Туман иқтисодиёти тармоқларини 2013-2014 йиллар куз-қиш даврида барқарор ишлашга тайёрлаш ҳамда Ўзбекистон Республикаси Президентининг 2014 йил 27 июндаги ПҚ–2194-сонли «Республика иқтисодиёти тармоқларини 2014/2015 йиллар куз-қиш даврида барқарор ишлашга тайёрлашни таъминлаш чора-тадбирлари тўғрисида»ги ҳамда шу мазмундаги вилоят ҳокимининг 2014 йил 3 июлдаги 129-Қ-сонли қарорларини туманда бажарилишини таъминлаш мақсадида, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1. Ўзбекистон Республикаси Президентининг 2014 йил 27 июндаги ПҚ–2194-сонли «Республика иқтисодиёти тармоқларини 2014/2015 йиллар куз-қиш даврида барқарор ишлашга тайёрлашни таъминлаш чора-тадбирлари тўғрисида»ги ҳамда шу мазмундаги вилоят ҳокимининг 2014 йил 3 июлдаги 129-Қ-сонли қарорлари раҳбарлик ва ижро учун қабул қилинсин.

2. Ўзбекистон Республикаси Президентининг мазкур қарори билан:

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, вазирликлар, идоралар, корхона ва ташкилотлар – масъул ижрочилар умуман республика иқтисодиёти тармоқларини 2013/2014 йиллар куз-қиш даврида барқарор ишлашга тайёрлаш бўйича тасдиқланган ташкилий-техник чора-тадбирларни ўз вақтида ва тўлиқ ҳажмда амалга оширганлиги, қабул қилинган чора-тадбирлар асосан корхона ва ташкилотларнинг барқарор ишлашини, аҳолини ёқилғи-энергетика ресурслари ва коммунал хизматлар билан таъминлаш имконини берганлиги;

Шу билан бирга, «Ўзтрансгаз» АК ва «Ўзбекэнерго» ДАКнинг айрим корхона ва ташкилотлари томонидан, шунингдек Бухоро, Қашқадарё, Самарқанд, Сурхондарё ва Тошкент вилоятларининг бир қатор шаҳар ва туманларида куз-қиш даврида иқтисодиёт тармоқларининг нормал ишлашини таъминлайдиган зарур чора-тадбирлар қабул қилинмаганлиги, кўрсатиб ўтилган камчиликларга асосан айрим раҳбарларнинг қишга тайёргарлик масалаларига масъулиятсизлик билан таъминлаш масалаларини ўз вақтида ечмаганликлари сабаб бўлганлиги;

Республика иқтисодиёт тармоқларини 2014/2015 йиллар куз-қиш даврида барқарор ишлашга тайёрлаш борасидаги ишларни мувофиқлаштириш бўйича республика комиссияси томонидан 2014/2015 йиллар куз-қиш даврида барқарор ишлашга тайёрлаш масалаларининг ўз вақтида ечилишига масъулиятсизлик билан қараган ва йўл қўйилган камчиликлар учун бир қатор хўжалик бирлашмалари, корхона, муассаса ва ташкилотларнинг, шунингдек вилоят, шаҳар ва туманлар ҳокимларининг раҳбарлигига нисбатан қаттиқ маъмурий ва интизомий жазо чоралари қўлланилганлиги белгилаб қўйилганлиги;

2014 йилнинг 1 мартида Ўзбекистон Республикаси Вазирлар Маҳкамаси томонидан Бош вазир ўринбосарлари раҳбарлигида учта ишчи гуруҳнинг таркиби қуйидаги йўналишлар бўйича тасдиқланганлиги маълумот учун қабул қилинганлиги.;

кўп хонадонли уйларни куз-қиш мавсумида ишлашга тайёрлаш, умумий фойдаланиш жойларини, лифт ускуналарини тартибга келтириш ва тегишли ҳолда сақлаш, маҳалла ҳудудида санитария ҳолатини таъминлаш, ободонлаштириш ишларини ташкил этиш бўйича ишчи гуруҳи (Б.И.Закиров);

ижтимоий соҳа объектларини, иқтисодиёт тармоқлари ва аҳолини ёқилғи-энергетика ресурслари: табиий газ, электр ва иссиқлик энергияси билан ўз вақтида таъминлаш ишларини ташкил этиш бўйича ишчи гуруҳи (Ғ. Ибрагимов);

куз-қиш даврида ижтимоий соҳа объектларини барқарор ишлашга тайёрлашни ташкил этиш, объектларнинг санитария ҳолатини ва ободонлаштириш ишларини таъминлаш бўйича ишчи гуруҳи (А. Икрамов).

