Ўзбекистон Республикаси Ҳукумати ва Хитой Халқ Республикаси Ҳукумати,

даромаддан олинадиган солиқларнинг иккиёқлама қўлланишининг олдини олиш ҳақида Битим тузиш истагини билдириб,

қуйидагиларни аҳдлашиб олдилар:

Мазкур Битим Аҳдлашувчи Давлатларнинг бири ёки ҳар иккисининг резиденти бўлган шахсларга нисбатан қўлланилади.

1. Мазкур Битим йиғиш услубидан қатъи назар, Аҳдлашувчи Давлат ёки унинг маҳаллий ҳокимиятлари номидан олинаётган даромад солиқларига нисбатан қўлланилади.

2. Даромад солиқларига умумий даромаддан ёки даромаднинг бир қисмидан, шу жумладан, кўчма ва кўчмас мулкни тасарруфдан чиқаришдан келган даромадлардан, ҳамда корхоналар томонидан берилаётган иш ҳақининг умумий ҳажмидан, шунингдек капиталнинг қийматининг ошишидан олинадиган барча солиқлар киради.

3. Мазкур Битим қўлланиладиган амалдаги солиқлар қуйидагилардир:

а) Ўзбекистонга нисбатан:

(i) корхоналар, бирлашмалар, ташкилотлар даромадидан олинадиган солиқ;

(ii) Ўзбекистон Республикаси фуқаролари, ажнабий фуқаролар ва фуқаролиги бўлмаган шахслардан олинадиган даромад солиғи;

(бундан кейин «Ўзбекистон солиқлари» деб аталади);

b) Хитойга нисбатан:

(i) жисмоний шахслардан олинадиган даромад солиғи;

(ii) хорижий инвестицияли корхоналар ва хорижий корхоналар даромадидан олинадиган солиқ;

(iii) маҳаллий даромад солиғи;

(бундан кейин «Хитой солиқлари» деб аталади).

4. Мазкур Битим Аҳдлашувчи Давлатларнинг ҳар бири томонидан мазкур Битим имзолангандан сўнг келажакда олинадиган амалдаги солиқларга қўшимча ёки улар ўрнига киритилган ҳар қандай муносиб, ёки аслида ўхшаш солиқларга нисбатан ҳам қўлланилади. Аҳдлашувчи Давлатларнинг ваколатли ташкилотлари ўз солиқ қонунчилигида бўлган барча туб бошқаришлар ҳақида бир-бирларига мақбул келадиган муддат давомида хабар берадилар.

1. Ушбу Битимнинг мақсадлари учун, агар матннинг мазмунидан бошқа маъно чиқмаса:

a) «Ўзбекистон» атамаси Ўзбекистон Республикасини англатиб, халқаро қонунчилик асосида Ўзбекистон Республикаси қонунчилигига амал қиладиган ёки келажакда амал қиладиган денгиз ҳудудини ва денгиз ҳудудидан ташқаридаги ҳар қандай ҳудудни ва уларга нисбатан Ўзбекистон Республикаси ўзининг мустақил ҳуқуқидан фойдалана оладиган замин ва табиий бойликларни ўз ичига қамрайди;

b) «Хитой» атамаси Хитой Халқ Республикасини ва жуғрофий маънода ишлатилганида Хитой Халқ Республикасининг солиққа тортишга нисбатан Хитой қонунлари қўлланиладиган денгиздаги ҳудудини ўз ичига оладиган бутун ҳудудини ва Хитой Халқ Республикаси денгиз тубидаги ва денгиз туби остидаги бойликларни разведка қилиш ва ишлаб чиқишга нисбатан ва халқаро ҳуқуққа мувофиқ унга бирикиб турган сув ресурсларига нисбатан суверен ҳуқуқларига эга бўлган унинг денгиз ҳудудидан ташқаридаги ҳар қандай зонани англатади;

c) «Аҳдлашувчи Давлат» ва «бошқа Аҳдлашувчи Давлат» атамалари матн мазмунига кўра Ўзбекистони ёки Хитойни англатади;

d) «солиқ» атамаси матн мазмунига қараб Ўзбекистон солиғини ёки Хитой солиғини англатади;

e) «шахс» атамаси жисмоний шахсни, компания ёки шахсларнинг ҳар қандай умумлашмасини англатади;

f) «компания» атамаси ҳар қандай корпоратив бирлашмани ёки солиққа тортиш мақсадида бирлашма тизимидек кўриладиган ҳар қандай корпоратив тузилмани англатади;

g) «Аҳдлашувчи Давлатнинг корхонаси» ва «бошқа Аҳдлашувчи Давлатнинг корхонаси» атамалари ўз ўрни билан Аҳдлашувчи Давлат резиденти бошқаруви остида иш юритаётган корхонани ва бошқа Аҳдлашувчи Давлатнинг резиденти бошқаруви остида иш юритаётган корхонани англатади;

h) «миллий шахс» деган атама:

(i) Аҳдлашувчи Давлатнинг фуқаролигига эга ҳамма жисмоний шахсларни;

(ii) Аҳдлашувчи Давлатнинг амалдаги қонунчилиги асосида ўз мақомини олган ҳар қандай юридик шахс, ҳамкорлик ёки уюшмани англатади;

i) «халқаро ташиш» атамаси Аҳдлашувчи Давлатларнинг резиденти бўлган корхона денгиз, ҳаво кемалари ёки йўл транспорти воситаларини қўллаган ҳолда ташишни англатади, лекин фақатгина Аҳдлашувчи Давлатлардаги иккита пункт ўртасида денгиз, ҳаво кемалари ёки йўл транспорт воситаларини қўллаган ҳолда ташиш бунга кирмайди;

j) «ваколатли ташкилот» атамаси Ўзбекистонга нисбатан — Ўзбекистон Республикаси Давлат солиқ қўмитасини ,ва унинг ишончли вакилини англатади, ва Хитойга нисбатан — Давлат солиқ бошқармасини ва унинг ишончли вакилини англатади.

2. Мазкур Битимни Аҳдлашувчи Давлат қўллаганда ҳар қандай унда белгиланмаган атама, агар матн мазмуни бошқа маънони талаб қилмаса, қайси Аҳдлашувчи Давлатнинг солиғига нисбатан ушбу Битим қўлланилаётган бўлса, ўша Давлатнинг қонунларига кўра қабул қилинади.

1. Мазкур Битимнинг мақсадлари юзасидан «Аҳдлашувчи Давлатнинг резиденти» атамаси мазкур Давлатнинг қонунчилиги бўйича ўзининг турар жойи, доимий истиқомат қилиши, бош офисининг қаерда жойлашгани, ҳуқуқий шахс сифатида рўйхатдан ўтган жойи, ёки бошқа асли мазмунда шунга ўхшаш мезонларга кўра мазкур Давлатда солиқ тўловчи ҳисобланган шахсни англатади.

