27.07.1995 йилдаги -сон
Ушбу Битимнинг 5-моддасига асосан ўқитишга танлаб олинган номзодлар олий ўқув юртларига қабул қилаётган Томоннинг олий ўқув юртларида қабул қилиш қоидаларига мувофиқ кирадилар.
Томонлар белгиланган муддатларда ушбу битимнинг 5-моддасига мувофиқ навбатдаги ўқув йилида ўқишга киришни хоҳлаган номзодлар рўйхатларини, уларнинг бўлажак ихтисоси ва танлаган олий ўқув юртини кўрсатган ҳолда, ўзаро алмашиб турадилар.
Ушбу Битимнинг 5-моддасида кўрсатилган квоталардан ташқари Томонлар шерик мамлакат фуқароларини, уларни ўқитиш учун харажатларни тўлиқ қоплаш шарти билан, қабул қилишлари мумкин.
Жўнатаётган томон 9-моддага мувофиқ ўқитиш сарф-харажатларини тўлиқ қоплаш шарти билан қабул қилинган ўз фуқароларини ўқитилганлик учун ҳар йили қабул қилаётган олий ўқув юртининг банкдаги ҳисоб-китоб счётига ўқитиш пулининг умумий суммасини ўтказишни таъминлайди.
Ушбу Битимнинг 5-моддаси доирасида ўқишга қабул қилинган шерик мамлакат фуқароларига қабул қилувчи Томон ўз давлати фуқаролари учун тенг миқдорда стипендия тўлашни, ўз давлати фуқаролари учун белгиланган шартларда ётоқхона, ўқув аудиториялари, кутубхоналар, лабораториялар ва олий ўқув юртининг спорт-соғломлаштириш комплексларидан фойдаланиш ҳуқуқини беришни кафолатлайди.
Жўнатаётган Томон ўз давлати фуқароларига ўқиш жойига бориш ва у ердан қайтиш, жумладан, таътилга келиб-кетиш ва ушбу Битимнинг 12-моддасида кўрсатиб ўтилган муддатидан олдин ўқишдан чиқариб юборилганлиги сабабли келиши, шунингдек учинчи мамлакатга бориши учун йўл харажатларини тўлайди.