Бунда иқтисодиёт тармоқларини 2014/2015 йиллар куз-қиш даврида барқарор ишлашга тайёрлаш бўйича бажарилган ишларнинг самарадорлиги танқидий таҳлил қилиш асосида: келгуси 2014/2015 йиллар куз-қиш даврида иқтисодиёт тармоқлари, ижтимоий соҳа объектлари ва уй-жой фондининг барқарор фаолият юритиши учун ҳар бир ишчи гуруҳнинг аниқ вазифалар белгиланганлиги;

ҳар бир ҳудуд доирасида, шу жумладан Республиканинг 28 та йирик шаҳарлари ва туманларида қабул қилинган дастурларни амалга ошириш бўйича чора-тадбирлар комплекси, тармоқ жадваллари ишлаб чиқилиб, тасдиқланганлиги, масъул ижрочилар — вазирликлар, идоралар ва тижорат банклари раҳбарлари уларга бириктириб қўйилганлиги маълумот учун қабул қилинсин.

3. Қуйидагилар:

туман иқтисодиёти тармоқларини 2014/2015 йиллар куз-қиш даврида барқарор ишлашга тайёрлаш бўйича тадбирлар режаси 1-иловага* мувофиқ;

асосий муҳандислик коммуникациялари ва технологик ускуналарни, шунингдек ижтимоий соҳа объектларини ҳудудлар бўйича 2014/2015 йиллар куз-қиш даврида барқарор ишлашга тайёрлаш ҳамда мукаммал ва жорий таъмирлаш топшириқлари 2-3-иловага* мувофиқ;

2014/2015 йиллар куз-қиш мавсуми кўмир, суюлтирилган газ ва ИОМСни ҳудудлар бўйича етказиб бериш топшириқлари 4-иловага* мувофиқ;

туман иқтисодиёти тармоқларини 2014/2015 йиллар куз-қиш даврида барқарор ишлашга тайёрлаш борасида ишларни мувофиқлаштириш бўйича туман комиссияси таркиби 5-иловага* мувофиқ тасдиқлансин;

4. Тумандаги корхона, ташкилот ва муассаса раҳбарлари зиммасига иқтисодиёт тармоқларини 2014/2015 йиллар куз-қиш даврида барқарор ишлашини таъминлашга йўналтирилган тадбирлар ҳамда ишларнинг ўз вақтида ва сифатли бажарилиши юзасидан шахсий жавобгарлик юклансин.

5. Туман комиссиясига:

коммунал соҳа ташкилотлари, қозонхоналар, кўп хонадонли турар жой бинолари, мактабгача тарбия муассасалари, умум таълим мактаблари, ўрта махсус касб-ҳунар таълими муассасалари, соғлиқни сақлаш муассасалари ҳамда бошқа ижтимоий соҳа объектларини 2014/2015 йиллар куз-қиш даврида барқарор ишлашга тайёрлаш бўйича жойлардаги ишларнинг аҳволини танқидий ўрганиб чиқсин;

ўрганиб чиқиш натижалари бўйича ушбу қарор билан тасдиқланган тадбирларни амалга ошириш борасидаги ташкилий чора-тадбирлар комплексини, шунингдек туман иқтисодиёт тармоқлари ва ижтимоий соҳа муассасаларини 2014/2015 йиллар куз-қиш даврига барқарор ишлашга тайёрлаш ва таъминлаш бўйича топшириқларни ўз вақтида бажарилишини таъминласин.

6. Ушбу қарор қабул қилиниши муносабати билан, туман ҳокимининг 2014 йил 10 июлдаги 514-Қ-сонли қарори бекор қилинсин.

7. Ушбу қарорнинг бажарилишини назорат қилиш туман ҳокимининг иқтисодиёт ва ижтимоий ривожлантириш масалалари бўйича ўринбосари (Ғ. Мадаров) зиммасига юклансин.

Ушбу қарорнинг бажарилиши ҳар чоракда туман ҳокимлиги йиғилишларида танқидий кўриб чиқилсин.

9. Мазкур қарор расмий эълон қилинган кундан бошлаб кучга киради.