2. Агар 1-банд қоидаларига мувофиқ, жисмоний шахс Аҳдлашувчи Давлатларнинг ҳар иккисида резидент деб қаралса, унинг мақоми қуйидаги қоидалар асосида белгиланади:

а) бу шахс тўсиқсиз яшаши мумкин бўлган доимий уйи жойлашган Аҳдлашувчи Давлатнинг резиденти ҳисобланади; агар у ҳар икки Аҳдлашувчи Давлатда тўсиқсиз яшаши мумкин бўлган доимий уйга эга бўлса, шахсий ва иқтисодий алоқалари энг чуқур бўлган (ҳаётий манфаатлар маркази) Аҳдлашувчи Давлатнинг резиденти ҳисобланади;

б) агар унинг ҳаётий манфаатлар маркази мавжуд Давлатни аниқлаб бўлмаса ёки Аҳдлашувчи Давлатларнинг ҳеч бирида тўсиқсиз яшаши мумкин бўлган доимий уйи бўлмаса, у одатда кўп бўладиган Давлатнинг резиденти ҳисобланади;

c) агар шахс одатда ҳар икки Аҳдлашувчи Давлатда турса ёки уларнинг ҳеч бирида турмаса, у Аҳдлашувчи Давлатларнинг қай бирининг миллий шахси бўлса, шу Аҳдлашувчи Давлатнинг резиденти ҳисобланади;

d) агар шахс Аҳдлашувчи Давлатларнинг ҳар иккисининг миллий шахси бўлса ёки Давлатларнинг ҳеч бирининг миллий шахси бўлмаса, Аҳдлашувчи Давлатларнинг ваколатли ташкилотлари бу масалани ўзаро келишув йўли билан ҳал қиладилар.

3. Агар 1-банд қоидаларига мувофиқ жисмоний шахс бўлмаган шахс Аҳдлашувчи Давлатларнинг ҳар иккисининг резиденти бўлса, унда Аҳдлашувчи Давлатлар ваколатли органлари бу масалани ўзаро келишувга мувофиқ ҳал этадилар.

1. Мазкур Битим мақсадлари учун «доимий муассаса» атамаси корхона у орқали тўлиқ ёки қисман тадбиркорлик фаолиятини олиб борадиган доимий фаолият ўрнини билдиради.

2. «Доимий муассаса» атамаси, хусусан, қуйидагиларни қамраб олади:

a) бошқарув жойи;

b) бўлим;

c) идора;

d) фабрика;

e) устахона;

f) руда кони, нефть ва газ кони, карьер ёки табиий ресурслар олинадиган ҳар қандай бошқа жой.

3. «Доимий муассаса» атамаси яна қуйидагиларни ҳам ўз ичига олади:

қурилиш майдончасини, қурилиш ёки мантаж қилиш ёки йиғиш объектини ёки ушбу объект билан боғлиқ бўлган инспекторлик фаолиятини, бироқ фақат бундай майдонча, объект ёки фаолият 12 ойдан ортиқ давр мобайнида давом этадиган бўлса.

4. Ушбу модданинг аввалги қоидаларига қарамай, қуйидаги фаолият турларини «доимий муассаса» атамаси ўз ичига қамрамайди:

а) иншоотлардан шу корхонага тегишли товарлар ёки маҳсулотларни фақат сақлаш, намойиш қилиш ва етказиб бериш мақсадларида фойдаланиш;

b) шу корхонага тегишли товарлар ёки маҳсулотлар захирасининг фақат сақлаш, намойиш қилиш ёки етказиб бериш мақсадларида ушлаб турилиши;

c) шу корхонага тегишли товарлар ёки маҳсулотлар захирасининг фақат бошқа корхона томонидан қайта ишлов берилиши мақсадларида ушлаб турилиши;

d) доимий фаолият жойининг фақат товарлар ёки маҳсулотлар сотиб олиш ёки мазкур корхона учун ахборот йиғиш мақсадлари учун ушлаб турилиши;

e) доимий фаолият жойининг ушбу корхона учун фақат бошқа ҳар қандай тайёргарлик ёки ёрдамчи характердаги фаолиятни амалга ошириш мақсадлари йўлида ушлаб турилиши;

f) доимий фаолият жойини фақат а) — е) бандчаларида эслатиб ўтилган фаолият турларининг ҳар қандай мажмуасида амалга ошириш учун бу фаолият турлари доимий фаолият жойи ишининг асосий мазмуни тайёргарлик ёки ёрдамчи тусга эга бўлгани ҳолда ушлаб турилиши.

5. 1 ва 2-бандлардаги қоидаларга қарамай, агар бирон 6-бандда кўрсатилган мустақил мақомли агентдан бошқа бўлган шахс Аҳдлашувчи Давлатларнинг бирида бошқа Аҳдлашувчи Давлатдаги корхонанинг номидан иш юритса ва корхона номидан шартномалар тузиш ҳуқуқига эга бўлса ва ҳуқуқлардан одатда фойдаланса, бу корхона ушбу Аҳдлашувчи Давлатда доимий ваколатхонага унинг учун шахс томонидан кўрсатилган хизмат доирасида эга деб ҳисобланади, лекин ушбу шахснинг фаолияти 4-бандида кўрсатилган фаолият билан чекланиб қолса ва бу фаолият доимий фаолият жойи орқали амалга оширилган тақдирда ҳам бу жойни ушбу банднинг қоидаларига асосан доимий муассасага айлантирмайди.

6. Корхона, агар у бошқа Аҳдлашувчи Давлатда брокер, комиссионер ёки ҳар қандай бошқа мустақил мақомли агент орқали фаолиятини амалга оширса, бу шахслар ўзининг одатдаги фаолияти чегарасида иш юритган тақдирда, бошқа Аҳдлашувчи Давлатда доимий муассасага эга деб қаралмайди.

7. Аҳдлашувчи Давлатлардан бирининг резиденти бўлган компания бошқа Аҳдлашувчи Давлатнинг резиденти бўлган компания томонидан назорат қилиш ёки назоратни бошқа Давлат компанияси устидан юритиш ёки мазкур компания бошқа Давлатда тижорат фаолиятини амалга ошириш (доимий ваколатхона орқали ёки бошқа тарзда) факти ўз-ўзидан бу компанияларнинг бирини бошқаси учун доимий муассасага айлантириб қўймайди.

1. Аҳдлашувчи Давлатлардан бирининг резидентининг бошқа Аҳдлашувчи Давлатда жойлашган кўчмас мулкдан (шу жумладан қишлоқ хўжалиги ва ўрмон хўжалигидан) олган даромади шу бошқа Давлатда солиққа тортилиши мумкин.

2. «Кўчмас мулк» атамаси кўриб чиқилаётган мулк жойлашган Аҳдлашувчи Давлат қонунчилигида эга бўлган аҳамиятига эга. Ҳар қандай ҳолда ҳам ушбу атама кўчмас мулкка алоқадор мол-мулкни, чорва моллари, қишлоқ хўжалик ва ўрмон хўжалиги воситаларини, буларга нисбатан ҳақ-ҳуқуқ ер устидаги мулкка тааллуқли умумий қонунчилик қоидалари билан белгиланган, кўчмас мулк узуфруктини ҳамда минераллар ва бошқа табиий ресурслар қатламларини ишлаб чиқиш ёки ишлаб чиқиш ҳуқуқи учун товон сифатида тўланадиган вақтинчалик ёки қатъий белгиланган тўловларга бўлган ҳуқуқни ўз ичига олади. Кемалар ва ҳаво кемалари кўчмас мулк сифатида кўриб чиқилмайди.

