Ўзбекистон Республикаси Қишлоқ ва сув хўжалиги вазирининг 2013 йил 2 апрелдаги 58-сонли «Қишлоқ хўжалиги ва мелиоратив техникани, шунингдек машина-трактор парклари, устахоналар ва сервис пунктларининг асбоб-ускуналарини техник кўрикдан ўтказиш тартиби тўғрисидаги низомни тасдиқлаш ҳақида»ги (Ўзбекистон Республикаси Адлия вазирлиги томонидан 2013 йил 25 апрелда рўйхатдан ўтказилган, рўйхат рақами 2452) буйруғи ижросини таъминлаш ҳамда Избоскан туман қишлоқ хўжалиги техникалари бўйича давлат инспекторининг 2014 йил 10 январдаги 07/1-сонли хатини кўриб чиқиб Ўзбекистон Республикаси «Маҳаллий давлат ҳокимияти тўғрисида»ги Қонунига мувофиқ қарор қиламан:

1. Избоскан туман қишлоқ хўжалиги техникалари бўйича давлат инспекторининг 2014 йил 10 январдаги 07/1-сонли хати инобатга олинсин.

2. Қишлоқ хўжалиги ва мелиоратив техникалар, шунингдек машина-трактор парклари, устахоналар ва сервис пунктларининг асбоб-ускуналари 2014 йил мажбурий техник кўрикдан ўтказилсин.

3. Техника кўригини ўз вақтида ва сифатли ўтказиш учун тузилган ишчи гуруҳи таркиби 1-иловага, техник кўрик ўтказиш жадвали 2-иловага мувофиқ тасдиқлансин.

4. Туман қишлоқ хўжалиги техникалари бўйича давлат инспектори (А. Комилов)га:

ташкилот, корхона, муассаса ва фермер хўжаликлари, кичик корхоналардаги мавжуд қишлоқ хўжалиги ва мелиоратив техникаларини белгиланган жадвал асосида техник кўрикка тайёрланиши ва тегишли ҳужжатларни ўз муддатида расмийлаштирилишини назорат қилиш;

туман ҳудудидаги фуқароларга тегишли бўлган шахсий қишлоқ хўжалиги ва мелиоратив техникаларини белгиланган жадвал асосида тўла техник кўрикдан ўтказилишини таъминлаш вазифаси топширилсин.

5. Туман «Пахтакор» рўзномаси таҳририяти давлат корхонаси (А. Комилов)га йиллик техник кўрикни ўтиш жараёнини рўзнома саҳифаларида ёритиб бориш тавсия этилсин.

6. Мазкур қарорнинг ижросини назорат қилиш туман ҳокимининг биринчи ўринбосари Д. Усмонов зиммасига юклатилсин.

7. Ушбу қарор расмий эълон қилинган кундан эътиборан кучга киради.