунги 614-Қ сонли қарори ўз кучини йўқотган деб ҳисоблансин.

8. Ушбу қарор расмий нашрда эълон қилинган кундан кучга кирган деб ҳисоблансин.

9. «Бўз ҳаёти» газетаси таҳририяти (С. Хазратқулов)га ушбу қарорни туман газетасида чоп этиш ҳамда тумандаги корхона, ташкилот ва ҳўжаликларда аҳолини ижтимоий ҳимояга муҳтож қатламига ихтисослаштирилган иш ўринлари банд қилиш бўйича амалга оширилаётган ишларни газета саҳифасида кенг ёритиб бориш тавсия этилсин.

10. Туман Бандликка кўмаклашиш ва аҳолини ижтимоий муҳофаза қилиш маркази (А. Акбаров)га мазкур қарорнинг бажарилиши юзасидан йил якуни бўйича 2013 йил декабрь ойигача туман ҳокимлигига ёзма ахборот бериш вазифаси топширилсин.

11. Ушбу қарорнинг Бажарилишини назорат қилиш туман ҳокимининг ўринбосари Р. Содиқова ва бандликка кўмаклашувчи маркази директори вазифасини бажарувчи А. Акбаров зиммаларига юклатилсин.