3. 1-банд қоидалари кўчмас мулкдан тўғридан-тўғри фойдаланиш, ижарага бериш ёки бошқа ҳар қандай шаклда фойдаланиб олинган даромадга нисбатан қўлланилади.

4. 1 ва 3-банд қоидалари корхонанинг кўчмас мулкдан олган даромадига нисбатан ва мустақил хусусий хизматларни амалга оширишда ишлатиладиган кўчмас мулкка нисбатан ҳам қўлланилади.

1. Бир Аҳдлашувчи Давлатнинг корхонаси олган фойда фақат ана шу Аҳдлашувчи Давлатда солиққа тортилади, лекин корхона бошқа Аҳдлашувчи Давлатда тижорат фаолиятини унда жойлашган доимий муассаса орқали амалга ошираётган ҳол бундан мустасно. Агар корхона шу айтилган ҳолдагидек ўз фаолиятини юритса, корхона фойдаси бошқа Аҳдлашувчи Давлатда ҳам солиққа тортилиши мумкин, аммо фақат ана шу доимий муассасага тегишли қисмидангина.

2. 3-банд қоидаларини инобатга олган ҳолда бир Аҳдлашувчи Давлатнинг корхонаси бошқа Аҳдлашувчи Давлатда тижорат фаолиятини у ерда жойлашган доимий муассаса орқали амалга ошираётган бўлса, ҳар бир Аҳдлашувчи Давлатда бундай доимий муассасага у хизмат кўрсатаётган корхонадан алоҳида ва мустақил ҳаракат қилиб бундай шароитларда шундай ва шунга ўхшаш фаолият кўрсатганда топиши мумкин бўлган даромад мансуб деб билинади.

3. Доимий муассаса фойдасини аниқлашда мазкур доимий муассаса фаолияти мақсадлари учун сарфланган харажатларни чиқариб ташлашга йўл қўйилади, доимий муассаса жойлашган Давлатда ёки ҳар қандай бошқа ерда фаолияти мақсадлари учун сарфланган бошқарув ва умумий маъмурий харажатлар ҳам шунга киради. Бироқ доимий муассаса томонидан корхонанинг бош офиси ёки бошқа офислардан исталган биттасига патент ёхуд бошқа ҳуқуқлардан фойдаланганлик учун роялти, йиғимлар ёки шунга ўхшаш бошқа тўловлар тўлаш йўли билан, ёки кўрсатилган аниқ хизматлар ёки менежментлик учун комиссион тўловлар (амалдаги харажатларни қоплаш учун бериладиганларидан ташқари)тўлаш йўли билан, ёки доимий муассасага берилган қарз суммасига фоизлар тўлаш йўли билан тўланган суммаларнинг чегириб ташланишига йўл қўйилмайди, банк муассасасининг доимий муассасага ссудага берган суммаларига фоизлар тўлаш йўли билан кўрсатилган хизматлар бундан истисно қилинади. Доимий муассасанинг фойдасини белгилашда доимий муассасасининг корхонанинг бош офисига ёки унинг бошқа офисларидан ҳар қандай бирига патент ёхуд бошқа ҳуқуқлардан фойдаланганлик учун роялти, йиғимлар ёки шунга ўхшаш бошқа тўловлар тўлаш йўли билан, ёки кўрсатилган аниқ хизматлар ёки менежментлик учун комиссион тўловлар тўлаш йўли билан, корхонанинг бош офисига ёки унинг бошқа офисларидан ҳар қандай бирига берилган қарз суммасига фоизлар тўлаш йўли билан тўланган суммалардан ташқари бошқа тўловлар (амалдаги харажатларни қоплаш учун бериладиганларидан ташқари) ҳам худди шу тарзда эътиборга олинмайди, банк муассасасининг доимий муассасага ссудага берган суммаларига фоизлар тўлаш йўли билан кўрсатилган хизматлар бундан истисно қилинади.

4. Аҳдлашувчи Давлатда корхона фойдасининг умумий суммасини унинг турли бўлинмаларига мутаносиб тарзда тақсимлаш негизида доимий муассасага тегишли фойдани белгилаш оддий ҳол эканлигига қарамай 2-банддаги ҳеч нарса Аҳдлашувчи Давлатга солиққа тортиладиган тақсимот услуби ушбу моддага тегишли тамойилларга муносиб натижалар бериши лозим.

5. Доимий муассаса томонидан корхона учун фақат товарлар ёки маҳсулотлар харид қилиш асосида доимий муассаса ҳисобига бирон бир фойда ёзилмайди.

6. Аввалги бандлар мақсадлари учун доимий муассасага мансуб фойда, агар бошқартириш учун салмоқли ва етарли сабаблар бўлмаса, ҳар йили бир хил услубда аниқланади.

7. Агар фойда, мазкур Битимнинг бошқа моддаларида алоҳида айтиб ўтилган даромад турларини қамраб оладиган бўлса, мазкур моддалар қоидаларига ушбу модда қоидалари таъсир этмайди.

1. Аҳдлашувчи Давлатлардан бирининг резиденти бўлган корхонанинг халқаро ташишларда кемалар, самолётлар ёки йўл транспорти воситаларидан фойдаланиб олган даромадига фақат шу Аҳдлашувчи Давлатда солиқ солинади.

2. 1-банд қоидалари, шунингдек транспорт воситаларидан фойдаланиш бўйича пулда (умумий жамғарма), қўшма корхоналар ёки халқаро ташкилотларда иштирок этишдан олинган фойдаларга ҳам қўлланилади.

1. Агар:

a) Аҳдлашувчи Давлатлардан бирининг корхонаси бошқа Аҳдлашувчи Давлат корхонасини бошқаришда, назорат қилишда ёки унинг капиталида бевосита ёки билвосита қатнашса,

ёки

b) шу шахсларнинг ўзи бевосита ёки билвосита ҳам Аҳдлашувчи Давлатнинг корхонасини ҳам бошқа Аҳдлашувчи Давлат корхонасини бошқаришда, назорат қилишда ёки унинг капиталида бевосита ёки билвосита қатнашса, ва ҳар қандай ҳолда, икки корхона ўртасида уларнинг тижорат ва молиявий муносабатларида мутлақо мустақил бўлган корхоналар ўртасида бўладигандан фарқли шароитлар барпо этилса ёки белгиланса, уларнинг бирортасига ҳисобланиши мумкин бўлган, лекин юқоридаги шароитлар туфайли ҳисобланмаган ҳар қандай фойда Аҳдлашувчи Давлат томонидан ушбу корхона фойдасига қўшилиши ва тегишли равишда солиққа тортилиши мумкин.

2. Агар Аҳдлашувчи Давлат мазкур Давлатнинг корхонаси фойдасига бошқа Аҳдлашувчи Давлат корхонасининг ана шу бошқа Аҳдлашувчи Давлатда солиққа тортилган фойдасини қўшиб ва тегишли равишда солиққа тортса, ва шу алфозда қўшилган фойда, биринчи айтилган корхонага ҳисобланиши мумкин бўлган фойда бўлса, агар икки корхона ўртасидаги муносабатлар мустақил корхоналар ўртасидаги муносабатлардек бўлса, бунда мазкур бошқа Давлат ушбу фойдадан олинадиган солиқ миқдорига тегишли муносибликни киритиши шарт. Бундай муносибликни белгилашда ушбу Битимнинг бошқа қоидалари кўриб чиқилиши лозим, Аҳдлашувчи Давлатларнинг ваколатли ташкилотлари эса зарур бўлган тақдирда бир-бирлари билан маслаҳатлашадилар.

1. Аҳдлашувчи Давлатлардан бирининг резиденти бўлган компания томонидан бошқа Аҳдлашувчи Давлат резидентига тўланган дивидендлар ана шу бошқа Давлат томонидан солиққа тортилиши мумкин.

2. Бироқ бундай дивидендлар уларни тўлаётган компания резиденти бўлган ўша Аҳдлашувчи Давлатда шу Аҳдлашувчи Давлатнинг қонунчилигига мувофиқ солиққа тортилиши мумкин, бироқ дивидендлар олувчи уларнинг ҳақиқий эгаси бўлса, у ҳолда шу тариқа ундириладиган солиқ дивидендлар ялпи суммасининг 10 фоизидан ошмаслиги керак.

Ушбу банд дивидендлар тўланадиган фойдага нисбатан компанияни солиққа тортишга дахл қилмайди.

3. «Дивидендлар» атамаси мазкур моддада қўлланилганда, акциялардан ёки қарз талаби бўлмаган бошқа ҳуқуқлардан олинадиган даромадни, фойдада иштирок этиш ҳуқуқини, шунингдек даромадларни тақсимлаётган компания резиденти бўлган Давлатнинг солиқ қонунчилиги асосида акциялардан олинадиган даромадларга киритиладиган корпоратив ҳуқуқни, ҳамда дивидендларни тўлаётган компания резиденти бўлган Аҳдлашувчи Давлат қонунчилигига биноан солиққа тортиладиган даромадларни ҳам қамраб олади.

4. Агар бенефициар (дивидендларнинг манфаатдор эгаси) Аҳдлашувчи Давлатнинг резиденти бўлгани ҳолда дивидендларни тўлаётган компания резиденти бўлган бошқа Аҳдлашувчи Давлатда ўз фаолиятини унда жойлашган доимий муассасаси орқали амалга оширса, ёки ушбу бошқа Давлатда у ерда жойлашган доимий базадан мустақил хусусий хизматлар кўрсатса ва дивидендлар унга нисбатан тўланаётган холдинг аслида шу доимий муассаса ёки доимий база билан боғлиқ бўлса мазкур модданинг 1 ва 2-бандларидаги қоидалар қўлланилмайди. Бундай ҳолда шароитга қараб 7-модда ёки 14-модданинг қоидалари қўлланилади.

5. Аҳдлашувчи Давлатнинг резиденти бўлган компания бошқа Аҳдлашувчи Давлатдан фойда олаётган бўлса, бу бошқа Давлат ана шу компания тўлаётган дивидендлардан ҳеч қандай солиқ ола олмайди, лекин бундай дивидендлар ана шу бошқа Давлат резидентига тўланаётган бўлган ёки дивидендлар тўланаётган холдинг аслида мазкур бошқа Давлатда жойлашган доимий муассаса ёки доимий база билан боғлиқ бўлган ҳоллар бундан мустасно; ва компаниянинг тақсимланмаган фойдасидан тақсимланмаган фойдадан олинадиган солиқлар олинмайди, ҳатто-ки тўланаётган дивидендлар ёки тақсимланмаган фойда ана шу бошқа Давлатда тўла ёки қисман ҳосил бўлган фойда ёки даромаддан ташкил топган бўлса ҳам.

1. Аҳдлашувчи Давлатларнинг бирида ҳосил бўлган ва бошқа Аҳдлашувчи Давлатнинг резидентига тўланадиган фоизлар ана шу бошқа Давлатда ҳам солиққа тортилиши мумкин.

2. Аммо бундай фоизлар ҳосил бўлган мазкур Аҳдлашувчи Давлатда шу Давлатнинг қонунларига биноан ҳам солиққа тортилиши мумкин, аммо фоизларни олувчи бенефициар (дивидендларнинг манфаатдор эгаси) бўлса солиқнинг миқдори фоизлар умумий ҳажмининг 10 фоизидан ошмаслиги керак.

3. Ушбу модданинг 2-банди қоидаларига қарамай, Аҳдлашувчи Давлатлардан бирида ҳосил бўладиган ва бошқа Аҳдлашувчи Давлатнинг Ҳукумати ёки унинг маҳаллий ҳокимиятлари ва Марказий банки ёки ҳукумат тусидаги ҳар қандай молиявий муассасаси томонидан олинадиган ва тўлалигича ушбу ҳукуматнинг тасарруфида бўлган фоизлар биринчи эслатилган Давлатда солиққа тортишдан озод қилинади.

4. «Фоизлар» атамаси мазкур моддада қўлланилганда қарздор фойдасида қатнашишга ҳуқуқ берадиган ёки бермайдиган, ҳар қандай турдаги қарз талабларидан олинадиган даромадни ва, хусусан, Ҳукумат қимматли қоғозлари, облигациялар ёки қарз мажбуриятларидан олинадиган даромадни, шу жумладан, ушбу қимматли қоғозлар, облигациялар ёки қарз мажбуриятлари бўйича мукофотлар ва ютуқларни билдиради. Ўз вақтида тўланмаган тўловлар учун жарималар ушбу модда мақсадларида фоизлар сифатида кўриб чиқилмайди.

5. Агар фоизлар бенефициари (фоизлардан амалда манфаатдор) Аҳдлашувчи Давлатлардан бирининг резиденти бўла туриб, доимий муассасаси орқали фоизлар ҳосил бўлаётган бошқа Аҳдлашувчи Давлатда тижорат фаолияти олиб бораётган бўлса, ёки мазкур бошқа Давлатда жойлашган доимий базасидан мустақил шахсий хизматлар кўрсатган ёки кўрсатаётган бўлса ва фоизлар тўланаётган қарз талабномалари шундай доимий муассасага ёки доимий базага ҳақиқатан мансуб бўлса 1-, 2 ва 3-бандлар қоидалари қўлланилмайди. Бу ҳолда шароитга қараб 7-модда ёки 14-модда қоидалари қўлланилади.

6. Фоизларни тўловчи Аҳдлашувчи Давлатнинг Ҳукумати, ёки шу Давлатнинг маҳаллий ҳокимиятлари ёки унинг резиденти бўлса, фоизлар мазкур Давлатда ҳосил бўлган деб ҳисобланади. Лекин фоизларни тўловчи шахс, Аҳдлашувчи Давлатнинг резиденти бўлиши ёки бўлмаслигидан қатъи назар, Аҳдлашувчи Давлатда доимий муассасага, доимий базага эга бўлиб шу туфайли фоизларни тўлаш мажбурияти вужудга келган бўлса, бундай ҳолда фоизлар доимий муассаса ёки доимий база жойлашган Аҳдлашувчи Давлатда вужудга келган деб ҳисобланади.

7. Агар тўловчи ва амалда фоизлар ҳуқуқига эга бўлган шахс ўртасида, ёки улар иккаласи ва қандайдир бошқа шахс ўртасидаги алоҳида муносабатлар оқибатида қарз талабномасига нисбатан тўланаётган фоизлар миқдори тўловчи ва амалда фоизлар ҳуқуқига эга шахс ўртасида келишилган миқдордан ошиқ бўлса, бундай муносабатлар йўқ бўлган тақдирда мазкур модда қоидалари фақат охирги эслатилган миқдорга нисбатан қўлланилади. Бундай ҳолда тўловнинг ортиқча қисмидан мазкур Битимнинг бошқа қоидалари инобатга олинган ҳолда, ҳар бир Аҳдлашувчи Давлат қонунчилигига мувофиқ яна солиқ олинади.

1. Аҳдлашувчи Давлатлардан бирида ҳосил бўладиган ва бошқа Аҳдлашувчи Давлатнинг резидентига тўланадиган роялтилар ушбу бошқа Аҳдлашувчи Давлатда солиққа тортилиши мумкин.

2. Бироқ, бундай роялтилар улар ҳосил бўлган Аҳдлашувчи Давлатда ва шу Давлат қонунларига мувофиқ солиққа тортилиши мумкин, аммо бу роялтиларни олувчи даромадларнинг бенефициар эгаси (даромадга эга бўлган шахс) бўлса, шу тарзда олинадиган солиқ роялтилар ялпи миқдорининг 10 фоизидан ошиб кетмаслиги лозим.

3. «Роялти» атамаси мазкур Битимда қўлланилганда ҳар қандай адабиёт, санъат ва фан асарларини, шу жумладан, кинофильмлар ҳамда радиоэшиттириш ва телевидение ёзувлари, видеокассеталар, ҳар қандай патент, товар белгиси, чизма ёки модель, схема, махфий формула ёки жараён муаллифлик ҳуқуқидан фойдаланиш ҳуқуқидан фойдаланганлик ёки шу ҳуқуқни берганлик учун, ёки саноат, тижорат ёки илмий асбоб-ускуналардан фойдаланиш ҳуқуқидан фойдаланганлик ёки шу ҳуқуқни берганлик учун ёки саноат, тижорат ёки илмий тажрибага мансуб ахборот учун мукофот тарзида олинган ҳар қандай кўринишдаги тўловларни билдиради.

4. Аҳдлашувчи Давлатлардан бирининг резиденти бўлиб, роялтига нисбатан амалда ҳуқуққа эга бўлган шахс роялти ҳосил бўлаётган бошқа Аҳдлашувчи Давлатда у ерда жойлашган доимий муассаса орқали тижорат фаолиятини юритаётган бўлса, ёки мазкур бошқа Давлатда у ерда жойлашган доимий база орқали мустақил хизматларни амалга оширса, ёки роялти тўланаётган ҳуқуқ ёки мол-мулк амалда шундай доимий муассаса ёки доимий база билан боғлиқ бўлса 1- ва 2-бандларнинг қоидалари қўлланилмайди. Бундай холда вазиятга қараб, 7- ва 14-моддаларининг қоидалари қўлланилади.

5. Агар тўловчи Аҳдлашувчи Давлат Ҳукумати, унинг маҳаллий ҳокимияти органи ёки шу Аҳдлашувчи Давлатнинг резиденти бўлса, роялти шу Аҳдлашувчи Давлатда ҳосил бўлган, деб ҳисобланади. Бироқ, агар, роялтини тўловчи шахс Аҳдлашувчи Давлатнинг резидентими, йўқми, бундан қатъи назар, аҳдлашувчи Давлатда роялтини тўлаш мажбурияти зиммасига тушган доимий муассасага ва доимий базага эга бўлса ва бу доимий муассаса ёки доимий база тўлов харажатларини тўласа, бундай роялти доимий муассаса ёки доимий база жойлашган шу Аҳдлашувчи Давлатда ҳосил бўлган, деб ҳисобланади.

6. Агар тўловчи ва амалда роялти ҳуқуқига эга шахс ўртасидаги, ёки уларнинг иккови ва бошқа шахс ўртасидаги алоҳида муносабатлар оқибатида роялтининг фойдаланишга, ҳуқуққа ва ахборотга тааллуқли тўланган миқдори тўловчи ва амалдаги шу даромадлар ҳуқуқига эга шахс ўртасида келишилган миқдордан ошиқ бўлса, бундай муносабатлар йўқ бўлган тақдирда, мазкур модда қоидалари фақат охирги эслатилган миқдорга нисбатан қўлланилади. Бундай ҳолда тўловнинг ортиқча қисмига, мазкур Битимнинг бошқа қоидалари инобатга олинган ҳолда, ҳар бир Аҳдлашувчи Давлат қонунчилигига мувофиқ илгаридек солиқ солинади.

1. Аҳдлашувчи Давлатлардан бирининг резиденти бошқа Аҳдлашувчи Давлатда бўлган ва 6-моддада эслатиб ўтилган кўчмас мулкни бегоналаштиришдан оладиган даромадларга ўша бошқа Аҳдлашувчи Давлатда солиқ солиниши мумкин.

2. Аҳдлашувчи Давлатлардан бирининг корхонаси бошқа Аҳдлашувчи Давлатда эга бўлган доимий муассаса тадбиркорлик мулкининг бир қисмини ташкил этувчи кўчар мулкни бегоналаштиришдан оладиган ёки Аҳдлашувчи Давлатлардан бирининг резиденти бошқа Аҳдлашувчи Давлатда мустақил шахсий хизматларни амалга оширишида бемалол фойдаланиши мумкин бўлган доимий базага тааллуқли кўчар мулкни бегоналаштиришдан оладиган даромадларга, бунга шу доимий муассаса (алоҳида ёки корхона билан бирга) ёки шундай доимий базани бегоналаштиришдан олинган даромадни ҳам қўшиб, мана шу бошқа Давлатда солиқ солиниши мумкин.

3. Аҳдлашувчи Давлатлардан бирининг резиденти бўлган Аҳдлашувчи Давлат корхонаси халқаро юк ташишларда фойдаланадиган кема, самолёт ёки йўл транспорти воситаларини бегоналаштиришдан олган даромадлари ёки мана шу транспорт воситаларини ишлатишда фойдаланиладиган кўчар мулкни сотишдан оладиган даромадларига фақат ана шу Аҳдлашувчи Давлатдагина солиқ солинади.

4. Мол-мулки асосан Аҳдлашувчи Давлатда жойлашган кўчмас мулкдан тўғридан-тўғри ёки бевосита иборат бўлган компания акционерлик капитали акцияларни бегоналаштиришдан олинадиган даромадларга мана шу Аҳдлашувчи Давлатда солиқ солиниши мумкин.

5. 4-бандда эслатиб ўтилганидан бошқа бўлган ва компанияда камида 25 фоиз билан қатнашган акцияларни бегоналаштиришдан олинган даромадларга шу Аҳдлашувчи Давлатда солиқ солиниши мумкин.

6. Мазкур модданинг 1 — 5-бандларида айтиб ўтилганидан бошқа исталган мулкни бегоналаштиришдан олинадиган даромадларга мулкни сотувчи шахс резиденти бўлган мазкур Аҳдлашувчи Давлатдагина солиқ солиниши мумкин.

1. Аҳдлашувчи Давлатлардан бирининг резиденти касб хизматларини кўрсатиш ёки бошқа мустақил тусдаги фаолиятлардан олган даромадига фақат мана шу Аҳдлашувчи Давлатдагина солиқ солинади, бундай даромад бошқа Аҳдлашувчи Давлатда солиққа солиниши мумкин бўлган қуйидаги ҳолатлар бундан мустасно:

a) агар у бошқа Аҳдлашувчи Давлатда ўз фаолиятини амалга ошириш учун доимий, қулай базага эга бўлса бунда мана шу бошқа Аҳдлашувчи Давлатда, даромадининг фақат шундай доимий базага киритиладиган қисмигагина солиқ солинади.

b) агар у бошқа Аҳдлашувчи Давлатда бўлган даври кўриб чиқилаётган тақвимий йилда 183 кунга тенг ёки ундан ошадиган даврдан иборат бўлса, бу ҳолда даромаднинг ана шу бошқа Аҳдлашувчи Давлатда амалга оширилаётган фаолиятидан олинадиган қисмигагина солиқ солинади.

2. «Касб хизматлари» атамаси, жумладан мустақил илмий, адабий, артистлик, таълим ва ўқитувчилик фаолиятини, шунингдек шифокорлар, юристлар, муҳандислар, меъморлар, стоматологлар ва бухгалтерларнинг мустақил фаолиятини ўз ичига олади.

1. Мазкур Битимнинг 16-, 18-, 19 ва 20-моддалари қоидаларини ҳисобга олиб, Аҳдлашувчи Давлатлардан бирининг резиденти ёллаш бўйича оладиган маоши, иш ҳақи ва бошқа шундай тақдирлаш миқдорига фақат мана шу Аҳдлашувчи Давлатда солиқ солиниши мумкин, агар ёллаш бўйича иш бошқа Аҳдлашувчи Давлатда амалга оширилаётган бўлса. Агар ёллаш бўйича иш шу тариқа амалга оширилаётган бўлса, шу муносабат билан олинган тақдирлаш пулларига фақат ана шу бошқа Аҳдлашувчи Давлатда солиқ солинади.

2. 1-банд қоидаларига қарамай, Аҳдлашувчи Давлатлардан бирининг резиденти бошқа Аҳдлашувчи Давлатда амалга оширилаётган ёллаш бўйича ишга нисбатан оладиган тақдирлаш пулига фақат биринчи эслатилган Давлатда солиқ солинади, агар:

a) тақдирлаш пули олувчи бошқа Аҳдлашувчи Давлатда кўриб чиқилаётган тақвимий йилда жами 183 кундан ошмайдиган давр ёки даврлар мобайнида бўлса; ва

b) тақдирлаш пули бошқа Аҳдлашувчи Давлат резиденти бўлмаган ёлловчи ёки ёлловчи номидан тўланади; ва

c) тақдирлаш пули бўйича харажатларни ёлловчи бошқа Аҳдлашувчи Давлатда эга бўлган доимий муассаса ёки доимий база зиммасига олмайди.

3. Мазкур модданинг 1 ва 2-бандлари қоидаларига қарамай, Аҳдлашувчи Давлатлардан бирининг резиденти бўлган корхона халқаро юк ташишларда фойдаланадиган кема, самолёт, йўл транспорти воситаларида ёлланма иш бўйича оладиган тақдирлаш пулига фақат ана шу Аҳдлашувчи Давлатда солиқ солиниши мумкин.

Аҳдлашувчи Давлатлардан бирининг резиденти бошқа Аҳдлашувчи Давлат резиденти бўлган компания директорлари Кенгашининг аъзоси сифатида оладиган директорлар гонорарлари ва бошқа шунга ўхшаш тўловлари мазкур бошқа Аҳдлашувчи Давлатда солиққа тортилиши мумкин.

1. Мазкур Битимнинг 14 ва 15-моддалари қоидаларига қарамай, Аҳдлашувчи Давлатлардан бирининг резиденти театр, кино, радио ёки телевидение артисти ёки мусиқачи каби санъат ходими сифатида ёки спортчи сифатида бошқа Аҳдлашувчи Давлатда амалга ошираётган шахсий фаолияти туфайли оладиган даромадига шу бошқа Аҳдлашувчи Давлатда солиқ солиниши мумкин.

2. Санъат ходими ёки спортчи амалга оширган шахсий фаолиятига нисбатан даромад санъат ходими ёки спортчининг ўзига эмас, бошқа шахсга ёзилса 7-, 14 ва 15-моддалар қоидаларига қарамай, ушбу даромадга санъат ходими ёки спортчи фаолият кўрсатган ўша Аҳдлашувчи Давлатда солиқ солиниши мумкин.

3. 1 ва 2-бандларнинг қоидаларига қарамай, Аҳдлашувчи Давлатлардан бирининг резидентлари бўлган санъат ходимлари ва спортчилар бошқа Аҳдлашувчи Давлатда иккала Аҳдлашувчи Давлат ҳукуматлари ўртасидаги маданий ҳамкорлик режасига кўра амалга ошираётган фаолиятидан оладиган даромад ана шу бошқа Аҳдлашувчи Давлатда солиқдан озод қилинади.

1. Мазкур Битимнинг 19-модда 2-бандидаги қоидаларга кўра Аҳдлашувчи Давлат резидентига илгариги ёллаш бўйича иши учун товон сифатида тўланадиган пенсиялар ва бошқа шунга ўхшаш тақдирлаш пулларига фақат ана шу Аҳдлашувчи Давлатда солиқ солинади.

2. 1-банд қоидаларига қарамай, тўланаётган пенсияларга ва Аҳдлашувчи Давлатнинг Ҳукумати ёки унинг маҳаллий маъмурлари шу Аҳдлашувчи Давлатнинг ижтимоий таъминоти тизимининг жамоат фаровонлиги дастурига мувофиқ тўлайдиган бошқа шунга ўхшаш тўловларга фақат шу Аҳдлашувчи Давлатда солиқ солиниши мумкин.

1. а) Аҳдлашувчи Давлат Ҳукумати ёки унинг маҳаллий ҳокимиятлари томонидан жисмоний шахсга мана шу Давлат ҳукуматига ёки унинг маҳаллий ҳокимиятларига кўрсатган хизматлари учун тўланадиган тақдирлаш пулига, пенсия бундан мустасно, фақат мана шу Аҳдлашувчи Давлатдагина солиқ солиниши мумкин.

b) Агарда хизматлар бошқа Аҳдлашувчи Давлатда амалга оширилса ва жисмоний шахс шу Аҳдлашувчи Давлатнинг резиденти бўлса, яъни:

(i) шу Давлатнинг миллий шахси бўлса, ёки

(ii) фақатгина хизмат кўрсатиш мақсадларида шу Давлатнинг резиденти бўлмаган бўлса тақдирлаш пулларига фақат ана шу бошқа Аҳдлашувчи Давлатдагина солиқ солинади.

2. а) Аҳдлашувчи Давлат Ҳукумати ёки унинг маҳаллий ҳокимиятлари томонидан ёки фондлардан шу Аҳдлашувчи Давлат Ҳукуматига ёки унинг маҳаллий ҳокимиятларига кўрсатилган хизматлари учун жисмоний шахсга тўланган ҳар қандай пенсияга, фақат мана шу Аҳдлашувчи Давлатдагина солиқ солинади.

b) Агар жисмоний шахс шу Аҳдлашувчи Давлатнинг миллий шахси ва резиденти бўлса, бундай пенсияга фақат бошқа Аҳдлашувчи Давлатдагина солиқ солинади.

3. 15-, 16-, 17 ва 18-моддаларнинг қоидалари Аҳдлашувчи Давлат Ҳукумати ёки унинг маҳаллий ҳокимиятлари амалга оширадиган тадбиркорлик фаолиятлари муносабати билан кўрсатиладиган хизматлар учун тўланадиган тақдирлаш пуллари ва пенсияларга нисбатан қўлланилади.

1. Аҳдлашувчи Давлатлардан бирига келгунча қадар бошқа Аҳдлашувчи Давлатнинг резиденти бўлган ёки ҳозир ҳам резиденти бўлиб турган ва биринчи эслатилган Давлатда фақат ўқиш ёки маълумот олиш мақсадлардагина яшаб турган студент, практикант ёки стажёрга яшаш, маълумот олиш ёки практика ўтиш учун тўланадиган тўловларга мана шу Давлатда, агарда бундай тўловлар шу Давлат ҳудудидан ташқаридаги манбалардан олиб тўланадиган бўлса, солиқ солинмайди.

2. 1-банда эслатилган ёллаш бўйича ишлар учун мукофотлар, стипендиялар ва тақдирлаш пулларига нисбатан, 1-бандда эслатиб ўтилган студент, практикант ёки стажёр ўқиш ёки практика вақтида қўшимча равишда ўзи яшаб турган Аҳдлашувчи Давлатнинг резидентига солинадиган солиқларга нисбатан бўлганидек, солиқлардан озод қилишлар, уларни камайтиришлар ёки чегириб ташлашлардан фойдаланади.

1. Аҳдлашувчи Давлат резидентининг даромад турларига, мазкур Битимнинг олдинги моддаларида тилга олинмаган, даромадлари қаерда пайдо бўлишидан қатъи назар, фақат мана шу Аҳдлашувчи Давлатдагина солиқ солинади.

2. 1-банднинг қоидалари 6-модда 2-бандида таърифлангандек кўчмас мулкдан олинган даромад ҳисобланмайдиган даромадга нисбатан, агарда бундай даромадни олувчи Аҳдлашувчи Давлатлардан бирининг резиденти бўла туриб, Аҳдлашувчи бошқа Давлатда у ердаги доимий муассасаси орқали тадбиркорлик фаолиятини амалга оширса ёки у ерда жойлашган доимий база орқали мустақил шахсий хизматларни амалга оширса ва даромад тўланадиган ҳуқуқ ёки мулк ҳақиқатан ҳам бундай доимий муассаса ёки доимий база билан боғланган бўлса, қўлланмайди. Бу ҳолатда вазиятга қараб 7-модда ёки 14-модданинг қоидалари қўлланади.

1. Ўзбекистонда иккиёқлама солиққа солиш қуйидагича бартараф этилади:

Агар Ўзбекистон резиденти мазкур Битим қоидаларига кўра Хитойда солиқ солиниши мумкин бўлган даромад олса, Ўзбекистон Хитойда тўланган даромад солиғига тенг суммада шу резидентнинг даромад солиғидан чегиришга имкон бериши керак. Аммо, бундай чегириш даромад солиғининг чегиришга рухсат берилгунига ҳисобланган қисмидан ортиқ бўлиши мумкин эмас.

Даромаднинг бу қисми вазиятга қараб Хитойда солиқ солинадиган даромадга киритилиши мумкин.

2. Хитойда иккиёқлама солиққа солиш қуйидагига бартараф этилади:

Агар Хитой резиденти Ўзбекистондан даромад олаётган бўлса, мазкур Битимнинг қоидаларига мувофиқ Ўзбекистонда ана шу даромад учун тўланадиган солиқ суммаси ана шу резидентдан ундириладиган Хитой солиғига нисбатан кредитланган бўлиши мумкин. Бироқ кредит суммаси Хитой солиқ қонунчилигига ва қоидаларига мувофиқ ҳисобланган шу даромаддан олинадиган Хитой солиғи суммасидан ошиб кетмаслиги керак.

1. Аҳдлашувчи Давлатлардан бирининг миллий шахслари Аҳдлашувчи бошқа Давлатда бошқа Давлатнинг миллий шахсларига айни бир хил шароитларда солиниши мумкин бўлгандан ортиқ ҳар қандай солиқ ёки унга алоқадор мажбуриятларга, солиқ солишдан кўра мушкулроқ ёки унга алоқадор ҳолатларга дучор қилинмайдилар. Мазкур банд қоидалари 1-модда қоидаларига қарамай, бир ёки иккала Аҳдлашувчи Давлатнинг резидентлари бўлмаган шахсларга нисбатан ҳам қўлланилади.

2. Аҳдлашувчи Давлатлардан бирининг корхонаси Аҳдлашувчи бошқа Давлатда эга бўлган доимий муассасасига солиқ солиш ушбу Аҳдлашувчи бошқа Давлатда айнан шундай фаолиятни амалга ошираётган ана шу бошқа Давлат корхоналарига солиқ солишдан кўра ёмонроқ бўлмайди. Мазкур банд қоидалари Аҳдлашувчи Давлатлардан бирини Аҳдлашувчи бошқа Давлат резидентларига уларнинг фуқаролик мақоми ва оилавий вазиятлари асосида солиқ солиш мақсадида ўз резидентларига берадиган бирон бир хусусий имтиёзлар, озод қилишлар ва чегириб ташлашларга рухсат берадиган қоида, деб талқин қилинмаслиги керак.

3. Мазкур Битимнинг 9-моддаси, 11-моддасининг 7-банди ёки 12-моддасининг 6-банди қоидалари қўлланиладиган ҳолатларни истисно қилиб, Аҳдлашувчи Давлатлардан бирининг корхонаси бошқа Аҳдлашувчи Давлат резидентига бундай корхонанинг солиқ солинадиган фойдасини аниқлаш мақсадларида тўлайдиган фоизлар, роялтилар ва бошқа харажатлар гўёки биринчи эслатилган Давлат резидентига тўлангандаги тарзда чегириб ташланади.

4. Аҳдлашувчи Давлатлардан бирининг корхонаси капитали Аҳдлашувчи бошқа Давлатнинг бир ёки бир неча резидентларига тўлиқ ёки қисман тегишли бўлса ва улар томонидан бевосита ёки билвосита назорат қилинса, у биринчи эслатилган Давлатда Аҳдлашувчи биринчи эслатилган Давлатнинг шундай корхоналарига солинадиган ҳар қандай солиқ ёки унга алоқадор ҳолатлар, бошқа ёки солиқ солишдан кўра мушкулроқ ҳолатларга дучор қилинмайди.

5. 3-банд қоидалари солиқлардан қочиш мақсадини кўзловчи операцияларга ва аҳдлашувларга тўсқинлик қилиш учун чиқарилган Аҳдлашувчи Давлатнинг солиққа тортиш тўғрисидаги қонунларининг қоидаларига таъсир қилмайди.

1. Агарда шахс Аҳдлашувчи Давлатлардан бири ёки ҳар иккаласининг фаолияти мазкур Битимда назарда тутилганга мувофиқ келмайдиган солиқ солинишига олиб келади ёки олиб келиши мумкин деб ҳисобласа ёки агарда унинг ҳолати 24-модда 1-бандига мувофиқ келса, у мазкур Давлатларнинг ички қонунчилигида назарда тутилган ҳимоя воситаларидан қатъи назар, ўз аризасини ўзи резидент бўлган Аҳдлашувчи Давлатнинг ваколатли органига тақдим этиши мумкин. Ариза Битим қоидаларига мувофиқ, солиққа солишга олиб келадиган ҳаракатлар тўғрисида биринчи марта хабар берилган пайтдан бошлаб, уч йил мобайнида тақдим этилиши керак.

2. Ваколатли орган унинг аризасини асосли деб топса ва унинг ўзи қониқтирадиган қарорга кела олмаса, масалани мазкур Битимга мувофиқ келмайдиган солиқ солинишидан қочиш мақсадларида Аҳдлашувчи бошқа Давлатнинг ваколатли органи билан ўзаро келишиб ҳал қилишга ҳаракат қилади. Эришилган ҳар қандай аҳдлашув Аҳдлашувчи Давлатларнинг миллий қонунларида мавжуд бўлган бирон бир вақтинчалик чеклашларга қарамай, бажарилиши керак.

3. Аҳдлашувчи Давлатнинг ваколатли органлари Битимни талқин қилиш ёки қўллашда юзага келадиган ҳар қандай қийинчилик ва иккиланишларни ўзаро келишув асосида ҳал қилишга ҳаракат қиладилар. Улар ушбу Битимда кўзда тутилмаган холларда икки томонлама солиққа тортишни бартараф этиш мақсадида бир-бирлари билан маслаҳатлашиб туришлари мумкин.

4. Аҳдлашувчи Давлатларнинг ваколатли органлари олдинги бандлар маъноларини тушинишда ҳамфикирликка эришиш мақсадларида бир-бирлари билан бевосита алоқа боғлаб турадилар. Агар ҳамфикирликка эришиш мақсадга мувофиқ келса, у ҳолда Аҳдлашувчи Давлатларнинг ваколатли органлари оғзаки фикр алмашув учун учрашишлари мумкин.

1. Аҳдлашувчи Давлатларнинг ваколатли органлари мазкур Битим қоидаларини қўлланиш учун ёки мазкур Битим татбиқ этиладиган Аҳдлашувчи Давлатларнинг солиқларга тегишли ички қонунчилиги ушбу қонунчиликдан мазкур Битимга зид тушмайдиган даражада фойдаланиш, учун жумладан бундай солиқларни тўлашдан бош тортишларнинг олдини олиш учун зарур ахборотлар билан алмашиб турадилар. Ахборот алмашиш 1-модда билан чекланмайди. Аҳдлашувчи Давлат олаётган ҳар қандай ахборот, мазкур Давлатнинг ички қонунлари ҳақида олинган маълумот каби махфий ҳисобланади, ҳамда фақат аниқлаш, олиб қўйиш, мажбурий чора кўриш, суд орқали таъқиб қилиш ёки Битим татбиқ этиладиган солиқларга нисбатан аппеляцияларни кўриб чиқиш билан боғлиқ шахсларга ва органларгагина (жумладан, судлар ва маъмурий органларга) очилади. Бундай шахслар ёки органлар ахборотдан фақат шундай мақсадларда фойдаланадилар. Улар ушбу ахборотни очиқ суд мажлисида ёки юридик қарорлар қабул қилиш чоғида очишлари мумкин.

2. Ҳеч қандай ҳолатда ҳам 1-банд қоидалари Аҳдлашувчи Давлатлар зиммасига қуйидаги мажбуриятларни юкловчи қоида сифатида талқин қилинмайди:

a) у ёки бу Аҳдлашувчи Давлат қонунчилигига ёки маъмурий амалиётига зид, маъмурий чоралар ўтказиш;

b) у ёки бу Аҳдлашувчи Давлат қонунчилигига кўра ёки одатдаги маъмурий амалиётга мувофиқ олиниши мумкин бўлмаган ахборотни тақдим этиш;

c) ҳар қандай савдо, тадбиркорлик, саноат, тижорат ёки хизмат сири ёки савдо жараёнини фош этувчи ахборотни ёки очилиши давлат сиёсатига зид келувчи ахборотни тақдим этиш.

Мазкур Битимнинг ҳеч бир қоидаси дипломатик ваколатхоналар ходимлари ва консуллик муассасалари хизматчиларининг халқаро ҳуқуқнинг умумий нормалари билан ёки махсус Битим қоидаларига мувофиқ белгилаб қўйилган солиқ имтиёзларига дахл қилмайди.

Мазкур Битим у имзоланган санадан бошлаб кучга киради. Мазкур Битим у кучга кирган кундан кейин келадиган биринчи январдан ёки ундан кейин бошланадиган солиққа тортиш йилида олинадиган даромадга нисбатан амал қилади.

Мазкур Битим номуайян вақтгача ўз кучида қолади. Бироқ Аҳдлашувчи Давлатлардан ҳар бири унинг амал қилиши тўхтаганлиги тўғрисида июнь ойининг ўттизинчи кунида ёки Битим кучга кирган кундан бошлаб беш йил ўтгач, бошланадиган исталган тақвимий йилнинг шу санасигача дипломатик йўл орқали ёзма равишда хабар беради. Бундай холда ушбу Битим ўз таъсирини огоҳлантириш берилган йилдан кейинги тақвимий йилнинг 1 январидан бошлаб ёки ундан кейинги йилдан бошлаб солиқ олинадиган йилдаги даромадларга нисбатан ўз таъсирини йўқотади.

Тегишли тартибда ваколат берилган қуйидаги имзо чекувчилар шунга гувоҳлик бериб мазкур Битимни имзоладилар.

Тошкент шаҳрида 1996 йил 3 июлда икки нусхада, ўзбек, хитой ва инглиз тилларида имзоланди, барча матнлар бир хил кучга эга. Қоидаларини талқин қилишда келишмовчиликлар бўлган ҳолларда инглизча матн асос қилиб олинади.